ფრანგი მომღერალი Vendredi sur Mer

ფრანგული პოპ-მუსიკის გრაციოზული ვარსკვლავი Vendredi sur Mer თბილისში იმღერებს

78
(განახლებულია 21:41 04.11.2019)
წარმოშობით შვეიცარიელი, ოცდაოთხი წლის შარლინ მინიოს სიმღერებში მსმენელს განსაკუთრებით ხიბლავს სიყვარულზე შექმნილი ტექსტები და რეტრომელოდიები

თბილისი, 4 ნოემბერი - Sputnik. ცნობილი ფრანგი პოპ-მომღერლის Vendredi sur Mer-ის კონცერტი თბილისის მულტიფუნქციურ სივრცეში - Mono Hall-ში 7 დეკემბერს გაიმართება.

Vendredi sur Mer - სიტყვა-სიტყვით ითარგმნება, როგორც „პარასკევი ზღვაზე“. ოცდაოთხი წლის შარლინ მინიო წარმოშობით შვეიცარიიდანაა, მაგრამ ამას მისთვის ხელი არ შეუშლია, პარიზული პუბლიკის გული მოენადირებინა სიყვარულზე შექმნილი ტექსტებითა და რეტრომელოდიებით.

„Charline Mignot-m, იგივე Vendredi Sur Mer-მა მსმენელის ყურადღება 2017 წელს, პირველი მინი-ალბომით Marée Basse მიიქცია და კრიტიკოსებში პოპულარობაც მარტივად მოიპოვა. არტისტს მუსიკა ბავშვობიდანვე იზიდავდა. მისთვის ხელოვნება სამყაროს აღქმის და ემოციების გადმოცემის საუკეთესო საშუალებაა, სწორედ ეს აღაფრთოვანებს მსმენელს Charline-ის უკომპრომისო ცოცხალ შესრულებაში“, - ნათქვამია კონცერტის ანონსში.

Vendredi sur Mer შემოქმედებითი გზის დასაწყისში ფოტოგრაფიით იყო გატაცებული, რაც გულდასმით გადაღებულ კლიპებშიც იგრძნობა. მომღერალი არც მოდის მიმართაა გულგრილი. ადრე მიცემულ ინტერვიუებში მას არაერთხელ უთქვამს, რომ მოსწონს სხვადასხვა დიზაინერის ჩვენებებზე სიმღერების შესრულება. მისი ერთ-ერთი ყველაზე ხმაურიანი გამოსვლა სწორედ Sonia Rykiel-ის ჩვენებას უკავშირდება, რომელზეც მომღერალმა დღეს უკვე ჰიტად ქცეული La femme à la peau bleue შეასრულა.

2019 წელს მისი მუსიკა მხოლოდ მოდური ღონისძიებებით არ შემოიფარგლება - ბოლო ერთ წელიწადში Vendredi sur Mer-მა ანშლაგით ჩაატარა კონცერტები პარიზის პრესტიჟულ საკონცერტო დარბაზებში, 30 ნოემბერს კი ლეგენდარულ „ოლიპიაში“ იმღერებს.

თბილისში კონცერტის ორგანიზატორია Monument Events-ი - კომპანია, რომელსაც არტისტები სხვადასხვა ქვეყნიდან ჩამოჰყავს. ყველაზე ხშირად ესენი არიან მუსიკოსები, რომლებიც ელექტრონულ მუსიკას ასრულებენ. Monument Events-ის მიერ მოწვეულ შემოქმედთა შორის არიან ბელგიური ელექტროპოპ ჯგუფი Oscar and the Wolf, გერმანელი დიჯეები სტეფან ბოძინი, ჟან ბლომკვისტი, პროდიუსერი, მუსიკოსი, დიჯეი რუდ ჰაგელშტაინი და სხვები.

 

78
თემები:
საქართველო და კულტურა (829)
სოსო პავლიაშვილი

„მამებო, მიბაძეთ!“ სოსო პავლიაშვილმა ქალიშვილს გულისამაჩუყებელი პოსტი მიუძღვნა

168
(განახლებულია 21:13 02.06.2020)
სოსო პავლიაშვილმა ქალიშვილს დაბადების დღე მიულოცა – სანდრასთვის უთბილესმა მილოცვამ გულგრილი არავინ დატოვა.

თბილისი, 2 ივნისი – Sputnik. ცნობილმა მომღერალმა სოსო პავლიაშვილმა თავის ქალიშვილ სანდრას დაბადების დღე მიულოცა. გოგონა 12 წლის გახდა.

იცოდით, რომ სოსო პავლიაშვილს უსიმპათიურესი ვაჟი ჰყავს? – ფოტოები >>

მუსიკოსმა ქალიშვილს Instagram-ზე გულისამაჩუყებელი პოსტი მიუძღვნა და ოჯახური ფოტოები გამოაქვეყნა.

„დაბადების დღეს გილოცავ, ჩემო ანგელოზო, სახელად სანდრა!!! საუკეთესო ქალიშვილი!!! საუკეთესო შვილიშვილი!!! საუკეთესო და!!! საუკეთესო დაქალი!!! შენ და ყველა ჩვენს შვილს, რომლებთან ერთადაც გაატარებ ამ მშვენიერ და საოცარ ცხოვრებას, გისურვებთ მარადიულ ახალგაზრდობას, ჯანმრთელობას, მშვიდობას და სიკეთეს!!! იყავი მუდამ უფალთან და უფალი სულ შენთან იქნება!!! მიყვარხარ უსაზღვროდ!!! მადლობა იროჩკას შენს გამო!!! მადლობა ღმერთს ჩვენი ოჯახისთვის!!!“ – დაწერა მომღერალმა.

ხელმომწერებმაც არ დაიშურეს მილოცვები და იუბილარს უამრავი კომენტარი დაუტოვეს.

სოსო პავლიაშვილი – მრავალშვილიანი მამაა. პირველი ქორწინებიდან მას 31 წლის ვაჟი ლევანი ჰყავს, ხოლო ირინა პატლახმა, მეორე მეუღლემ თავის საყვარელ მამაკაცს ორი ქალიშვილი გაუჩინა – ელიზავეტა და სანდრა.

168
თემები:
საქართველო და კულტურა (829)
გიორგი ნადიბაიძე – The Voice–ის გამარჯვებული

The Voice „პირველ არხზე“ გადადის

70
(განახლებულია 21:31 01.06.2020)
კონკურსზე რეგისტრაცია უკვე დაიწყო. ის ონლაინ–რეჟიმში მიმდინარეობს. შემდეგ გაიმართება კასტინგი და დასახელდება ჟიურის შემადგენლობა.

თბილისი, 1 ივნისი – Sputnik. საზოგადოებრივი მაუწყებლის „პირველი არხი“ სასიმღერო კონკურსის The Voice ახალ სეზონს ამზადებს. რეგისტრაცია უკვე დაიწყო.

როგორც ოგანიზატორები აცხადებენ, მსურველები ჯერ უნდა დარეგისტრირდნენ ინტერნეტ-გვერდზე, ხოლო შემდეგ სახლიდან გაუსვლელად გაიარონ კასტინგი.

ჯერჯერობით უცნობია, ვინ იქნება ჟიურიში. გასულ წელს მის შემადგენლობაში შედიოდნენ ქეთა თოფურია, ანრი ჯოხაძე, ნოდიკო ტატიშვილი და ნუცა შანშიაშვილი.

The Voice ვოკალური სატელევიზიო შოუა. ის 2012 წლიდან ტელეარხ „იმედზე“ გადიოდა, ახლა კი „პირველ არხზე“ გავა.

პროგრამას ადრე „ახალი ხმა“ ერქვა. პირველი ორი სეზონის გამარჯვებული არიან სალომე ქათამაძე და მარიამ ჩაჩხიანი. პროექტი The Voice-ის ორიგინალური ფორმატის ანალოგია, რომელიც პირველად ჰოლანდიურ ТВ RTL4-ზე გამოჩნდა, როგორც The Voice of Holland.

70
თემები:
საქართველო და კულტურა (829)
რუსეთის საგარეო საქმეთა სამინისტრო

რუსეთის საგარეო უწყება:ჟურნალისტები არ უნდა გახდნენ აშშ-ის პოლიციის თავგასულობის ობიექტები

0
მედიის წარმომადგენლის მიმართ აღმაშფოთებელ და კანონსაწინააღმდეგო სისასტიკეს ადგილი ჰქონდა თეთრი სახლის კედლებთან, განაცხადეს საგარეო საქმეთა სამინისტროში

თბილისი, 3 ივნისი - Sputnik. ვაშინგტონში თეთრი სახლის კედლებთან საპროტესტო აქციის გაშუქებისას Sputnik-ის პროდიუსერის, ნიკოლ რუსელის მიმართ პოლიციის განზრახ სასტიკ მოპყრობას მოსკოვი განიხილავს როგორც არამეგობრულ ნაბიჯს აშშ-ის მხრიდან და ჟურნალისტების უსაფრთხოების უზრუნველსაყოფად საერთაშორისო ვალდებულებების აღმაშფოთებელ დარღვევას, ნათქვამია საგარეო საქმეთა სამინისტროს განცხადებაში.

ორშაბათს, 1 ივნისს, Sputnik-ის პროდიუსერი ნიკოლ რუსელი დაშავდა თეთრ სახლთან პროტესტების გაშუქებისას, მიუხედავად იმისა, რომ ჟურნალისტმა არაერთხელ გაიმეორა, რომ პრესის წარმომადგენელია და ეკეთა პრეს-ბარათი, პოლიციელებმა მას რეზინის ტყვიები ესროლეს.

„აღშფოთებული ვართ დაუსრულებელი ძალადობით, რომელსაც იყენებენ ამერიკელი სამართალდამცველები საერთაშორისო პრესის, მათ შორის რუსულის მიმართ, რომელიც აშშ-ში საპროტესტო აქციებს აშუქებს. განზრახ სასტიკ მიპყრობას, რომელიც მიმდინარე წლის 1 ივნისს განხორციელდა საინფორმაციო სააგენტო Sputnik-ის პროდიუსერის, ნიკოლ რუსელის მიმართ, ვაფასებთ როგორც არამეგობრულ ნაბიჯს აშშ-ის ხელისუფლების მხრიდან და მათი მხრიდან ჟურნალისტების უსაფრთხოების და მათი შეუფერხებელი საქმიანობის უზრუნველსაყოფად საერთაშორისო-სამართლებრივი ვალდებულებების აღმაშფოთებელ დარღვევას“, - ნათქვამია საგარეო საქმეთა სამინისტროს განცხადებაში.

„მიუხედავად იმისა, რომ კორესპონდენტმა წარადგინა პრეს-ბარათი და არაერთხელ განამარტა, რომ მედიის წარმომადგენელია, მას ესროლეს რეზინის ტყვიები, ასევე დემონსტრანტების დასაშლელად არსებული სპეციალური ხელყუმბარა. შედეგად Sputnik-ის პროდიუსერმა მიიღო მრავალრიცხოვანი ტრავმები, მათ შორის ცეცხლსასროლი ჭრილობა. თუმცა ამაზე ამერიკელი „მართლწესრიგის მსახურები“ არ შეჩერდნენ: ერთ-ერთმა პოლიციელმა ის წააქცია და ფეხებით გადათელა“, - ხაზგასმით აღნიშნეს რუსეთის საგარეო უწყებაში.

ნგრევა, არეულობა და მასობრივი პროტესტი: რა ხდება აშშ-ში – ფოტო >>

სამინისტროში აღნიშნეს, რომ „პარადოქსულია, მაგრამ ამ აღმაშფოთებელ და უკანონო სისასტიკეს მედიის წარმომადგენლის მიმართ, რომელიც ნებისმიერი დემოკრატიული საზოგადოების გარანტია, ადგილი ჰქონდა თეთრი სახლის კედლებთან, რომელიც ამერიკას როგორც დემოკრატიის ეტალონს პოზიციონირებს“.

0
თემები:
მსოფლიო დღეს