ქვევრი, რომელშიც ოჯახის გარჯა, ისტორია და ტრადიციები ვაზის ნაჟურად ინახება

თბილისში ქვევრის ღვინის ფესტივალი Travel in Georgia with Wine მიმდინარეობს

82
(განახლებულია 18:30 01.09.2019)
ფესტივალში 50 საოჯახო მარანი მონაწილეობს

თბილისი, 1 სექტემბერი - Sputnik. თბილისში, ორბელიანის მოედანზე ქვევრის ღვინის ფესტივალი – Travel in Georgia with Wine იმართება, იუწყება საზოგადოებრივი მაუწყებლის პირველი არხი.

ფესტივალის მიზანია, ტურიზმის მხარდაჭერა, ღვინის პოპულარიზაცია,  ქვევრის ღვინის მიმართულებით განათლების დონის ამაღლება, სამომხმარებლო კულტურის ზრდა და ღვინის ტურიზმის ხელშეწყობა.

ფესტივალში 50 საოჯახო მარანი მონაწილეობს. ფესტივალი ტარდება მცირე საოჯახო მარნების ინიციატივითა და თბილისის მერიის, ღვინის ეროვნული სააგენტოსა და ტურიზმის დეპარტამენტის მხარდაჭერით. ფესტივალს ქართული ხალხური სიმღერების ანსამბლების, ფოლკლორული გუნდებისა და ეთნო ჯაზ-ბენდის მიერ შესრულებული სიმღერები აფორმებს.

ფესტივალზე უნიკალური ქვევრის ღვინოების დეგუსტაციაა შესაძლებელი, ასევე თითოეული მარანი ფესტივალზე წარმოადგენს მინიმუმ 30 ბოთლ სარეალიზაციო ღვინოს, რომელიც ტურიზმის ხელშეწყობის მიზნებიდან გამომდინარე სიმბოლურ ფასად გაიყიდება.

ფესტივალი 22:00 საათამდე გაგრძელდება.

82
თემები:
ღვინის კულტურა და მეღვინეობა (67)
ვლადიმერ მაიაკოვსკი

ონლაინ–კონფერენცია: ეძღვნება ვლადიმერ მაიაკოვსკის

19
(განახლებულია 14:06 25.05.2020)
ფორუმის მონაწილეები სხვადასხვა ქვეყნიდან გაიხსენებენ მაიაკოვსკის და იმსჯელებენ მის შემოქმედებაზე პოეზიაში, თეატრში, კინოში, ჟურნალისტიკასა და ხელოვნების სხვა სფეროებში

თბილისი, 25 მაისი – Sputnik. ონლაინ–კონფერენციას თემაზე „მაიაკოვსკის კვალდაკვალ პოეზიის საერთაშორისო სივრცეში“ ოთხშაბათს, 27 მაისს გამართავს მწერალ სანდრა ვერელის ბერლინის მუსიკალურ–ლიტერატურული სალონი ევრაზიის შემოქმედებით გილდიასთან ერთად.

სანდრა ვერელი საქართველოში დაარსებული დიდი პოეტის, ვლადიმერ მაიაკოსვკის სახელობის პირველი საერთაშორისო არტ–ფესტივალის „ბაღდათის ცა და სულის ეკოლოგია“ ორგანიზატორია. პროექტის მთავარი მიზანია საერთაშორისო ინტერესის გაღვიძება მაიაკოვსკის შემოქმედებისა და მისი ისტორიული სამშობლოსადმი.

ფესტივალი პირველად პოეტის მშობლიურ ბაღდათში 2018 წლის ოქტომბერში გაიმართა. მისი მონაწილენი იყვნენ შემოქმედი ადამიანები საქართველოდან, რუსეთიდან, ყაზახეთიდან, გერმანიიდან, დიდი ბრიტანეთიდან, პოლონეთიდან და ესტონეთიდან. მოგვიანებით ფესტივალი გაიმართა რუსეთსა და გერმანიაში.

„ფორუმში მონაწილეობას მიიღებენ პოეტები, მწერლები, თეატრალური კრიტიკოსები, მუსიკოსები, მხატვრები, ასევე ვლადიმერ მაიაკოვსკის შემოქმედების მთარგმნელები სხვადასხვა ქვეყნიდან. ასე რომ, საუბრების სპექტრი პოეზიის საზღვრებს გასცდება“, – აღნიშნა სანდრა ვერელმა „Sputnik–საქართველოსთან“ საუბრისას.

ვერელის თქმით, ონლაინ–კონფერენციაში მონაწილეობას მიიღებენ პოეტები და მწერლები საქართველოდან, გერმანიიდან, ინგლისიდან, ისრაელიდან, საფრანგეთიდან, რუსეთიდან, უკრაინიდან და ბელარუსიდან.

საპატიო სტუმრებს შორის იქნებიან პოეტის მშობლიური ქალაქ ბაღდათის წარმომადგენლები: მაიაკოვსკის სახლ–მუზეუმის დირექტორი ბექა კუჩუხიძე, ბაღდათის მუნიციპალიტეტის სერთაშორისო ურთიერთობების განყოფილების ხელმძღვანელი, პოეტი, მწერალი, მაიაკოვსკის შემოქმედების ქართულ ენაზე მთარგმნელი კონსტანტინე კიკნაძე, ფესტივალის „ბაღდათის ცა“ ერთ–ერთიინიციატორი, რაიონის ტურიზმისა და სპორტის განყოფილების უფროსი გოჩა ხორავა.

გარდა ამისა, პოეტურ ფორუმში მონაწილეობას მიიღებენ პოეტები, მაიაკოვსკის პრემიის ლაურეატები ირინე გოჩაშვილი (თბილისი), ლიდია გრიგორიევა (ლონდონი), ჟურნალისტები მარინა თექთუმანიძე და ანასტასია ხატიაშვილი თბილისიდან, ასევე გაგიკ ნაზარიანი ერევნიდან.

მაიაკოვსკის შემოქმედებაზე და მესამე ეკო–არტ ფესტივალზე ისაუბრებენ კუნგურის სტროგანოვის სახელობის ამხატვრო კოლეჯის დირექტორის მოადგილე ტატიანა პიატიშევა, ამავე სასწავლებლის კურსდამთავრებული და ამჟამად მოსკოვის სტროგანოვის სახელობის სამხატვრო აკადემიის სტუდენტი, სადაც თავად მაიაკოვსკის სწავლობდა, სანამ მეამბოხე ხასიათის გამო არ გარიცხეს. მხატვრულ თემაზე ისაუბრებს მხატვარი და ჟურნალისტი ნატალია კოვალიოვა. მაიაკოვსკის თეატრალურ მიმართულებას წარმოადგენს თეატრალური კრიტიკოსი მოსკოვიდან ოლგა გოვორკო, აღნიშნა ვერელმა.

ფორუმის მუსიკალურ ნაწილს წარმოადგენენ კომპოზიტორები, რომლებმაც ბერლინში მეორე ფესტივალისთვის მაიაკოვსკის ლექსებზე შექმნეს მუსიკა. ესენი არიან არჩი კიდი მოსკოვიდან, ალექსანდრ გუტმანი, ანა ზანიზდრა, ვოლფ გერნერი და რობერტ დენჰოფი ბერლინიდან.

კონფერენციის განსაკუთრებული სტუმარი იქნება მართლმადიდებლური გუნდი „საირმე“ ბაღდათიდან, რომელიც შეასრულებს ჯანსუღ კახიძის სიმღერას ვლადიმერ მაიაკოვსკიზე. კონფერენციას გაუძღვება პოეტი, მწერალი და მთარგმნელი გერმანიიდან სანდრა ვერელი და ევროაზიის შემოქმედებითი გილდიის ხელმძღვანელის მოადგილე ლონდონიდან მარატ ახმეჯანოვი.



19
თემები:
საქართველო და კულტურა
მერაბ აბრამიშვილის ტილო

მერაბ აბრამიშვილის „სამოთხე“ Sotheby's–ის აუქციონზე გაიყიდება

30
(განახლებულია 11:00 25.05.2020)
ქართველი ფერმწერის ნამუშევრები დიდი წარმატებით სარგებლობს Sotheby's–ის და  Christie’s–ის აუქციონებზე.

 

თბილისი, 25 მაისი — Sputnik.  მხატვარ მერაბ აბრამიშვილის ნახატი „სამოთხე“ Sotheby's–ის აუქციონზე გაიყიდება, რომელიც ლონდონში 26 მაისს გაიმართება.

კატეგორიაში  „რუსული ხელოვნება“ (Russian Art) წარმოდგენილი ტილოს საწყისი ფასი 25 ათასი ბრიტანული ფუნტია.

აბრამიშვილმა სურათი 1933 წელს შექმნა და იგი საქართველოში არართხელ იყო გამოფენილი. 2014 წელს ნახატი  ნამდვილმა მეპატრონემ Sotheby's–ის აუქციონზე „გზაჯვარედინზე 2: თანამედროვე ხელოვნება სტამბულიდან ქაბულამდე“ (At the Crossroads 2: Contemporary Art from Istanbul to Kabul) შეიძინა. ამ ეტაპზე ნახატი კერძო ევროპულ კოლექციაშია. 

ქართველი მხატვარი მერაბ აბრამიშვილი 1957 წლის 16 მარტს საქართველოში დაიბადა. 1972–1976 წლებში ალექსანდრე ბანძელაძის სამხატვრო სტუდიაში სწავლობდა. 1981 წელს აბრამიშვილმა თბილისის სახელმწიფო ხელოვნების აკადემია დაამთავრა, 1987 წელს კი თავისი პირველი მნიშვნელოვანი ნამუშევარი „ 300 არაგველი“ დაწერა.

აბრამიშვილი საქართველოს მხატვართა კავშირის (1988–2006) წევრი იყო. გამომსახველობით ხელოვნებას ასწავლიდა სოფელ მსხალდიდის სკოლაში. მხატვრის შემოქმედებაში მნიშვნელოვანი ადგილი ეკავა ნამუშევრებს როგორც რელიგიურ, ისე ანიმალისტიკურ თემებზე, ასევე ქართული ფრესკის, სპარსულ მინიატურებისა და  აღმოსავლური დეკორატიულ–გამოყენებითი ხელოვნების მოტივებზე.

მხატვარი ნამუშევრებს ხელს არ აწერდა და მსოფლიო დიდებას არ ეძებდა, მით უმეტეს, მის ცხოვრებაში იყო მრავალი გამოფენა საფრანგეთში, გერმანიაში, ავსტრიასა და პოლონეთში. მისი ტილოები ინახება საქართველოს ეროვნულ მუზეუმში, გერმანიაში, ფინეთში, აშშ–სა და კერძო კოლექციებში. მხატვარი 2006 წლის 22 იანვარს საქართველოში გარდაიცვალა.

ქართველი ფერმწერის ნამუშევრები დიდი წარმატებით სარგებლობს Sotheby's–ის და  Christie’s–ის აუქციონებზე. 2017 წელს ქართველი მხატვრის ორი ნახატი „მფარველი ანგელოზი“ და „ირმები“ Chrictie's–ის აუქციონზე 16,25 ათას ბრიტანულ ფუნტად გაიყიდა.

30
თემები:
საქართველო და კულტურა
ნიკოლოზ ბასილაშვილი

ვინ არის ნიკოლოზ ბასილაშვილის უმშვენიერესი საცოლე - ფოტოები სოციალური ქსელიდან

0
(განახლებულია 14:42 25.05.2020)
ნიკოლოზ ბასილაშვილი შეყვარებულია და მისი რჩეული ულამაზესი გერმანელი სპორტსმენია. ნახეთ წყვილის ფოტოები სოციალური ქსელიდან

ჩოგბურთელ ნიკოლოზ ბასილაშვილისა და მისი მეუღლის სკანდალზე საინფორმაციო სააგენტო „პრაიმტაიმი“ ახალ დეტალებს აქვეყნებს. გამოცემის ინფორმაციით, ნეკა დოროყაშვილი ყოფილი ქმრის მიმართ აგრესიული მას შემდეგ გახდა, როდესაც გაიგო, რომ მსოფლიოს 27-ე ჩოგანი შეყვარებულია და მალე დაქორწინებასაც აპირებს.

View this post on Instagram

would u like a little love?🌞

A post shared by 𝐂𝐀𝐑𝐋𝐎 🦁 (@carlottahelena) on

ნიკოლოზ ბასილაშვილის რჩეული, უმშვენიერესი გერმანელი სპორტსმენი შარლოტა ჰელენია, რომელიც ბასილაშვილმა ნათესავებს გააცნო და გოგონა ახლა საქართველოში იმყოფება.

View this post on Instagram

for professional photographer dm @nikolozbasilashvili

A post shared by 𝐂𝐀𝐑𝐋𝐎 🦁 (@carlottahelena) on

სოციალურ ქსელებში ორი დღეა აქტიურად განიხილავენ ცნობილი ჩოგბურთელის ცხოვრებას. თბილისის საქალაქო სასამართლომ ყოფილი მეუღლის მიმართ ძალადობაში ბრალდებულ ჩოგბურთელ ნიკოლოზ ბასილაშვილს აღკვეთის ღონისძიებად გირაო 24 მაისს შეუფარდა.

View this post on Instagram

qualität iz da @calvinlbr

A post shared by 𝐂𝐀𝐑𝐋𝐎 🦁 (@carlottahelena) on

ჩოგბურთელი ნიკოლოზ ბასილაშვილი 22 მაისს დააკავეს. პროკურატურის ინფორმაციით, 21 მაისს თბილისში, ავჭალის დასახლებაში, ბასილაშვილმა ურთიერთშელაპარაკების ნიადაგზე, ყოფილი მეუღლის მიმართ ფიზიკური ძალადობა განახორციელა. სისხლის სამართლის საქმეზე გამოძიება 126-ე პრიმა მუხლის მეორე ნაწილით მიმდინარეობს.

View this post on Instagram

🌞🌞🇩🇰

A post shared by 𝐂𝐀𝐑𝐋𝐎 🦁 (@carlottahelena) on

გავრცელებული ინფორმაციით, საქართველოს ნომერ პირველი ჩოგანი მას შემდეგ დააკავეს, რაც ბასილაშვილი და მისი მამა, ჩოგბურთელის ყოფილ ცოლს ფიზიკურად გაუსწორდნენ. ამ ფაქტს შეესწრო მათი არასრულწლოვანი შვილიც.

View this post on Instagram

to the moon and back 🌔

A post shared by 𝐂𝐀𝐑𝐋𝐎 🦁 (@carlottahelena) on

ცნობილი ქართველი ჩოგბურთელი ნიკოლოზ ბასილაშვილი და მისი მეუღლე ნეკა დოროყაშვილი ერთმანეთს დაახლოებით ერთი წლის წინ დაშორდნენ, თუმცა ამაზე ოფიციალურად არც ერთს არ უსაუბრია. წყვილი ქორწინებაში 2013 წლიდან იმყოფებოდა, მათ 2015 წლის 4 მაისს ვაჟი შეეძინათ.

View this post on Instagram

🌈

A post shared by 𝐂𝐀𝐑𝐋𝐎 🦁 (@carlottahelena) on

ოჯახური ძალადობა – საქართველოში ერთ-ერთი ყველაზე გავრცელებული დანაშაულია. კერძოდ, 2019 წელს ოჯახური ძალადობის ბრალდებით სისხლის სამართლებრივი პასუხისმგებლობა დაეკისრა 4,6 ათას ადამიანს, რომელთა უმეტესობა დაკავებულია. სულ 2019 წელს გამოძიება დაიწყო ოჯახური ძალადობის 6 ათას ფაქტზე, მაშინ, როცა 2018 წელს ეს მაჩვენებელი 5,6 ათასი იყო.

0