ადრექრისტიანული ბაზილიკა

ყვარელში არქეოლოგებმა ადრექრისტიანული ბაზილიკის საიდუმლო ამოხსნეს

181
აღმოჩენილი ბაზილიკა აშენდა კიდევ უფრო ძველი IV საუკუნის ტაძრის ადგილზე, რომელიც მიწისძვრის შედეგად განადგურდა.

თბილისი, 6 ოქტომბერი — Sputnik. ქართველმა არქეოლოგებმა ადრექრისტიანულ ბაზილიკაში აღმოაჩინეს კრიპტა მე-5 საუკუნის მიწისქვეშა კატაკომბებით, რომელშიც დაკრძალულია ადგილობრივი დიდგვაროვნების ნაშთები, ნათქვამია საქართველოს ეროვნული მუზეუმის ვებგვერდზე.

ლუსკუმებში ნაპოვნი ნაშთების რადიოკარბონული ანალიზის საფუძველზე დადგინდა არამარტო დაკრძალვის ზუსტი თარიღი, არამედ ნათელი მოეფინა უძველესი სატაძრო კომპლექსის ბაზილიკის ისტორიას, რომელშიც აღმოაჩინეს კრიპტა.

როგორც აღნიშნავენ მეცნიერები, ყვარლის რაიონში მდინარე დურუჯის მარჯვენა სანაპიროზე მდებარე ბაზილიკა აგებულია IV –V საუკუნეების მიჯნაზე და განეკუთვნება ადრექრისტიანულ ტაძრებს, რომელიც რომაულ-ადრებიზანტიურ არქიტექტურულ კომპლექსებში იყო გავრცელებული.

თუმცა, ეს არ ყოფილა ბოლო აღმოჩენა, რომელიც მეცნიერებმა გააკეთეს. როგორც გაირკვა, აღმოჩენილი ბაზილიკა აგებულია კიდევ უფრო ძველი - IV საუკუნის ტაძრის ადგილას, რომელიც მიწისძვრის შედეგად დაინგრა. ახალმა ტაძარმა მთლიანად შეავსო შიდა ეზო და ის სატაძრო კომპლექსის ყველა დანარჩენ ნაგებობაზე 18 მეტრით მაღლა იყო აღმართული. მეცნიერთა თვალსაზრისით, ასეთი იყო ავტორის ჩანაფიქრი.

ხობში მაჩხომერის გორაზე ახალი არტეფაქტები აღმოაჩინეს >>

საქართველოს ეროვნული მუზეუმის არქეოლოგიური ექსპედიცია ყვარლის მუნიციპალიტეტის მდინარე დურუჯის მარჯვენა ნაპირზე აღმოჩენილი დიდი სატაძრო კომპლექსის შესწავლით 2006 წლიდან არის დაკავებული. ეს ტერიტორია ადრეული შუა საუკუნეების პერიოდს მიეკუთვნება და ძველი ანტიკური ქალაქ ნეკრესის ნაწილი იყო.

2012 წლიდან საქართველოს კულტურული მემკვიდრეობის დაცვის ეროვნულმა სააგენტომ ამ ტერიტორიაზე არქეოლოგიური და საკონსერვაციო სამუშაოების დაფინანსება საკუთარ თავზე აიღო.

181
თემები:
ქართული კულტურული მემკვიდრეობის ძეგლები (55)
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„ფოტოგრაფები საქართველოსთვის“: დაიწყო პროექტი შიდა ტურიზმის სტიმულირებისთვის

159
(განახლებულია 18:12 07.08.2020)
სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც

თბილისი, 7 აგვისტო - Sputnik.  საქართველოს პრემიერ-მინისტრ გიორგი გახარიას დავალებით,  ტურიზმის ეროვნულმა ადმინისტრაციამ ახალი პროექტი „ფოტოგრაფები საქართველოსთვის“ დაიწყო, ნათქვამია უწყების მიერ გავრცელებულ განცხადებაში

ახალი პროექტი „იმოგზაურე საქართველოსთვის“ შიდა ტურიზმის კამპანიის ნაწილია.

ტურიზმის ეროვნული ადმინისტრაციის მიერ ორგანიზებული ფოტოტურები უკვე გაიმართა აჭარაში,  ხევსურეთსა და სამეგრელოში, სადაც  გადაღებული ფოტოები უკვე გავრცელდა სხვადახვა სოციალური ქსელებითა და ავტორთა ბლოგების საშუალებით. ტურებში ფოტოგრაფებთან ერთად ჩართულები არიან გიდები და სატრანპორტო კომპანიები.

„ტურების შედეგად უკვე მომზადდა ულამაზესი ფოტომასალა, რომელიც ქვეყნის ტურიზმის პოტენციალს ასახავს და რომელსაც შიდა და საერთაშორისო კამპანიების დაგეგმვისას გამოვიყენებთ. ამ პროექტით ხელს ვუწყობთ შიდა ტურიზმის სტიმულირებას და კოვიდით დაზარალებული პროფესიების: ფოტოგრაფების, გიდების, ტურისტული სატრანსპორტო კომპანიების წარმომადგენლების დასაქმებას და მათი ცოდნის ქვეყნის სასიკეთოდ გამოყენებას". - განაცხადა ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა.

სამეგრელოში გამართულ  ტურში სხვადასხვა ფოტოგრაფებთან ერთად მონაწილეობდა ცნობილი ფოტოხელოვანი გიორგი შერმაზანაშვილიც.

  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
  • გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
    გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში
1 / 4
გიორგი შერმაზანაშვილის მიერ გადაღებული ფოტო პროექტ „ფოტოები საქართველოსთვის“ ფარგლებში

„პროექტი ძალიან კარგად არის ორგანიზებული, ტრანსპორტთან ერთად გამოყოფილი იყო გიდიც, რომელმაც შეგვირჩია ადგილები, დაგვათვალიერებინა სხვადასხვა ლოკაციები. რამდენიმე საათიც არ გასულა, რაც სამეგრელოს შესახებ ფოტო ალბომი ავტვირთე სოციალურ ქსელში და უკვე რამდენიმე ათასი მოწონება და გაზიარება აქვს, რაც ძალიან მახარებს“, - აღნიშნა გიორგი შერმაზანაშვილმა.

ტურიზმის ეროვნული ადმინისტრაციის ახალი პროექტის მიზანი COVID-19-ის დროს დაზარალებული პროფესიების გაძლიერება და ერთობლივი ძალებით შიდა ტურიზმის სტიმულირებაა.

159
თემები:
ტურიზმი საქართველოში
ქეთი მელუა

ქეთი მელუა აჭარაში ვიდეოკლიპებს იღებს

85
(განახლებულია 16:48 07.08.2020)
ქეთი მელუას აჭარაში გადაღებულ ვიდეორგოლებს, რომლებიც მერვე ალბომის ორი სიმღერისთვის იქმნება, მაყურებელი ეკრანებზე 2020 წლის შემოდგომაზე იხილავს.

თბილისი, 7 აგვისტო — Sputnik. მსოფლიოში აღიარებული ქართული წარმოშობის ბრიტანელი მომღერალი ქეთი მელუა აჭარაში კლიპებს იღებს, იუწყება საზოგადოებრივი მაუწყებლის „პირველი არხი“. 

მომღერლის ახალი სიმღერების ვიდეოგადაღებები ბათუმის ბოტანიკურ ბაღში, ბათუმის ბულვარში, სარფისა და ციხისძირის სანაპიროზე, ასევე სოფელ მერისში მიმდინარეობს.

როგორც აჭარის ტურიზმის დეპარტამენტის განცხადებაშია ნათქვამი, ეს პირველი შემთხვევაა, როცა აჭარის ბუნების მრავალფეროვნებას, მთისა და ზღვის ერთობლიობას მომღერლის მილიონობით თაყვანისმცემელი ახალი ვიდეორგოლით გაეცნობა.

აჭარის ტურიზმის დეპარტამენტი გადაღებებისთვის მიმზიდველი ტურისტული ადგილების შერჩევასა და პროექტის განხორციელებაში აქტიურადაა ჩართული.

ვიდეორგოლის რეჟისორია მარიამ სიჭინავა, ოპერატორი კი ალექს ომიაძეა. მომღერლის ჩაცმულობაზე ბათუმელი დიზაინერი თაკო მექვაბიძე ზრუნავს. 

ვიდეოგადაღებები რეგიონში დღეს მთავრდება. ქეთი მელუას აჭარაში გადაღებულ ვიდეორგოლებს, რომლებიც მერვე ალბომის ორი სიმღერისთვის იქმნება, მაყურებელი ეკრანებზე 2020 წლის შემოდგომაზე იხილავს.

ქეთი მელუა 1984 წელს საქართველოში დაიბადა. ის ერთი წლის იყო, როდესაც მისი ოჯახი ჩრდილოეთ ირლანდიაში გადავიდა საცხოვრებლად, ხოლო 14 წლისა — ინგლისში. მსოფლიო მუსიკაში მისი დებიუტი 2003 წელს გაიმართა, როდესაც გამოვიდა მისი პირველი ალბომი Call Off the Search. ხუთ თვეში ამ ალბომის 1,2 მილიონი ასლი გაიყიდა.

საქართველოს მეოთხე პრეზიდენტმა გიორგი მარგველაშვილმა ქეთი მელუა საზღვარგარეთ ქართული კულტურის პოპულარიზებაში შეტანილი წვლილისთვის, ასევე ნაყოფიერი შემოქმედებითი საქმიანობისთვის „ღირსებით ორდენით“ დააჯილდოვა. ხოლო 2018 წელს, როდესაც ქეთი თბილისში უფასო კონცერტით გამოდიოდა, მას საპატიო თბილისელის წოდება მიენიჭა.

 

85
თემები:
საქართველო და კულტურა
ვალუტის გაცვლის პუნქტი

ლარის კურსი 8 აგვისტოს

0
(განახლებულია 08:40 08.08.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

თბილისი, 8 აგვისტო — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3, 0758 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,0021 ლარით გაუფასურდა.

ლარის კურსი 8 აგვისტოს
ლარის კურსი 8 აგვისტოს
0
თემები:
ლარის კურსი დღეს