დარეჯან დედოფლის სასახლე თბილისში

თბილისის ცენტრში ძველი გალავნის ნაშთი აღმოაჩინეს

129
ნანგრევები თბილისის სავიზიტო ბარათის – ავლაბრის დარეჯანის სასახლის ტერიტორიაზე მდებარეობს

თბილისი, 12 სექტემბერი – Sputnik. ძველი გალავნის ფრაგმენტები დარეჯან დედოფლის სასახლისა და დედათა მონასტრის ტერიტორიაზე მიმდინარე სარესტავრაციო–სარეკონსტრუქციო სამუშაოების დროს აღმოაჩინეს. ამის შესახებ თბილისის განვითარების ფონდის განცხადებაშია აღნიშნული.

თბილისი დარეჯანის სასახლის რესტავრაციაზე 2 მილიონ ლარს დახარჯავს >>

დარეჯანის სასახლე ავლაბრის ამაღლებულ ადგილზე 1776 წელს ქართლ–კახეთის მეფე ერეკლე II–ის ბრძანებით მისი მეუღლის, დედოფალ დარეჯანისთვის (1734 – 1807) აშენდა. თავის დროზე ეს იყო მდიდრული სასახლე ყველა საჭირო შენობა–ნაგებობითა და ეკლესიით. ეკლესიის გაფორმებისას გამოყენებულია ირანული არქიტექტურის ელემენტები.

Дворец царицы Дареджан в столице Грузии
© Sputnik / Alexander Imedashvili
დარეჯან დედოფლის სასახლე თბილისში

სასახლე და ეკლესია დაზიანდა აღა მაჰმად ხანის შემოსევის დროს, XVIII საუკუნის მიწურულს. დედოფლის სანქტ–პეტერბურგში გადასახლების შემდეგ, 1807 წელს, საქართველოში ეგზარქოსმა თეოფილაქტემ ტაძართან საკვირაო სკოლა და სასულიერო სემინარია დააარსა. 1824 წელს აქ დედათა მონასტერი დაფუძნდა, 1862 წლიდან კი – სასწავლებელი ბავშვებისთვის. 2001 წელს ეკლესია კვლავ მოიხატა, ამჟამად კი აქ დედათა მონასტერია.

Дворец Дареджан или Сачино в столице Грузии
photo: courtesy of Faig Huseynov
დარეჯან დედოფლის სასახლე თბილისში

2019 წლის ივლისში დაიწყო დარეჯანის სასახლის რესტავრაციის პროექტი. სპეციალისტების კვლევის შედეგად გამოვლინდა, რომ თუ ნაგებობას რესტავრაცია უახლოეს მომავალში არ გაუკეთდებოდა, კომპლექსს საფრთხე დაემუქრებოდა, გალავნის გარეთა კედლები კი შესაძლოა სულაც ჩამოშლილიყო. ნაგებობას ყველაზე მეტ ზიანს აყენებს ბუნებრივი მიწისქვეშა წყლები. მომატებულია კედლების ტენიანობა, რაც ბზარებს აჩენს.

რესტავრაციის პროექტი დაახლოებით 2 მილიონი ლარი ჯდება. სამუშაოები წელიწადნახევარში უნდა დასრულდეს.

უნიკალურ აღმოჩენას – ციხის გალავნის ნანგრევებს, ასევე კერამიკული ჭურჭლის ფრაგმენტებს – რესტავრატორებმა სასახლის ტერიტორიაზე სადრენაჟო სისტემის გაყვანისას მიაგნეს.

ფონდის წარმომადგენლები ესაუბრნენ არქეოლოგებს, ხელოვნებათმცოდნეებს, ასევე საქართველოს კულტურული მემკვიდრეობის დაცვის ეროვნული სააგენტოს წარმომადგენლებს. შედეგად გადაწყდა სასახლის გამაგრების თავდაპირველი პროექტის შეცვლა.

„დარეჯანის სასახლის სამონასტრო კომპლექსის სარეაბილიტაციო სამუშაოების ერთ-ერთი მთავარი კომპონენტი იყო გალავნის კედლის რეაბილიტაცია. როდესაც უკანა კედლის მხარეს ამოვიღეთ ჭრილი, რომ სადრენაჟე მილები ჩაგველაგებინა, აღმოვაჩინეთ ძველი გალავნის კედელი და კერამიკული ჭურჭლის ფრაგმენტები. მას შემდეგ, რაც არქეოლოგებთან და შესაბამის სპეციალისტებთან გავიარეთ კონსულტაციები, გადავწყვიტეთ, რომ დაგვეკორექტირებინა პროექტი ისე, რომ არქეოლოგიური მხარეც შენარჩუნებული და აღწერილი იყოს და იმ წყლების დიდი ოდენობა, რომელიც აზიანებს გალავნის კედელს, ამა თუ იმ გზით ავაცდინოთ გალავანს“, – განუცხადა ჟურნალისტებს ფონდის ხელმძღვანელმა ალექსანდრე ტოგონიძემ.

შესწორებული პროექტის მიხედვით სადრენაჟე სისტემა ვეღარ მოეწყობა, თუმცა შენარჩუნებული იქნება კულტურული მემკვიდრეობა – მოეწყობა სანიაღვრე სისტემა, რომლის შედეგად ბუნებრივი წყლების ზემოქმედებისგან დაცული იქნება ციხის გალავანი. აღდგენით სამუშაოებს კომპანია „იკორთა 2007“ ატარებს.

129
თემები:
ქართული კულტურული მემკვიდრეობის ძეგლები (56)
ჯგუფი „მგზავრები“

პირველი კონცერტი კარანტინის შემდეგ: „მგზავრები“ ბათუმში წარდგებიან

216
ხანგრძლივი იძულებითი პაუზის შემდეგ ეს იქნება პირველი კონცერტი, თუმცა მუსიკოსების თქმით, კარანტინში ისინი აქტიურ რეპეტიციებს გადიოდნენ და ახალ სიმღერებს წერდნენ

თბილისი, 13 აგვისტო — Sputnik. პოპულარული ქართული ჯგუფი „მგზავრები" ბათუმში 14 აგვისტოს კონცერტს გამართავს, ნათქვამია ვებგვერდზე tkt.ge.

"მგზავრები" ვინილის ფირფიტებზე და საგაზაფხულო ტური რუსეთსა და ბელარუსში >>

ცნობილია, რომ კორონავირუსის პანდემიის გამო ჯგუფმა უცხოეთში უამრავი კონცერტი გააუქმა. გადაიდო აპრილის მასშტაბური ტური, რომელიც მუსიკოსებს რუსეთის ქალაქებში უნდა ჩაეტარებინათ.

შესაბამისად, ეს ბიჭების პირველი კონცერტია კარანტინის შემდეგ და ის ბათუმში 23:00 საათზე გაიმართება.

ჯგუფის მუსიკოსები გამოირჩევიან შესრულების ინდივიდუალური მანერით, რომელშიც ერთმანეთს ერწყმის ფოლკლორული რიტმი, მრავალხმიანობა, იმპროვიზაცია, ასევე თანამედროვე და კლასიკური ელემენტები.

ჯგუფი „მგზავრები" ვოკალისტმა გიგი დედალამაზიშვილმა 2006 წელს დააარსა. 2008 წელს გამოვიდა სადებიუტო ალბომი „მე მოვიგონე", რომელმაც საქართველოში დიდი პოპულარობა მოიპოვა. 2016 წლის თებერვალში „მგზავრებმა" რუსეთში ნომინაციაში Взлом პრემია Чартова Дюжина მოიპოვა.

„მგზავრები" აქტიურად მართავენ კონცერტებს რუსეთში, უკრაინასა და, რა თქმა უნდა, საქართველოში.

216
თემები:
საქართველო და კულტურა
მეჰენდის ხელოვნება

თბილისში ინდოეთის დამოუკიდებლობის დღეს აღნიშნავენ

243
(განახლებულია 19:22 13.08.2020)
დღესასწაულზე სტუმრებს ელოდება ინდური და ქართული ხალხური ცეკვები, სიმღერები, ასევე ტრადიციული ინდური მოხატვა ინით

თბილისი, 13 აგვისტო — Sputnik. მთაწმინდის პარკში 15 აგვისტოს ინდოეთის დამოუკიდებლობის 74-ე დღე აღინიშნება, ნათქვამია ორგანიზატორების Facebook-გვერდზე.

როგორი ამინდი იქნება თბილისში 15 აგვისტოს >>

ღონისძიებას ატარებს არასამთავრობო ორგანიზაცია „კულტურული მრავალფეროვნება მშვიდობიანი მომავლისთვის" და ინდური კულტურის ცენტრი „ლაკშმი".

„გეპატიჟებით მეგობრებო, რომ იყოთ მისი ნაწილი და დატკბეთ ღონისძიებით: ინდური ცეკვებით, სიმღერით და ასევე ქართული ხალხური ცეკვებით. სტუმრებს ექნებათ შესაძლებლობა, რომ ინდური მეჰენდით მოიხატონ ხელი, რომელსაც ინდოელი სტუდენტები გაუკეთებენ მსურველებს“, - პირდებიან ორგანიზატორები.

ინდოეთის დამოუკიდებლობის დღე ყოველწლიურად 15 აგვისტოს აღინიშნება. ინდოეთში მთავარი ცერემონიები ტარდება ნიუ-დელიში, სადაც პრემიერ-მინისტრი წითელი ფორტის თავზე ეროვნულ დროშას აღმართავს, წარმოთქვამს სიტყვას, რომლის ტრანსლაცია მთელი ქვეყნის მასშტაბით მიმდინარეობს. პრემიერი იხსენებს მთავრობის მიღწევებს განვლილი წლის განმავლობაში, აყენებს მნიშვნელოვან საკითხებს და სამომავლო გეგმებზე საუბრობს.

ინდოეთის დამოუკიდებლობის დღის აღნიშვნის მნიშვნელოვანი ნაწილია კაშკაშა მსვლელობა, რომელიც წარმოაჩენს ინდოეთის კულტურულ მრავალფეროვნებას, ქვეყნის მიღწევებს მეცნიერებასა და ტექნიკაში, ასევე მის სამხედრო შესაძლებლობებს.

243
თემები:
საქართველო და კულტურა
მეტროს სადგური „სახელმწიფო უნივერსიტეტი“

მეტროსადგურ „ტექნიკურ უნივერსიტეტში“ დაკვამლიანებაა

0
თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია

თბილისი,15 აგვისტო - Sputnik. მეტროსადგურ „ტექნიკურ უნივერსიტეტში“ დაკვამლიანების გამო მოძრაობა დროებით შეფერხებულია, იუწყება პირველი არხი.

საბურთალოს ხაზი 18:53 საათზე დროებით დაიკეტა, მეტროს პირველი ხაზი ამ დროისთვის შეფერხების გარეშე მუშაობს.

გავრცელებული ინფორმაციით,  დაკვალიანება ვესტიბიულის ტექნიკურ ოთახში მოკლე ჩართვამ გამოიწვია.

„დაშავებული არავინაა, მგზავრები ამოვიყვანეთ, მოძრაობა დროებით შეჩერებულია. ადგილზე იმყოფებიან მეხანძრე-მაშველები და მიმდინარეობს პერიმეტრის გადამოწმება“, – აცხადებენ  საგანგებო სიტუაციების მართვის სამსახურში.

თბილისის მეტროპოლიტენის პრესსამსახურის ინფორმაციით, საბურთალოს ხაზის ქვესადგურში დაზიანდა ელექტროაგრეგატი, რამაც გამოიწვია დაკვამლიანება გამოიწვია.

ადგილზე სასწრაფო და სახანძრო სამაშველო ბრიგადები არიან მობილიზებული.

0
თემები:
შემთხვევები საქართველოში