ეროვნული გალერეა

გვიანი რენესანსიდან როკოკომდე თბილისი იტალიელ მხატვრებს უმასპინძლებს

119
(განახლებულია 18:56 25.09.2019)
თბილისელები და დედაქალაქის სტუმრები იხილავენ ტინტორეტოს, გუერჩინოს, ბერნარდო სტროცის, ანტონიო კანალეტოსა და ჯოვანი ლორენცო ბერნინის ტილოებს.

თბილისი, 25 სექტემბერი — Sputnik. გამოფენა „ფერი ტინტორეტოდან კანალეტომდე" დიმიტრი შევარდნაძის სახელობის ეროვნულ გალერეაში 27 სექტემბერს გაიხსნება – ექსპოზიციაზე წარმოდგენილი იქნება გვიანი რენესანსიდან როკოკომდე ეპოქის იტალიელი ფერმწერების ნამუშევრები.

ღონისძიების ორგანიზატორია საქართველოს ეროვნული მუზეუმი, საქართველოში იტალიის საელჩოსთან ერთად. გამოფენა პროგრამა Vivere ALL'italiana-ს ნაწილს შეადგენს, რომლის ფარგლებშიც ჩატარებული გამოფენები საქართველოში 150 ათასზე მეტმა დამთვალიერებელმა უკვე იხილა.

დამთვალიერებლებს ელოდებათ დიდი იტალიელი ფერმწერების მდიდარი კოლექცია – ტინტორეტოს, გუერჩინოს, ბერნარდო სტროცის, ანტონიო კანალეტოს, ჯოვანი ლორენცო ბერნინისა და სხვა ფერმწერების 55 ნამუშევარი. ყველა ნიმუში რომში ძველი ხელოვნების ეროვნულ გალერეაში ინახება.

თბილისის მუზეუმში წარმოდგენილი ნამუშევრები – პორტრეტები, პეიზაჟები, ნატურმორტები, ანტონიო კანალეტოს ვენეციის ხედები – მოიცავს XVI-XVIII საუკუნეების ჩრდილოეთ იტალიაში არსებულ ფერწერის ძირითად სკოლებს (გენუა, ბოლონია, ლომბარდია). საკუთარი ტილოებისთვის ფერმწერები ძირითადად არჩევდნენ ისტორიულ, ალეგორიულ-რელიგიურ და მითოლოგიურ თემატიკას.

როგორც ეროვნულ მუზეუმში აღნიშნავენ, ასეთი მასშტაბის პროექტის განხორციელება მჭიდრო თანამშრომლობის შედეგია ორი ქვეყნის ინსტიტუციებს შორის: იტალიის საგარეო საქმეთა და საერთაშორისო თანამშრომლობის სამინისტროს, იტალიის საელჩოსი საქართველოში, განათლების, მეცნიერების, კულტურისა და სპორტის სამინისტროსა და საქართველოს ეროვნული მუზეუმის.

გამოფენა „ფერი ტინტორეტოდან კანალეტომდე" თბილისში 2019 წლის 21 ნოემბრამდე გაგრძელდება. მისამართი: შოთა რუსთაველის გამზირი, 11.

119
თემები:
საქართველო და კულტურა (886)
მეამას შენობა

საუკეთესო მსოფლიოში: ქართული „მეამა“ Architizer A+Awards-ის გამარჯვებულია

20
(განახლებულია 16:53 06.08.2020)
არქიტექტორ გიორგი ხმალაძის პროექტმა ონლაინ–კენჭისყრის შედეგებით ველაზე მეტი ხმა მოიპოვა – პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

 

თბილისი, 6 აგვისტო  — Sputnik. ყავის ქართული კომპანია „მეამას“ შენობამ ერთ-ერთი ყველაზე პრესტიჟული საერთაშორისო არქიტექტურული კონკურსი Architizer A+Awards-ის სამ კატეგორიაში გაიმარჯვა და მსოფლიოში საუკეთესო ნაგებობად დასახელდა.

Architizer A+Awards – უდიდესი კონკურსია მსოფლიო არქიტექტურის სფეროში. მისი მიზანია მსოფლიოში წლის საუკეთესო, ყველაზე მნიშვნელოვანი, საინტერესო და გამოჩენილი არქიტექტურული პროექტების პოპულარიზება.

ქართული კომპანიის სათავო ოფისის შენობა ამ საერთაშორისო კონკურსზე იყო წარდგენილი და ფინალში გავიდა. შენობა წარდგენილი იყო სამ ნომინაციაში – საოფისე სივრცე (25 ათას კვადრატულ მეტრზე ნაკლები), ოთხსართულიანი სამუშაო სივრცე და არქიტექტურა და ბეტონი

წარდგენილი ნამუშევრებიდან ჟიურიმ თითოეულ კატეგორიაში ხუთ-ხუთ ფინალისტი შეარჩია. კონკურსანტების მხარდაჭერა მსოფლიოს ნებისმიერი ქვეყნიდან ნებისმიერ მსურველს შეეძლო. გამარჯვებული ონლაინ–კენჭისყრით გამოვლინდა.

"მეამას“ შენობის კონკურენტები ისეთი ცნობილი კომპანიების სამუშაო ადგილები იყო, როგორიცაა Jaguar, TikTok და სხვ.

გამარჯვებული და ასევე ფინალში გასული პროექტები Architizer A+Awards-ის ვებ-გვერდზე განთავსდება. ისინი ასევე წარმოდგენილი იქნებიან ჟურნალში Architizer.com.

თბილისში მდებარე ყავის კომპანიის ოფისის პროექტი ეკუთვნის გიორგი ხმალაძეს კომპანიიდან Khmaladze Architects. პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

გიორგი ხმალაძის პროექტი მოიცავს ყავის მწარმოებელ ფაბრიკას, ოფისებს, სივრცეებს ყავის დაგემოვნებისთვის და ასევე მცირე გამოფენებისთვის. შენობა წარმოადგენს მონოლითურ ბეტონის ფასადს საოცარი გეომეტრიული ფორმებით. შენობას ორიგინალურ იერს სძენს გაზონები სახურავზე.

20
თემები:
საქართველო და კულტურა (886)
საზაფხულო სკოლა

შეკვეთილში საზაფხულო თეატრალური სკოლა გაიხსნა

43
(განახლებულია 19:55 05.08.2020)
სკოლის მონაწილეებს – ახალგაზრდა თეატრალებს შესაძლებლობა ექნებათ მიიღონ სასცენო მეტყველების, მოძრაობის, ცეკვის გაკვეთილები, მოისმინონ თეატრალური მეტრების ლექციები და კარგად დაისვენონ.

თბილისი, 5 აგვისტო – Sputnik. საკურორტო დასახლება შეკვეთილში საზაფხულო თეატრალური სკოლა გაიხსნა, რომელიც 15 აგვისტომდე იმოქმედებს.

ორგანიზატორების განცხადებით, ეს წელი საზაფხულო სკოლისთვის განსაკუთრებულია, რადგან კავკასიაში უძველეს გრიბოედოვის სახელობის თბილისის რუსულ დრამატულ თეატრს, რომელიც ამ სკოლას ყოველ წელს მართავს, 175 წელი უსრულდება.

წლევანდელი საზაფხულო სკოლა გამოირჩევა თავისი მასშტაბებითაც. კორონავირუსის პანდემიის გამო მისი ჩატარება საერთაშორისო ფორმატით ვერ მოხერხდა. ამიტომ მისი მონაწილეები არიან მსახიობები გრიბოედოვის თეატრიდან, დუმბაძის სახელობის მოზარდ მაყურებელთა თეატრიდან და ასევე ნორჩი მსახიობის თეატრ–სტუდია „ოქროს ზღურბლის" მსახიობები, ნათქვამია საერთაშორისო კულტურულ-საგანმანათლებლო კავშირი „რუსკი კლუბის" განცხადებაში, რომელიც ღონისძიების ორგანიზატორია.

მოსალოდნელია, რომ საზაფხულო სკოლის პროგრამაში შევა მეცადინეობები სასცენო მეტყველებაში, სასცენო მოძრაობასა და სამსახიობო ოსტატობაში, ცეკვასა და ვოკალში, ასევე გრიბოედოვის თეატრის სამხატვრო ხელმძღვანელის, რუსთაველის სახელობის თეატრისა და კინოს უნივერსიტეტის პროფესორის ავთანდილ ვარსიმაშვილის და თეატრისა და კინოს უნივერსიტეტის რექტორის, გრიბოედოვის თეატრის მთავარი რეჟისორის გიორგი მარგველაშვილის ლექციები.

ასევე დაგეგმილია შემოქმედებითი შეხვედრები ცნობილ რეჟისორ რობერტ სტურუასთან და საქართველოსა და რუსეთის სახალხო არტისტ თემურ ჩხეიძესთან. საქართველოს თეატრების სამხატვრო ხელმძღვანელების ტრენინგები, ლექციები თანამედროვე რუსული თეატრის ისტორიაზე.

როგორ დაიპყრო ფილმ „დამცველების“ ქართველმა მსახიობმა რუსეთი>>

გარდა ამისა, „საზაფხულო სკოლა 2020“-ის ფარგლებში გაიმართება პოეტური საღამო „ბორის პასტერნაკი და „ცისფერყანწელები"; ვლადიმერ მაიაკოვსკისადმი მიძღვნილი საღამო; ფაშიზმზე გამარჯვების 75-ე წლისთავისადმი მიძღვნილი საღამო; მსახიობისა და პოეტის ნიკო გომელაურის ხსოვნის საღამო.

პროექტს ახორციელებს საერთაშორისო კულტურულ-საგანმანათლებლო კავშირი „რუსკი კლუბი" ფონდ „რუსკი მირისა" „როსსოტრუდნიჩესტვოს" ფინანსური მხარდაჭერით.

43
თემები:
საქართველო და კულტურა (886)
გერმანული ნაგაზი

გერმანულმა ნაგაზმა დედა და ერთი წლის ბავშვი გადაარჩინა

0
(განახლებულია 17:19 06.08.2020)
გერმანულმა ნაგაზმა მაქსმა, რომელმაც სულ ცოტა ხნის წინ დაასრულა წვრთნა, პირველსავე დავალებაზე დედა და ერთი წლის ბავშვი გადაარჩინა

თბილისი, 6 აგვისტო ― Sputnik. პოლიციის ძაღლმა სახელად მაქსმა სამსახურში გასვლის პირველსავე დღეებში დედა და პატარა ბავშვი გადაარჩინა, იუწყება BBC.

​გავრცელებული ინფორმაციით, მიმდინარე წლის თებერვალში, ბრიტანეთში მცხოვრები ოჯახი ორი დღის განმავლობაში ვერ უკავშირდებოდა ერთი წლის ბავშვთან ერთად ავტომობილით სასეირნოდ გასულ ქალს —  მობილური ტელეფონი გამორთული იყო.

საბოლოოდ ოჯახმა პოლიციას მიმართა დახმარებისთვის, რომლებმაც საქმეში პოლიციის კინოლოგები და ძაღლები ჩართეს. მათ შორის იყვნენ პიტერ ლოიდი და მისი ოთხფეხა მეწყვილე — გერმანული ნაგაზი მაქსი, რომლისთვისაც ეს პირველი სერიოზული დავალება იყო — სწავლება და წვრთნა მან სულ ცოტა ხნის წინ დაასრულა.

ირკვევა, რომ კვალი პირველმა მაქსმა აიღო და პოლიციელები მთის ფერდობთან მიიყვანა, სადაც მათ ფრიალო კლდეზე თოვლის ნამქერსა და ქვის ლოდებში გაჭედილი ავტომობილი შენიშნეს.   

სამართალდამცევლებმა მაშინვე გამოიძახეს დამატებითი ძალები — ვერტმფრენი და ასევე სამაშველო ძალები. რამდენიმე საათიანი ოპერაციის შემდეგ მაშველებმა ცოცხლები ამოიყვანეს ავტონობილიდან სიცივისგან გათოშილი და შიმშილით გულშეღონებული დედა–შვილი.

 

0
თემები:
მსოფლიო დღეს