თბილისობა

კიევის „გულში“ წელს „თბილისობა-2019“ გაიმართება

68
ორი დღის განმავლობაში ანდრეევსკის დაღმართი, რომელსაც კიევის გულს უწოდებენ, ღონისძიების სტუმრებს საქართველოს დედაქალაქში მოახვედრებს

თბილისი, 29 სექტემბერი - Sputnik. საქართველოს დედაქალაქის დღე „თბილისობა“ ტრადიციულად აღინიშნება არა მხოლოდ თბილისში, არამედ კიევში, ნათქვამია ღონისძიების Facebook-გვერდზე.

რატომ გაუქმდა მოსკოვში „თბილისობის“ აღნიშვნა >>

ქართულ-უკრაინული მეგობრობის ფესტივალი 5-6 ოქტომბერს კიევის ცენტრში, ანდრეევსკის დაღმართზე გაიმართება.

ფესტივალის პროგრამაში წარმოდგენილია ქართველი და უკრაინული ესტრადის ვარსკვლავების წარმოდგენები, ნახატების და ფოტოების გამოფენები, ლიტერატურული საღამოები, მასტერკლასები და, რა თქმა უნდა, ქართული სამზარეულოს პავილიონი, რომელსაც ფესტივალის სტუმრები განსაკუთრებული მოუთმენლობით ელიან. როგორც ადრე, დამთვალიერებლები არა მხოლოდ ეროვნული სამზარეულოს კერძებს დააგემოვნებენ, არამედ თავად ეცდებიან მათ მომზადებას.

ორგანიზატორები ჩაატარებენ ვიქტორინას „მე მიყვარს საქართველო", ასევე სხვა უამრავ სიურპრიზს გეგმავენ.

ქართულ-უკრაინული მეგობრობის ფესტივალი უკრაინაში საქართველოს საელჩოსა და ქართული დიასპორების მხარდაჭერით კიევის ყველაზე ცნობილ ქუჩაზე 2012 წლიდან იმართება.

კიევში „თბილისობის“ დღესასწაულის პარალელურად ზეიმი თბილისში გაიმართება. საქართველოს დედაქალაქში, ღონისძიებები გაიმართება 5 და 6 ოქტომბერს ოთხ სხვადასხვა ადგილას - რიყის პარკის, ლეღვთახევის ხეობის ტერიტორიაზე, მეტეხის ხიდთან, ორბელიანის მოედანზე.

68
თემები:
საქართველოს საგარეო პოლიტიკა (206)
Неделя моды Mercedes Benz Fashion Week Tbilisi

დავეხმაროთ ხელოვნებას: საქართველო შეუერთდა კამპანიას Culture is not cancelled

14
(განახლებულია 09:44 28.05.2020)
კორონავირუსის პანდემიის პერიოდში ხელოვნების სფერო ისევე, როგორც ეკონომიკა და ტურიზმი, ძალიან დაზარალდა

თბილისი, 28 მაისი — Sputnik. საქართველო შეუერთდა კამპანიას Culture is not cancelled, რომელიც ხელოვნების სფეროს მხარდაჭერას ითვალისწინებ, წერს კულტურული პორტალი at.ge.

Culture is not cancelled – ესაა მოწოდება, რომელიც კულტურული სექტორის სოლიდარობასა და მხარდაჭერას ქადაგებს. სხვადასხვა ორგანიზაციას, დაწესებულებასა და კულტურის წარმომადგენლებს შეუძლიათ ამ ლოზუნგის გამოყენება, რათა COVID-19–ის პანდემიას საკუთარი შემოქმედებით უპასუხონ.

„კარანტინი“ ფიროსმანის გმირებისთვის – მხატვრის ხედვა>>

მაგალითად მსობრივი ინფორმაციის საშუალებებს შეუძლიათ შემოქმედ ადამიანებს წარუდგინონ პლატფორმა მათი ხელოვნების დემონსტრაციისთვის, მათ შორისაა, მაგალითად, ონლაინ–გამოფენები, ფოტოალბომები, ფილმების პრემიერები და სხვ.

საქართველოში ამ კამპანიას შეუერთდნენ Mercedes-Benz Fashion Week TBILISI, LUMEN და IPS. კამპანიის მხარდაჭერის მიზნით, Mercedes-Benz Fashion Week TBILISI–ის ორგანიზებით თბილისში, რუსთაველის გამზირზე და სხვა ადგილებზე შენობები განათდა.

„პანდემიის გამო ერთ-ერთი ჯგუფი, ვინც ყველაზე მეტად დაზარალდა, ხელოვნების სფეროს წარმომადგენლები, მუსიკოსები, დიზაინერები, ფოტოგრაფები, მხატვრები და ა.შ. არიან. განსაკუთრებით მძიმე მდგომარეობაში აღმოჩნდნენ ქართველი ხელოვანები, რომლებსაც სახელმწიფოსგან კომპენსაციები არ მიუღიათ“, – აღნიშნა Mercedes-Benz Fashion Week TBILISI–ს კრეატიულმა დირექტორმა და დამფუძნებელმა სოფო ჭყონიამ.

უფრო ადრე საქართველოს კულტურის სხვადასხვა სფეროს წრმომადგენლებმა შექმნეს პეტიცია, რომელშიც მთავრობასა და შესაბამის სტრუქტურებს სთხოვეს სათანადო ყურადღების მიქცევა კრიზისულ ვითარებაზე, რომელიც პანდემიასთან დაკავშირებით შეიქმნა და დაეხმარონ ხელოვან ადამიანებს. ინიციატივის ავტორებმა წარადგინეს თავიანთი გეგმა და რიგი მოთხოვნები შემოქმედებითი კრიზისის დასაძლევად.

სურვილებს შორისაა: დაუყოვნებლივი ფინანსური დახმარების პაკეტი ხელოვანთათვის, კულტურის სფეროში უშტატოდ მომსახურე ადამიანების, ასევე, განსაკუთრებული საჭიროებების მქონე ხელოვანების, ახალგაზრდების, უმცირესობების მხარდაჭერა სოციალური შეღავათებით; საშემოსავლო გადასახადებისა და ქონების გადასახადის შეჩერება შემდეგი 12 თვის განმავლობაში, საბანკო კრედიტების გადავადების გაგრძელება კიდევ ექვსი თვით და სხვ.

14
თემები:
საქართველო და კულტურა
გიორგი გიგაშვილი

ცნობილი ქართველი პიანისტი ონლაინ–კონცერტს გამართავს

38
(განახლებულია 15:43 27.05.2020)
ონლაინ სოლო–კონცერტზე, რომელიც 21:00 საათზე დაიწყება, გიორგი გიგაშვილი შუმანისა და შოპენის ნაწარმოებებს შეასრულებს.

თბილისი, 27 მაისი – Sputnik. ერთ-ერთი უნიჭიერესი ქართველი ახალგაზრდა პიანისტი გიორგი გიგაშვილი ოთხშაბათს, 27 მაისს ონლაინ–კონცერტს გამართავს.

კონცერტი ხმის ჩამწერი სტუდიის Leno Sessions პროექტის ფარგლებში გაიმართება, სადაც ქართული სცენის ვარსკვლავები მსმენელებისთვის ონლაინ–კონცერტებს მართავენ კორონავირუსის პანდემიის პერიოდში და ასე ამხნევებენ მათ.

„ქვეყანაში არსებული უსაფრთხოებასთან დაკავშირებული ყველა ნორმისა და ჯანდაცვის სამინისტროს მიერ გაცემული რეკომენდაციების დაცვით, დისტანციურად, ონლაინ სტრიმის რეჟიმში შევეცდებით თქვენს გამხნევებას“, – აღნიშნულია ორგანიზატორების მიმართვაში.

კონცერტზე, რომელიც 21:00 საათზე დაიწყება, გიორგი გიგაშვილი შუმანისა და შოპენის ნაწარმოებებს შეასრულებს.

ერთ-ერთი გამოჩენილი ქართველი პიანისტი გიორგი გიგაშვილი „ნიჭიერთა ათწლედის" კურსდამთავრებულია, გაიმარჯვა თბილისის პიანისტთა მეექვსე საერთაშორისო კონკურსში, არის ნიუ-იორკის გერშვინის სახელობის მეორე საერთაშორისო მუსიკალური კონკურსის პრიზიორი. კონცერტებს მართავს საქართველოსა და ევროპის ქვეყნებში.

ახალგაზრდა ქართველმა პიანისტმა იტალიელები მოხიბლა>>

2019 წლის ბოლოს გიგაშვილი წინანდლის პრესტიჟული პრემიის ლაურეატი გახდა „მუსიკალური ხელოვნების“ ნომინაციაში.

38
თემები:
საქართველო და კულტურა
გადამზიდავთა საპროტესტო აქცია ფოთში

ფოთში სატვირთო ავტომობილების მძღოლების უმეტესობას კორონავირუსი არ დაუდასტურდა

0
(განახლებულია 10:49 28.05.2020)
მძღოლებმა, რომელთაც კორონავირუსი არ დაუდასტურდათ, უკვე დატოვეს ტირ–პარკი. დანარჩენი მძღოლების ტესტის პასუხები დღის განმავლობაში გახდება ცნობილი

თბილისი, 28 მაისი — Sputnik.  ფოთში სატვირთოს 189 მძღოლს კორონავირუსი არ დაუდასტურდა, კიდევ 54 ადამიანის ტესტის პასუხი მოგვიანებით გახდება ცნობილი, იუწყება საზოგადოებრივი მაუწყებლის პირველი არხი. 

გუშინ, ყოფილი აეროდრომის ტერიტორიაზე ქართული გადამზიდავი კომპანიებისთვის მოწყობილ ტირ-პარკში მყოფმა სატვირთოს მძღოლებმა თვითიზოლაციის რეჟიმის მოხსნის მოთხოვნით აქცია გამართეს.

ლაბორატორიაში სულ 243 ნიმუში გაიგზავნა.

 „ქართული გადამზიდავი კომპანიების მძღოლები ყოფილი აეროდრომის ტერიტორიაზე ტირ–პარკში იმყოფებიან. მძღოლებმა, რომელთაც კორონავირუსი არ დაუდასტურდათ, უკვე დატოვეს ტირ–პარკი. ველოდებით სხვა მძღოლების ტესტის პასუხებს, ისინი პასუხების მიღების შემდეგ შეძლებენ ტერიტორიის დატოვებას. სახლებში მათ ადგილობრივი საზოგადოებრივი ცენტრები გააკონტროლებენ“, – განაცხადა ფოთის საზოგადოებრივი ჯანმრთელობის ცენტრის ხელმძღვანელმა ნანა მხეიძემ.

ფოთში ტირ–პარკი 17 აპრილიდან ფუნქციონირებს.

საქართველოში კორონავირუსის გამოვლენის პირველი შემთხვევა 26 თებერვალს დაფიქსირდა. 21 მარტს ქვეყნის მთელ ტერიტორიაზე საგანგებო მდგომარეობა გამოცხადდა, რომელიც 23 მაისამდე გაგრძელდა. ამ ეტაპზე საქართველოში შეზღუდვების ეტაპობრივი მოხსნის პროცესი მიმდინარეობს.

ამ დროისთვის, საქართველოში კორონავირუსი 738 ადამიანს დაუდასტურდა, გამოჯანმრთელდა 573 ადამიანი, გარდაიცვალა – 12, კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს სამი მოქალაქე.

0
თემები:
COVID-19 საქართველოში