ბაკურიანი

ბაკურიანში ქართული ფილმების კინოფორუმი გაიმართება

86
ცნობილი კინოოსტატების ნამუშევრების გარდა, მაყურებელი ახალგაზრდა ქართველი რეჟისორების ფილმებსაც ნახავს

თბილისი, 6 ოქტომბერი — Sputnik. ბაკურიანში 10-13 ოქტომბერს გაიმართება კინოფორუმი „ნახე პირველად ბაკურიანში“, სადაც ყველა მსურველი იხილავს ახალ ქართულ ფილმებს, იუწყება ეროვნული კინოცენტრი.

ფორუმის სტუმრებს შესაძლებლობა ექნებათ პირველად ნახონ ქართული ფილმები, რომელიც ფართო აუდიტორიას ჯერ არ უნახავს. მათ შორის არის დიმიტრი მამულიას ფილმი „ბოროტმოქმედი“, რომლის მსოფლიო პრემიერა ვენეციის კინოფესტივალზე შედგა

პროგრამაში ასევე შევიდა დიმიტრი ცინცაძის ორი ახალი ნამუშევარი -  საქართველოს კანდიდატი ფილმი ოსკარზე „შინდისი“ და შანხაის კინოფესტივალის ტრიუმფატორი „ჩაისუნთქე-ამოისუნთქე“. მაყურებლები ასევე ნახავენ ახალგაზრდა ქართველი რეჟისორების უტა ბერიასა და გიგა ლიკლიკაძის ფილმების პრემიერებს. ასევე გაიმართება გიორგი მრევლიშვილის დოკუმენტური ფილმის „12 გაკვეთილის“ ჩვენება.

როგორც განცხადებაშია აღნიშნული, კინოჩვენებების გარდა, ღონისძიებაზე გაიმართება საინტერესო დისკუსიები თანამედროვე ქართული კინოწარმოებისა და ქართული კინომემკვიდრეობის თემებზე.

კინოფორუმს ეროვნული კინოცენტრი და მთის კურორტების განვითარების კომპანია ერთობლივად წარმოადგენენ. როგორც განცხადებაშია აღნიშნული, რეგიონში კინოკულტურის განვითარებასთან ერთად, ქართული კინოს ფორუმი ხელს შეუწყობს შემოდგომის სეზონზე საკურორტო ზონის გაცოცხლებას.

კინოჩვენებებზე დასწრება ნებისმიერი მსურველისთვის თავისუფალია.

86
თემები:
ქართული კინო (90)
და ჩვენ ვიცეკვეთ

ლევან აკინის სკანდალური ფილმი „და ჩვენ ვიცეკვეთ“ გერმანიას იპყრობს

51
ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.

თბილისი, 3 აგვისტო  - Sputnik.  ქართული წარმოშობის შვედი რეჟისორის ლევან აკინის მიერ არატრადიციულ სიყვარულზე გადაღებულ ფილმს „და ჩვენ ვიცეკვეთ“ გერმანიის კინოთეატრებში უჩვენებენ. 


როგორც საქართველოს კინემატოგრაფის ეროვნული ცენტრის Facebook–გვერდზეა ნათქვამი, ფილმის ჩვენება გერმანიის 53 ქალაქში შედგება.

ამ მოვლენას გერმანულმა გაზეთმა Berliner Zeitung–მა რეცენზია მიუძღვნა. სტატიის ავტორი მკითხველს საქართველოს ისტორიას აცნობს და აღნიშნავს, რომ ერთ დროს საქართველო საბჭოთა კავშირის ნაწილი იყო, მაგრამ ახლა იგი „თავისუფალი სახელმწიფოა“.

გაზეთი ასევე აღნიშნავს, რომ საქართველოს პარლამენტის მიერ 2014 წელს მიღებული ადმინისტრაციული კანონის მიუხედავად, ქვეყანაში ლესბოსელებსა და გეებს საკუთარი ორიენტაციის ღიად აღიარება თავისუფლად არ შეუძლიათ.

მასალაში ასევე აღნიშნულია, რომ როდესაც 2019 წლის ნოემბერში თბილისის ხუთ კინოთეატრში ფილმ „და ჩვენ ვიცეკვეთ“ პრემიერა იმართებოდა, მაყურებელთა დაცვის მიზნით, პოლიციის მობილიზება გახდა საჭირო.  ფილმს წინააღმდეგობა შეხვდა ქართული ნაციონალისტური ჯგუფებისგან.  ქუჩაში გამოსული აღშფოთებული ადამიანები  პროტესტს გამოთქვამდნენ, ყვიროდნენ „სირცხვილია!“. ჩვენების საწინააღმდეგო დემონსტრაციებზე 30-მდე ადამიანი დააკავეს. 

„და ჩვენ ვიცეკვეთ“ არის ფილმი, რომელმაც პრესტიჟულ კინოფესტივალებზე მრავალი ჯილდო მოიპოვა. ერთ-ერთი ბოლო ხმაურიანი აღიარება შვედეთში გამართულ კინოფესტივალზე The Guldbagge Awards სამ მთავარ ნომინაციაში გამარჯვებაა. ფილმმა მიიღო პრიზი „წლის საუკეთესო ფილმი“. მთავარი როლის შემსრულებელი ლევან გელბახიანი „საუკეთესო მსახიობის“ ტუტულით დაჯილდოვდა, ხოლო ლევან აკინმა მიიღო პრიზი „საუკეთესო სცენარისთვის“.

2019 წელს ლევან გელბახიანმა აღნიშნულ ფილმში შესრულებული მთავარი როლისთვის არაერთი ჯილდო მიიღო. აღსანიშნავია ლევან გელბახიანის წარმატება, რომელიც Europian Film Promotion-ის ვერსიით ათი საუკეთესო, ამომავალი და ყველაზე პერსპექტიული ვარსკვლავების სიაში მოხვდა.

ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.

 ფილმის ჩვენება აშშ–ის კინოთეატრებშიც შედგა.

51
თემები:
საქართველო და კულტურა
პირველი არხი

„პირველმა არხმა“ მოკლემეტრაჟიანი ფილმების კონკურსი გამოაცხადა

40
(განახლებულია 15:18 03.08.2020)
კონკურსში მონაწილეობის მსურველებმა უნდა წარადგინონ ფილმის სცენარი, სარეჟისორო ხედვა, რეჟისორის ბოლო ნამუშევარი, საწარმოო კალენდარული გეგმა და ფილმის ბიუჯეტი.

თბილისი, 3 აგვისტო – Sputnik. საქართველოს საზოგადოებრივი მაუწყებლის „პირველმა არხმა“ დაბალბიუჯეტიანი სატელევიზიო მოკლემეტრაჟიანი მხატვრული ფილმის პროექტების მიღება დაიწყო, ნათქვამია არხის ოფიციალურ ვებ-გვერდზე გავრცელებულ განცხადებაში. 

კონკურსის პირობების თანახმად, ფილმის სცენარი აგებული უნდა იყოს ქართული ან უცხოური ლიტერატურული ნაწარმოების მოტივებზე, ან წარმოადგენდეს ნაწარმოების ეკრანიზაციას. პროექტში მითითებული უნდა იყოს ლიტერატურული პირველწყაროს სათაური და ავტორის ვინაობა.

ამასთან, ფილმის ბიუჯეტი არ უნდა აღემატებოდეს 60 ათას ლარს, შესაბამისი გადასახადების ჩათვლით. პროექტი ჟანრობრივად შეზღუდული არ არის, მაგრამ, ბიუჯეტიდან გამომდინარე, არ უნდა შეიცავდნენ მასობრივ სცენებს, ძვირადღირებულ ისტორიულ კონსტრუქციებს, დიდი რაოდენობით ლოკაციებსა და მსახიობებს.

ფილმის ხანგრძლივობა უნდა იყოს არანაკლებ 26 წუთი და არაუმეტეს 52 წუთისა.

საკუთარი პროექტების წარდგენა შეუძლიათ სატელევიზიო და კინომწარმოებელ კომპანიებს.

კონკურსში მონაწილეობის მსურველებმა უნდა წარადგინონ ფილმის სცენარი, ისაუბრონ სარეჟისორო ხედვაზე, რეჟისორის ბოლო ნამუშევარზე, ასევე წარადგინონ რეჟისორისა და სცენარისტის რეზიუმე, საწარმოო კალენდარული გეგმა და ფილმის ბიუჯეტი.

დოკუმენტაციის მიღება 2020 წლის 3 აგვისტოდან 1 ნოემბრამდე პერიოდში მოხდება ელექტრონულ მისამართზე telefilm@gpb.ge.

40
თემები:
საქართველო და კულტურა
ნინი ბადურაშვილი

ნინი ბადურაშვილი ლელა წურწუმიას ქმრის მოკვლისკენ მოუწოდებს რა მოხდა მათ შორის?

0
(განახლებულია 14:11 31.07.2020)
ნინი ბადურაშვილმა სოციალურ ქსელში ლელა წურწუმიას საჯაროდ მიმართა. ნახეთ, რას სთხოვს ლელა წურწუმიას ბადურაშვილი.

ქართულ შოუბიზნესში არ არსებობს მომღერალი, რომელიც მამულაშვილი-წურწუმიას ოჯახს არ ემეგობრება. მიუხედავად ამისა, ქართული სცენის წარმატებულ შემსრულებლებს შორის ინტრიგები არ წყდება. ნინი ბადურაშვილმა ლელა წურწუმიას სოციალური ქსელით საჯაროდ მამულიჩას მოკვლის თხოვნით მიმართა.

View this post on Instagram

A post shared by Kakhi Mamulashvili.Mamulicha (@mamulicha888) on

აღნიშნული თხოვნა კი კახა მამულაშვილის დამაინტრიგებელ ქმედებას მოჰყვა. პოპ-დივას პროდიუსერმა ნინის ძველი სურათი გამოუქვეყნა. ამ ფოტოზე ბადურაშვილის სახეცვლილება კარგად ჩანს. მამულიჩამ გასაჯაროებული სურათი ასე დაასათაურა: „გახსოვდეს ლოყები შენი. ვაიმე, დედიკო, დედა. მაპატიე, ბადურ. დამედოსავით".

ნინი ბადურაშვილმა მამულიჩას ქმედება უპასუხოდ არ დატოვა. ის ჯერ ხუმრობით შემოიფარგლა, შემდეგ კი ლელა წურწუმიას ქმრის მოკვლის თხოვნით მიმართა. „გთხოვ, ფოტო კიდე სადმე გამოაქვეყნე", – მიმართა გაბრაზებულმა ბადურაშვილმა მამულიჩას.

View this post on Instagram

thanks to @itallook_tbilisi for this amazing dress 🙏💛 #tvimedi #primeshow photos by @savemoment_studio 📸

A post shared by Nini badurashvili (@ninibadurashvili) on

ლელა წურწუმია: „მე მოვკლავდი, თვითონ ხო დახატულია“. ლელა წურწუმიას ასეთ პასუხს ნინის შოკისმომგვრელი თხოვნა მოჰყვა: „მოკალი, გთხოვ“. ძველი და ახალი ფოტოებიდან ჩანს, რომ ნინი ბადურაშვილი რადიკალურად შეიცვალა. მამულიჩამ მის დიდ ლოყებზე გააკეთა აქცენტი, რამაც მსახიობი, მომღერალი და ტელეწამყვანი გააღიზიანა.

View this post on Instagram

A post shared by Nini badurashvili (@ninibadurashvili) on

როგორც ჩანს, თავად პროდიუსერმაც საგრძნობლად დაიკლო წონაში, რასაც ლელა წურწუმიას დამცინავი კომენტარიც მოჰყვა. ძველ ფოტოს ახალთან თუ შეადარებთ, კარგად ჩანს, რომ ნინი ბადურაშვილს რამდენიმე ოპერაცია აქვს გაკეთებული, მათ შორის ცხვირის პლასტიკა და ყვრიმალებისა და ტუჩის კონტურის კორექცია.

View this post on Instagram

A post shared by Nini badurashvili (@ninibadurashvili) on

ლელა და მისი პროდიუსერი და მეუღლე კახა მამულაშვილი ერთ-ერთი ყველაზე პოპულარული წყვილია. მათი ერთმანეთის გარეშე წარმოდგენა რთულია. ლელას პარალელურად მამულიჩაც გამოირჩევა სოციალურ ქსელში აქტიურობით. მის გვერდზე ხშირად ჩნდება ვარსკვლავებთან გადაღებული სახალისო ფოტო-ვიდეოები. ეს უკანასკნელი ფოტოც მამულიჩამ არქივიდან გაასაჯაროვა.

0
თემები:
სელებრითების ცხოვრება