ჯვრის მონასტერი

ჯვრის მონასტერში საკონსერვაციო სამუშაოები ჩატარდება

45
(განახლებულია 08:57 13.11.2019)
ტაძრის დაზიანებული ფასადის კვლევის მერე შემდგომი აღდგენითი სამუშაოების გეგმა შემუშავდება. სამუშაოების პირველ ეტაპს საქართველოში აშშ-ის საელჩო დააფინანსებს

თბილისი, 13 ნოემბერი — Sputnik. გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი ჯვრის მონასტრის საკონსერვაციო სამუშაოების პირველ ეტაპს ჩაატარებს.

პროექტის ღირებულებაა 100 ათასი დოლარი და მას საქართველოში აშშ-ის საელჩო დააფინანსებს.

„ცენტრი სხვადასხვა პროფესიონალებისგან შემდგარი ჯგუფის დახმარებით განახორციელებს სამუშაოებს: პროექტის საკონსერვაციო ციკლის პირველი ფაზის ფარგლებში ჩატარდება ყოვლისმომცველი კვლევა ფასადის დაზიანებისა და განადგურების დონის დადგენის, კლასიფიკაციისა და შემდგომი გეგმის შემუშავების მიზნით", - აღნიშნულია საელჩოს განცხადებაში.

ძირითადი ტაძარი, რომელიც 586-605 წლებით თარიღდება, ჯვრის მონასტრის მნიშვნელოვანი და ფასეული ძეგლია. ჯვრის მონასტერი მცხეთის ისტორიული ძეგლების ნაწილს წარმოადგენს და იუნესკოს მსოფლიო მემკვიდრეობის ნუსხაშია შეტანილი.

„აშშ-ის ელჩის კულტურული მემკვიდრეობის დაცვის ფონდმა მსოფლიოს მასშტაბით 125-ზე მეტ ქვეყანაში უკვე 1000-ზე მეტი პროექტი დააფინანსა. მისი წვლილი მსოფლიო კულტურული მემკვიდრეობის დაცვაში დაახლოებით 74 მილიონ დოლარს შეადგენს. საქართველოში ფონდმა 19 პროექტი დააფინანსა, რომელთა ღირებულებაც დაახლოებით 1.5 მილიონ დოლარს შეადგენს", - ნათქვამია საელჩოს განცხადებაში.

45
თემები:
ქართული კულტურული მემკვიდრეობის ძეგლები (56)
ჯგუფი „მგზავრები“

პირველი კონცერტი კარანტინის შემდეგ: „მგზავრები“ ბათუმში წარდგებიან

216
ხანგრძლივი იძულებითი პაუზის შემდეგ ეს იქნება პირველი კონცერტი, თუმცა მუსიკოსების თქმით, კარანტინში ისინი აქტიურ რეპეტიციებს გადიოდნენ და ახალ სიმღერებს წერდნენ

თბილისი, 13 აგვისტო — Sputnik. პოპულარული ქართული ჯგუფი „მგზავრები" ბათუმში 14 აგვისტოს კონცერტს გამართავს, ნათქვამია ვებგვერდზე tkt.ge.

"მგზავრები" ვინილის ფირფიტებზე და საგაზაფხულო ტური რუსეთსა და ბელარუსში >>

ცნობილია, რომ კორონავირუსის პანდემიის გამო ჯგუფმა უცხოეთში უამრავი კონცერტი გააუქმა. გადაიდო აპრილის მასშტაბური ტური, რომელიც მუსიკოსებს რუსეთის ქალაქებში უნდა ჩაეტარებინათ.

შესაბამისად, ეს ბიჭების პირველი კონცერტია კარანტინის შემდეგ და ის ბათუმში 23:00 საათზე გაიმართება.

ჯგუფის მუსიკოსები გამოირჩევიან შესრულების ინდივიდუალური მანერით, რომელშიც ერთმანეთს ერწყმის ფოლკლორული რიტმი, მრავალხმიანობა, იმპროვიზაცია, ასევე თანამედროვე და კლასიკური ელემენტები.

ჯგუფი „მგზავრები" ვოკალისტმა გიგი დედალამაზიშვილმა 2006 წელს დააარსა. 2008 წელს გამოვიდა სადებიუტო ალბომი „მე მოვიგონე", რომელმაც საქართველოში დიდი პოპულარობა მოიპოვა. 2016 წლის თებერვალში „მგზავრებმა" რუსეთში ნომინაციაში Взлом პრემია Чартова Дюжина მოიპოვა.

„მგზავრები" აქტიურად მართავენ კონცერტებს რუსეთში, უკრაინასა და, რა თქმა უნდა, საქართველოში.

216
თემები:
საქართველო და კულტურა
მეჰენდის ხელოვნება

თბილისში ინდოეთის დამოუკიდებლობის დღეს აღნიშნავენ

243
(განახლებულია 19:22 13.08.2020)
დღესასწაულზე სტუმრებს ელოდება ინდური და ქართული ხალხური ცეკვები, სიმღერები, ასევე ტრადიციული ინდური მოხატვა ინით

თბილისი, 13 აგვისტო — Sputnik. მთაწმინდის პარკში 15 აგვისტოს ინდოეთის დამოუკიდებლობის 74-ე დღე აღინიშნება, ნათქვამია ორგანიზატორების Facebook-გვერდზე.

როგორი ამინდი იქნება თბილისში 15 აგვისტოს >>

ღონისძიებას ატარებს არასამთავრობო ორგანიზაცია „კულტურული მრავალფეროვნება მშვიდობიანი მომავლისთვის" და ინდური კულტურის ცენტრი „ლაკშმი".

„გეპატიჟებით მეგობრებო, რომ იყოთ მისი ნაწილი და დატკბეთ ღონისძიებით: ინდური ცეკვებით, სიმღერით და ასევე ქართული ხალხური ცეკვებით. სტუმრებს ექნებათ შესაძლებლობა, რომ ინდური მეჰენდით მოიხატონ ხელი, რომელსაც ინდოელი სტუდენტები გაუკეთებენ მსურველებს“, - პირდებიან ორგანიზატორები.

ინდოეთის დამოუკიდებლობის დღე ყოველწლიურად 15 აგვისტოს აღინიშნება. ინდოეთში მთავარი ცერემონიები ტარდება ნიუ-დელიში, სადაც პრემიერ-მინისტრი წითელი ფორტის თავზე ეროვნულ დროშას აღმართავს, წარმოთქვამს სიტყვას, რომლის ტრანსლაცია მთელი ქვეყნის მასშტაბით მიმდინარეობს. პრემიერი იხსენებს მთავრობის მიღწევებს განვლილი წლის განმავლობაში, აყენებს მნიშვნელოვან საკითხებს და სამომავლო გეგმებზე საუბრობს.

ინდოეთის დამოუკიდებლობის დღის აღნიშვნის მნიშვნელოვანი ნაწილია კაშკაშა მსვლელობა, რომელიც წარმოაჩენს ინდოეთის კულტურულ მრავალფეროვნებას, ქვეყნის მიღწევებს მეცნიერებასა და ტექნიკაში, ასევე მის სამხედრო შესაძლებლობებს.

243
თემები:
საქართველო და კულტურა
მეტროს სადგური „სახელმწიფო უნივერსიტეტი“

მეტროსადგურ „ტექნიკურ უნივერსიტეტში“ დაკვამლიანებაა

0
თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია

თბილისი,15 აგვისტო - Sputnik. მეტროსადგურ „ტექნიკურ უნივერსიტეტში“ დაკვამლიანების გამო მოძრაობა დროებით შეფერხებულია, იუწყება პირველი არხი.

საბურთალოს ხაზი 18:53 საათზე დროებით დაიკეტა, მეტროს პირველი ხაზი ამ დროისთვის შეფერხების გარეშე მუშაობს.

გავრცელებული ინფორმაციით,  დაკვალიანება ვესტიბიულის ტექნიკურ ოთახში მოკლე ჩართვამ გამოიწვია.

„დაშავებული არავინაა, მგზავრები ამოვიყვანეთ, მოძრაობა დროებით შეჩერებულია. ადგილზე იმყოფებიან მეხანძრე-მაშველები და მიმდინარეობს პერიმეტრის გადამოწმება“, – აცხადებენ  საგანგებო სიტუაციების მართვის სამსახურში.

თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია.

ადგილზე სასწრაფო და სახანძრო სამაშველო ბრიგადები არიან მობილიზებული.

0
თემები:
შემთხვევები საქართველოში