კომპოზიტორი გია ყანჩელი

ყანჩელის გარდაცვალებას მთელი მსოფლიოდან ცნობილი ადამიანები ეხმაურებიან

190
გამოჩენილი ქართველი კომპოზიტორის გარდაცვალებამ გულგრილი არავინ დატოვა

თბილისი, 2 სექტემბერი – Sputnik. დიდებული კომპოზიტორის, გია ყანჩელის გარდაცვალება უდიდესი დანაკლისია არა მხოლოდ ქართული ხელოვნებისთვის, არამედ მთელი მსოფლიო საზოგადოებრიობისთვის. კომპოზიტორს გლოვობს ყველა – გამოჩენილი კულტურული და საზოგადო მოღვაწეები, ისინი, ვინც ყანჩელს პირადად იცნობდა და ისინიც, ვინც მის მუსიკებზე გაიზარდა.

რობერტ სტურუა

„გარდაიცვალა უდიდესი ადამიანი! გია!“ – წერს Facebook-ზე ყანჩელის მეგობარი, ცნობილი ქართველი თეატრის რეჟისორი რობერტ სტურუა.

© photo: Sputnik / Dmitry Korobeynikov
კომპოზიტორი გია ყანჩელი

ნიკოლაი სვენტიცკი და ავთანდილ ვარსიმაშვილი

„ჩვენი ტკივილი და მწუხარება უსაზღვროა. წავიდა უდიდესი კომპოზიტორი, ქართველი ერის განძი, ჩვენი სამშობლოს სიამაყე, ჩვენი უფროსი მეგობარი. ჩვენ არასდროს დავივიწყებთ მის გულთბილ დამოკიდებულებას გრიბოედოვის თეატრისადმი, სპექტაკლ „ხანუმასადმი“, რომელშიც ჟღერდა მისი მუსიკა, მისი თბილი სიტყვები, რომლებითაც იგი ყოველთვის ულოცავდა ჩვენს თეატრს დღესასწაულებსა და იუბილეებს – ჩვენთვის ეს ყოველთვის იყო არა მხოლოდ დიდი სიხარული, არამედ დიდი პატივი. თავს ვერაფრით ვინუგეშებთ – დანაკარგი მეტისმეტად დიდია. გულწრფელად თანავუგრძნობთ გია ალექსანდროვიჩის ოჯახსა და მის ახლობლებს. სამუდამო ხსოვნა უზადო მაესტროს!“ – ნათქვამია თბილისის გრიბოედოვის სახელობის რუსული დრამატული თეატრის დირექტორის, ნიკოლაი სვენტიცკისა და თეატრის სამხატვრო ხელმძღვანელის ავთანდილ ვარსიმაშვილის სამძიმრის წერილში.

Грузинский композитор Гия Канчели
კომპოზიტორი გია ყანჩელი

ნანი ბრეგვაძე

„როდესაც ასეთი ადამიანები მიდიან ამ ცხოვრებიდან – ეს არა მხოლოდ საქართველოს, არამედ მთელი მსოფლიოს დანაკარგია. რადგან მისი მუსიკა მთელ მსოფლიოში ჟღერდა. საოცრად ნიჭიერი ადამიანი... იგი უაღრესად ნიჭიერი და კეთილშობილი ადამიანი იყო. ყოველთვის ეხმარებოდა ადამიანებს, რომელთაც უჭირდათ... შესანიშნავი მუსიკა. შესანიშნავი კომპოზიტორი. ბედნიერი ვარ, რომ მასთან მუშაობა მიწევდა“, – აღნიშნა ლეგენდარულმა ქართველმა მომღერალმა ნანი ბრეგვაძემ „Sputnik–საქართველოსთან“ საუბრისას.

კახა კალაძე

„მინდა, მწუხარება გამოვთქვა ქართველი კომპოზიტორის, განწყობის მუსიკის დიდოსტატის, ჩვენთვის ყველასთვის საყვარელი ადამიანის, გია ყანჩელის გარდაცვალების გამო. ძალიან სამწუხაროა. ის იყო მრავალი საერთაშორისო პრემიის ლაურეატი და მსოფლიოში აღიარებული შემოქმედი. აღიარება არის ის სიყვარული, რასაც ის ქართველი ხალხისგან იღებდა. ასევე, მთავარი აღიარება არის ის სიყვარული, რაც მისმა მუსიკამ დატოვა ადამიანებში. კიდევ ერთხელ ვუსამძიმრებ გია ყანჩელის ოჯახს, ახლობლებსა და ნათესავებს, მეგობრებს და ქართულ საზოგადოებას“, - განაცხადა თბილისის მერმა ქალაქის მთავრობის სხდომაზე.

Композитор Гия Канчели
© photo: Sputnik / Khenkin
კომპოზიტორი გია ყანჩელი

ანიტა რაჭველიშვილი

„მშვიდად განისვენეთ. თქვენ ყოველთვის ჩვენს გულებში დარჩებით“, – წერს ცნობილი მეცო–სოპრანო ანიტა რაჭველიშვილი.

ნინო ქათამაძე

„სამუდამო“ – ასე მოკლედ და ლაკონიურად გამოეხმაურა მომღერალი ნინო ქათამაძე ყანჩელის გარდაცვალებას.

ლანა ღოღობერიძე

„ჩვენ მთელი ცხოვრება გვერდიგვერდ გავატარეთ. ერთად ვმუშაობდით, დაწყებული ჩემი ფილმით „როცა აყვავდა ნუში“. ეს მუსიკა საქართველოში საკულტო გახდა. იგი ისე ღრმად, სერიოზულად გრძნობდა გამოსახულებას, როგორც არცერთი სხვა კომპოზიტორი. ის უღრმავდებოდა შინაარსს, კომპოზიციას, ფილმის რიტმს და ასე წერდა. იყო ნამდვილი სიმფონისტი და გარდა ამისა, იყო ნამდვილი კინოკომპოზიტორი. ეს არის უდიდესი დანაკლისი არა მხოლოდ ჩვენთვის, არამედ მთელი მსოფლიო კულტურისთვის“, – აღნიშნა „Sputnik–საქართველოსთან“ საუბრისას კინორეჟისორმა ლანა ღოღობერიძემ.

Композитор Гия Канчели
კომპოზიტორი გია ყანჩელი

ნინო სურგულაძე

„მშვიდობით დიდო მაესტრო!!! მადლობა ყველაფრისთვის! პატივი იყო თქვენთან როგორც შემოქმედებითი ასევე უბრალოდ, ურთიერთობა!!! ღმერთმა გაანათლოს თქვენი უკვდავი სული!“ - წერს ქართველი მეცო–სოპრანო ნინო სურგულაძე.

ნიკა წულუკიძე

„ყვითელი ფოთლები - სიჩუმეს გავს“. იგი წავიდა, მაგრამ  არასდროს არ გაჩუმდება მისი მუსიკა“, – წერს ტელეწამყვანი და თეატრის კრიტიკოსი ნიკოლოზ წულუკიძე, რომელმაც მაესტროსთან ერთ–ერთი ბოლო ინტერვიუ ჩაწერა.

მირიან ხუხუნაიშვილი

„ყანჩელს მიაჩნდა, რომ მთელი ცხოვრება ერთ დიდ ნაწარმოებს წერდა. და დღეს ეს ნაწარმოები „სიჩუმეში გადავიდა“... მშვიდად განისვენეთ, მაესტრო“, – წერს ახალგაზრდა ქართველი დირიჟორი მირიან ხუხუნაიშვილი.

Гия Канчели
© photo: Sputnik / Asayur Yesayants
კომპოზიტორი გია ყანჩელი

თინა კანდელაკი

„... ჩემთვის ეს დიდი პირადი დანაკლისია. მე ხშირად ვიყავი მათ სახლში, რადგან გიას ვაჟი მამზადებდა ქართულში და გამიმართლა, მათ სახლში მისვლა რომ მიწევდა, სადაც ამ უაღრესად ინტელიგენტური, მოკრძალებული და ლამაზი ოჯახის ყოველი წევრი დიდებული ადამიანი იყო. ყანჩელის მუსიკას იცნობს მილიონობით ადამიანი მთელ მსოფლიოში. გიორგი დანელიასთან ერთად მათ შექმნეს გენიალური ქართული ფილმები – „არ დაიდარდო“ და „მიმინო“, არაჩვეულებრივი ანტიუტოპია „ქინძაძა“... მე ამ ფილმებზე გავიზარდე... მშვიდობით, გია ალექსანდროვიჩ. თქვენ წახვედით, მაგრამ თქვენი მუსიკა არასდროს დასრულდება“, – წერს ტელეწამყვანი თინა კანდელაკი.

Кинорежиссер Георгий Данелия
© photo: Sputnik / Vladimir Fedorenko
კინორეჟისორი გიორგი დანელია

გია დანელიას ქვრივი

„ყანჩელი და დანელია ყველაზე ახლო მეგობრები იყვნენ. ისინი შეწყობილად მუშაობდნენ, ძალიან ბევრს. ეს იყო დიდი კომპოზიტორი. მსოფლიოში ერთ–ერთი წამყვანი კომპოზიტორი–სიმფონისტი“, – იგონებს გალინა იურკოვა–დანელია.

გოჩა აბულაძე

„მთელი ჩემი ბავშვობა ვუსმენდი მის მუსიკას. ვერ ვხვდებოდი და ვერც წარმომედგინა, რომ ამ სილამაზის შემქმნელი ადამიანია. ჩემთვის ღმერთივით იყო მისი მუსიკა. გრძნობ, გიყვარს, ესაუბრები, გულით ატარებ, მაგრამ არ ჩანს არსად. მერე გავიზარდე და ერთ ჩემთვის ძალიან ბედნიერ დღეს ბერლინში სრულიად შემთხვევით გავიცანი ის ღმერთკაცი, ვისი მუსიკითაც ვსაზრდოობდი მთელი ცხოვრება. თვალებს ვერ ვუჯერებდი, როცა ვხედავდი მის უბრალოებას, მის თავმდაბლობას, ბავშვივით სიკეთეს ... მერე ისე გამათამამა მისმა ადამიანურობამ ვუმღერე კიდევაც ... შეუძლებელია სიტყვებით გადმოვცე ის ემოცია თუ რას ვგრძნობდი, როცა გია მისმენდა ... მერე გულში ჩამიკრა... ბედნიერი ვარ, რომ გავიცანი ის უხილავი ღმერთკაცი, რომელიც მთელ ჩემს ცხოვრებას ალამაზებდა მისი ჯადოსნური და ღვთიური მუსიკით!“ – ყვება ოპერის მომღერალი გოჩა აბულაძე.

Композитор Гия Канчели
© photo: Sputnik / Vladimir Vyatkin
კომპოზიტორი გია ყანჩელი

პაატა ბურჭულაძე

„მსოფლიო მნიშვნელობის კომპოზიტორი და პიროვნება... ბედნიერი ვარ, რომ მისი ნაწარმოებების შესრულების პატივი მხვდა წილად. გია ყანჩელმა შექმნა საკუთარი სტილი და ხელწერა მსოფლიო სიმფონიურ მუსიკაში, განუმეორებელი იყო მისი კინოსა და თეატრისთვის შექმნილი მელოდიები. ყველაზე მთავარი კი ის გახლდათ, რომ გია ყანჩელი იყო დიდი პიროვნება და უკომპრომისო ყოველგვარი უსამართლობის წინაშე. „სიჩუმის მაესტრო" მთელმა სამყარომ დაკარგა, ნათელი მის ხსოვნას... ვუსამძიმრებ მის ოჯახსა და მთელ ქვეყანას“, – წერს ოპერის მომღერალი პაატა ბურჭულაძე.

თამარ ივერი

„ქართული კულტურის ძალიან დიდი დანაკლისი. წავიდა დიდი ხელოვანი...დიდი ადამიანი...დიდი მოღვაწე“, – წერს ოპერის მომღერალი თამარ ივერი.

© photo: Sputnik / Khenkin
კომპოზიტორი გია ყანჩელი

აშშ-ის საელჩო საქართველოში

„დღეს მსოფლიომ ლეგენდარული კომპოზიტორი, გია ყანჩელი დაკარგა. მისი მუსიკა კვეთდა დროისა და კულტურის საზღვრებს და ის სამუდამოდ გააგრძელებს ცხოვრებას. დღეს, როგორც არასდროს, ყვითელი ფოთლები სიჩუმეს ჰგავს“, – ნათქვამია აშშ–ის საელჩოს განცხადებაში.

სომხეთის საელჩო საქართველოში

„სომხეთის რესპუბლიკის საელჩო საქართველოში ღრმა მწუხარებას გამოთქვავს ცნობილი ქართველი კომპოზიტორის, სსრკ სახალხო არტისტის და სომეხი ერისა და სომხეთის დიდი მეგობრის გია ყანჩელის გარდაცვალების გამო, უსამძიმრებს კომპოზიტორის ნათესავებს, ახლობლებს და მოძმე ქართველ ერს“, – ნათქვამია სომხეთის საელჩოს სამძიმრის წერილში.

190
თემები:
საქართველო და კულტურა (936)
ლარა იანი

Miss Office და 25 ათასი დოლარი: ვინ არის ულამაზესი ლარა იანი

45
(განახლებულია 10:21 27.09.2020)
გოგონა სამოდელო კარიერის გამოცდილებით გვირგვინისთვის და ფულადი პრიზისთვის იბრძოლებს. მისი კონკურენტები იქნებიან გოგონები რუსეთიდან, ჩინეთიდან, აშშ-დან, დიდი ბრიტანეთიდან, ესპანეთიდან, საბერძნეთიდან, შვედეთიდან და სხვა ქვეყნებიდან.

თბილისი, 27 სექტემბერი – Sputnik. „ვიცე მის საქართველო - 2017“ ლარა იანი გახდა ნახევარფინალისტი სილამაზის საერთაშორისო კონკურსში „მის ოფისი - 2020“, რომლის მთავარი პრიზი საკმაოდ სოლიდური თანხაა - 25 ათასი დოლარი.

Лара Ян в городе Мцхета
ლარა იანი მცხეთაში

„მის ოფისი“ - ყოველწლიური სილამაზის კონკურსია, რომელშიც ოფისის თანამშრომლები მონაწილეობენ. ის 2010 წელს დაწესდა და მისი მთავარი მიზანია - წარმატებული საქმიანი ქალის იმიჯის პოპულარიზაცია.

ინტერნეტ-კენჭისყრა კონკურსის ვებგვერდზე 15 ოქტომბრამდე გაგრძელდება. 113 ნახევარფინალისტიდან ფინალური შოუს 30 მონაწილეს შეარჩევენ.

„ეს ლამაზმანები მოიპოვებენ შესაძლებლობას წარადგინონ საკუთარი ქალაქი ან ქვეყანა და მთავარი პრიზის სახით მოიგონ 25 ათასი დოლარი, მდიდრული გვირგვინი (რომელოც მუდმივ „მფლობელობაში“ გადაეცემა) და შესაძლებლობა გახდე გენერალური სპონსორის, კომპანია „კომუსის“ სარეკლამო სახე“, - ნათქვამია ორგანიზატორთა განცხადებაში.

Грузинская красавица Лара Ян позирует фотографу
ლარა იანი

ლარა იანი - თბილისში კომპანია 1 Beauty bar-ის შეფია. ლარა რამდენიმე ხნის განმავლობაში ცხოვრობდა რუსეთში, ქალაქ ჩებოქსარიში, შემდეგ კი სამშობლოში დაბრუნდა. გოგონას დევიზია: „არ დაგავიწყდეს დაიძინო ოცნებით და გაიღვიძო მიზნით“.

Лара Ян
ლარა იანი

ქართველი ლამაზმანის კონკურენტები იქნებიან გოგონები რუსეთიდან, ჩინეთიდან, აშშ-დან, დიდი ბრიტანეთიდან, ესპანეთიდან, საბერძნეთიდან, შვედეთიდან და სხვა ქვეყნებიდან.

Лара Ян на ипподроме
ლარა იანი იპოდრომზე
მსურველებმა გოგონას უნდა დაუჭირონ მხარი და ხმა ვებგვერდზე მისცენ. წესების მიხედვით, ხმის მიცემა შესაძლებელია 24 საათში ერთხელ, თუმცა ნახევარფინალის სამი მონაწილისათვის. ამ ეტაპის შემდეგ დარჩება სულ 30 მონაწილე: 25 - ონლაინ-კენჭისყრის შედეგების მიხედვით და 5 - საორგანიზაციო კომიტეტის გადაწყვეტილებით.
Лара Ян позирует фотографу
ლარა იანი

შერჩევის შემდეგ საოფისე თანამშრომლები მონაწილეობას მიიღებენ „მის ოფისი - 2020“-ის საფინალო შოუში, რომელიც მოსკოვში 21 ნოემბერს გაიმართება.

ორგანიზატორები და კონკურსის პარტნიორები კონკურსის ყველა მონაწილეს პირდებიან სხვადასხვა პრიზებს: მოგზაურობებს, საიუველირო სამკაულებს, გაჯეტებს, კოსმეტიკურ ნაკრებებს, SPA-პროგრამებს, ფიტნეს-აბონემენტებს და სხვ.

45
თემები:
საქართველო და კულტურა (936)
რეტრო კინოკამერა

დეა კულუმბეგაშვილის ფილმმა „დასაწყისი“ სან-სებასტიანში მთავარი ჯილდო მოიპოვა

37
(განახლებულია 11:12 27.09.2020)
ფესტივალზე საუკეთესო რეჟისორის და საუკეთესო მსახიობი ქალის ნომინაციებში დეა კულუმბეგაშვილსა და ია სუხიტაშვილს ასევე მთავარი პრიზები - „ვერცხლის ნიჟარები“ გადაეცათ

თბილისი, 27 სექტემბერი — Sputnik. დეა კულუმბეგაშვილის ფილმი „დასაწყისი“ სან-სებასტიანის საერთაშორისო კინოფესტივალზე მთავარი ჯილდოს - „ოქროს ნიჟარის“ მფლობელი გახდა, იუწყება საქართველოს ეროვნული კინოცენტრი.

გარდა ამისა, ფილმმა მოიპოვა სამი მთავარი ჯილდო:

  • დეა კულუმბეგაშვილი - საუკეთესო რეჟისორი (ვერცხლის ნიჟარა);
  • ია სუხიტაშვილი - საუკეთესო მსახიობი ქალი (ვერცხლის ნიჟარა);
  • დეა კულუმბეგაშვილი და რატი ონელი - საუკეთესო სცენარი (ჟიურის სპეციალური პრიზი).

რაზეა ფილმი „დასაწყისი“

ფილმი „დასაწყისი“ საქართველოსა და საფრანგეთის ერთობლივი ნამუშევარია. მოგვითხრობს იეღოვას მოწმეების ჯგუფის ისტორიას, რომელიც მიყრუებულ პროვინციულ ქალაქში ექსტრემისტული დაჯგუფების მხრიდან თავდასხმების მსხვერპლი ხდება. 

იანა იეღოვას მოწმის ცოლია. მისთვის ნაცნობი სამყარო ამ კონფლიქტის პარალელურად ნგრევას იწყებს. იანას შინაგანი უკმაყოფილება იზრდება, როდესაც ის საკუთარი სურვილების ანალიზს იწყებს.

ფილმში როლებს ასრულებენ ია სუხიტაშვილი, კახა კინწურაშვილი და ლაშა ონელი. ფილმი გადაღებულია კინოცენტრის მხარდაჭერით ლაგოდეხში, რეჟისორის მშობლიურ მხარეში.

2014 წელს რეჟისორის სადებიუტო ნამუშევარი „უხილავი სივრცეები“ მოკლემეტრაჟიანი ფილმების საკონკურსო პროგრამაში იყო წარმოდგენილი, 2016 წელს დეა კულუმბეგაშვილის სხვა მოკლემეტრაჟიანი ფილმი „ლეტა“ რეჟისორის კვირეულის სექციაში აჩვენეს.

37
თემები:
ქართული კინო
პოლიციის ლენტი

თბილისში ახალგაზრდა მამაკაცი დაჭრეს

0
გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

თბილისი, 27 სექტემბერი – Sputnik. ნაძალადევის რაიონში, დადიანის ქუჩაზე ახალგაზრდა მამაკაცი ცივი იარაღით დაჭრეს, იუწყება საზოგადოებრივი მაუწყებლის პირველი არხი.

შემთხვევა დღეს მოხდა. დაშავებულის მდგომარეობა სტაბილურია. ამ ეტაპზე ფაქტზე ჯერჯერობით არავინ არ დაუკავებიათ. ადგილზე ექსპერტ-კრიმინალისტები მუშაობენ.

გავრცელებული ინფორმაციით, მამაკაცი ირანის მოქალაქეა და დადიანის ქუჩაზე ქირით ცხოვრობდა. მისი დაჭრა კი ადგილობრივებთან სიტყვიერი კონფლიქტის შედეგად მოხდა.

გამოძიება დაწყებულია სსკ-ის 120-ე მუხლით, რაც ჯანმრთელობის განზრახ მსუბუქ დაზიანებას გულისხმობს და სამ წლამდე ვადით თავისუფლების აღკვეთას ითვალისწინებს.

0
თემები:
კრიმინალი საქართველოში