კონსერვატორიის მცირე დარბაზი

იაპონელი ფლეიტისტი იოსუკე ირიე საქართველოში კონცერტს გამართავს

66
(განახლებულია 13:06 08.10.2019)
იაპონელი მუსიკოსი არის შაკუჰაჩის – იაპონური ბამბუკის ფლეიტის ვირტუოზი შემსრულებელი.

თბილისი, 8 ოქტომბერი — Sputnik. იაპონიასა და მის საზღვრებს გარეთ ცნობილი ფლეიტისტი იოსუკე ირიე (Yosuke Irie) ქართველი მსმენელის წინაშე პირველად წარდგება უფასო კონცერტით თბილისის ვ. სარაჯიშვილის სახელობის სახელმწიფო კონსერვატორიის მცირე დარბაზში 11 ოქტომბერს, 14 ოქტომბერს კი მცხეთაში, ცენტრალურ მოედანზე.

მუსიკოსის ჩამოყვანის ინიციატორია საქართველოში იაპონიის საელჩო. კონცერტი ყველასთვის უფასოა.

 Японский флейтист Йосуке Ирие (Yosuke Irie)
იაპონელი ფლეიტისტი იოსუკე ირიე

მუსიკოსი იოსუკე ირიეს განსაკუთრებულობა როგორც შესრულების მანერასა და ოსტატობაში, ისე თავად ინსტრუმენტშია, რომელზეც ვირტუოზულად უკრავს. საქმე ისაა, რომ იგი არის შაკუჰაჩის – იაპონური ბამბუკის ფლეიტის ვირტუოზი შემსრულებელი.

მას დიდი წარმატებით აქვს გამართული კონცერტები ვატიკანში, რომის პაპის წინაშე, ვაშინგტონში, თეთრ სახლში პრეზიდენტის მიღებაზე, მსოფლიოს სხვადასხვა დიდ საკონცერტო დარბაზებში, სამეფო და სხვა მაღალი რანგის ღონისძიებებზე.

საქართველოში გამართულ ორივე კონცერტზე გაჟღერდება ირიეს როგორც საავტორო კომპოზიციები, ისე თანამედროვე და ტრადიციული იაპონური მუსიკის ცნობილი ნაწარმოებები.

66
თემები:
საქართველო და კულტურა (890)
ლიანა ისაკაძე

ფესტივალი „ღამის სერენადები“ განსაკუთრებულ ფორმატში გაიმართება

49
(განახლებულია 11:13 08.08.2020)
წელს ფესტივალი მოკრძალებულად ჩატარდება – კორონავირუსის პანდემიის გამო მასში მონაწილეობას ვერ მიიღებენ უცხოელი მუსიკოსები და ის ცარიელ დარბაზში გაიმართება

თბილისი, 8 აგვისტო – Sputnik. რიგით მეთორმეტე საერთაშორისო მუსიკალური ფესტივალი „ღამის სერენადები“ 27 აგვისტოდან 4 სექტემბრის ჩათვლით განსაკუთრებულ ფორმატში ჩატარდება.

როგორც Sputnik–საქართველოს ორგანიზატორებმა აცნობეს, ფესტივალი წელს, კორონავირუსის პანდემიის გამო, პირველად გაიმართება ონლაინ–რეჟიმში და უცხოელი მუსიკოსების გარეშე. გარემოებების მიუხედავად ორგანიზატორები გვპირდებიან, რომ საკონცერტო საღამოებზე აჟღერდება კლასიკური მუსიკის შედევრები და ასევე გაიმართება თანამედროვე ქართველი კომპოზიტორების ნაწარმოებების პრემიერები.

ფესტივალი, ტრადიციულად, 27 აგვისტოს ბათუმში ილია ჭავჭავაძის სახელობის სახელმწიფო დრამატული თეატრში გაიხსნება. ონლაინ–ტრანსლაციას აჭარის ტელევიზია უზრუნველყოფს.

კონცერტი ცნობილი ქართველი კომპოზიტორისა და პედაგოგის სულხან ცინცაძის 95 წლისთავს მიეძღვნება. საღამოში მონაწილეობას მიიღებენ მრავალი კონკურსის ლაურეატი, პიანისტი თამარ ლიჩელი და გია ყანჩელის სახელობის სიმებიანი კვარტეტი.

კონცერტები 2 და 4 სექტემბერს თბილისში გაიმართება. საღამოზე გამოვლენ ფესტივალის საბაზო ორკესტრი „საქართველოს ვირტუოზები“ ლიანა ისაკაძის ხელმძღვანელობით, პიანისტები სანდრო ნებიერიძე, ლიზა ჩხაიძე და ელენე შავერზაშვილი.

თბილისიდან ლაივ–სტრიმს Lenovo Records განახორციელებს, ასევე მიმდინარეობს მოლაპარაკებები სხვა ტელეკომპანიებთნ.

ფესტივალის პროგრამაში სამი ქართველი კომპოზიტორის ნაწარმოებების პრემიერები. ესაა სანდრო ნებიერიძის კონცერტი №2 ფორტეპიანოსა და სიმებიანი ორკესტრისთვის, გიორგი შავერზაშვილის კონცერტი №4 ფორტეპიანოსა და კამერული ორკესტრისთვის, ჯიმშერ ჩხაიძის „სენტიმენტები“კამერული ორკესტრისა და არფისთვის, რომლის პრემიერა გერმანიაში 2011 წელს გაიმართა, თუმცა საქართველოში ის პირველად აჟღერდება.

საერთაშორისო მუსიკალური ფესტივალი „ღამის სერენადები" 1982 წელს დაარსდა და ყოველ ზაფხულს ბიჭვინთაში იმართებოდა. ფესტივალი ძალიან პოპულარული იყო, თუმცა 1991 წელს არსებობა შეწყვიტა და მხოლოდ 18 წლის შემდეგ, 2009 წელს აღდგა — ამჯერად აჭარაში. ფესტივალის სამხატვრო ხელმძღვანელები არიან ლიანა და გიორგი ისაკაძეები.

49
თემები:
საქართველო და კულტურა (890)
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის

222
(განახლებულია 18:12 07.08.2020)
სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც

თბილისი, 7 აგვისტო - Sputnik.  საქართველოს პრემიერ-მინისტრ გიორგი გახარიას დავალებით,  ტურიზმის ეროვნულმა ადმინისტრაციამ ახალი პროექტი „ფოტოგრაფები საქართველოსთვის“ დაიწყო, ნათქვამია უწყების მიერ გავრცელებულ განცხადებაში

ახალი პროექტი „იმოგზაურე საქართველოსთვის“ შიდა ტურიზმის კამპანიის ნაწილია.

ტურიზმის ეროვნული ადმინისტრაციის მიერ ორგანიზებული ფოტოტურები უკვე გაიმართა აჭარაში,  ხევსურეთსა და სამეგრელოში, სადაც  გადაღებული ფოტოები უკვე გავრცელდა სხვადახვა სოციალური ქსელებითა და ავტორთა ბლოგების საშუალებით. ტურებში ფოტოგრაფებთან ერთად ჩართულები არიან გიდები და სატრანპორტო კომპანიები.

„ტურების შედეგად უკვე მომზადდა ულამაზესი ფოტომასალა, რომელიც ქვეყნის ტურიზმის პოტენციალს ასახავს და რომელსაც შიდა და საერთაშორისო კამპანიების დაგეგმვისას გამოვიყენებთ. ამ პროექტით ხელს ვუწყობთ შიდა ტურიზმის სტიმულირებას და კოვიდით დაზარალებული პროფესიების: ფოტოგრაფების, გიდების, ტურისტული სატრანსპორტო კომპანიების წარმომადგენლების დასაქმებას და მათი ცოდნის ქვეყნის სასიკეთოდ გამოყენებას". - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც.

  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
1 / 4
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„პროექტი ძალიან კარგად არის ორგანიზებული, ტრანსპორტთან ერთად გამოყოფილი იყო გიდიც, რომელმაც შეგვირჩია ადგილები, დაგვათვალიერებინა სხვადასხვა ლოკაციები. რამდენიმე საათიც არ გასულა, რაც სამეგრელოს შესახებ ფოტო ალბომი ავტვირთე სოციალურ ქსელში და უკვე რამდენიმე ათასი მოწონება და გაზიარება აქვს, რაც ძალიან მახარებს“, - აღნიშნა გიორგი შერმაზანაშვილმა.

ტურიზმის ეროვნული ადმინისტრაციის ახალი პროექტის მიზანი COVID-19-ის დროს დაზარალებული პროფესიების გაძლიერება და ერთობლივი ძალებით შიდა ტურიზმის სტიმულირებაა.

222
თემები:
ტურიზმი საქართველოში
სავსე მთვარე

მთვარის კალენდარი: 9 აგვისტო რისი გაკეთება შეიძლება და რისი არა

0
(განახლებულია 10:22 08.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

9 აგვისტო, კვირა. ამ დღეს მზე მართავს. კლებადი მთვარე ვერძის ნიშანშია.

ამ დღეს არ ივარგებს აჩქარება, მოუთმენლობა, იმპულსურობა.

კარგი დღეა აქტიურობისთვის, ორიგინალობისა და სიმტკიცის გამოჩენისთვის, მაგრამ უნდა გახსოვდეთ ტაქტი, გამოიჩინოთ დიპლომატიურობა.

მატულობს ინტერესი საწინააღმდეგო სქესის წარმომადგენლების მიმართ. შესანიშნავი დღეა სიყვარულის აღიარებისთვის. ამ დღეს დაწყებული სასიყვარულო რომანი მგზნებარედ განვითარდება.

რეკომენდებულია გუნდური მუშაობა, ფინანსური საკითხების გადაჭრა, მუშაობა, ბიზნეს–საქმიანობა, მტკივნეული საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა და ძველი კავშირების გამტკიცება, ახალი საქმეების დაწყება, აქტიური მუშაობა, ლიდერის თვისებების გამოვლენა, მშენებლობის დაწყება, ხელმძღვანელი პირების მხრიდან კონტრაქტების დადება, ახალი ფილიალების გახსნა, ახალი წესების ამოქმედება.

არარეკომენდებულია შურისა და არაკეთილმოსურნეობის გამომჟღავნება, ვინმეს ნებაზე აყოლა ან გარემოებებზე მინდობა, პასიურობა.

კარგი დღეა მოგზაურობის, მგზავრობისთვის.

თმის შეჭრა, შეღებვა: არახელსაყრელი დღეა შეჭრისთვის, მოსალოდნელია თმის დაზიანება. შეღებვა კი შეიძლება. სჯობს, ამ დღეს თმის გამაჯანსაღებელი პროცედურები ჩაიტაროთ, მათ შორის, თავის მასაჟი.

მებაღეობა: ამ დღეს აჯობებს, თუ ნიადაგს მოამზადებთ დათესვისთვის,  შეიძლება მავნებლების განადგურება, მულჩირება, ნაყოფის აღება, სამკურნალო მცენარეების მოგროვება, ბოსტნეულისა და ხილის გამოშრობა. არასასურველია დათესვა და დარგვა.

0