ლიზა ყენია

როგორ გამოიყურებიან ქართველი ვარსკვლავების შვილები

13303
(განახლებულია 10:28 13.06.2019)
შოუ-ბიზნესის კაშკაშა ვარსკვლავებს მათზე არანაკლებ პოპულარული და წარმატებული შვილები ჰყავთ. გაგაცნობთ რამდენიმე მათგანს.

ვარსკვლავების შვილები, როგორც მათი მშობლები, შეუდარებლად გამოიყურებიან. მიუხედავად იმისა, რომ ზოგიერთი მათგანი ეკრანზე არასდროს გამოჩენილა, სოციალურ ქსელში ისინი საკმაოდ აქტუალურნი არიან – ბევრი მიმდევარი და მიმბაძველი ჰყავთ. ერთად გავიგოთ, თუ რას საქმიანობენ ვარსკლავების შვილები.

სელებრითების ბუნებრივი სილამაზე: როგორ გამოიყურებიან ქართველი ვარსკვლავები უმაკიაჟოდ >>>

კონცერტები, გასტროლები, გადაღებები – ზოგი „ვარსკვლავობას“ ბავშვობიდან ეუფლება, ზოგი კი კამერებს თავს არიდებს, მაგრამ მაინც ყველას ცნობადობა და საზოგადოების ყურადღება აერთიანებთ.

თიკა ფაცაცია – ყველასათვის საყვარელ ტელეწამყვანს და მომღერალს, გაგიკვირდებათ, მაგრამ სამი ვაჟი ჰყავს. უფროსი 18 წლის კალათბურთელი ანდრო ანთელიძეა, შუათანა – 9 წლის იოანე, ხოლო სულ პატარა 6 წლის არის.

კომენტარებში ანდრო ანთელიძეს თეთრ რაშზე ამხედრებულ პრინცად მოიხსენიებენ და ამას მისი აღნაგობა უწყობს ხელს. თიკა 18 წლის იყო, როდესაც უფროსი ვაჟი ბიზნესმენ დავით ანთელიძისგან ეყოლა. როგორც ბავშვებთან ინტერვიუებით ირკვევა, თიკა საკმაოდ ყურადღებიანი დედაა, ცდილობს შვილებს ემეგობროს და ამავე დროს სიმკაცრეც შეინარჩუნოს. სოციალურ ქსელში გამოქვეყნებულ ფოტოებზეც თვალნათლივ ჩანს, რომ თავისუფალ დროს ოჯახთან ერთად დიდი სიამოვნებით ატარებს.

მომღერალ ლელა წურწუმიასა და პროდიუსერ კახა მამულაშვილს ქორწინებიდან ერთი ქალიშვილი – მარიკო ჰყავთ. წყვილს შვილი 2002 წლის 17 თებერვალს შეეძინა. მომღერალი შვილზე ინტერვიუებში ხშირად საუბრობს და ამბობს, რომ პროფესიის გამო მასთან ურთიერთობის დეფიციტს მუდმივად განიცდიდა.

მომღერალ მაია ჯაბუას 21 წლის შვილი ლიზა ყენია პოპულარობით დედას არ ჩამოუვარდება. ისიც მღერის და სხვადასხვა პროექტიდანაც დაამახსოვრა თავი მაყურებელს. თამამი, მიმზიდველი და თანამედროვე ლიზა ყენია გამოირჩევა თანატოლებს შორის. მისი ხმის ტემბრი, გარეგნობა და მანერები სხვადასხვა პროექტებიდან მალე დაამახსოვრდა საზოგადოებას. მიუხედავად იმისა, რომ ცნობილი მომღერლის ქალიშვილია, მან საკუთარი იმიჯი შექმნა და დედის ჩრდილქვეშ არ მოექცა.

თავად დარწმუნდებით, თუ მის შესრულებულ სიმღერებს მოისმენთ ან ცეკვას ნახავთ.

მომღერალ ეკა კახიანს სამი ულამაზესი ქალიშვილი ჰყავს – ნინი ბადურაშვილი, ანასტასია და ქეთო თოფურიძეები. ეკა ნა­ად­რევ ასაკ­ში რე­ჟი­სორ ერეკ­ლე ბა­დუ­რაშ­ვილ­ზე და­ქორ­წინ­და, რო­მელ­თა­ნაც ქა­ლიშ­ვი­ლი, ყვე­ლას­თვის ცნო­ბი­ლი მომ­ღე­რა­ლი ნინი ბა­დუ­რაშ­ვი­ლი ჰყავს. პირ­ვე­ლი ქორ­წი­ნე­ბა წა­რუ­მა­ტე­ბე­ლი აღ­მოჩ­ნდა და ერეკ­ლეს­თან და­შო­რე­ბის შემ­დეგ ეკამ ნიკო თო­ფუ­რი­ძე­ზე იქორ­წი­ნა.

ნიკო თო­ფუ­რი­ძეს და ეკა კა­ხი­ანს ორი უმ­შვე­ნი­ე­რე­სი ქა­ლიშ­ვი­ლი – ქეთო და ანას­ტა­სია ჰყავთ. წყვილს სა­ერ­თო შვი­ლიშ­ვი­ლიც ჰყავს, რო­მელ­საც იმე­და კა­ხი­ა­ნის გარ­დაც­ვლი­ლი ვა­ჟის, ლა­დოს სა­ხე­ლი ჰქვია.

რთულად მოიძებნება ინტერნეტ-სივრცეში ნინა წკრიალაშვილის 21 წლის ვაჟის ფოტოები ან ვიდეოები. როგორც ჩანს, ნინას შვილს – სანდრო დადიანს არ უყვარს ტელეეთერები და კამერებთან გამოჩენა. საზოგადოებისთვის მწირი ინფორმაციაა ცნობილი – მომღერლის შვილი 1-ლ გიმნაზიაში სწავლობდა და დედა მისი ყველაზე ახლო მეგობარია. ინტერვიუებში ნინა ჰყვება, რომ სანდროს მეგობარი გოგო-ბიჭები ხშირად მოჰყავს სახლში და მათთან ურთიერთობა ძალიან უყვარს.

ნინა ცქიტიშვილი – ცნობილმა ქართველმა მოდელმა სამოდელო კარიერა 14 წლის ასაკში დაიწყო, როდესაც ქუჩაში სრულიად შემთხვევით იმ დროისათვის ერთ-ერთი წამყვანი სამოდელო სააგენტოს წარმომადგენელს გადაეყარა. ჰყავს ოთხი შვილი, მათ შორის ყველაზე ცნობილი თაკო ნაცვლიშვილია, რომელმაც დედის პროფესიას დაუღალავად ჩასჭიდა ხელი და აღაფრთოვანა Versace, Giorgio Armani, Dolce & Gabbana, Elie Saab, Christian Dior, ZUHAIR MURAD, Ralph & Russo-ს დიზაინერები, ასევე გამოჩნდა სხვადასხვა ბრენდის გარეკანზე.

კარდიოლოგ ნინო ნადირაძე-კუზანოვას და პლასტიკურ ქირურგ გუგა კუზანოვს ქალ-ვაჟი ჰყავთ. ექიმების ქალიშვილი ბაია კუზანოვა ხშირად ჩანს ეკრანებზე, აშკარაა, რომ დედასავით უყვარს ტელესივრცე, ინტერვიუები და ფოტოსესიები. რაც შეეხება სამომავლო პროფესიას, მან მამისა და ბაბუის გზა აირჩია.

13303
თემები:
სელებრითების ცხოვრება (1891)
ნინო ჩხეიძე, კახი კავსაძე და გოვენ ჭეიშვილი გოდერძი ჩოხელის ფილმში მიჯაჭვული რაინდები

ქართველი მსახიობი გოვენ ჭეიშვილი გარდაიცვალა

76
ის შესანიშნავად მღეროდა და ასრულებდა როლებს სპექტაკლებში დედაქალაქისა და რეგიონების სხვადასხვა სცენაზე, ტელემაყურებელს კი თავი დაამახსოვრა კინოფილმებში - „რეკორდსა“ და „მიჯაჭვულ რაინდებში“ შესრულებული როლებით.

თბილისი, 8 ივლისი - Sputnik. 80 წლის ასაკში გარდაიცვალა კინოსა და თეატრის შესანიშნავი ქართველი მსახიობი გოვენ ჭეიშვილი.

ჭეიშვილმა სახელი გაითქვა როლებით ფილმებში - „რეკორდი“, „სამოთხის ჩიტები“, „მიჯაჭვული რაინდები“, „ნეილონის ნაძვის ხე“, „ჩვენი ბავშვობის დრო“, „ლომა“, ოქროს ფეხი“, „ბოშები“ და „ჩემი ბედნიერი ოჯახი“.

მსახიობი 1940 წელს ქუთაისში დაიბადა. დაამთავრა თბილისის რუსთაველის სახელმწიფო  თეატრალური ინსტიტუტის მუსიკალური განყოფილება და პუშკინის ინსტიტუტის პედაგოგიური ფაკულტეტი.

თამაშობდა მარჯანიშვილის დრამატული თეატრისა და აბაშიძის სახ. მუსკომედიის თეატრის სცენებზე, წარმატებით გამოდიოდა ესტრადაზეც. 1996 წლიდან ჭეიშვილი ქუთაისის მესხიშვილის სახელმწიფო თეატრის მსახიობი იყო.

მსახიობის გარდაცვალების გამო მის ოჯახს მიუსამძიმრა იმერეთის რეგიონის გუბერნატორმა ზვიად შალამბერიძემ.

„ქართულმა ხელოვნებამ კიდევ ერთი განუმეორებელი მსახიობი დაკარგა, საქართველოს დამსახურებული არტისტი, კინოსა და თეატრის მსახიობი გოვენ ჭეიშვილი ("ხუტა უფროსი") იყო არა მარტო ნიჭიერი მსახიობი, არამედ ღირსეული ადამიანი, რომლის წასვლა დანაკლისი იქნება განურჩევლად ყველასთვის, ვინც პირადად იცნობდა და ვისაც მის მიერ შესრულებული როლები მოსწონდა და უყვარდა, ის დააკლდება ჩვენს იმერეთს, ქუთაისს, როგორც ძალიან კარგი ადამიანი და თავისი საქმის პროფესიონალი“, - წერს გუბერნატორი თავის Facebook-გვერდზე.

გოვენ ჭეიშვილთან დამშვიდობების ცერემონია ქუთაისის წმინდა სამების ტაძარში 9 ივლისს გაიმართება.

76
თემები:
საქართველო და კულტურა
კადრი დეა კულუმბეგაშვილის ქართული ფილმიდან „დასაწყისი“

„დასაწყისი“ ესპანეთში ქართული ფილმის მსოფლიო პრემიერა გაიმართება

60
(განახლებულია 22:47 08.07.2020)
როგორც კანის კინოფესტივალისთვის ოფიციალურად შერჩეულ სხვა ფილმებს, ქართულ სურათსაც მსოფლიოს მოწინავე კინოფესტივალებზე აჩვენებენ.

თბილისი, 8 ივლისი – Sputnik. რეჟისორ დეა კულუმბეგაშვილის ქართული ფილმის „დასაწყისის“ მსოფლიო პრემიერა 18-26 სექტემბერს სან-სებასტიანის საერთაშორისო კინოფესტივალის ფარგლებში ესპანეთში გაიმართება. ფილმი უკვე შესულია კანის კინოფესტივალის ოფიციალურ პროგრამაში.

როგორც საქართველოს კინემატოგრაფისტთა ეროვნულ ცენტრში აღნიშნავენ, კანის კინოფესტივალისთვის ოფიციალურად შერჩეული ფილმები ტრადიციისამებრ განაწილდება ტორონტოს, ნიუ-იორკის, ვენეციის, პუსანისა და ლუმიერის კინოფესტივალებზე.

ესპანეთში ფილმი „დასაწყისი“ იბრძოლებს მთავარი პრიზის – „ოქროს ნიჟარისთვის“.

ქართველი რეჟისორის ნამუშევართან ერთად ჯილდოს მოპოვებას შეეცდება კიდევ ხუთი ფილმი. ესენია ლიტველი რეჟისორ შარუნას ბარტასის ფილმი „ბინდში“, ფრანსუა ოზონის ფილმი „ზაფხული 85“, იაპონელი რეჟისორების - ნაომი კავასეს „ნამდვილი დედები“ და ტაკუმა სატოს „არიან აქ მტირალი ბავშვები?“, ასევე დანიელი ტომას ვინტერბერგის „კიდევ ერთხელ“.

ფესტივალის სრული პროგრამა მომდევნო კვირას გამოქვეყნდება, ჩვენებას კი გახსნის ამერიკული კინოს კლასიკოსის ვუდი ალენის ახალი ფილმი.

რაზეა ფილმი „დასაწყისი“

ფილმი „დასაწყისი“ საქართველოსა და საფრანგეთის ერთობლივი ნამუშევარია. მოგვითხრობს იეღოვას მოწმეების ჯგუფის ისტორიას, რომელიც მიყრუებულ პროვინციულ ქალაქში ექსტრემისტული დაჯგუფების მხრიდან თავდასხმების მსხვერპლი ხდება. იანა იეღოვას მოწმის ცოლია. მისთვის ნაცნობი სამყარო ამ კონფლიქტის პარალელურად ნგრევას იწყებს. იანას შინაგანი უკმაყოფილება იზრდება, როდესაც ის საკუთარი სურვილების ანალიზს იწყებს.

ფილმში როლებს ასრულებენ ია სუხიტაშვილი, კახა კინწურაშვილი და ლაშა ონელი.

დეა კულუმბეგაშვილის ფილმი კანის კინოფესტივალში უკვე მესამედ მონაწილეობს.

2014 წელს რეჟისორის სადებიუტო ნამუშევარი „უხილავი სივრცეები“ მოკლემეტრაჟიანი ფილმების საკონკურსო პროგრამაში იყო წარმოდგენილი, 2016 წელს დეა კულუმბეგაშვილის სხვა მოკლემეტრაჟიანი ფილმი „ლეტა“ რეჟისორის კვირეულის სექციაში აჩვენეს.

60
თემები:
ქართული კინო
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0