ალექსანდრე ზაზარაშვილი

ალექსანდრე ზაზარაშვილი „ევროვიზიაზე" უკრაინის სახელით წარდგება?

156
(განახლებულია 20:47 23.09.2019)
დიდი ალბათობაა იმის, რომ საერთაშორისო მუსიკალური კონკურსის სცენაზე ერთდროულად ორი ქართველი წარდგეს

თბილისი, 15 აგვისტო — Sputnik. უკრაინული მუსიკალური ტელეპროექტ Голос. Дети-ის ქართველი გამარჯვებული ალექსანდრე ზაზარაშვილი საბავშვო „ევროვიზია 2019"-ის შესარჩევ ტურში უკრაინის სახელით მიიღებს მონაწილეობას.

აღნიშნულ ტურში სულ ათი მომღერალი მიიღებს მონაწილეობას. ალექსანდრე უკრაინულ ენაზე MOIA MA-ს შეასრულებს.

საბავშვო კონკურსი პოლონეთის ქალაქ გლივიცეში 24 ნოემბერს გაიმართება. ამ დროისთვის შოუში მონაწილეობაზე თანხმობა 18-მა ქვეყანამ განაცხადა.

ამ დღეებში 12 წლის მომღერალმა ალექსანდრე ზაზარაშვილმა გაიმარჯვა პროექტში „მუსიკალური გალერეა - გზა კარნეგი-ჰოლისკენ", რომლის ავტორიც დავით ღვინიანიძე და ფონდი „მსოფლიოს ტალანტები" გახლავთ.

უკრაინული ტელეშოუს ფინალში, სადაც ალექსანდრე ქართველ რობერტინო ლორეტად შერაცხეს, ნორჩმა ქართველმა ნინო ქათამაძის კომპოზიცია „ქუჩაში ერთხელ" შეასრულა და ფურორი მოახდინა.

156
თემები:
საქართველოს სიამაყე (64)
ანზორ ერქომაიშვილი

საქართველოს პრეზიდენტმა ანზორ ერქომაიშვილი ბრწყინვალების ორდენით დააჯილდოვა

37
(განახლებულია 20:17 09.08.2020)
გამოჩენილ მომღერალს, ლოტბარს, კომპოზიტორს, საგუნდო დირიჟორს, ხალხური სიმღერების შემკრებს ანზორ ერქომაიშვილს 10 აგვისტოს 80 წელი უსრულდება

თბილისი, 9 აგვისტო - Sputnik. საქართველოს პრეზიდენტმა სალომე ზურაბიშვილმა ცნობილი მომღერალი, ლოტბარი და კომპოზიტორი ანზორ ერქომაიშვილი ბრწყინვალების ორდენით დააჯილდოვა, ნათქვამია პრეზიდენტის Facebook–გვერდზე.

ერქომაიშვილს ბრწყინვალების ორდენი „ქართული საგუნდო მუსიკის, ფოლკლორის განვითარებისა და პოპულარიზაციის საქმეში შეტანილი განსაკუთრებული წვლილისათვის, ნაყოფიერი პედაგოგიური, საზოგადოებრივი მოღვაწეობისა და ქვეყნის წინაშე აღმატებული ღვაწლისათვის" გადაეცა.

დაჯილდოების ცერემონია ლანჩხუთის რაიონის სოფელ აცანაში, მაცხოვრის სახელობის ეკლესიის ეზოში გაიმართა.

გამოჩენილ მომღერალსა ლოტბარს, კომპოზიტორს, ანსამბლების – „რუსთავისა“ და „მართვეს“ დამაარსებელს, ანზორ ერქომაიშვილს 10 აგვისტოს 80 წელი უსრულდება.

ანზორ ერქომაიშვილის 80 წლის საიუბილეო საღამო ხვალ ოზურგეთის დრამატული თეატრის თაღებში ჩატარდება. ღონისძიებაზე ქართულ ხალხურ სიმღერებს შეასრულებენ ანსამბლები: „რუსთავი“, „ბასიანი“, „რიჰ“, „შილდა“, გალობის უნივერსიტეტის გოგონათა გუნდი. ტრიოები: „შალვა ჩემო“, „შემოქმედი“ და „ხელხვავი“. მოეწყობა ანზორ ერქომაიშვილის ცხოვრებისა და შემოქმედების ამსახველი ფოტოგამოფენა.

ღონისძიების ორგანიზატორი არიან საქველმოქმედო ფონდი „ქართული გალობა“ და საქართველოს ფოლკლორის სახელმწიფო ცენტრი.

ანზორ ერქომაიშვილი 1940 წლის 10 აგვისტოს ბათუმში დაიბადა. ის თვითნასწავლი მომღერლის არტემ ერქომაიშვილის შვილიშვილია. ბაბუის რჩევით მიიღო უმაღლესი მუსიკალური განათლება, ჩააბარა კულტურულ-საგანმანათლებლო სასწავლებელში, შემდეგ კი თბილისის სახელმწიფო კონსერვატორიაში, რომელიც 1969 წელს დაამთავრა.

ანზორ ერქომაიშვილმა ჯერ კიდევ სტუდენტმა დაიწყო გურული საგალობლებისა და ხალხური სიმღერების გადატანა ნოტებზე. კონსერვატორიაში დააარსა ამ სიმღერების შემსწავლელი ვოკალური ანსამბლი „გორდელა“.

1968 წლიდან 2019 წლამდე იყო ანსამბლ „რუსთავის“ ხელმძღვანელი.

ანზორ ერქომაიშვილი არის საქართველოს ხელოვნების დამსახურებული მოღვაწე (1969), თბილისის საპატიო მოქალაქე (2014).

ავტორია წიგნებისა „ხმა უცნაური“, „შავი შაშვი ჩიოდა“, „ბაბუა“.

37
თემები:
საქართველო და კულტურა
ჭავჭავაძეების სასახლე წინანდალში

წინანდალში კლასიკური მუსიკის ფესტივალი მაინც გაიმართება

55
(განახლებულია 19:26 09.08.2020)
პანდემიის გამო ორგანიზატორებმა ფესტივალი 2021 წლისთვის გადადეს. ახლა კი, ეპიდემიური ვითარებიდან გამომდინარე, ფესტივალი მაინც გაიმართება

თბილისი, 9 აგვისტო - Sputnik. კლასიკური მუსიკის ერთ–ერთი ყველაზე მასშტაბური ფესტივალი Tsinandali Festival 17–20 სექტემბერს გაიმართება, იუწყებიან ორგანიზატორები.

უფრო ადრე ორგანიზატორებმა კორონავირუსის პანდემიის გამო ფესტივალი 2021 წლისთვის გადადეს, თუმცა ახლა, ეპიდემიური ვითარების გათვალისწინებით, ღონისძიება გაიმართება.

ოთხი დღის განმავლობაში ფესტივალზე მსმენელის წინაშე წარდგებიან არგენტინელი პიანისტი მარტა არგერიხი, მაესტრო ნიკოლოზ რაჭველი, ქართული სიმფონიური ორკესტრი, მევიოლინე ლიზა ბათიაშვილი და სხვა მუსიკოსები.

წინანდლის ფესტივალი სახელმწიფო და კერძო სექტორის – ტურიზმის ეროვნული ადმინისტრაციისა და კომპანია Silk Road Group-ის ერთობლივი ინიციატივაა. მემორანდუმი მათი თანამშრომლობის შესახებ 2017 წლის იანვარში გაფორმდა.

Tsinandali Festival-ის დამფუძნებლები გახდნენ შვეიცარიის ვერბიეში (Verbier) ფესტივალის დამფუძნებელი მარტინ ენგსტრემი, მისი თანამოაზრე, ისრაელის ფილარმონიის ორკესტრის გენერალური დირექტორი ავი შოშანი და ქართველი ბიზნესმენი და ფილანტროპი გიორგი რამიშვილი.

ფესტივალის გენერალური დირექტორია ცნობილი რეჟისორი დავით საყვარელიძე, სამხატვრო ხელმძღვანელი – ჯანანდრეა ნოზედა.

ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზი, 60-ნომრიანი სასტუმრო, ღია ამფითეატრი, ბიბლიოთეკა, საკონფერენციო დარბაზები და მულტიფუნქციური სივრცეები აშენდა. პროექტის ფარგლებში ასევე შეიქმნა საერთაშორისო მუსიკალური აკადემია, რომელთანაც ჩამოყალიბდა ახალგაზრდული ორკესტრი 60 მუსიკოსის შემადგენლობით.

55
თემები:
საქართველო და კულტურა
წყვილი

იყიდება... დედა და მამა გულისამაჩუყებელი ნამდვილი ამბავი

0
(განახლებულია 19:12 09.08.2020)
ეს ამბავი იაპონიაში მოხდა. ერთ–ერთ გაზეთში დაიბეჭდა ძალზე უცნაური განცხადება მშობლების გაყიდვის თაობაზე...

ტოკიოს გაზეთში დაბეჭდილ სენსაციურ განცხადებაში ეწერა: „იყიდებიან მშობლები: მამა – 68 წლის, დედა – 66 წლის. ფასი – 900 იენი“.

ვინც განცხადება ნახა, ყველა შოკირებული იყო. „რა დრო დადგა! მშობლებსაც კი ყიდიან უკვე!“ – ასეთ აღშფოთებას გამოთქვამდნენ მოქალაქეები.

და აი, ეს გაზეთი ახალგაზრდა ოჯახის ხელში მოხვდა. ახალგაზრდებმა სულ რამდენიმე დღის წინ დაასაფლავეს საკუთარი მშობლები, რომლებიც ტრაგიკულ შემთხვევას – ავტოავარიას ემსხვერპლნენ.

უდედმამოდ დარჩენილი ბავშვები ძალიან იტანჯებოდნენ და ეს განცხადება მშობლების გაყიდვის შესახებ მათთვის უაღრესად მკრეხელური აღმოჩნდა. ვერც კი წარმოედგინათ, რა ხდებოდა ახლა იმ მოხუცების გულებში, რომელთა გაყიდვასაც აპირებდნენ.

მათ დიდხანს არც უფიქრიათ – გადაწყვიტეს, ეყიდათ მოცუხები და მათთვის თავიანთი სითბო, მზრუნველობა და სიყვარული გაეზიარებინათ.

აირჩიეთ ბედნიერება და ბედნიერება აგირჩევთ თქვენ>>

ახალგაზრდები მითითებულ მისამართზე მივიდნენ და ძალიან გაუკვირდათ, როდესაც მათ წინაშე ულამაზესი, დიდი სასახლე გადაიჭიმა ყვავილებით მორთული ეზოთი. მათ გადაწყვიტეს, რომ რაღაც შეცდომა იყო და წასვლას აპირებდნენ, რომ ამ დროს კარი გაიღო და ხანდაზმულმა მამაკაცი გამოვიდა.

ახალგაზრდები შეწუხდნენ და ბოდიში მოიხადეს.

–       გამარჯობა. ალბათ, რაღაც შეცდომაა, მაგრამ განცხადებაში ეს მისამართი იყო მითითებული...

–       ყველაფერი სწორადაა, შემობრძანდით! – შეიპატიჟა ისინი აღელვებულმა მამაკაცმა და მეუღლეს დაუძახა.

შემდეგ ცოლ–ქმარმა ასეთი რამ უამბო ახალგაზრდებს.

–       ჩვენ მართლაც არ ვართ ღარიბები. მაგრამ შვილები არ გვყავს, რომლებსაც მემკვიდრეობას დავუტოვებდით. ამიტომ გადავწყვიტეთ ღირსეული კანდიდატურა შეგვერჩია და ასეთი ფორმა შევარჩიეთ. ვიცოდით, რომ ამას მხოლოდ ძალიან კეთილი ადამიანები გამოეხმაურებოდნენ. მაგრამ, სიმართლე გითხრათ, ეჭვი შეგვეპარა, რომ ასეთებს ვნახავდით... თქვენი საქციელი თქვენი ღირსებაა, ამიტომ ძალიან გვიხარია თქვენი ნახვა!

მასალა მომზადებულია ღია მასალაზე დაყრდნობით

0
თემები:
რეალური ისტორიები