კინოდარბაზი

სანქტ-პეტერბურგი „ქართული კინოს დღეებს" უმასპინძლებს

142
(განახლებულია 17:50 04.06.2019)
ფესტივალის მთავარი თემა სოფიკო ჭიაურელის შემოქმედებაა.

თბილისი, 4 ივნისი — Sputnik. სანქტ-პეტერბურგში რიგით მესამე ფესტივალი „ქართული კინოს დღეები" 10-12 ივნისის პერიოდში გაიმართება, აცნობეს „Sputnik–საქართველოს" ორგანიზატორებმა.

ფესტივალის პროგრამაშია ძველი და ახალი ფილმები – როგორც დამწყები რეჟისორების, ისე მეტრების, რომლებმაც საერთაშორისო დიდება მოიპოვეს, ასევე თანამედროვე ქართული ანიმაცია და ა.შ.

საქართველოს პრეზიდენტი თბილისის ხელოვნების სასახლეს პატრონაჟს გაუწევს>>>

ახალი ფილმებიდან მაყურებელი იხილავს მარიამ ხაჭვანის „დედეს", რომელიც სვანეთის მკაცრ ტრადიციებს ეძღვნება. ქართული კინოს საგანძურიდან „ქართული კინოს დღეებზე" უჩვენებენ გიორგი შენგელაიას „ფიროსმანს" და სერგეი ფარაჯანოვის მოკლემეტრაჟიან ფილმს „არაბესკები ფიროსმანის თემაზე".

ფესტივალის მთავარ თემად გამოცხადებულია კინოსა და თეატრის ლეგენდარული ქართველი მსახიობის სოფიკო ჭიაურელის შემოქმედება.

„პეტერბურგელები მისი მონაწილეობით ზედიზედ სამ ფილმს ნახავენ – რეჟისორ ლანა ღოღობერიძის „რამდენიმე ინტერვიუ პირად საკითხებზე" (1970), სადაც ჭიაურელი მთავარ როლს ასრულებს. მეორე ფილმი იქნება მერაბ კოკოჩაშვილის „ნუცას სკოლა", რომელიც რეჟისორმა 2000 წელს გადაიღო. ფილმში ჭიაურელთან ერთად მონაწილეობენ კახი კავსაძე და სხვა ქართველი მსახიობები. და, ბოლოს, კინოჩვენებების პროგრამაში ჩართულია მოკლემეტრაჟიანი ფილმი-კოლაჟი „სოფიკო", რომელიც ჭიაურელის ცხოვრებასა და შემოქმედებას ეძღვნება და მისი გარდაცვალების წელს გამოვიდა. ფილმის ერთ-ერთი რეჟისორი და პროდიუსერია ჭიაურელის შვილი ნიკოლოზ შენგელაია", – აცხადებენ ორგანიზატორები.

კინოპროგრამას გახსნის გიგიშა აბაშიძის ფილმი „მეზობლები".

მოკლემეტრაჟიამი ფილმების სექციაში შესულია მარიამ ხაჭვანის „დინოლა", დავით გურგულიას „დიალექტი", ვახტანგ ჯაჯანიძის „გამოსვლა". „ანიმაციის" კატეგორიაში კი შევიდა ნათია ნიკოლაიშვილის ფილმი „ლილე" და პეტრე თომაძის ფილმები „ღამის სეანსი", „ჩაი", „გოდერძი" და „სიყვარული".

სოფიკო ჭიაურელი: უფრო მეტი, ვიდრე სიყვარული>>>

კინოსეანსები კინოს სახლისა და კინოცენტრ Родина-ს მოედნებზე გაიმართება. სეანსებზე დასწრება უფასოა.

ფესტივალი „ქართული კინოს დღეები" სტუმრებს ასევე შესთავაზებს საინტერესო მასტერ-კლასებს, მათ შორის, ქართული ენის ონლაინ-სკოლისა და AZRI-ს სამზარეულოს ვორქშოპებს – „საქართველო – სტუმართმოყვარე ქვეყანა ხელოვნების უკვდავი ნიმუშებით" .

ღონისძიება „ქართული კინოს დღეები" სანქტ-პეტერბურგის მთავრობის კულტურის კომიტეტისა და კინოფესტივალ „ოქროს საწმისის" მხარდაჭერით ტარდება.

142
თემები:
ქართული კინო (98)
ლეონიდ პარფიონოვის სრულმეტრაჟიანი დოკუმენტური ფილმი „რუსი ქართველები“

„ინ ქვევრი ვერიტას“: პარფიონოვი საქართველოში ფილმის გადასაღებად ჩამოვიდა

77
(განახლებულია 12:55 19.09.2020)
ქართული მეღვინეობის უმდიდრესი ისტორია არ დარჩენილა ცნობილი ენოფილის და ჟურნალისტის ლეონიდ პარფიონოვის ყურადღების მიღმა

თბილისი, 19 სექტემბერი - Sputnik. ცნობილი ჟურნალისტი ლეონიდ პარფიონოვი ესტუმრა საქართველოს დოკუმენტური ფილმის In Qvevri Veritas გადასაღებად.

ქართველი მსახიობი რუსი რეჟისორის ფილმში სერგო ორჯონიკიძეს განასახიერებს >>

პარფიონოვთან ერთად ფილმზე მუშაობენ ტელეკომპანია „იმედი“, რეჟისორი სერგეი ნურმამედი და ოპერატორი დმიტრი კრილოვი. საწნახელში ყურძნის ფეხით დაწურვის უძველესი წესის ამსახველი ვიდეო მან Facebook-ზე ატვირთა.

„ყველას სალამი! ეს საქართველოა. მეტიც, ეს კახეთია. უფრო მეტიც, ეს წინანდლის მამულია. ეს კი საწნახელია, რომელშიც ყურძენს ჭყლეტენ. ეს კი ჩვენ დავიწყეთ ფილმის გადაღება „ინ ქვევრი ვერიტას“, - ამბობს ჟურნალისტი.

პარფიონოვის თქმით, როგორც იქნა მან პირველად დაიწყო ფილმის გადაღება ღვინოზე და „სხვა არაფერზე“. ფილმის პრემიერა, სავარაუდოდ, 2021 წლის გაზაფხულზე გაიმართება.

რა თქმა უნდა, პარფიონოვის გამომწერებს გაუჩნდათ კითხვა, როგორ მოხვდა ჟურნალისტი საქართველოში - პანდემიისა და დახურული საზღვრების პირობებში. ამაზე მან მოკლე, მაგრამ შინაარსიანი პასუხი გასცა: „საქმიანი ვიზა + ოპერატიული შტაბის გადაწყვეტილება + კარანტინის ერთი დღე უარყოფითი პასუხის შემდეგ“.

ლეონიდ პარფიონოვი საქართველოში კინოს პირველად არ იღებს. ადრე თეატრისა და კინოს ქართველი მსახიობების მონაწილეობით მან გადაიღო აქ ზოგიერთი სცენა ციკლიდან „რუსი ქართველები“.

„რუსი ქართველები“ დიდი პროექტის ნაწილია. რუსი ებრაელების შესახებ ტრილოგია გამოვიდა 2016–2017 წლებში და ის ხელმისაწვდომია ქსელში. ჩანაფიქრშია ასევე რუსი გერმანელების ისტორიის პროექტის განხორციელება. ქართველების შესახებ დილოგიის პირველი ფილმი მოიცავს მე-19 საუკუნის დასაწყისიდან 1939 წლამდე პერიოდს. კინოპროექტში მოთხრობილია ქართველების ისტორიული როლის შესახებ რუსეთისა და საბჭოთა პოლიტიკაში, კულტურასა და მეცნიერებაში.

77
თემები:
ღვინის კულტურა და მეღვინეობა
ქალაქი ზუგდიდი

ზუგდიდში თანამედროვე ხელოვნების ფესტივალი იხსნება

38
(განახლებულია 15:43 19.09.2020)
ფესტივალის მიზნად ისახავს რეგიონებში თანამედროვე ქართული ხელოვნების განვითარებას და კულტურული ცხოვრების გააქტიურებას

თბილისი, 19 სექტემბერი - Sputnik. ცნობილი ქართველი პოეტები, მწერლები, რეჟისორები და მუსიკოსები მიიღებენ მონაწილეობას თანამედროვე ხელოვნების ფესტივალში F5, რომელიც შაბათს, 19 სექტემბერს ზუგდიდში იხსნება.

ფესტივალი ორდღიანია და ბოტანიკურ ბაღში გაიმართება. ღონისძიება, რომელიც ტრადიციულად მოიცავს ლიტერატურულ და მუსიკალურ პროგრამებს, ზუგდიდში უკვე მესამედ იმართება. მისი ორგანიზატორებია ორი ახალგაზრდა ქართველი პოეტი, ნიკა ლაშხია და გიორგი შონია. ფესტივალის მხარდამჭერია განათლების, მეცნიერების, კულტურისა და სპორტის სამინისტრო და მწერალთა სახლი.

ფესტივალი მიზნად ისახავს თანამედროვე ქართული ხელოვნების პოპულარიზაციას და რეგიონების კულტურულ ცხოვრებაში ჩაბმას.

წელს ფესტივალზე პირველად გაიმართება დოკუმენტური კინოს სექცია, რომელსაც ეროვნული კინოცენტრი წარადგენს. ფესტივალის ლიტერატურულ ნაწილში წელს მონაწილეობას მიიღებენ ისეთი ლიტერატორები, როგორიცაა ზურაბ ქარუმიძე, თამთა მელაშვილი, დათო ბარბაქაძე, შაკო ბაკურაძე, ცოტნე ცხვედიანი, ქეთი ქანთარია და სხვ.

ფესტივალის მონაწილეები შეეხებიან ისეთ თემებს, როგორიცაა ქალის ხმა ქართულ ლიტერატურაში, ქართული თარგმანის დღევანდელი პრობლემატიკა, ქალაქები და წმინდანები.

მუსიკალურ პროგრამაში წარდგება ჯგუფი „წერილი“ და ქანთრი-მუსიკოსი შოთა ადამაშვილი. ფესტივალზე დასწრება თავისუფალია.

38
თემები:
საქართველო და კულტურა
ნახევარმთვარე

მთვარის კალენდარი: 20 სექტემბერი რისი გაკეთება შეიძლება და რისი არა

0
(განახლებულია 11:33 18.09.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

20 სექტემბერი, კვირა. ამ დღეს მზე მართავს. მზარდი მთვარე მორიელის ნიშანშია.

მორიელის დღე ძალზე ემოციურია, ადვილად ვლინდება გაღიზიანება, აგრესია, მოუთმენლობა, დეპრესიისადმი მიდრეკილება. ამ დროს, სჯობს, შეზღუდოთ კონტაქტები როგორც ხელმძღვანელობასთან, ისე საქმიან პარტნიორებთან.

მთვარე მორიელში ხელს უწყობს აზრების კონცენტრაციას და ამასთან ზრდის კრიტიკულობას. ეს საუკეთესო პერიოდია ყველაზე სარისკო და სერიოზული გადაწყვეტილებების მისაღებად.

ამ დღეს არ ღირს ახალი საქმეების დაწყება, ახალი ვალდებულებების აღება საკუთარ თავზე, უძრავ ქონებასთან დაკავშირებული საქმეების გაკეთება.

რაც შეეხება ურთიერთობებს, ესაა ვნებებისა და არშიყის დრო. მთვარე მორიელში ხელს უწყობს მგზნებარე რომანების დაწყებას, ასევე, ის ურთიერთობებს მყარს საძირკველს უყრის.

როგორ მოქმედებს მთვარის ფაზები ადამიანის ენერგეტიკაზე>>

მთვარე მორიელში თავის დაღს ასვამს ყველაფერს, მათ შორის ამ დროს დაწყებულ ურთიერთობებს. ეჭვიანობა, დაუსაბუთებელი წყენა თუ ბობოქარი აღტაცება – ეს და ბევრ სხვა რამ ახასიათებს ამ პერიოდს, თან ჭარბად.

რეკომენდებულია დაწყებული საქმეების გაგრძელება, ფინანსური საქმეების ანალიზი და სუსტი ადგილების გამოსწორება, ახალი ინფორმაციის მოპოვება და ანალიზი, ბიზნესის რაციონალიზაცია, წარმოების გაზრდა, სავაჭრო ოპერაციები, განსაკუთრებით დღის პირველ ნახევარში.

არარეკომენდებულია პროვოკაციებზე აყოლა, ჩხუბსა და კონფლიქტებში ჩართვა, ახალი საქმეების დაწყება.

არცთუ ხელსაყრელი დღეა მგზავრობისთვის.

თმის შეჭრა, შეღებვა: მორიელის დღეს კარგია თმის შეღებვა, მაგრამ არა მკვეთრად განსხვავებულ ფერში. შეჭრისთვის ნეიტრალური დღეა. თმის შეჭრა უფრო უპრიანი იქნება სუსტი თმისთვის, რადგან ის გაძლიერდება და მტკიცე გახდება.

მანიკურისთვის ნეიტრალური დღეა.

მებაღეობა: შეიძლება სამკურნალო მცენარეების შეგროვება და გამოშრობა, პიკირება, გაზონების შეჭრა, ოთახისა და ივნის მცენარეების მორწყვა, ყვავილებისთვის სასუქის მიცემა, ნაყოფიანი ხეებისა და ბუჩქების შეწამვლა, მოსავლის აღება.

არასასურველია ბოსტნეულისთვის სასუქის მიცემა, ხეების მოჭრა.

0