საკონცერტო დარბაზი  Black Sea Arena

„აიდა“ გურიაში მიემგზავრება: „ბლექ სი არენას“ სცენაზე ოპერა პირველად შესრულდება

149
(განახლებულია 13:41 11.07.2019)
სიყვარულისა და სიკვდილის ისტორია გენიალური ვერდის ინტერპრეტაციით საუკუნეზე მეტია მთელ მსოფლიოში მილიონობით მაყურებელს აღაფრთოვანებს.

თბილისი, 11 ივლისი – Sputnik. „ბლექ სი არენას“ სცენაზე პირველად აჟღერდება ოპერა. 23 აგვისტოს შეკვეთილის საკონცერტო დარბაზში ოპერის მოყვარულები ჯუზეპე ვერდის საკულტო ოპერა „აიდას“ მოისმენენ.

„აიდას“ – ვერდის ერთ-ერთი ყველაზე ცნობილი ოპერის ლიბრეტო ეკუთვნის ანტონიო გისლანცონის. მოქმედება მემფისსა და თებეში ეგვიპტესა და ეთიოპიას შორის ომის დროს ვითარდება და მოგვითხრობს ეგვიპტის ჯარის მთავარსარდლის რადამესისა და ეთიოპიის მეფის დატყვევებული ქალიშვილის აიდას უიღბლო სიყვარულის ისტორიას.

სიყვარულისა და სიკვდილის ამბავი გენიალური ვერდის ინტერპრეტაციით საუკუნეზე მეტია მთელ მსოფლიოში მილიონობით მაყურებელს აღაფრთოვანებს.

წამყვან პარტიებს შეასრულებენ ბულგარელი ბანი დაიან ვაჩკოვი, იტალიელი მეცო-სოპრანო დანიელა ბარჩელონა, ესპანელი სერხიო ესკობარი, ასევე ქართველი გიორგი ანდღულაძე და სხვები. დადგმაში მონაწილეობენ ზაქარია ფალიაშვილის სახელობის თეატრის გუნდი და ორკესტრი.

ქართველი პლასიდო დომინგოს ცენტრში და ცხოვრება როგორც საპნის ოპერა >>

ოპერა შეკვეთილის საკონცერტო დარბაზში გაიმართება ვერდის საერთაშორისო მუსიკალური ფესტივალის ფარგლებში, რომელიც ზაქარია ფალიაშვილის სახელობის თბილისის ოპერისა და ბალეტის თეატრში 16 აგვისტოს გაიხსნება. ბილეთების შეძენა შესაძლებელია სალაროებში და ინტერნეტით.

საუკუნოვანი ისტორიის განმავლობაში ფესტივალი პირველად ტოვებს იტალიის ქალაქ პარმის ფარგლებს. 2018 წლის 23 აგვისტოს ზაქარია ფალიაშვილის სახელობის ოპერისა და ბალეტის სახელმწიფო თეატრსა და პარმის ოპერის სამეფო თეატრს შორის, რომელიც ვერდის ფესტივალის ერთადერთი მფლობელია, სამწლიანი თანამშრომლობის მემორანდუმი გაფორმდა.

საერთაშორისო მუსიკალური ფესტივალი, რომელიც დიდი იტალიელი კომპოზიტორის ჯუზეპე ვერდის შემოქმედებას ეძღვნება, ყოველწლიურად იტალიის ქალაქ პარმაში კომპოზიტორის დაბადების დღეს – 10 ოქტომბერს ტარდება. ვერდის ფესტივალის ჩატარების ტრადიციული ადგილებია რამდენიმე ცნობილი სცენა: პარმის სამეფო თეატრი, ჯუზეპე ვერდის თეატრი ბუსეტოში და ფარნეზეს თეატრი პარმაში.

149
თემები:
საქართველო და კულტურა (1025)
კადრი ფილმიდან „დასაწყისი“

კინო, რომელიც თქვენ გამოტოვეთ: 2020 წლის ხუთი საუკეთესო ქართული ფილმი

56
(განახლებულია 12:52 16.01.2021)
ქართული კინო - ფენომენი, რომლის ყურებაც ყოველთვის შეიძლება. იუმორი, ტრაგედია, დანაკარგი და სიხარული - ასე შეიძლება ქართული ფილმებისა და გასული 2020 წლის დახასიათება

Sputnik-საქართველოს სურს, მკითხველს მოუთხროს გასული წლის ყველაზე გამორჩეული ქართული ფილმების შესახებ, რომლებიც, შესაძლოა, გამოვტოვეთ.

„დასაწყისი“

ტრადიციისამებრ, საუბარს ვიწყებთ ფილმით, რომელიც წარდგენილია ამერიკის კინოაკადემიის „ოსკარის“ პრემიაზე „2021 წლის საუკეთესო საერთაშორისო სრულმეტრაჟიანი ფილმის“ ნომინაციაში საქართველოს სახელით.

ესაა ფილმი „დასაწყისი“, რომელსაც 2020 წელს საერთაშორისო კინოფესტივალებზე დიდი გამოხმაურება მოჰყვა.

დეა კულუმბეგაშვილის სრულმეტრაჟიანმა სადებიუტო მხატვრულმა ფილმმა ერთბაშად ოთხი მთავარი ჯილდო დაიმსახურა პრესტიჟულ სან-სებასტიანის საერთაშორისო კინოფესტივალზე, მიიღო ტორონტოს კინოკრიტიკოსთა საერთაშორისო ასოციაციის პრიზი, თავად რეჟისორი კი Special Cannes 2020-ის ჟიურის წევრად გამოცხადდა.

დრამა „დასაწყისი“ - საქართველოსა და საფრანგეთის ერთობლივი ნამუშევარია. ფილმი მოგვითხრობს იეღოვას მიმდევართა ერთი ჯგუფის ისტორიას, რომელიც პროვინციულ ქალაქში ექსტრემისტული დაჯგუფების მხრიდან თავდასხმას განიცდის. მთავარი გმირი იანა ერთ-ერთი იეღოველის მეუღლეა. მისთვის ნაცნობი სამყარო კონფლიქტის შედეგად ნელ-ნელა იმსხვრევა. იანას შინაგანი მღელვარება ძლიერდება, როდესაც იგი საკუთარი სურვილების გაანალიზებას იწყებს. 

„მოთვინიერება“

ქართველი რეჟისორის, სალომე ჯაშის ახალი ფილმის პრემიერა Sundance-ის საერთაშორისო კინოფესტივალზე გაიმართება. ნამუშევარი წარდგენილია დოკუმენტური ფილმების საკონკურსო პროგრამაში (World Cinema Documentary Competition). სურათს ორჯერ - 31 იანვარს და 2 თებერვალს - აჩვენებენ.

Кадр из фильма Укрощение Саломе Джаши
Courtesy of Georgian National Film Center
კადრი ფილმიდან „მოთვინიერება“

„მოთვინიერება“ - ესაა საქართველოს შავი ზღვის სანაპიროზე ქვეყნის ყოფილი პრემიერ-მინისტრის მიერ უნიკალური ხეების გადარგვის სადავო და თითქმის სიურეალისტური პროცესის ისტორია. ფილმი შვეიცარიის, გერმანიისა და საქართველოს ერთობლივი ნამუშევარია.

Sundance-ზე უკვე შეაქეს დოკუმენტური ფილმი „გასაოცარი კინემატოგრაფიული სტილისთვის“, მისი რეჟისორი კი - ჟან რუშის და ნიონის კინოფესტივალების ჯილდოების მფლობელი - „გამჭრიახობისა და დაკვირვებისათვის“. ამიტომ წარმატებული საფესტივალო ცხოვრება მას ჯერ კიდევ წინ აქვს.

„ბოცვრის თათი“

სიაში მომდევნო ადგილი უჭირავს ნანა ჯორჯაძის სრულმეტრაჟიან სურათს - „ბოცვრის თათს“. ესაა სამი ქვეყნის - რუსეთის, ფინეთისა და ბელგიის ერთობლივი ნამუშევარი. ფილმში მონაწილეობენ პიერ რიშარი, ნიკოლა დუვოშელი, ევგენი ტკაჩუკი. სიუჟეტის ცენტრშია „პერესტროიკა“, ადრეული 1990-იანი წლები. მთავარი გმირები არიან ნიკა - ფრანგი არქიტექტორი, და ალია - საბჭოთა ინტელიგენტი, რომელთა შეხვედრაც ორივეს ცხოვრებას ცვლის.

ფილმი დადებითად შეაფასეს რუსეთის ფესტივალ „ამურის შემოდგომაზე“. მან მიხეილ კვირიკაძის საუკეთესო ოპერატორული ნამუშევრისთვის პრიზი დაიმსახურა.

„მკვდარი სულების არდადეგები“

„მკვდარი სულების არდადეგები“ - არის ქართველი რეჟისორის, ეკატერინე ჭელიძის სრულმეტრაჟიანი დოკუმენტური ფილმი. ესაა რეჟისორისა და ქართული პროდიუსერული კომპანია Parachute Films-ის პირველი დასრულებული ნამუშევარი.

Dead Souls' Vacation (Teaser) - Kitchen Scene from Parachute Films on Vimeo.

ფილმი მოგვითხრობს 45 წლის ლევან სვანიძის, ქართველი მუსიკოსის ცხოვრებაზე. ის 90-იანების ალტერნატიული ქართული სცენის წარმატებული მუსიკოსია. ცხოვრობს ხანდაზმულ დედასთან ერთად თბილისის გარეუბანში, 14 კვადრატული მეტრი ფართის ბინაში. მიუხედავად მარტოობისა, ლევანი არ კარგავს იმედს და ცდილობს თავის დამკვიდრებას, პირადი ცხოვრების აწყობას. დედის მთავარი ამოცანა კი არის ლევანის დაცვა გარესამყაროს „საფრთხეებისგან“.

ფილმში გამოყენებულია ელექტრონული მუსიკა, დაწერილი სურათის მთავარი გმირის, ლევან სვანიძის მიერ. იგი მას ბოლო 20 წლის განმავლობაში ქმნიდა. ფილმში ისმის ქართული პოსტპანკ ჯგუფ „წერილის“ მუსიკა, რომელშიც სვანიძე 1995 წლიდან ბასგიტარაზე უკრავს.

„მიტოვებული სოფელი“

ჩამონათვალს დავასრულებთ მარიამ კაპანაძის ანიმაციური ფილმით „მიტოვებული სოფელი“. ესაა უჩვეულო მულტფილმი თავისი ფორმატით, 14 წუთში ფილმში კადრები ერთმანეთს არ ენაცვლებიან, არამედ ბუნებაში ცვლილებები ნაჩვენებია გრადაციების ჩანაცვლებით. ერთი სიტყვით - თავად უნდა ნახოთ!

ანიმაციური ფილმის მთავარი გმირი - მიტოვებული სოფელია, ადამიანის ერთგვარი მეტაფორა და განსახიერება. მულტფილმში ნაჩვენებია „ადამიანი“, რომელსაც აღარ ახსოვს სამყაროს შექმნის არსი - სიყვარული. 

„მიტოვებული სოფელი“ უკვე ნახეს სლოვენიასა და იაპონიაში. ფილმმა იაპონიის საგარეო საქმეთა სამინისტროს ჯილდოც კი დაიმსახურა ანიმაციური ფილმების საერთაშორისო ფესტივალზე ჰოკაიდოში.

56
თემები:
ქართული კინო

პრეზიდენტმა მოსახლეობას სახელმწიფო დროშის დღე მიულოცა ვიდეო

59
(განახლებულია 21:19 14.01.2021)
საქართველოს პრეზიდენტმა სალომე ზურაბიშვილმა ქვეყნის მოსახლეობას სახელმწიფო დროშის დღე მიულოცა, რომელიც 2004 წლის 14 იანვარს დამტკიცდა.

სახელმწიფო დროშის დღე 2012 წლიდან აღინიშნება. საქართველოს ამჟამინდელი სახელმწიფო ხუთჯვრიანი დროშა „ვარდების რევოლუციის" შემდეგ, 2004 წლის 14 იანვარს დამტკიცდა. იმავე დღეს აღმართეს ის პარლამენტის შენობის თავზე და ჩამოხსნეს პირველი ქართული რესპუბლიკის შინდისფერი დროშა თეთრი და შავი ზოლებით, ხოლო 14 იანვარი სახელმწიფო დროშის დღედ გამოცხადდა.

„მინდა ეს დღე მივულოცო ახალგაზრდებს, ბავშვებს, ყველას, ვინც უკვე 30 წელია, ჩვენი ქვეყნის სახელმწიფო დროშის ქვეშ ცხოვრობს. ვისაც არ ახსოვს ის დრო, როცა ამ ქვეყანაში სხვა ქვეყნის დროშა ფრიალებდა — ეს უდიდესი ბედნიერებაა“, — განაცხადა ზურაბიშვილმა.

სხვადასხვა ისტორიულ წყაროში ქართული დროშა მე-12 საუკუნიდან ძირითადად თეთრ-წითელ ფერებში არის მოხსენებული. ქართული თეთრი დროშა წითელი ჯვრებით შეტანილია მე-14 საუკუნის „მსოფლიო ატლასში", რომელიც ფრანცისკანელმა ბერმა (მისი სახელი უცნობია) შეადგინა. ასეთივე დროშა იყო გამოსახული იმ წლების იტალიურ და ესპანურ რუკებზე.

უწინდელი დროშა, რომელსაც პირველი ქართული რესპუბლიკის დროშას უწოდებენ, სახელმწიფო სიმბოლოდ 1990 წლის 14 ნოემბერს დამტკიცდა.

59

თბილისში ხმაურიანი აქცია გაიმართა „ქართული ოცნების“ ყრილობის წინააღმდეგ - ვიდეო

0
არასამთავრობო და სამოქალაქო ორგანიზაციების წარმომადგენლებმა მმართველი პარტია „ქართული ოცნების“ ყრილობის წინ ხმაურიანი აქცია გამართა თბილისში. დაწვრილებით - იხილეთ ვიდეოში

საპროტესტო აქცია საგამოფენო ცენტრი ExpoGeorgia-ს ტერიტორიაზე გაიმართა, სადაც „ქართული ოცნების“ ყრილობა ტარდებოდა. პოლიციამ რამდენიმე ადამიანი დააკავა.

სიტუაცია მას შემდეგ დაიძაბა, რაც მონაწილეებმა საგამოფენო ცენტრთან ანტისამთავრობო ლოზუნგების შემცველი დიდი პლაკატის დაყენება დააპირეს. როგორც კი მათ გზის გადაკეტვა სცადეს, მათსა და პოლიციას შორის დაპირისპირება მოხდა.

მმართველი პარტიის ყრილობის მთავარი მიზანი პარტიის ახალი ხელმძღვანელისა და პოლიტსაბჭოს წევრების არჩევნებია. პარტიაში ცვლილებები მას შემდეგ გახდა საჭირო, რაც ბიძინა ივანიშვილმა პოლიტიკიდან წასვლის შესახებ განაცხადა.

0