თბილისის ოპერისა და ბალეტის თეატრი

პირველად საუკუნოვანი ისტორიის განმავლობაში - ვერდის ფესტივალი საქართველოში ჩატარდება

83
(განახლებულია 16:13 05.07.2019)
ერთსაუკუნოვანი ისტორიის განმავლობაში ფესტივალი პირველად ტოვებს იტალიის ქალაქ პარმის ფარგლებს.

თბილისი, 5 ივლისი — Sputnik. იტალიელი კომპოზიტორის ჯუზეპე ვერდის საერთაშორისო მუსიკალური ფესტივალი თბილისში ოპერისა და ბალეტის სახელმწიფო თეატრში 16 აგვისტოს გაიხსნება, იუწყება საზოგადოებრივი მაუწყებლის პირველი არხი.

ჯუზეპე ვერდის სახელობის ფესტივალი საქართველოში Check in Georgia-ს ფარგლებში ჩატარდება.

საუკუნოვანი ისტორიის განმავლობაში ფესტივალი პირველად ტოვებს იტალიის ქალაქ პარმის ფარგლებს. 2018 წლის 23 აგვისტოს ზაქარია ფალიაშვილის სახელობის ოპერისა და ბალეტის სახელმწიფო თეატრსა და პარმის ოპერის სამეფო თეატრს შორის, როელიც ვერდის ფესტივალის ერთადერთი მფლობელია, სამწლიანი ურთიერთანამშრომლობის მემორანდუმი გაფორმდა.

მემორანდუმის თანახმად, თეატრს ვერდის ფესტივალის ჩატარების ექსკლუზიური უფლება მიენიჭა. ინიციატივას, რომელიც ორ ქვეყანას შორის მჭიდრო კულტურულ ურთიერთთანამშრომლობას ითვალისწინებს, მხარს უჭერს იტალიის სენატი და მთავრობა.

თბილისის ოპერის თეატრის ორკესტრისა და არტისტების გარდა, ფესტივალში მონაწილეობას მიიღებენ მსოფლიო ოპერის ვარსკვლავები - დირიჟორები, მომღერლები, რეჟისორები.

ფესტივალს გახსნის ოპერა „ბალ-მასკარადი", ხოლო უკვე 23 აგვისტოს ღონისძიება გადაინაცვლებს გურიაში, საკონცერტო დარბაზში Black Sea Arena, და დასრულდება ოპერით „აიდა" (თეატრი Arena di Verona).

25 აგვისტოს კი Black Sea Arena-ზე მსოფლიო საოპერო ვარსკვლავები გალა კონცერტს გამართავენ.

ფესტივალის პარტნიორია ევროპის უდიდესი კერძო მედია იტალიის ყოფილი პრემიერ-მინისტრი სილვიო ბერლუსკონის კომპანია Mediaset S.p.A, რომელიც ევროპის თხუთმეტ ქვეყანაში მაუწყებლობს. Mediaset-ი გააშუქებს არა მხოლოდ ფესტივალს, არამედ საქართველოს კულტურულ მემკვიდრეობას, როგორც ისტორიულ ძეგლებს, ასევე არამატერიალური მემკვიდრეობის შედევრებს.

თბილისში ვერდის „სიმონ ბოკანეგრას" პრემიერა გაიმართება>>

საერთაშორისო მუსიკალური ფესტივალი, რომელიც დიდი იტალიელი კომპოზიტორის, ჯუზეპე ვერდის შემოქმედებას ეძღვნება, ყოველწლიურად იტალიის ქალაქ პარმაში კომპოზიტორის დაბადების დღეს - 10 ოქტომბერს ტარდება. ვერდის ფესტივალის ჩატარების ტრადიციული ადგილებია რამდენიმე ცნობილი სცენური მოედანი: პარმის სამეფო თეატრი, ჯუზეპე ვერდის თეატრი ბუსეტოში და ფარნეზეს თეატრი პარმაში.

ტრადიციულად ფესტივალის პროგრამაშია პრესტიჟული კონცერტები და ღონისძიებები, რომლებიც ვერდის იუბილეს ეძღვნება. საღამოებზე სრულდება მაესტროს ისეთი ცნობილი ოპერების ახალი და კლასიკური ვერსიები, როგორიცაა „აიდა", „ოტელო", „ფალსტაფი", „ტრავიატა", „რიგოლეტო", „მაკბეტი", „ჟანა დ'არკი" და „ტრუბადური".

83
თემები:
საქართველო და კულტურა (992)
კადრი ფილმიდან „დედე“

ქართული კინოს მოყვარულებისთვის: კინოცენტრმა ვირტუალური კინოკლუბი შექმნა

15
(განახლებულია 16:18 01.12.2020)
კინომანებს შეუძლიათ უახლესი ქართული ფილმების ონლაინ–სეანსზე დასწრება და ასევე კინოგადაღებების ბექსტეიჯიდან ექსკლუზიური კადრების ხილვა

თბილისი, 1 დეკემბერი – Sputnik. საქართველოს კინემატოგრაფიის ეროვნულმა ცენტრმა ონლაინ–კინოკლუბი შექმნა, სადაც ნებისმიერს შეუძლია ნახოს ახალი ქართული ფილმები და კადრები კინოს გადაღებებიდან, ასევე გაეცნოს კინემატოგრაფის სიახლეებს.

კინოკლუბის წესების გაცნობის შემდეგ ქართული კინოს მოყვარულებს კლუბში გაწევრიანება ამ ბმულის მეშვეობით შეუძლია.

პირველი ჩვენებები უკვე გაიმართა – კინოცენტრი გენდერული ძალადობის წინააღმდეგ კამპანიას შეუერთდა და მაყურებელს ქართველი რეჟისორების თემატური ფილმები შესთავაზა: მარიამ გულბანის „სანამ მამა დაბრუნდება“, რუსუდან ჭყონიას „გაიღიმეთ“ და მარიამ ხაჭვანის „დედე“.

ონლაინ ჩვენებები ეროვნული კინოცენტრის ოფიციალურ გვერდზე Facebook-live–ის ფორმატში და კინოკლუბის ჯგუფში 22:00 საათზე იმართება.

როგორც ცენტრში აღნიშნავენ, ამჟამად შემდეგი კინოჩვენებების დაგეგმვის თაობაზე მოლაპარაკებები ქართველ პროდიუსერებთან და რეჟისორებთან მიმდინარეობს.

15
თემები:
ქართული კინო
კახი კავსაძე

„იმედი არის“: კახი კავსაძის ძმა მსახიობის მდგომარეობის შესახებ

20
ცნობილი მსახიობი პირველ საუნივერსიტეტო კლინიკაში 28 ნოემბერს გადაიყვანეს. ექიმები ყველაფერს აკეთებენ, რომ კავსაძე მალე გამოჯანმრთელდეს

თბილისი, 1 დეკემბერი – Sputnik. ცნობილი ქართველი მსახიობი კახი კავსაძე თავს უკეთესად გრძნობს, განაცხადა Sputnik–საქართველოსთან ინტერვიუში მსახიობის ძმამ იმერი კავსაძემ.

მისი თქმით, მსახიობის მდგომარეობა გაუმჯობესდა და ექიმები ყველაფერს აკეთებენ იმისთვის რომ კავსაძე რაც შეიძლება სწრაფად გამოჯანმრთელდეს.

„აბსოლუტური იმედი გვაქვს, რომ მკურნალობა სწორად მიმდინარეობს. რაც შეეხება ხელოვნური სუნთქვის აპარატს, ის მას არ დასჭირვებია, ვიღაცამ ფეიკ–ნიუსი გაავრცელა. ის, უბრალოდ, ინტენსიური თერაპიის განყოფილებაში მკურნალობს“, – აღნიშნა იმერი კავსაძემ.

კახი კავსაძის ძმამ ინტერვიუში ასევე აღნიშნა, რომ თვითონაც დაინფიცირდა კორონავირუსით, მაგრამ თავს კარგად გრძნობს, ამიტომ სახლში, იზოლაციაში მკურნალობს.

კახი კავსაძე პირველ საუნივერსიტეტო კლინიკაში 28 ნოემბერს მოათავსეს.

85 წლის კახი კავსაძემ იუბილე 5 ივნისს აღნიშნა. ათწლეულების განმავლობაში ის შოთა რუსთაველის სახელობის თბილისის აკადემიური თეატრის წამყვანი მსახიობია. მის ანგარიშზეა ბრწყინვალე თეატრალური დადგმები, 80-ზე მეტი ფილმი.

კინონოსტალგია: „ღვინის ქურდები“, დაწუნებული ელიბო და საშიში კავსაძე>>

აღსანიშნავია მისი როლები ფილმებში „ვერის უბნის მელოდიები“, „ნატვრის ხე“, „მონანიება“, „უდაბნოს თეთრი მზე“, „ცხოვრება დონ კიხოტისა და სანჩოსი“ და სხვ. 2011 წელს რეჟისორმა ნანა ჯანელიძემ მსახიობზე გადაიღო დოკუმენტური ფილმი „კახი კავსაძე - ნეტავი იქ თეატრი არის?!

20
თემები:
COVID-19 საქართველოში
გიორგი ვოლსკი

ვოლსკი: ოპოზიცია ქვეყანაში დაუმორჩილებლობის ტალღის აგორებას ვერ შეძლებს

0
(განახლებულია 17:25 01.12.2020)
მმართველი გუნდის ერთ–ერთი ლიდერის განმარტებით, ოპოზიციის წარმომადგენლების განცხადებების პათოსით ერთნაირია, მიზანი კი ქვეყანაში დესტაბილიზაციის შექმნაა.

 

თბილისი, 1 დეკემბერი – Sputnik. საქართველოს პარლამენტის პირველმა ვიცე–სპიკერმა გიორგი ვოლსკიმ განაცხადა, რომ ოპოზიცია ქვეყანაში დაუმორჩილებლობის მეორე ტალღას ვერ ააგორებს, რამდენადაც ხალხს კარგად ესმის თუ რამდენად მძიმე გამოწვევის წინაშე დგას საქართველო და მსოფლიო. 

ასე გამოეხმაურა ვოლსკი ოპოზიციური პარტია „გირჩის“ ლიდერის ზურაბ ჯაფარიძის განცხადებას, რომელმაც მოსახლეობას მოუწოდა არ დაემორჩილონ შემზღუდველ რეგულაციებს, რადგანაც ბევრი მათგანი კონსტიტუციას ეწინააღმდეგება. საკონსტიტუციო სასამართლოში შესაბამის სარჩელი უკვე შევიდა.

 „მუქარა, რომ საქართველო დაუმორჩილებლობამ უნდა მოიცვას, ყოველივე ეს ამ ოპოზიციური ერთობის საერთო განწყობა და შინაარსია, რომელიც ქვეყანას დესტაბილიზაციით ემუქრება“, – განაცხადა ვოლსკიმ ჟურნალისტებთან.

ქვეყანაში მკვეთრად გაუარესებული ეპიდვითარების გამო, მთავრობამ 28 ნოემბრიდან მკაცრი შეზღუდვები შემოიღო. 

ცერცვაძე: ვირუსის გართულებები საფრთხეს უქმნის როგორც ხანდაზმულებს, ასევე ახალგაზრდებს>>>

დიდ ქალაქებში არ მუშაობს მუნიციპალუტი ტრანსპორტი, დაიკეტა სავაჭრო ცენტრები, ბაზრობები (გარდა აგრარული ბაზრისა), ფიტნეს–დარბაზები და აუზები, სასწავლო დაწესებულებები მუშაობის დისტანციურ რეჟიმზეა გადასული. გარდა ამისა, ქვეყნის მთელ ტერიტორიაზე 21:00 საათიდან 05:00 საათამდე იკრძალება ქუჩაში როგორც ქვეითების, ისე ტრანსპორტის გადაადგილება.

შსს–ს ცნობით, სამართალდამცველებმა ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 984 ფაქტი გამოავლინეს – 79 ფიზიკური პირი „იზოლაციის ან/და კარანტინის წესის დარღვევის“ ფაქტზე, 905 კი პირბადის ტარების წესის დარღვევისთვის დაჯარიმდა.

პირბადის ტარების წესის დარღვევა იწვევს ადმინისტრაციულ პასუხისმგებლობას და ჯარიმას 20 ლარის ოდენობით. იზოლაციისა და კარანტინის წესის დარღვევა კი იწვევს ადმინისტრაციულ პასუხისმგებლობასა და ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. დარღვევის გამეორება სისხლის სამართლებრივ პასუხისმგებლობას ითვალისწინებს.

0
თემები:
COVID-19 საქართველოში