ნათია თოდუა

მადლობა ასეთი საქართველოსთვის გერმანული Voice-ის გამარჯვებულმა სიმღერა Georgia წარადგინა

905
(განახლებულია 20:53 30.09.2019)
მომღერალმა ნოსტალგიურ–პატრიოტული სიმღერა ქართველ ემიგრანტებს მიუძღვნა.

თბილისი, 30 სექტემბერი – Sputnik. ვოკალური შოუს The Voice of Germany 2017 გამარჯვებულმა ნათია თოდუამ ახალი სიმღერის Georgia კლიპი გადაიღო. სიმღერა შესულია მის სადებიუტო ალბომში Miss you და ის მთელ მსოფლიოში გაფანტულ ქართველ ემიგრანტებს ეძღვნება.

პატარა ქართველი მომღერლის ფურორი კარნეგი–ჰოლში >>

პირველი სტუდიური სოლო ალბომი თოდუამ გერმანიაში ჩაწერა. სიმღერების უმეტესობას მომღერალი ინგლისურად ასრულებს.

რაც შეეხება კომპოზიციას Georgia, ისიც ინგლისურ ენაზე ჟღერს და შიგადაშიგ ერთვება ფრაზები ქართულ და აფხაზურ ენებზე. ნათია თოდუა წარმოშობით აფხაზეთიდან, გალის რაიონის სოფელ ნაბაკევიდანაა.

„Georgia – პირველი სიმღერაა ჩემი ალბომიდან Miss you. უდიდესი მადლობა ყველას, ვინც მის შექმნაში დამეხმარა. ყველას ერთი სამშობლო გვაქვს და თითოეულმა ჩვენგანმა მისი მომავლის შენებაში თავისი წვლილი უნდა შეიტანოს. ესაა ადგილი, რომელმაც გაგვზარდა და ერთმანეთს დაგვაკავშირა. მოდით, ყველანი ერთად ვეცადოთ, ის უკეთესი გავხადოთ, რათა მომავალ თაობებს კიდევ უფრო ლამაზი და საუკეთესო სამშობლო დავუტოვოთ“, – წერს ნათია თოდუა თავის Facebook-გვერდზე.

კლიპს, რომლის ავტორიც რეჟისორი ლევან აბულაძეა, რამდენიმე დღის განმავლობაში გუდაურში იღებდნენ.

როგორც გერმანიაში, საქართველოშიც ნათია თოდუას ახალ ნამუშევარს ძალიან თბილად შეხვდნენ. ინტერნეტ-მომხმარებელი მადლობას უხდის მომღერალს ასეთი პატრიოტული სულისკვეთების სიმღერისთვის და წარმატებას უსურვებს მას.

ნათია თოდუა 23 წლისაა. მღეროდა ჯგუფ „ვაკის პარკის“ ბექ-ვოკალში. 2014 წელს მონაწილეობა მიიღო X-Factor-ის ქართულ ვერსიაში, 2015 წელს კი – უკრაინულ X-Factor-ში. ნათია თოდუას კერპი ამერიკელი როკ-მომღერალი ჯენის ჯოპლინია. ამჟამად ნათია ცხოვრობს და მუშაობს როგორც გერმანიაში, ისე საქართველოში. 2018 წელს მომღერალი იყო პირველ არხზე მიმდინარე ტელეშოუს – „საქართველოს ვარსკვლავის“ ჟიურის წევრი. 

905
თემები:
საქართველო და კულტურა (857)
გელათის მონასტერი

გელათის რეაბილიტაციის დროს დაფიქსირებული ხარვეზები სრულად გამოსწორდება

50
(განახლებულია 20:28 11.07.2020)
სააგენტოს ინფორმაციით, ტაძრის რეაბილიტაციის დროს დაშვებულ ხარვეზებს შემსრულებელი – „ხელოვნების საერთაშორისო ცენტრი“ გამოასწორებს

თბილისი, 11 ივლისი - Sputnik. გელათის რეაბილიტაციის დროს დაფიქსირებული ხარვეზები, რომელიც ღვთისმშობლის მიძინების ტაძრის კრამიტით გადახურვის მოწყობას უკავშირდება, სრულად იქნება გამოსწორებული, ნათქვამია კულტურული მემკვიდრეობის დაცვის ეროვნული სააგენტოს მიერ გავრცელებულ განცხადებაში.

Фреска апсиды Гелатского монастыря
გელათის მონასტერი

სააგენტოს ცნობით, ხარვეზები, რომლებიც 2020 წლის მარტში დაფიქსირდა, შემსრულებლის – „ხელოვნების საერთაშორისო ცენტრის“ მიერ სრულად გამოსწორდება.

„გადახურვის მასალაზე გამოვლენილი დაზიანებების აღმოფხვრა დამკვეთსა და შემსრულებელ კომპანიას შორის გაფორმებული სახელშეკრულებო პირობებით განხორციელდება, რაც საექსპლუატაციო ვადაში აღმოჩენილ დეფექტებზე შემსრულებლის ვალდებულებას განსაზღვრავდა“, - აღნიშნულია განცხადებაში.

Реставрация Гелатского монастыря
გელათის მონასტერი

სააგენტოს ინფორმაციით, მსოფლიო მემკვიდრეობის ძეგლის საბურველის ნაწილის პრობლემის გადაჭრის პროცესი ფინანსური კუთხითაც კომპანიის მიერ იქნება უზრუნველყოფილი.

გელათის სამონასტრო კომპლექსის ფართომასშტაბიანი რეაბილიტაციის პროგრამას სახელმწიფო 2008 წლიდან მსოფლიო მემკვიდრეობის ცენტრთან შეთანხმებული პროგრამის მიხედვით ეტაპობრივად ახორციელებს. სხვადასხვა ეტაპზე სახელმწიფოსთან ერთად საგრანტო პროგრამების ფარგლებში პროექტს აფინანსებდა აშშ-ს საელჩოს ფონდი და საქართველოს მუნიციპალური განვითარების ფონდი.

Реставрация Гелатского монастыря
https://www.facebook.com/mrdi.gov.ge
გელათის მონასტერი

გელათის მონასტერი ქუთაისიდან აღმოსავლეთით რამდენიმე კილომეტრშია, შეტანილია იუნესკოს მსოფლიო კულტურული მემკვიდრეობის ძეგლების სიაში (1994).

მონასტერი დაარსებულია 1106 წელს დავით აღმაშენებლის თაოსნობით. შემოზღუდულია გალავნით. ანსამბლში შედის სხვადასხვა დროინდელი (ძირითადად XII-XIII სს.) შენობები. მონასტერში იმავე 1106 წლიდან ფუნქციონირებდა გელათის აკადემია. დავითმა გელათის აკადემიაში სამოღვაწოდ შეკრიბა სწავლული ქართველები, რომელთა შორის იყვნენ იოანე პეტრიწი და არსენ იყალთოელი. თანამედროვენი გელათის აკადემიას „ასუად ათინად“, „აღმოსავლეთის მეორე იერუსალიმად“ იხსენიებდნენ.

 

50
თემები:
ქართული კულტურული მემკვიდრეობის ძეგლები
ნიკ უესტი და ნიკოლოზ კანდელაკი

ნიკოლოზ კანდელაკი „გრემის“ აკადემიის წევრად აირჩიეს

78
(განახლებულია 20:43 10.07.2020)
„ისთერნ ფრომოუშენის“ დამფუძნებლის კახა კანდელაკის შვილი, რომელიც აშშ-ში შოუბიზნესის სფეროში მუშაობს და ნიკ უესტისა და მეისი გრეის ტურმენეჯერია, ახლახან „გრემის“ აკადემიის წევრად აირჩიეს.

თბილისი, 10 ივლისი – Sputnik. მუსიკალურ სამყაროში ერთ-ერთი ყველაზე პრესტიჟული მუსიკალური დაჯილდოების „გრემის“ მესვეურებმა ნიკოლოზ კანდელაკი აკადემიის წევრად აირჩიეს.

„მომივიდა მოწვევა გრემიდან და შემატყობინეს, რომ გავხდი გრემის წევრი. ნამდვილად დიდი პატივია! დიდი მადლობა ყველა ჩემს მეგობარს და მეუღლეს, ვინც რეკომენდაცია გამიწია”, – დაწერა ნიკოლოზ კანდელაკმა.

როგორც ცნობილია, 2017 წელს ცნობილი ამერიკელი ვოკალისტი, კომპოზიტორი და ფანკის ბას-გიტარისტი ნიკ უესტი ცოლად გაჰყვა ქართველ გიტარისტს ნიკოლოზ კანდელაკს.

78
თემები:
სელებრითების ცხოვრება
ეთერ თუთბერიძე

თუთბერიძე საუკეთესოა! ქართველი სპეციალისტი მსოფლიოში უძლიერეს მწვრთნელად აღიარეს

0
რუსეთში მოღვაწე ქართველმა სპეციალისტმა გაუსწრო ბევრ მწვრთნელს, რომლებმაც სახელოვანი სპორტსმენები აღზარდეს

თბილისი, 11 ივლისი – Sputnik. მოციგურავეთა საერთაშორისო კავშირმა (ISU) ფიგურულ ციგურაობაში დამსახურებული მწვრთნელი ეთერ თუთბერიძე მსოფლიოში უძლიერეს მწვრთნელად აღიარა, იუწყება РИА Новости.

ოთხმაგი სალხოვი: თუთბერიძის 13 წლის მოსწავლემ ურთულესი ნახტომი შეასრულა >>

ქართველმა Skating Awards-ს პრემიის „საუკეთესო მწვრთნელის“ ნომინაციაში გაიმარჯვა. დაჯილდოების პირველი ცერემონია ონლაინ-რეჟიმში მიმდინარეობს.

ეთერ თუთბერიძემ აჯობა ამერიკელ სპეციალისტ რაფაელ არუთინიანს, რომელიც მსოფლიოს ორგზის ჩემპიონ ნატან ჩენს წვრთნის, და კანადელ ბრაიან ორსერს, რომელიც ორგზის ოლიმპიურ ჩემპიონს, იაპონელ იუძურუ ჰანიუს და მსოფლიოს ორგზის ჩემპიონ ევგენია მედვედევას ავარჯიშებს, რომელმაც თავის ყველა მნიშვნელოვან გამარჯვებას თუთბერიძის ხელმძღვანელობით მიაღწია.

მწვრთნელი მუშაობს 2018 წლის ოლიმპიურ ჩემპიონ ალინა ზაგიტოვასთან, 2020 წლის ევროპის ჩემპიონ ანა კოსტორნაიასთან, რუსეთის ორგზის ჩემპიონ ანა შჩერბაკოვასთან, იუნიორთა შორის რუსეთის ორგზის ჩემპიონ დანიილ სამსონოვთან. სპეციალისტმა ასევე იუნიორთა შორის მსოფლიოს ჩემპიონატის ორ უმაღლეს ჯილდომდე ალექსანდრა ტრუსოვა მიიყვანა.

კოსტორნაიამ თავის ვიდეომიმართვაში თუთბერიძეს თავისი საქმის მსოფლიოში საუკეთესო სპეციალისტი უწოდა.

„ეთერი თუთბერიძე ძალიან მომთხოვნია, ის გვეხმარება მივაღწიოთ მაღალ შედეგებს შეჯიბრებებზე“, - აღნიშნა ანა შჩერბაკოვამ.

0
თემები:
სპორტის ამბები