ანსამბლი „დიდგორი

„ეს ჩემი საქართველოა" კიდევ ერთი ნაბიჯი საქართველოში ტურიზმის მხარდასაჭერად

83
(განახლებულია 14:09 29.07.2019)
კონცერტის სტუმრები გაეცნობიან ვიდეო- და ფოტოკოლაჟებს საქართველოს ტურისტული რესურსების შესახებ.

თბილისი, 29 ივლისი — Sputnik. კამპანიის „გაატარე ზაფხული საქართველოში" ფარგლებში ანსამბლი „დიდგორი" ფოლკლორის სახელმწიფო ცენტრის ბაღში დღეს, 29 ივლისს კონცერტს გამართავს, შესრულდება ქართული ხალხური სიმღერები, აღნიშნულია ფოლკლორის ცენტრის განცხადებაში.

საქართველოს ფოლკლორის სახელმწიფო ცენტრის ინფორმაციით, რეპერტუარის ძირითადი წყარო ძველი საარქივო ჩანაწერებია. „დიდგორი" გამოირჩევა მკვეთრად გამოხატული ინდივიდუალურობითა და მაღალი საშემსრულებლო ოსტატობით.

ღონისძიების სტუმრები ასევე გაეცნობიან ვიდეო- და ფოტოკოლაჟებს საქართველოს ტურისტული რესურსების შესახებ. კონცერტის პარალელურად ცენტრის გალერეაში გამოფენილი იქნება ქართული ტრადიციული სამოსის ნიმუშები, სამუზეუმო ექსპონატები, ნაქარგობები, მინანქარში შესრულებული სამოსი, თექის ნამუშევრები და სხვ.

გარდა ამისა, გამოიფინება ფოტოგრაფ ბადრი ვადაჭკორიას ნამუშევრები ციკლიდან „ეს ჩემი საქართველოა".

ღონისძიებაზე დასწრება თავისუფალია.

ფოლკლორის ცენტრის ეზოში კონცერტები და გამოფენები 30 სექტემბრამდე გაგრძელდება.

ღონისძიების მხარდამჭერები არიან საქართველოს განათლების, მეცნიერების, კულტურისა და სპორტის სამინისტრო, ტურიზმის ეროვნული ადმინისტრაცია, ქართული ხალხური სიმღერის და საკრავების სახელმწიფო მუზეუმი, წმინდა მეფე თამარის სახელობის სკოლა-პანსიონი და რესტორანი Eco Garden.

მგალობელ-მომღერალთა გუნდი „დიდგორი" 2004 წელს შეიქმნა. წელს ანსამბლი 15 წლის იუბილეს აღნიშნავს.

„გაატარე ზაფხული საქართველოში“ – აქტიური სოციალური კამპანიაა, რომელიც ქვეყნის ტურისტული იმიჯის შესანარჩუნებლად და გასაუმჯობესებლად შეიქმნა.

83
თემები:
ტურიზმი საქართველოში (276)
„სუხიშვილების“ მოცეკვავე

ანსამბლი „სუხიშვილები“ ექსპერიმენტული პროექტით ბათუმში წარდგება

56
(განახლებულია 12:54 11.08.2020)
„სუხიშვილებისთვის“ შთაგონების წყარო კვლავ ფოლკლორია. მოცეკვავეებმა ის კლუბურ მოტივებს შეუხამეს და წარსულისა და თანამედროვეობის უჩვეულო ნაზავი მიიღეს

თბილისი, 11 აგვისტო – Sputnik. საქართველოს ეროვნული ბალეტი „სუხიშვილები“ ახალი პროექტის „არტეფაქტების“ საპრემიერო ჩვენებებს ამზადებს. კონცერტები ბათუმის კლუბ UP2U–ში 15 და 16 აგვისტოს გაიმართება, ნათქვამია ორგანიზატორების განცხადებაში.

„სუხიშვილები" ექსპერიმენტებს ხშირად ატარებს. ამ ექსპერიმენტებში შერწყმულია თითქოსდა შეუთავსებელი ფოლკლორისა და კლუბური სტილის ელემენტები და სწორედ ამაში იმალება მისი განუმეორებლობა.

ანსამბლმა ილიკო და ნინო სუხიშვილების ხელმძღვანელობით ინოვაციური რეფორმა გაატარა, რომელიც მიახლოებულია ე.წ. მოდერნისტული ბალეტის პრინციპებთან. მაგრამ, მიუხედავად ამისა, თავისი არსით ესაა ქართული ეროვნული ქორეოგრაფია – ადგილობრივ ფოლკლორზე აღმოცენებული ცეკვები.

ანსამბლის ხელმძღვანელების განცხადებით, მოცეკვავეები პროექტზე სამი თვე მუშაობდნენ. ანსამბლი თბილისში „თაკარს“ ღია სცენაზე 21–28 აგვისტოს გამოვა.

ექსპერიმენტები გრძელდება: ანსამბლი „სუხიშვილები" წარმოადგენს პროექტს „არტეფაქტები">>

ექსპერიმენტებთან და სიახლეებთან ნინო და ილიკო სუხიშვილები ბებიამ და ბაბუამ – ანსამბლის შემქმნელებმა ნინო რამიშვილმა და ილიკო სუხიშვილმა მიიყვანეს. პროფესიონალი მოცეკვავეები ილიკო სუხიშვილი და ნინო რამიშვილი ქართული ხალხური ცეკვის აღორძინებას მეორე მსოფლიო ომის შემდეგ შეუდგნენ. სუხიშვილისა და რამიშვილის ქართული ნაციონალური ბალეტი 1945 წელს დაარსდა. ეს იყო საქართველოს პირველი პროფესიონალური ანსამბლი, რომლის მაგალითსაც მოგვიანებით სხვებმაც მიბაძეს. უკვე 1948 წელს ანსამბლი გასტროლებით გაემგზავრა ევროპაში. ამას მოჰყვა მიწვევები მსოფლიოს სხვადასხვა კუთხიდან.

56
თემები:
საქართველო და კულტურა
გია ყანჩელი

10 აგვისტო გია ყანჩელის დაბადების დღეა

177
(განახლებულია 15:02 10.08.2020)
გენიალურ კომპოზიტორს, არაერთი შესანიშნავი მუსიკალური ნაწარმოების ავტორს გია ყანჩელს დღეს 85 წელი შეუსრულდებოდა.

გია ყანჩელი 1935 წლის 10 აგვისტოს თბილისში დაიბადა. 1959 წელს დაამთავრა თბილისის სახელმწიფო უნივერსიტეტი გეოლოგის სპეციალობით. დიპლომის აღებისთანავე სწავლა გააგრძელა თბილისის ვანო სარაჯიშვილის სახელობის სახელმწიფო კონსერვატორიაში საკომპოზიციო ფაკულტეტზე, რომელიც 1963 წელს დაამთავრა. 1972-1990 წლებში იყო შოთა რუსთაველის სახელობის სახელმწიფო აკადემიურ თეატრში მუსიკალური ნაწილის ხელმძღვანელი. 1979 წელს იგი საქართველოს კომპოზიტორთა კავშირის მდივანი გახდა.

1995-1996 წლებში გია ყანჩელი ბელგიაში, ქალაქ ანტვერპენის სიმფონიურ ორკესტრში მიიწვიეს, სადაც სიცოცხლის ბოლომდე მუშაობდა. თუმცა კავშირი საქართველოსთან და რუსთაველის თეატრთან არ გაუწყვეტია. მას ეკუთვნის რობერტ სტურუას საუკეთესო სპექტაკლებისთვის შექმნილი მუსიკა („კავკასიური ცარცის წრე“, „რიჩარდ III“, „ჰამლეტი“, „ქალი-გველი“, „მეთორმეტე ღამე“).

მუსიკის სპეციალისტები განსაკუთრებით აღნიშნავენ მის სიმფონიურ თხზულებებს. 1977 წელს შექმნილმა სიმფონიამ „ინ მემორია მიქელანგელო“ მას საერთაშორისო აღიარება მოუტანა.

Композитор Гия Канчели
გია ყანჩელი

გია ყანჩელის შემოქმედებით მემკვიდრეობას განეკუთვნება ოპერა „და არს მუსიკა“ (1983 წ.), ექვსი სიმფონია, კონცერტი სიმფონიური ორკესტრისათვის (1962 წ.); ლარგო და ალეგრო სიმებიანი ორკესტრის, ფორტეპიანოსა და ლიტავრებისათვის (1963 წ.); „სევდა ნათელი“ — ბიჭუნათა გუნდის, ორი სოლისტისა და დიდი სიმფონიური ორკესტრისათვის (1985 წ.); მუსიკა სპექტაკლებისთვის „ხანუმა", „კავკასიური ცარცის წრე", „რიჩარდ III"; (შოთა რუსთაველის თეატრის დადგმები). მუსიკა კინოფილმებისთვის „არ დაიდარდო", „ქვევრი", „არაჩვეულებრივი გამოფენა", „მიმინო", „შერეკილები", „როცა აყვავდა ნუში" და სხვ. 

1967 წელს ელდარ შენგელაია „არაჩვეულებრივი გამოფენის" გადასაღებად ემზადებოდა. იგი თავის ფილმებში მუსიკას თავიდანვე განსაკუთრებულ მნიშვნელობას ანიჭებდა და გამოცდილ კომპოზიტორებთან ერთად მუშაობდა, თუმცა მაინც არ იყო კმაყოფილი. მან მოგვიანებით განაცხადა, რომ სჭირდებოდა კომპოზიტორი „დრამატურგიული, მონტაჟური აზროვნებით“. ფილმზე მუშაობა თითქმის დაწყებული იყო, როცა ელდარ შენგელაიამ თავისი თაობის ხელოვანის გია ყანჩელის პირველი სიმფონია მოისმინა და მაშინვე გადაწყვიტა, რომ მისი მუსიკა „კინემატოგრაფიულია“. მართლაც, ყანჩელს აქვს უნარი, გამოხატოს ეპიზოდის განწყობა. „არაჩვეულებრივ გამოფენაში“ მუსიკა ძალიან დიდ როლს ასრულებს ფილმის აღქმასა და მაყურებლის განწყობის შექმნაში. 

1974 წელს ელდარ შენგელაიამ გადაიღო ფილმი „შერეკილები“, რომლის მუსიკაც ძალიან სწრაფად გახდა პოპულარული. მომღერალი ნანი ბრეგვაძე ფილმის მუსიკის შესახებ იხსენებს: „გია ყანჩელის მუსიკას კიდევ ერთი თავისებურება ახასიათებს. კომპოზიტორი თითქმის არასდროს იყენებს ფოლკლორს. ამ თვალსაზრისით ელდარ შენგელაიას გარკვეული პრობლემა შეექმნა „შერეკილებზე“ მუშაობისას. მთელი ეს ფილმი ხომ ფოლკლორული მოტივებისგან უნდა აწყობილიყო. ბოლოს გადაწყდა, ფილმის მუსიკა გია ყანჩელთან ერთად ჯანსუღ კახიძეს დაეწერა. ექსპერიმენტმა გაამართლა. მუსიკალური სიჭრელე ძალიან მოუხდა ამ ფილმ-ზღაპარს, მაყურებლის ხსოვნაში კი დარჩა გია ყანჩელის ვალსი, რომელიც მართლაც რომ ფრენის განწყობილებას უქმნიდა მაყურებელს. ვალსი მთელი ამ მხიარული და, ამავე დროს, ძალიან სევდიანი ზღაპრის კამერტონია. გია ყანჩელის მუსიკალური მოტივი არ არის „ფოლკლორული თემა“, მაგრამ თითქოს მიისწრაფვის ფოლკლორისკენ, ე.ი. ბუნებისკენ, რომელიც ფინალში ერთაოზის სიმღერაშია ჩაქსოვილი („ჩიტი-გვრიტი მოფრინავდა“). მუსიკალური დრამატურგიის ასეთი განვითარება, ერთი მხრივ, „შერეკილების“ იდეას გამოხატავს – ადამიანს შეუძლია გადალახოს ყოფის შეზღუდულობა, მონობის მარწუხები, მეორე მხრივ კი გია ყანჩელის შემოქმედების თავისებურებას – კათარზისს, რომელიც მუდმივ ფონს ქმნის კომპოზიტორის საუკეთესო ნაწარმოებებში, მათ შორის — კინომუსიკაში“.

გია ყანჩელი მრავალი საერთშორისო პრემიის ლაურეატია

  • 1995 — ღირსების ორდენი
  • 1988 — საბჭოთა კავშირის სახალხო არტისტი
  • 1987 — პრიზი „ნიკა“ კინომუსიკისათვის
  • 1981 — საქართველოს სახელმწიფო პრემია
  • 1981 — საკავშირო კინოფესტივალის სპეციალური პრიზი
  • 1981 — შოთა რუსთაველის სახელობის სახელმწიფო პრემია
  • 1977 — საბჭოთა კავშირის სახელმწიფო პრემია
  • 2008 — ვოლფის პრემია ხელოვნებაში
  • საქართველოს სახალხო არტისტი

2015 წელის გია ყანჩელის 80 წლის აღსანიშნავი საიუბილეო კონცერტები ევროპის სხვადასხვა ქალაქში გაიმართა. პირველი კონცერტი 22 აგვისტოს ბერლინის ისტორიულ დარბაზში "კონცერტჰაუზში" შედგა. 28 სექტემბერს კი ბელგიაში, ქალაქ ბრიუსელის ნატიფი ხელოვნების სასახლეში ქართველი კომპოზიტორის იუბილე აღინიშნა.

გია ყანჩელი 2019 წლის 2 ოქტომბერს გარდაიცვალა, ის დიდუბის პანთეონში დაკრძალეს.

„თამაშის დასასრული“ – რობერტ სტურუა სპექტაკლს გია ყანჩელის ხსოვნას მიუძღვნის>>

დიდებული კომპოზიტორის გარდაცვალება უდიდესი დანაკლისია არა მხოლოდ ქართული ხელოვნებისთვის, არამედ მთელი მსოფლიო საზოგადოებრიობისთვის. მას გარდაცვალების შემდეგ მიეძღვნა არაერთი საღამო და კონცერტი როგორც საქართველოში, ისე მსოფლიოს სხვადასხვა ქვეყანაში.

177
თემები:
საქართველო და კულტურა
ეკატერინე ტიკარაძე

ჯანდაცვის მინისტრი: შემოდგომაზე ინფიცირებულთა რაოდენობის ზრდას ველოდებით

0
(განახლებულია 17:12 11.08.2020)
ეკატერინე ტიკარაძის განცხადებით, მოსალოდნელია ვირუსის გავრცელების მეორე ტალღა და ეს მოლოდინი მსოფლიოს სხვა ქვეყნებსაც აქვს

თბილისის, 11 აგვისტო – Sputnik. საქართველოს შრომის, ჯანმრთელობისა და სოციალური დაცვის მინისტრის, ეკატერინე ტიკარაძის განცხადებით, შემოდგომაზე მოსალოდნელია კორონავირუსით ინფიცირების შემთხვევების ზრდა.

მინისტრის ინფორმაციით, არის იმის მოლოდინი, რომ ვირუსის გავრცელების მეორე ტალღა იქნება.

„შემოდგომაზე ინფიცირებულთა რაოდენობის ზრდას ველოდებით. ეს მოლოდინი აქვს არა მხოლოდ საქართველოს, არამედ მსოფლიოს სხვა ქვეყნებსაც. მეორე ტალღის მოლოდინი არსებობს. მოქალაქეებს ყოველდღიურად მოვუწოდებთ, რომ დაიცვან ყველა საჭირო ღონისძიება. კოვიდთან ერთად თანაცხოვრების შესწავლა საკმაოდ ხანგრძლივი პერიოდით მოგვიწევს“, – განაცხადა ტიკარაძემ.

საქართველოში ბოლო დროს კორონავირუსით ინფიცირების შემთხვევებმა იმატა. თუ მანამდე ყოველდღიური მატება 2–5 ადამიანს შეადგენდა, ახლა ყოველ 24 საათში მათი რაოდენობა ორნიშნა ციფრებით გამოხატება.

მათ შორის დიდი ზრდა დაფიქსირდა გუშინ – 25 შემთხვევა. აქედან 17 მესტიის მუნიციპალიტეტს უკავშირდება. ამის გამო მთავრობამ რეგიონში მკაცრი საკარანტინო წესები აამოქმედა.

რა ხდება მესტიაში: ბოლო ცნობები>>

საქართველოში ახალი კორონავირუსით დაავადებულთა რაოდენობამ 1264-ს მიაღწია. ამ დროისათვის გამოჯანმრთელებულია 1054 ადამიანი, გარდაცვლილია – 17, კარანტინის რეჟიმში იმყოფება 7279, ხოლო სტაციონარებში ექიმების დაკვირვების ქვეშ 279 პაციენტია.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში