„ფუი ეშმაკს, გოგოებიც გაუპარსავები დადიან“ ჩვენება, რომელსაც სოციალურ ქსელში განიხილავენ

112
(განახლებულია 20:47 07.11.2019)
რამდენიმე თვის წინ დიზაინერმა ერთ-ერთ გამოცემასთან ინტერვიუში განაცხადა, რომ ცდილობს იმ თემების ირგვლივ იტრიალოს, რაც ქვეცნობიერში, ან სიზმარში ერთხელ მაინც განუცდია ადამიანს.

თბილისი, 7 ნოემბერი — Sputnik. Mercedes-Benz Fashion Week-ზე დიზაინერ ლევან შველიძის ჩვენება საზოგადოების უმრავლესობამ უარყოფითად შეაფასა. Mercedes-Benz Fashion Week TBILISI-ის ოფიციალურ “ფეისბუქის” გვერდზე გამოქვეყნებულ ჩვენების ფოტოებს სოციალური ქსელის მომხმარებლები უარყოფითად აფასებენ და ნეგატიურ კომენტარებს უწერენ დიზაინერს.

„სასაცილო იქნებოდა სატირალი რომ არ იყოს”; „რომელი ბიჭია და რომელი გოგო გასაპარსი ფეხებითაც ვერ ვარჩევ, გოგოებიც გაუპარსავები დადიან მგონი მალე გადავშენდებით. ესენი რომ ძილის წინ მენახა, ვეღარ დავიძინებდი, რას გვანან, ტფუი ეშმაკს”; „არ მეგონა მოდის კვურეულში ჰიბრიდული ჯიშის ცხოველები თუ მონაწილეობდნენ”, – წერენ სოციალური ქსელის მომხმარებლები ფოტოების კომენტარებში.

რამდენიმე თვის წინ დიზაინერმა ერთ-ერთ გამოცემასთან ინტერვიუში განაცხადა, რომ ცდილობს იმ თემების ირგვლივ იტრიალოს, რაც ქვეცნობიერში, ან სიზმარში ერთხელ მაინც განუცდია ადამიანს.

„მერსედეს ბენცის“ მოდის კვირეულზე წარმოვადგენ ახალ კოლექციას, ირონიულ პოსტმოდერნისტულ ქვიარ სამყაროს ეძღვნება, რომელშიც ხაზი იდენტობას და შინაგან ხასიათს აქვს გასმული, რაც ფიზიკურ სამყაროში ბოლომდეა მატერიალიზებული. ვცდილობ, იმ თემების ირგვლივ ვიტრიალო, რაც ქვეცნობიერში ან სიზმარში ერთხელ მაინც განუცდია ადამიანს“, – განაცხადა დიზაინერმა.

112
თემები:
სელებრითების ცხოვრება (1709)
გიორგი გიგაშვილი

ცნობილი ქართველი პიანისტი ონლაინ–კონცერტს გამართავს

36
(განახლებულია 15:43 27.05.2020)
ონლაინ სოლო–კონცერტზე, რომელიც 21:00 საათზე დაიწყება, გიორგი გიგაშვილი შუმანისა და შოპენის ნაწარმოებებს შეასრულებს.

თბილისი, 27 მაისი – Sputnik. ერთ-ერთი უნიჭიერესი ქართველი ახალგაზრდა პიანისტი გიორგი გიგაშვილი ოთხშაბათს, 27 მაისს ონლაინ–კონცერტს გამართავს.

კონცერტი ხმის ჩამწერი სტუდიის Leno Sessions პროექტის ფარგლებში გაიმართება, სადაც ქართული სცენის ვარსკვლავები მსმენელებისთვის ონლაინ–კონცერტებს მართავენ კორონავირუსის პანდემიის პერიოდში და ასე ამხნევებენ მათ.

„ქვეყანაში არსებული უსაფრთხოებასთან დაკავშირებული ყველა ნორმისა და ჯანდაცვის სამინისტროს მიერ გაცემული რეკომენდაციების დაცვით, დისტანციურად, ონლაინ სტრიმის რეჟიმში შევეცდებით თქვენს გამხნევებას“, – აღნიშნულია ორგანიზატორების მიმართვაში.

კონცერტზე, რომელიც 21:00 საათზე დაიწყება, გიორგი გიგაშვილი შუმანისა და შოპენის ნაწარმოებებს შეასრულებს.

ერთ-ერთი გამოჩენილი ქართველი პიანისტი გიორგი გიგაშვილი „ნიჭიერთა ათწლედის" კურსდამთავრებულია, გაიმარჯვა თბილისის პიანისტთა მეექვსე საერთაშორისო კონკურსში, არის ნიუ-იორკის გერშვინის სახელობის მეორე საერთაშორისო მუსიკალური კონკურსის პრიზიორი. კონცერტებს მართავს საქართველოსა და ევროპის ქვეყნებში.

ახალგაზრდა ქართველმა პიანისტმა იტალიელები მოხიბლა>>

2019 წლის ბოლოს გიგაშვილი წინანდლის პრესტიჟული პრემიის ლაურეატი გახდა „მუსიკალური ხელოვნების“ ნომინაციაში.

36
თემები:
საქართველო და კულტურა
კომიქსი

საქართველოში სვანური ლეგენდების მოტივებზე კომიქსი შექმნეს

75
(განახლებულია 20:43 26.05.2020)
კომიქსი ქართულ და ინგლისურ ენებზე შეიქმნა და გავრცელდება როგორც სოციალურ ქსელებში, ისე ბეჭდური სახით

თბილისი, 26 მაისი — Sputnik. ქართულმა სარეკლამო სააგენტომ ABK შექმნა კომიქსი ცნობილი სვანური ლეგენდის მიხედვით, რომელიც მოგვითხრობს ბეთქილზე - მამაც მონადირეზე, სვანური მითოლოგიის გმირზე და ნადირობის ქალღმერთ დალიზე.

კომიქსი, რომელიც საკომუნიკაციო კომპანია Georgia Guide Office-თვის შეიქმნა, ქართულ და ინგლისურ ენებზე შეიქმნა და გავრცელდება როგორც სოციალურ ქსელებში, ისე ბეჭდური სახით.

„ლამაზი ბუნებისა და პეიზაჟების გარდა, სვანეთში კიდევ ბევრი რამის აღმოჩენა შეიძლება. ადგილობრივებისთვის სვანური ლეგენდები ძალიან ბევრს ნიშნავს. უძველესი მითების მისტიკა დღემდე გადაჯაჭვულია სვანების ყოველდღიურ ცხოვრებასთან“, - ნათქვამია პროექტის ავტორების განცხადებაში.

ილუსტრაციებზე იმუშავა მხატვარმა დავით თომაშვილმა, ირაკლი დოლიძემ შექმნა და დაბეჭდა კომიქსები, ხოლო კოპირაიტერმა მიშკა სეხნიაშვილმა ტექსტზე იზრუნა. ბეთქილისა და დალის ისტორიის გარდა, სააგენტო კომიქსების გამოშვებას სხვა ლეგენდების მიხედვითაც გეგმავს.

75
თემები:
საქართველო და კულტურა
დაკეტილი კაფე მცხეთაში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/28 მაისი

78507
23 მაისიდან საქართველოში საგანგებო მდგომარეობა აღარ მოქმედებს, მაგრამ მთავრობამ შეზღუდვების ნაწილი ძალაში დატოვა.

თბილისი, 28 მაისი – Sputnik. საგანგებო მდგომარეობის რეჟიმის მოხსნის შემდეგ, კორონავირუსით ინფიცირებულთა რაოდენობის ზრდის თავიდან აცილების მიზნით, საქართველოს მთავრობამ შეზღუდვების და აკრძალვების ნაწილი ძალაში დატოვა. ეს შესაძლებელი გახდა პარლამენტის მიერ დამტკიცებული ცვლილებებით კანონში „საზოგადოებრივი ჯანმრთელობის შესახებ“. ახლა მთავრობას მიენიჭა უფლება შემოიღოს შეზღუდვები საგანგებო მდგომარეობის რეჟიმის მოხსნის შემდეგ.

ცვლილებები 15 ივლისამდე იმოქმედებს.

მოქმედი ძირითადი შეზღუდვების ჩამონათვალი:

  • რესტორნები, სასტუმროები, ტანსაცმლისა და ფეხსაცმლის მაღაზიები, სავაჭრო მოლები, სპორტდარბაზები ივნისის დასაწყისიდან ეტაპობრივად გაიხსნება;

  • რესტორნებს აქვთ მხოლოდ კერძების მიწოდების სერვისით მუშაობის უფლება, აგრეთვე ფეხსაცმლისა და ტანსაცმლის მაღაზიებს შეუძლიათ ონლაინ ვაჭრობა;
  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე
  • აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;

მთავრობა საქართველოს ყველა მოქალაქეს მოქმედი რეკომენდაციების დაცვისკენ მოუწოდებს.

ტრანსპორტი

  • აკრძალულია საერთაშორისო სამგზავრო სახმელეთო და საზღვაო მიმოსვლა;
  • აკრძალულია პირდაპირი საერთაშორისო რეგულარული ავიარეისები, ჩარტერულის გარდა, რომელიც ინიშნება მხოლოდ საქართველოს მოქალაქეთა დაბრუნების მიზნით;
  • აკრძალულია სარკინიგზო ტრანსპორტით მგზავრთა გადაყვანა;
  • აკრძალულია საქალაქთაშორისო და მუნიციპალიტეტების ტერიტორიაზე მგზავრთა გადაყვანა სამარშრუტო ტაქსებითა და ავტობუსებით;
  • აკრძალულია საზოგადოებრივი ტრანსპორტით, მათ შორის, მეტროპოლიტენითა და საბაგიროთი გადაადგილება.

საზოგადოებრივი ცხოვრება

  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • ყველა სახის ტრენინგი, კონფერენცია და სემინარი უნდა ჩატარდეს დისტანციურად;
  • სკოლებსა და უნივერსიტეტებში სასწავლო პროცესი კვლავ დისტანციურად განხორციელდება;
  • დასაშვებია უნივერსიტეტში პრაქტიკული/ლაბორატორიული სამუშაოებისა და გამოცდების ჩატარება არადისტანციურად, მაგრამ რეკომენდაციების შესაბამისად;
  • კულტურული ღონისძიებები მხოლოდ დისტანციური ფორმით ჩატარდება;
  • აკრძალულია მასობრივი სპორტული ღონისძიებების, შეკრებების და შეჯიბრებების ჩატარება;

ეკონომიკური საქმიანობა

  • აკრძალულია რესტორნებში, ბარებში, კაფეებსა და სასადილოებში მომხმარებლის ადგილზე კვების მომსახურება;
  • აკრძალულია ფეხსაცმლისა და ტანსაცმლის მაღაზიების მუშაობა;
  • აკრძალულია სავაჭრო ცენტრების და ბაზრობების მუშაობა, აგრარული ბაზრობების გარდა;
  • აკრძალულია სპორტული, კულტურული და გასართობი ღონისძიებების ორგანიზება და გამართვა;
  • აკრძალულია ვალუტის გადამცვლელი პუნქტების მუშაობა;
  • აკრძალულია სპორტულ-გამაჯანსაღებელი აქტივობები და პროცედურები.

ამ მომენტისათვის ინფიცირებულთა რაოდენობა 735 ადამიანს შეადგენს, აქედან 557 გამოჯანმრთელდა, 12 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს. ეპიდემიოლოგები მიიჩნევენ, რომ ჯერჯერობით აუცილებელია სოციალური დისტანციის უზრუნველყოფა და მოქალაქეთა მობილობის შეზღუდვა.

კორონავირუსით ინფიცირების ახალი შემთხვევების უმრავლესობა შიდა გადაცემას უკავშირდება.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 3076, სტაციონარებში მეთვალყურეობის ქვეშ კი 250 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე StopCoV.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
78507
თემები:
COVID-19 საქართველოში