„და ჩვენ ვიცეკვეთ“ ფილმის მსახიობები

„და ჩვენ ვიცეკვეთ“ ევროპის საუნივერსიტეტო ფილმის ჯილდოზეა ნომინირებული

230
(განახლებულია 20:14 01.10.2019)
ფილმის პრემიერა წელს კანის ფესტივალზე გაიმართა. ფილმი კინოფესტივალის Director’s Fortnight-ში, ანუ 25 ფილმში მოხვდა და კანის კინოფესტივალის 10 საუკეთესო ფილმს შორის მეშვიდე ადგილზე გავიდა.

თბილისი, 1 ოქტომბერი – Sputnik. ქართულ-შვედური ფილმი სახელწოდებით „და ჩვენ ვიცეკვეთ“ ნომინირებულია ევროპის საუნივერსიტეტო ფილმის ჯილდოზე, ნათქვამია ორგანიზაციის „ტვიტერის“ ოფიციალურ გვერდზე.

„ევროპის საუნივერსიტეტო ფილმის ჯილდოზე“ ლევან აკინის ნამუშევარი სხვა ოთხ ფილმთან ერთადაა წარდგენილი. მისი კონკურენტები არიან:

ღმერთი არსებობს, მისი სახელია პეტუნია (GOD EXISTS, HER NAME IS PETRUNIJA); პირანიები (PIRANHAS); PORTRAIT OF A LADY ON FIRE; SYSTEM CRASHER.

ნომინირებულ ფილმებს 25 ქვეყანაში 25 უნივერსიტეტი განიხილავს და ხუთიდან ერთ ფილმს შეარჩევს. საბოლოოდ გამარჯვებული 5 დეკემბერს გამოცხადდება, დაჯილდოების ცერემონია კი 7 დეკემბერს ევროპის ფილმების 32-ე დაჯილდოებაზე გაიმართება ბერლინში.

ფილმის პრემიერა წელს კანის ფესტივალზე გაიმართა. ფილმი კინოფესტივალის Director’s Fortnight-ში, ანუ 25 ფილმში მოხვდა და კანის კინოფესტივალის 10 საუკეთესო ფილმს შორის მეშვიდე ადგილზე გავიდა. ლევან აკინის დრამამ ისეთ ფილმებს და რეჟისორებს გაუსწრო, როგორიცაა კვენტინ ტარანტინო, დექსტერ ფლეტჩერი და სხვები. ამერიკულმა ჟურნალმა W-მ 2019 წლის კანის კინოფესტივალის 15 ვარსკვლავი დაასახელა, რომელთა შორის ქართველი მსახიობი ლევან გელბახიანიც მოხვდა.

გეი სიყვარულზე გადაღებული ფილმის მსახიობები ქორწინდებიან – ხელის თხოვნის ვიდეო >>>

ივლისში ლევან აკინის ფილმი ოდესის კინოფესტივალის გამარჯვებული გახდა, ფილმის მთავარი როლის შემსრულებელი ლევან გელბახიანი კი საუკეთესო მსახიობად დასახელდა.

კინოფილმი „და ჩვენ ვიცეკვეთ" (And Then We Danced) ქართული კომპანია Takes Film-ისა და შვედური კომპანია French Quarter Film-ის კოპროდუქციაა. ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება. ლევან გელბახიანთან ერთად ფილმში თამაშობენ ანა ჯავახიშვილი და ბაჩი ვალიშვილი.

მთავარი როლის შემსრულებელი ლევან გელბახიანი 2019 წლის კანის ფესტივალის „გამაოგნებლად ნიჭიერთა" ნუსხაში შეიყვანეს ისეთი მსახიობების გვერდით, როგორებიც არიან ანტონიო ბანდერასი, უილიამ დეფო, რობერტ პატინსონი.

ოდესის კინოფესტივალი პირველად 2010 წელს გაიმართა. პირველი ორი წელი ფორუმი უფრო ორიენტირებული იყო როგორც განსაკუთრებული იუმორის გრძნობის მქონე ფილმების ფესტივალი, 2012 წლიდან ფესტივალი გაფართოვდა და არტ-მეინსტრიმის ფესტივალად იქცა.

სხვადასხვა წლებში ოდესის ფესტივალის გამარჯვებული ფილმები იყო რეჟისორ ლევან კოღუაშვილის ფილმი „ბრმა პაემნები", ელენა ფეტისოვასა და სერჟ ავედიკიანის ფილმი „ფარაჯანოვი", ნანა ექვთიმიშვილისა და სიმონ გროსის „ჩემი ბედნიერი ოჯახი“ და სხვ.

230
თემები:
საქართველო და კულტურა (826)
ბავშვები კომპიუტერთან

საქართველოში ონლაინ–რეჟიმში ხორციელდება პროექტი „კინო სკოლაში“

57
(განახლებულია 21:49 29.05.2020)
პროექტის ფარგლებში ახალგაზრდობას საშუალება ეძლევა გაეცნოს მსოფლიო კინოს, კინოინდუსტრიის შიდა სამზარეულოს და, ამასთან, პირველი ნაბიჯები გადადგას კინემატოგრაფიაში.

თბილისი, 29 მაისი — Sputnik. კორონავირუსის პანდემიის გამო საქართველოს კინემატოგრაფიის ეროვნული ცენტრის პროექტი „კინო სკოლაში“ 2020 წლის გაზაფხულის სეზონს განსხვავებული ფორმატით, ონლაინ–პლატფორმის გამოყენებით ატარებს, ნათქვამია კინოცენტრის ვებ-გვერდზე.

საგანმანათლებლო ონლაინ–პლატფორმა ევროკავშირის პროგრამა „შემოქმედებითი ევროპის“ მხარდაჭერით შეიქმნა.

როგორც განცხადებაშია აღნიშნული, საქართველოს გარდა, პროექტში „კინოს კუთხე“ (THE FILM CORNER) მონაწილეობენ იტალია, დიდი ბრიტანეთი, ჩრდილოეთ ირლანდია, სერბეთი და სლოვენია. ეს არის საერთაშორისო კინო-საგანმანათლებლო რესურსი, რომლის მიზანია კინოსპეციფიკის სწავლება ონლაინ–ფორმატში. 

„ამ დროისთვის პროექტში ჩართულია 17 კინომისიონერი, 40 სკოლა მთელი საქართველოს მასშტაბით და 285 კინოსკოლელი. სასწავლო რესურსი განკუთვნილია 13-19 წლის მოზარდებისთვის და აერთიანებს რამდენიმე თემას: კადრის შექმნა, გამოსახულების გაჭრა, კადრს მიღმა მოქმედება, მონტაჟი, პარალელური მოქმედება, ხმა, პერსონაჟის შექმნა და ა.შ.“ – ნათქვამია განცხადებაში.

მოსწავლეებს სწორედ კინომისიონერების დახმარებით ეძლევათ შესაძლებლობა, გადავიდნენ პრაქტიკულ სამუშაოებზე და ონლაინ–რეჟიმში შეასრულონ კონკრეტული დავალებები, რაც სასწავლო პროცესს უფრო ეფექტურს ხდის, აღნიშნავენ კინოცენტრში.

ამჟამად საერთაშორისო ექსპერტების მონაწილეობით მიმდინარეობს მუშაობა ორ თემატურ აპლიკაციაზე – პროპაგანდა კინოში და კინოს საშუალებით ხელოვნების სწავლება. აპლიკაციები ქართულ ენაზე ხელმისაწვდომი იქნება მომავალი წლიდან.

ეროვნული კინოცენტრის პროექტი „კინო სკოლაში“ 2014 წლიდან წარმატებით მიმდინარეობს საქართველოს განათლების, მეცნიერების, კულტურისა და სპორტის სამინისტროს მხარდაჭერით.

 

57
თემები:
საქართველო და კულტურა (826)
მსახიობი ზურა ყიფშიძე

ზურა ყიფშიძე რუსულ სერიალში გადაიღეს

89
(განახლებულია 15:41 29.05.2020)
ლეგენდარულ მსახიობს მალე მაყურებელი რუსულ სერიალში იხილავს, რომლის პრემიერაც 1 ივნისს შედგება. ყიფშიძე სერიალში კრიმინალური ავტორიტეტის როლს ასრულებს.

თბილისი, 29 მაისი – Sputnik. ცნობილი ქართველი თეატრისა და კინოს მსახიობი ზურაბ ყიფშიძე რუსულ სერიალში „მშვიდობა! მეგობრობა! საღეჭი რეზინა!“ გადაიღეს, რომელიც TNT არხზე გავა.

სერიალის რეჟისორია ილია აქსიონოვი. მოქმედება პროვინციულ ქალაქში ხდება 90-იან წლებში.

ზურაბ ყიფშიძე ადგილობრივი კრიმინალური ავტორიტეტის ასლანის როლს ასრულებს.

ლეგენდარული მსახიობი 66 წლისაა. 1970–1971 წწ. სწავლობდა თბილისის შოთა რუსთაველის სახელობის თეატრალურ ინსტიტუტში, შემდეგ გადავიდა მოსკოვში და 1976 წელს დაამთავრა საკავშირო კინემატოგრაფიის ინსტიტუტი (გერასიმოვასა და მაკაროვის სახელოსნო).

1976 წლიდან არის კინომსახიობთა თეატრისა და კინოსტუდია „ქართული ფილმის“ მსახიობი. მონაწილეობდა 50-ზე მეტ ფილმში, მათ შორის: „როცა აყვავდა ნუში“, „სურამის ციხე“, „ბრავო, ალბერ ლოლიშ!“, „ნეილონის ნაძვის ხე“, „დონ კიხოტი“, „მარტოხელა მონადირე“, „წუთისოფელი“, „ამბავი სურამის ციხისა“ და სხვ.

აგრეთვე სპექტაკლებში: „შუშანიკის წამება“, „ჩვენი პატარა ქალაქი“, „მამა“, „ზაფხულის ღამის სიზმარი“ და სხვ. მიღებული აქვს რუსეთის კინოაკადემიის მთავარი პრიზი Ника, მამაკაცის მეორეხარისხოვანი როლის საუკეთესო შესრულებისთვის (1997), რუსთავის თატრალური ფესტივალის გრან-პრი.

89
თემები:
სელებრითების ცხოვრება
გაფოთლილი ხეები

31 მაისს დაბადებულები ზოდიაქო, დახასიათება, რჩევები

0
(განახლებულია 18:47 30.05.2020)
გაეცანით 31 მაისს დაბადებულ ადამიანთა ინდივიდუალურ დახასიათებას, აღმოაჩინეთ საკუთარი თუ თქვენი ახლობლების ხასიათის ნიშან-თვისებები, მათი ფსიქოლოგიური შტრიხები, ასევე რჩევები სპეციალურად ამ დღეს დაბადებულებისთვის

წარმოგიდგენთ წელიწადის თითოეულ დღეს დაბადებულ ადამიანთა ინდივიდუალურ დახასიათებას - გვერწმუნეთ, დახასიათება ნამდვილად განგაცვიფრებთ

21-31 მაისი

21-31 მაისის პერიოდი ტყუპის ნიშნის პირველ დეკადას განეკუთვნება.

ამ დეკადას იუპიტერი მართავს. ამ პერიოდში დაბადებულები უანგარო, მშვიდი, ბუნებრივი ინტუიციის მქონე ადამიანები არიან.

მნიშვნელოვანი წლებია: 10, 20, 30, 40, 50, 60, 70.

ამ დეკადაში დაბადებულთა სიმბოლოა გვირილა.

21-31 მაისის პერიოდში მხიარული, კომუნიკაბელური ადამიანები იბადებიან. მათ განვითარებული აქვთ მეტოქეობის გრძნობა, რამაც ზოგჯერ უკიდურესობაზე წასვლა შეიძლება აიძულოს. თუ ვინმე გზაზე გადაეღობებათ, ნებისმიერი ხერხით ჩამოიშორებენ მას - ამ ადამიანებს უკან ჩამორჩენა არ უყვართ, ადვილად ვერ ეგუებიან სხვების წარმატებებს; მაგრამ თუ ვინმეს გაუჭირდა, დიდი სიხარულით ეხმარებიან. აქვთ თვითანალიზის უნარი, შეუძლიათ გაიაზრონ საკუთარი შეცდომები და მათი გადაწყვეტის გზები.

31 მაისს დაბადებულები

31 მაისს, როგორ წესი, ორბუნებოვანი ადამიანები იბადებიან. თავიანთი ორიგინალური აზროვნების გამო ისინი ინტერესს იჩენენ ყოველივე ახლის მიმართ, აინტერესებთ ტექნიკური პროგრესი, გამოგონებები. ახასიათებთ ხასიათის ხშირი ცვლა. თუ ერთ წუთში კომუნიკაბელური, მხიარული და კეთილი არიან, მეორე წუთში, ყოველგვარი მიზეზის გარეშე, შეუძლიათ გახდნენ გაღიზიანებული, პირქუში და გაბოროტებული.

თუ გინდათ, სურვილები აგისრულდეთ: ფერი-თილისმა ზოდიაქოს ნიშნის მიხედვით>>

31 მაისს დაბადებულები, უმეტეს შემთხვევებში, გარშემომყოფებზე გულდახურული და ცივი პიროვნებების შთაბეჭდილებას ტოვებენ. მაგრამ ეს სულ ასე არაა - ისინი ბევრად უფრო თბილი ადამიანები არიან, ვიდრე ერთი შეხედვით ჩანს - გარკვეულწილად კეთილი, კეთილშობილი და შეიძლება ითქვას, სენტიმენტალურიც კი. ეს მათი ნიღაბია, რომლის უკან მგრძნობიარე ნატურა იმალება. ამ დღეს დაბადებულებს პირდაპირობა ურჩევნიათ და არ უყვართ წვრილმანებზე „დახურდავება“. ისინი საკმაოდ ქმედითნი არიან, ყურადღებას აქცევენ ბევრ რამეს, უმნიშვნელოსაც კი.

ამ დღეს დაბადებულებს დიდი გონებრივი და ფიზიკური ენერგია აქვთ. აინტერესებთ თვითგამოხატვის უჩვეულო ფორმები. თუ რაიმესთან დაკავშირებით საბოლოო გადაწყვეტილება მიიღეს, მათი გადარწმუნება უკვე შეუძლებელია. ერთადერთი საშუალებაა მათი სენტიმენტალობის გამოღვიძება ან ღირსებასა და პატიოსნების პრინციპებზე დაფუძნებული დასკვნების გამოყენება. ეს ადამიანები მძაფრად იცავენ საკუთარ შინაგან სამყაროს და იქ შეღწევის უფლებას არავის აძლევენ. როდესაც ახალი იდეა უჩნდებათ, მთელი ძალებით ცდილობენ საზოგადოების ყურადღების მიქცევას. ამ დროს ისინი თავდაჯერებული ადამიანების შთაბეჭდილებას ტოვებენ, მაგრამ ამის მიზეზი შეიძლება მარცხის შიში იყოს. ასევე, ადვილად შეუძლიათ უსიამოვნებების მალე დავიწყება.

ზოგი ხუმრობით, ზოგიც... ზოდიაქოს ნიშნები სხვა რაკურსით>>

31 მაისს დაბადებულები საკმაოდ სპონტანური და ქაოტური ადამიანები არიან, რომელთაც უმოკლეს ვადებში ახალ ვითარებებთან შეგუების შესანიშნავი უნარი აქვთ. ხანდახან ცდილობენ ებრძოლონ თავიანთ არაორგანიზებულობას და ცხოვრებაში ხელოვნური წესრიგი-განრიგი შეამოაქვთ. ამ ადამიანებს უყვართ მუდამ მოძრაობაში ყოფნა - ახალი პროექტების დაწყება, რაღაცის გარემონტება, ვითარების შეცვლა. არიან შესანიშნავი ოსტატები ტექნიკის სფეროში. თუ დაბადებიდან რამდენიმე ნიჭი დაჰყვებათ, ერთი სფერო უნდა აირჩიონ და მაშინ საოცარი წარმატებების მიღწევის შანსი აქვთ.

ჯანმრთელობა

31 მაისს დაბადებულებს იმედგაცრუებებთან გამკლავება უჭირთ, ამიტომ ხშირად რეალობიდან გაქცევას ნარკოტიკებისა და ალკოჰოლის საშუალებით ცდილობენ. მათ მეტად რეალური შეხედულებები უნდა ჩამოაყალიბონ ცხოვრებაზე და შეისწავლონ საკუთარი შინაგანი სამყარო, იაქტიურონ ფიზიკურად და ყურადღება მიაქციონ კვების რეჟიმს. უნდა დაიმახსოვრონ, რომ კვებისგან სიამოვნების მიღებაც შეიძლება.

რჩევა:

თამამად შეხედეთ საკუთარ ემოციურ პრობლემებს. შეძლებისდაგვარად ეცადეთ, იპოვოთ შთაგონების წყარო, თავიდან აირიდოთ უსარგებლო დავა და ჩხუბი, რომლებიც, უბრალოდ, ძალებს გართმევთ.

0