გებჟალია

საქართველოში ეროვნული სამზარეულოს უნიკალური რეცეპტები ააღორძინეს

85
(განახლებულია 16:16 03.09.2019)
ახალი გამოცემა ქართული ტრადიციული კერძების როგორც თანამედროვე, ისე თითქმის მივიწყებული ტრადიციული კერძების 150-ზე მეტ რეცეპტს აერთიანებს.

თბილისი, 3 სექტემბერი — Sputnik. საქართველოში გამოსცეს კულინარიული კრებული „ქართული გემოს მემკვიდრეობა" – უნიკალური გამოცემა როგორც თანამედროვე, ისე თითქმის მივიწყებული ქართული ტრადიციული კერძების 155 რეცეპტს აერთიანებს.

კულინარიული გზამკვლევის ავტორები არიან ჩვეულებრივი თბილისელი ცოლ-ქმარი – არჩილ ზამბახიძე და ქეთევან პაპავა.

Авторы кулинарного сборника Наследие грузинского вкуса
კრებულის „ქართული გემოს მემკვიდრეობა" ავტორები

ახალგაზრდა მშობლები მასალას წიგნისთვის ორი წელიწადის განმავლობაში მთელ საქართველოში მოგზაურობისას აგროვებდნენ. არჩილსა და ქეთევანს, პირველ რიგში, ყველაზე რარიტეტული და ნამდვილი რეცეპტები აინტერესებდათ ქვეყნის სხვადასხვა რეგიონიდან. მეუღლეები არქივებსაც სტუმრობდნენ.

Презентация кулинарного сборника Наследие грузинского вкуса
კრებულის „ქართული გემოს მემკვიდრეობა" პრეზენტაციაზე

„ვეკითხებოდით ადგილობრივებს სხვადასხვა კუთხეში – ბებიებს, მათ მეზობლებს, თუ რა რეცეპტი იყო საინტერესო და უცნობი. ამასთანავე ვეძებდით არქივში, ამ ხალხსაც აღარ ახსოვდა უკვე და არც სმენიათ მათ შესახებ. და ერთად დავიწყეთ მათი აღდგენა, რაც ჩვენთვის დიდი პატივია", – განუცხადა ჟურნალისტებს წიგნის პრეზენტაციაზე ქეთევან პაპავამ.

Наследие грузинского вкуса
„ქართული გემოს მემკვიდრეობა“

არჩილის თქმით, მათთვის მნიშვნელოვანია იცოდნენ, რას მიირთმევდნენ ჩვენი წინაპრები საუკუნეების განმავლობაში და როგორ ვითარდებოდა გასტრონომია საქართველოში.

„მათი იმედი გვაქვს, ვინც მოქმედი და მომავალი მზარეულია, ინოვაციურია თავისი ხასიათით, რომ ჩვენს წარსულს თანამედროვეობაში ძალიან კარგად გადმოიტანენ. იმედი გვაქვს, რომ პატარა წვლილს შევიტანთ ამ საქმეში, რომ არ დაიკარგოს ის, რაც გვქონდა", – აღნიშნა არჩილ ზამბახიძემ.

წიგნი „ქართული გემოს მემკვიდრეობა" საქართველოს კულტურული მემკვიდრეობის დაცვის ეროვნული სააგენტოს მხარდაჭერით გამოიცა.

85
თემები:
საქართველო და კულტურა (883)
თენგიზ არჩვაძე

ცოცხალ ლეგენდას თენგიზ არჩვაძეს 88 წელი შეუსრულდა

100
(განახლებულია 19:18 03.08.2020)
„პოპულარობა მტანჯავს. ქალაქში მცნობენ და ცდილობენ მასიამოვნონ, მე კი უკანმოუხედავად გავრბივარ. ადამიანურად, რა თქმა უნდა, სასიამოვნოა, მაგრამ პოპულარობა მაინც იაფფასიან ესტრადას ჰგავს“, — თენგიზ არჩვაძე.

საქართველოს დამსახურებულ არტისტს, ყველასთვის საყვარელ მსახიობს თენგიზ არჩვაძეს დღეს 88 წელი შეუსრულდა. ის მსახიობთა იმ შესანიშნავი პლეადის წარმომადგენელია, რომელმაც 60-80-იანი წლების ქართულ თეატრსა და კინოს უდიდესი წარმატება მოუტანა.

თენგიზ არჩვაძე
Courtesy of Tengiz Archvadze
თენგიზ არჩვაძე

გამორჩეული სილამაზით დასამახსოვრებელი მომავალი მსახიობი 1932 წლის 3 აგვისტოს დაიბადა თბილისში. წარმოშობით საქართველოს ულამაზესი კუთხიდან, რაჭიდანაა. მეორე მსოფლიო ომის დროს სწორედ რაჭაში, ბაბუასთან ცხოვრობდა.

„ხელოვნების ქურუმი“: თენგიზ არჩვაძეს უმაღლეს ჯილდოს გადასცემენ>>

წყნარ, მეოცნებე და გულჩათხრობილ ბავშვს ხატვა ყველაფერს ერჩივნა: „ვხატავდი ცარცით, ნახშირით, რაც მომხვდებოდა ხელში, სადაც მომიწევდა — ყველგან და ყველაფერზე. ხატვის სიყვარული არასოდეს გამნელებია. ავიკიდებდი მოლბერტს და ვხატავდი წყნეთის, უძოს, კოჯრის პეიზაჟებს“. თუმცა, მოგვიანებით მან მხატვრობას მსახიობობა არჩია და თეატრალურ ინსტიტუტში უგამოცდოდ ჩაირიცხა.

თენგიზ არჩვაძემ 1956 წელს დაამთავრა თბილისის რუსთაველის სახელობის თეატრალური ინსტიტუტი და მალევე მუშაობა მარჯანიშვილის სახელობის თეატრში დაიწყო. 1967 წლიდან მუშაობდა რუსთავის დრამატულ თეატრში.

კინოსა და თეატრის ორი გრანდი - თენგიზ არჩვაძე და ლეილა აბაშიძე
© photo: Sputnik /
კინოსა და თეატრის ორი გრანდი - თენგიზ არჩვაძე და ლეილა აბაშიძე

55-წლიანი სამსახიობო კარიერის განმავლობაში მან 100-ზე მეტი პერსონაჟი განასახიერა და ქართველი კინომოყვარულების ერთ-ერთ უსაყვარლეს მსახიობად იქცა. არჩვაძე ყოველთვის უდიდესი პასუხისმგებლობით ეკიდებოდა თავის გმირებს. ამიტომაც მის მიერ განსახიერებული უარყოფითი პერსონაჟებიც კი უყვარდათ. მართლაც, ვერავინ გაბედავს და იტყვის, რომ თენგიზ არჩვაძე სადმე, რომელიმე ეპიზოდში არის ყალბი.

თენგიზ არჩვაძის პოპულარობის ხანა იწყება 60-იანი წლების დასაწყისში, კონკრეტულად, 1961 წელს, როცა ეკრანებზე ერთდროულად გამოდის ლანა ღოღობერიძის ფილმი „ერთი ცის ქვეშ” და შოთა მანაგაძის „კეთილი ადამიანები“. არჩვაძემ ამ ფილმებში ნათამაშები როლებით ქართულ კინოში დაამკვიდრა კეთილი, ლამაზი, ვაჟკაცური ახალგაზრდა კაცის სახე, რომელიც იმდენად პოპულარული აღმოჩნდა, რომ თითქმის ყოველწლიურად იწვევდნენ გადაღებაზე. 

არჩვაძემ სხვადასხვა დროს მთავარი როლები შეასრულა ისეთ გახმაურებულ ფილმებში, როგორიცაა „ხევისბერი გოჩა” (გუგუა, 1964), „ხევსურული ბალადა“ (იმედა, 1965), „მე ვხედავ მზეს“ (დათიკო, 1965), „26 კომისარი“ (ალიოშა ჯაფარიძე, აზერბაიჯანფილმი, 1966), „ვედრება“ (ალუდა ქუთელაური, 1967), „ჯვარცმული კუნძული“ (გიორგი, 1968), „დიდოსტატის მარჯვენა“ (არსაკიძე, 1969), „ანარეკლი“ (ჯაბა იმედაძე, 1972), „წიგნი ფიცისა“ (მეფე ალექსანდრე და ერეკლე II, 1983; რუსთაველის სახ. სახელმწიფო პრემია, 1985).

70-იანი წლების მიწურულს, როცა გიგა ლორთქიფანიძემ ჭაბუა ამირეჯიბის „დათა თუთაშხიას“ ეკრანიზაცია გადაწყვიტა, თენგიზ არჩვაძე მიიწვია და მუშნი ზარანდიას როლზე დაამტკიცა. არჩვაძემ აქ პირველად თქვა უარი საკუთარ იმიჯზე – სიარულის მანერაც კი შეიცვალა. ბრწყინვალედ შესრულებული როლისთვის მან 1981 წელს სსრკ სახელმწიფო პრემია მიიღო.

2010 წელს თბილისს კიდევ ერთი, თენგიზ არჩვაძის ვარსკვლავი შეემატა. სწორედ ვარსკვლავის გახსნას უკავშირდება 10-წლიანი პაუზის შემდეგ მისი სცენაზე დაბრუნება. თენგიზ არჩვაძემ მარჯანიშვილის თეატრის დიდ სცენაზე სპექტაკლში „მგზავრის წერილები“ ილია ჭავჭავაძის როლი შეასრულა. მას პარტნიორობას გივი ბერიკაშვილი უწევდა.

 პრემიები და წოდებები:

  • 1985 — შოთა რუსთაველის სახელობის სახელმწიფო პრემია
  • 1981 — სსრკ სახელმწიფო პრემია
  • 1979 — საქართველოს სახალხო არტისტი
  • 1967 — საქართველოს დამსახურებული არტისტი
100
თემები:
საქართველო და კულტურა (883)
და ჩვენ ვიცეკვეთ

ლევან აკინის სკანდალური ფილმი „და ჩვენ ვიცეკვეთ“ გერმანიას იპყრობს

110
(განახლებულია 18:32 03.08.2020)
ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.

თბილისი, 3 აგვისტო – Sputnik. ქართული წარმოშობის შვედი რეჟისორის ლევან აკინის მიერ არატრადიციულ სიყვარულზე გადაღებულ ფილმს „და ჩვენ ვიცეკვეთ“ გერმანიის კინოთეატრებში უჩვენებენ. 

როგორც საქართველოს კინემატოგრაფიის ეროვნული ცენტრის Facebook-გვერდზეა ნათქვამი, ფილმის ჩვენება გერმანიის 53 ქალაქში გაიმართება.

ამ მოვლენას გერმანულმა გაზეთმა Berliner Zeitung-მა რეცენზიაც მიუძღვნა. სტატიის ავტორი მკითხველს საქართველოს ისტორიას აცნობს და აღნიშნავს, რომ ერთ დროს საქართველო საბჭოთა კავშირის ნაწილი იყო, მაგრამ ახლა იგი „თავისუფალი სახელმწიფოა“.

გაზეთი ასევე აღნიშნავს, რომ საქართველოს პარლამენტის მიერ 2014 წელს მიღებული ადმინისტრაციული კანონის მიუხედავად, ქვეყანაში ლესბოსელებსა და გეებს საკუთარი ორიენტაციის ღიად აღიარება თავისუფლად არ შეუძლიათ.

მასალაში ასევე აღნიშნულია, რომ როდესაც 2019 წლის ნოემბერში თბილისის ხუთ კინოთეატრში ფილმ „და ჩვენ ვიცეკვეთ“ პრემიერა იმართებოდა, მაყურებელთა დაცვის მიზნით პოლიციის მობილიზება გახდა საჭირო. ფილმს წინააღმდეგობა შეხვდა ქართული ნაციონალისტური ჯგუფებისგან. ქუჩაში გამოსული აღშფოთებული ადამიანები  პროტესტს გამოთქვამდნენ, ყვიროდნენ „სირცხვილია!“. ჩვენების საწინააღმდეგო დემონსტრაციებზე 30-მდე ადამიანი დააკავეს. 

„და ჩვენ ვიცეკვეთ“ არის ფილმი, რომელმაც პრესტიჟულ კინოფესტივალებზე მრავალი ჯილდო მოიპოვა. ერთ-ერთი ბოლო ხმაურიანი აღიარება შვედეთში გამართულ კინოფესტივალზე The Guldbagge Awards სამ მთავარ ნომინაციაში გამარჯვებაა. ფილმმა მიიღო პრიზი „წლის საუკეთესო ფილმი“. მთავარი როლის შემსრულებელი ლევან გელბახიანი „საუკეთესო მსახიობის“ ტიტულით დაჯილდოვდა, ხოლო ლევან აკინმა მიიღო პრიზი „საუკეთესო სცენარისთვის“.

2019 წელს ლევან გელბახიანმა აღნიშნულ ფილმში შესრულებული მთავარი როლისთვის არაერთი ჯილდო მიიღო. აღსანიშნავია ლევან გელბახიანის წარმატება, რომელიც Europian Film Promotion-ის ვერსიით ათი საუკეთესო, ამომავალი და ყველაზე პერსპექტიული ვარსკვლავების სიაში მოხვდა.

ფილმი მოგვითხრობს ახალგაზრდა მოცეკვავე მერაბის შესახებ, რომელიც რადიკალურად იცვლება მას შემდეგ, რაც თავისი ამბიციური მეტოქე ირაკლი შეუყვარდება.

ფილმის ჩვენება აშშ-ის კინოთეატრებშიც გაიმართა.

110
თემები:
საქართველო და კულტურა (883)
სავსე მთვარე

მთვარის კალენდარი: 4 აგვისტო რისი გაკეთება შეიძლება და რისი არა

0
(განახლებულია 16:54 03.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 აგვისტო, სამშაბათი. ამ დღეს მარსი მართავს. სავსე მთვარე კლებას იწყებს. ის მერწყულის ნიშანშია.

ენერგეტიკული დღეა. მომატებულია ცდუნებების, სიზარმაცის ალბათობა. კარგი იქნება ემოციებისა და ვნებების გაკონტროლება, სიმშვიდის შენარჩუნება, თვითდისციპლინა.

არაერთმნიშვნელოვანი დღეა. უფრო რთულია დღის პირველი ნახევარი. მიუხედავად გარკვეული სირთულეებისა, შესაძლებელი იქნება შრომის პირველი ნაყოფის დანახვა.

კარგი დღეა ფლირტისა და მეგობრობისთვის. თუ გსურთ, საწინააღმდეგო სქესის წარმომადგენლის ყურადღება მიიპყროთ, არ შეუშინდეთ ორიგინალუ აზრებსა და საქციელს. ამ დღეს დაწყებული სასიყვარულო ურთიერთობები უფრო მეგობრულ კავშირზე იქნება დამყარებული, ვიდრე ვნებაზე.

რეკომენდებულია მარტივი საქმეების დაწყება, რომლებიც არ მოითხოვს განსაკუთრებულ ძალისხმევას, ვაჭრობა, დასვენება, კომფორტის შექმნა სამუშაო ადგილზე, იდეებზე ყურადღების გამახვილება – შესაძლოა, მათ შორის ისეთი იდეა გაჩნდეს, რომელიც მომავალში დიდ წარმატებას მოიტანს.

როგორ მოქმედებს მთვარის ფაზები ადამიანის ენერგეტიკაზე>>

არარეკომენდებულია მნიშვნელოვანი საქმეების დაწყება, ბევრი მუშაობა, ამბიციების გამოვლენა, პასუხისმგებლობის სხვებზე გადაბარება, ფინანსური ოპერაციების ჩატარება, მნიშვნელოვანი მოლაპარაკებების წარმოება, აზარტს აყოლა.

მგზავრობა არახელსაყრელია, მზად უნდა იყოთ უსიამოვნო მომენტებისთვის.

თმის შეჭრა, შეღებვა: ნიშანი შესამჩნევ გავლენას თმის ხარისხზე არ ახდენს. კარგი დღეა ექსპერიმენტული და ექსტრავაგანტული შეჭრისა და ვარცხნილობისთვის.

რაც შეეხება შეღებვას, ასევე წარმატებული იქნება ექსპერიმენტები თქვენთვის უჩვეულო ფერთან დაკავშირებით.

მებაღეობა: არახელსაყრელი დღეა მცენარეების დათესვისა და დარგვისთვის. შეიძლება მარცვლოვანი კულტურებისა და ბოლქვიანების მოსავლის აღება, გაკრეჭა, შეწამვლა.

კარგი დღეა, თუ გსურთ რამე ექსპერიმენტის ჩატარება და ანომალიური ჯიშის გამოყვანა.

0