ანიმაციური ფილმების  საერთაშორისო ფესტივალი „ნიქოზი“

სოფელ ნიქოზში ანიმაციის ფესტივალზე სხვადასხვა ქვეყნის რეჟისორები შეიკრიბებიან

59
(განახლებულია 10:04 25.08.2019)
ნიქოზში მაყურებელს უჩვენებენ როგორც ძველ შედევრებს, ისე ახლადშექმნილ ფილმებს

თბილისი, 25 აგვისტო - Sputnik. ანიმაციური ფილმების რიგით მეცხრე საერთაშორისო ფესტივალი „ნიქოზი“ შიდა ქართლის სოფელ ზემო ნიქოზში 2019 წლის 1-6 სექტემბერს გაიმართება, ნათქვამია ორგანიზატორების განცხადებაში.

ანიმაციური ფესტივალი, ტრადიციულად, ნიქოზისა და ცხინვალის ეპარქიის მიტროპოლიტის, ეპისკოპოს ისაიას (ზურაბ ჭანტურიას) ინიციატივით 2011 წლიდან ტარდება. ფესტივალის მონაწილეები ეცნობიან მსოფლიო ანიმაციის სიახლეებს, ხვდებიან ცნობილ რეჟისორებსა და ხელოვნების მოღვაწეებს.

წელს ნიქოზის ფესტივალის პროგრამა საკმაოდ დატვირთული  იქნება. ღონისძიების გახსნაზე სტუმრებს ელოდება ნიქოზის წმ. ალექსანდე ოქროპირიძის ხელოვნების სკოლის მოსწავლეთა სოლოკონცერტი. საღამოზე წარმოდგენილი იქნება ქართული ხალხური ცეკვები და სიმღერები.

გახსნის დღეს იქნება ნაჩვენები ანიმაციური ფილმი, რომელიც ნიქოზის ხელოვნების სკოლის მოსწავლეებმა რუს რეჟისორ, ანიმატორ სტეპან ბირიუკოვთან ერთად მასტერ-კლასზე შექმნეს.

ავსტრალია ქართულ ანიმაციას გაეცნობა: საერთაშორისო ფესტივალი მელბურნში >>

ფესტივალის ფარგლებში გაიმართება უცხოური ფილების ჩვენებები და რეტროსპექტივები. მათ შორისაა ფერნანდო გალრიტოს პორტუგალიური ფილმები, ლატვიელი ანიმატორის, ვლადიმირ ლეშჩევის, გერმანელი რეჟისორის, ალა ჩურიკოვას, ბელარუსი მულტიპლიკატორის, ირინა კოდიუკოვას და სხვა რეჟისორების ნამუშევრები.

ნიქოზში ასევე ნაჩვენები იქნება ქალაქ სუზდალის ანიმაციური კინოფესტივალის მონაწილე და პრიზიორი ფილმები.

აღსანიშნავია, რომ ნიქოზში სხვადასხვა ქვეყნის რეჟისორები არამარტო წარადგენენ საკუთარ ნამუშევრებს, არამედ გამართავენ შემსწავლელ მასტერ-კლასებს. სემინარებს გამართავენ გერმანელი რეჟისორი ალა ჩურიკოვა, ჰოლანდიელი მხატვარი-მულტიპლიკატორი მიხაელ დიუდოკ დე ვიტი.

შეგახსენებთ, რომ „ნიქოზი" სხვა კინოფესტივალებისგან იმით განსხვავდება, რომ აქ საერთოდ არ არის ტრადიციულად მიღებული საკონკურსო სისტემა, სადაც ავლენენ გამარჯვებულს სხვადასხვა ნომინაციაში. „ნიქოზში" აჩვენებენ როგორც ძველ შედევრებს, ისე ახლად შექმნილ ფილმებს.

59
თემები:
საქართველო და კულტურა (891)
ჭავჭავაძეების სასახლე წინანდალში

წინანდალში კლასიკური მუსიკის ფესტივალი მაინც გაიმართება

13
(განახლებულია 19:26 09.08.2020)
პანდემიის გამო ორგანიზატორებმა ფესტივალი 2021 წლისთვის გადადეს. ახლა კი, ეპიდემიური ვითარებიდან გამომდინარე, ფესტივალი მაინც გაიმართება

თბილისი, 9 აგვისტო - Sputnik. კლასიკური მუსიკის ერთ–ერთი ყველაზე მასშტაბური ფესტივალი Tsinandali Festival 17–20 სექტემბერს გაიმართება, იუწყებიან ორგანიზატორები.

უფრო ადრე ორგანიზატორებმა კორონავირუსის პანდემიის გამო ფესტივალი 2021 წლისთვის გადადეს, თუმცა ახლა, ეპიდემიური ვითარების გათვალისწინებით, ღონისძიება გაიმართება.

ოთხი დღის განმავლობაში ფესტივალზე მსმენელის წინაშე წარდგებიან არგენტინელი პიანისტი მარტა არგერიხი, მაესტრო ნიკოლოზ რაჭველი, ქართული სიმფონიური ორკესტრი, მევიოლინე ლიზა ბათიაშვილი და სხვა მუსიკოსები.

წინანდლის ფესტივალი სახელმწიფო და კერძო სექტორის – ტურიზმის ეროვნული ადმინისტრაციისა და კომპანია Silk Road Group-ის ერთობლივი ინიციატივაა. მემორანდუმი მათი თანამშრომლობის შესახებ 2017 წლის იანვარში გაფორმდა.

Tsinandali Festival-ის დამფუძნებლები გახდნენ შვეიცარიის ვერბიეში (Verbier) ფესტივალის დამფუძნებელი მარტინ ენგსტრემი, მისი თანამოაზრე, ისრაელის ფილარმონიის ორკესტრის გენერალური დირექტორი ავი შოშანი და ქართველი ბიზნესმენი და ფილანტროპი გიორგი რამიშვილი.

ფესტივალის გენერალური დირექტორია ცნობილი რეჟისორი დავით საყვარელიძე, სამხატვრო ხელმძღვანელი – ჯანანდრეა ნოზედა.

ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზი, 60-ნომრიანი სასტუმრო, ღია ამფითეატრი, ბიბლიოთეკა, საკონფერენციო დარბაზები და მულტიფუნქციური სივრცეები აშენდა. პროექტის ფარგლებში ასევე შეიქმნა საერთაშორისო მუსიკალური აკადემია, რომელთანაც ჩამოყალიბდა ახალგაზრდული ორკესტრი 60 მუსიკოსის შემადგენლობით.

13
თემები:
საქართველო და კულტურა (891)
ლიანა ისაკაძე

ფესტივალი „ღამის სერენადები“ განსაკუთრებულ ფორმატში გაიმართება

66
(განახლებულია 11:13 08.08.2020)
წელს ფესტივალი მოკრძალებულად ჩატარდება – კორონავირუსის პანდემიის გამო მასში მონაწილეობას ვერ მიიღებენ უცხოელი მუსიკოსები და ის ცარიელ დარბაზში გაიმართება

თბილისი, 8 აგვისტო – Sputnik. რიგით მეთორმეტე საერთაშორისო მუსიკალური ფესტივალი „ღამის სერენადები“ 27 აგვისტოდან 4 სექტემბრის ჩათვლით განსაკუთრებულ ფორმატში ჩატარდება.

როგორც Sputnik–საქართველოს ორგანიზატორებმა აცნობეს, ფესტივალი წელს, კორონავირუსის პანდემიის გამო, პირველად გაიმართება ონლაინ–რეჟიმში და უცხოელი მუსიკოსების გარეშე. გარემოებების მიუხედავად ორგანიზატორები გვპირდებიან, რომ საკონცერტო საღამოებზე აჟღერდება კლასიკური მუსიკის შედევრები და ასევე გაიმართება თანამედროვე ქართველი კომპოზიტორების ნაწარმოებების პრემიერები.

ფესტივალი, ტრადიციულად, 27 აგვისტოს ბათუმში ილია ჭავჭავაძის სახელობის სახელმწიფო დრამატული თეატრში გაიხსნება. ონლაინ–ტრანსლაციას აჭარის ტელევიზია უზრუნველყოფს.

კონცერტი ცნობილი ქართველი კომპოზიტორისა და პედაგოგის სულხან ცინცაძის 95 წლისთავს მიეძღვნება. საღამოში მონაწილეობას მიიღებენ მრავალი კონკურსის ლაურეატი, პიანისტი თამარ ლიჩელი და გია ყანჩელის სახელობის სიმებიანი კვარტეტი.

კონცერტები 2 და 4 სექტემბერს თბილისში გაიმართება. საღამოზე გამოვლენ ფესტივალის საბაზო ორკესტრი „საქართველოს ვირტუოზები“ ლიანა ისაკაძის ხელმძღვანელობით, პიანისტები სანდრო ნებიერიძე, ლიზა ჩხაიძე და ელენე შავერზაშვილი.

თბილისიდან ლაივ–სტრიმს Lenovo Records განახორციელებს, ასევე მიმდინარეობს მოლაპარაკებები სხვა ტელეკომპანიებთნ.

ფესტივალის პროგრამაში სამი ქართველი კომპოზიტორის ნაწარმოებების პრემიერები. ესაა სანდრო ნებიერიძის კონცერტი №2 ფორტეპიანოსა და სიმებიანი ორკესტრისთვის, გიორგი შავერზაშვილის კონცერტი №4 ფორტეპიანოსა და კამერული ორკესტრისთვის, ჯიმშერ ჩხაიძის „სენტიმენტები“კამერული ორკესტრისა და არფისთვის, რომლის პრემიერა გერმანიაში 2011 წელს გაიმართა, თუმცა საქართველოში ის პირველად აჟღერდება.

საერთაშორისო მუსიკალური ფესტივალი „ღამის სერენადები" 1982 წელს დაარსდა და ყოველ ზაფხულს ბიჭვინთაში იმართებოდა. ფესტივალი ძალიან პოპულარული იყო, თუმცა 1991 წელს არსებობა შეწყვიტა და მხოლოდ 18 წლის შემდეგ, 2009 წელს აღდგა — ამჯერად აჭარაში. ფესტივალის სამხატვრო ხელმძღვანელები არიან ლიანა და გიორგი ისაკაძეები.

66
თემები:
საქართველო და კულტურა (891)