მოწამეთა

მოწამეთას უძველეს მონასტერთან ტურისტული ინფრასტრუქტურა წლის ბოლომდე მოეწყობა

62
(განახლებულია 13:16 28.08.2019)
მონასტერის ტერიტორიის კეთილმოწყობაზე 1,4 მლნ ლარი დაიხარჯება.

თბილისი, 28 აგვისტო — Sputnik. ტყიბულის მუნიციპალიტეტში, მოწამეთას მონასტერთან ტურისტული ინფრასტრუქტურის მოწყობა 2019 წლის ბოლოს დასრულდება, ნათქვამია საქართველოს რეგიონული განვითარებისა და ინფრასტრუქტურის სამინისტროს განცხადებაში.

პროექტის მიზანი იმერეთის რეგიონში ტურიზმის განვითარებისთვის ხელსაყრელი პირობების შექმნაა.

სამუშაოებს „მუნიციპალური განვითარების ფონდი“ ახორციელებს. სამუშაოები ითვალისწინებს გალავნის კედლების გამაგრებას, ვიზიტორთა ცენტრის, ავტოსადგომის, საკომუნიკაციო სისტემის და საპირფარეშოების მშენებლობა–რეაბილიტაციას.

პროექტს მსოფლიო ბანკი აფინანსებს. მისი ღირებულება 1,4 მლნ ლარს შეადგენს.

მოწამეთას მონასტერი გელათის მონასტერთან ახლოს მდებარეობს, მათ კანიონი და მთა ჰყოფს.

ძველი წყაროების თანახმად, აქ VIII საუკუნის დასაწყისში მდებარეობდა ხარების ეკლესია, რომელიც 735-737 წლებში მურვან ყრუს მეთაურობით შემოსეულმა არაბთა ლაშქარმა დაწვა. შემოსევას წინ აღუდგნენ არგვეთის მთავრები დავითი და კონსტანტინე, მაგრამ დამარცხდნენ და ტყვედ ჩავარდნენ. მურვან ყრუს მათი მოქცევა სურდა, მაგრამ დავითმა და კონსტანტინემ ამაზე მტკიცე უარი თქვეს. ისინი ცხრა დღის განმავლობაში აწამეს, შემდეგ კი რიონში დაახრჩვეს.

გადმოცემით, როდესაც ნაპირზე მათი ცხედრები იპოვეს, ადამიანებს მოესმათ უფლის ხმა, რომელმაც აღმოსავლეთისკენ მათი მიტანა იმ ადგილამდე უბრძანა, სადაც მზის ამოსვლას იხილავდნენ. ეს ადგილი აღმოჩნდა დამწვარი ეკლესიის ნანგრევები. სწორედ იქ დაკრძალეს დავითი და კონსტანტინე. XI საუკუნის დასაწყისში ამ ადგილზე ბაგრატ მესამემ დიდი უგუმბათო ტაძარი ააგო და მოწამეთას მონასტერი დააარსა.

უნიკალური ციხე-სოფელი მუცო შესაძლოა „ევროპა ნოსტრას" მთავარი ჯილდოს მფლობელი გახდეს >>

მონასტრის ტერიტორიაზე მდებარეობს რამდენიმე ნაგებობა – მოწამე დავითისა და კონსტანტინეს ტაძარი, 1845 წელს აგებული სამრეკლო და ქვის გალავანი კოშკით. მოწამეთობის დღესასწაული 15 ოქტომბერს აღინიშნება.

 

62
თემები:
საქართველო და კულტურა (928)
საკო წოწორია

ქართველი მოდელი Audi-ს რეკლამაში გადაიღეს

135
(განახლებულია 21:52 16.09.2020)
Audi España-სთვის გადაღებულ ვიდეორგოლში, რომელიც ესპანურ აუდიტორიაზეა გათვლილი, ქართველი მოდელი ახალგაზრდა ინფლუენსერის როლში წარდგა

თბილისი, 16 სექტემბერი — Sputnik. ქართველი მოდელი საკო წოწორია გერმანული მანქანათმშენებელი კომპანია Audi-ს ახალი სარეკლამო რგოლის მთავარი გმირი გახდა.

To be an Influencer („იყო ინფლუენსერი“) - ასეთი სახელწოდება აქვს Audi-ს ახალ სარეკლამო რგოლს, რომელიც რეჟისორმა პაბლო ოლივერამ კომპანია Garage Films Production-თან და სარეკლამო სააგენტო DDB España-თან თანამშრომლობით ესპანური აუდიტორიისთვის შექმნა.

Audi España-სთვის გადაღებულ ვიდეორგოლში ქართველი მოდელი ახალგაზრდა ინფლუენსერის როლში წარდგა. ის ფოლოვერებს სოციალურ ქსელებში თავისი ცხოვრების დეტალებს უზიარებს, ქმნის კონტენტსა და ტრენდებს. თუმცა ის, რაც მას განუმეორებელსა და გამორჩეულს ხდის - ეს არის ავტომობილი Audi.

საკო წოწორია ბევრმა გაიცნო სამოდელო პროექტ „ტოპ-გოგოს“ შემდეგ. სამოდელო კარიერის გარდა, საკომ სხვა სფეროებიც მოსინჯა. ის მუშაობდა მენეჯერად სასტუმროებში, ასევე ჟურნალისტიკაში: წერდა ჟურნალისთვის „თავისუფალო დრო“ და სააგენტო Marketer-ისთვის.

135
თემები:
საქართველოს სიამაყე
კახა კალაძე

თბილისის მერია კულტურის სფეროს წარმომადგენლებს მხარს დაუჭერს

61
(განახლებულია 19:11 16.09.2020)
მსახიობები, მომღერლები, მუსიკოსები, მხატვრები, ფოტოგრაფები და კულტურის მრავალი სფეროს სხვა წარმომადგენლები, მთლიანად ეს სფერო მძიმე მდგომარეობაშია.

თბილისი, 16 სექტემბერი – Sputnik. პანდემიის პერიოდში კულტურის მოღვაწეების დასახმარებლად დედაქალაქის ბიუჯეტიდან 3 მილიონი ლარი გამოიყო. ამის შესახებ თბილისის მერმა კახა კალაძემ განაცხადა.

ქვეყანაში ეპიდემიური ვითარების გაუარესების გამო 10 სექტემბრიდან აიკრძალა ქორწილების, საიუბილეო და სხვა სახის ღონიძიებების გამართვა. ამის გამო კულტურის ბევრი სფეროს წარმომადგენელი ისევ უმუშევარი დარჩა.

„ჩვენ კულტურის სფეროს წარმომადგენლებს მხარდაჭერა გამოვუცხადეთ, ვაფინანსებთ სხვადასხვა მიმართულებით, ეს იქნება კონცერტები, ბენდები, მომღერლები, ხელოვნების სხვადასხვა წარმომადგენლები. ამას გავაგრძელებთ, ადამიანებს პრობლემის პირისპირ არასდროს დავტოვებთ, ყველანაირად გვერდით დავუდგებით და ხელს შევუწყობთ“, – განაცხადა კალაძემ.

მერმა უყრუადღებოდ არ დატოვა ასევე ფოტოგრაფები. მისი თქმით, მათ სხვადასხვა პროგრამის ფარგლებში ფინანსურ დახმარებას გაუწევენ.

შეზღუდვები ბრუნდება: თეატრების, კინოთეატრების, ბავშვთა გასართობი ცენტრების გახსნა გადაიდო>>

ქვეყანაში მორიგი ანტირეკორდი მყარდება – კორონავირუსის შემთხვევები ბოლო დღე-ღამეში 196-ით გაიზარდა და 2758-ს მიაღწია. პანდემიის დაწყებიდან დღემდე გამოჯანმრთელდა 1 412 ადამიანი, გარდაიცვალა 19 პაციენტი.

61
თემები:
თბილისის მერია
სასწრაფო დახმარება

საქართველოში COVID-19-ით ინფიცირებულთა უმრავლესობა უსიმპტომოა ან მსუბუქი სიმძიმისაა

0
ეპიდემიოლოგები პაციენტების მკურნალობს სახლის პირობებში გეგმავენ - მიმდინარეობს ექიმების გადამზადება

თბილისი, 19 სექტემბერი — Sputnik. საქართველოში კორონავირუსით ინფიცირებულთა შორის ჭარბობენ მსუბუქი, უსიმპტომო ან საშუალო სიმძიმის პაციენტები, განაცხადა დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ.

საქართველოში ამ დროისათვის 1657 პაციენტი მკურნალობს. მათგან 13-ის მდგომარეობა კრიტიკულია, ხუთი კი ხელოვნური სუნთქვის აპარატზეა ჩართული.

„ზოგადად ბოლო ორ კვირაში გვაქვს ახალი შემთხვევების მზარდი დინამიკა და ეს ძირითადად ხდება აჭარის რეგიონის ხარჯზე, სადაც გვაქვს ეპიდაფეთქება, მაგრამ სიტუაცია სრულად მართვადია და მათ შორის აჭარის რეგიონში“, – განაცხადა გამყრელიძემ.

გამყრელიძემ არ გამორიცხა, რომ აჭარაში პაციენტების მართვა სახლში დაიწყოს. მისი თქმით, უახლოეს დღეებში პირველადი ჯანდაცვის ექიმები კიდევ ერთხელ გადამზადდებიან, რათა პაციენტებს სახლის პირობებში უმკურნალონ.

გამყრელიძის თქმით, 30 იანვრიდან საქართველოში 534 ათასი PCR-ტესტი და დაახლოებით 301 ათასი სწრაფი ტესტი გაკეთდა.

ეპიდემიოლოგმა მოუწოდა ყველას ცხელების შემთხვევაში შესაბამის სამსახურებს მიმართონ. მისი თქმით, ეს პირველი წელიწადია, როდესაც გრიპთან და სხვა რესპირატორულ დაავადებებთან ერთად, რომლებიც შემოდგომით აქტიურდება, იარსებებს ასევე კორონავირუსი. საჭიროა მაქსიმალური სიფრთხილე და რეკომენდაციების შესრულება.

გურიაში კორონავირუსი პედაგოგებს დაერია >>

ოქტომბრის დასაწყისში საქართველოს ექნება გრიპის ოთხკომპონენტიანი ვაქცინის 135 ათასამდე დოზა. დაავადებათა კონტროლის ცენტრი ვაქცინის დამატებითი დოზების შემოტანაზე მუშაობს.

„როგორც წესი, ვაქცინა გაუკეთდება რისკჯგუფებს და ეს რისკჯგუფები ყოველწლიურად ისაზღვრება იმუნიზაციის საბჭოს დადგენილებით. ვცდილობთ მაქსიმალურად, გავზარდოთ სახელმწიფოს მიერ შესყიდული ვაქცინის მარაგი. ძალიან ბევრ ბაზარზე და ბევრ მწარმოებელთან გვაქვს კონტაქტი და შესაძლებელია, წელს გრიპის აცრებზე მოთხოვნა იყოს მეტი, ვიდრე ოდესმე ყოფილა. რა თქმა უნდა, ვაქცინა ექნებათ კერძო კომპანიებსაც“, - განაცხადა გამყრელიძემ.

გასულ დღე-ღამეში კორონავირუსით ინფიცირების შემთხვევების რაოდენობა 182-ით გაიზარდა. სამთავრობო ვებგვერდ StopCov-ის მონაცემებით, ინფიცირებულთა საერთო რაოდენობა ქვეყანაში 3119-ე შეადგენს.

 

0
თემები:
COVID-19 საქართველოში