ოთო ნემსაძის რეპეტიცია

 „სამეფო კარის თამაშების“ სტილში: ნემსაძემ „ევროვიზიაზე“ პირველი რეპეტიცია გაიარა

349
(განახლებულია 19:48 06.05.2019)
ქართველი არტისტის გამოსვლამ სოციალურ ქსელებში უამრავი აღფრთოვანებული კომენტარი დაიმსახურა

თბილისი, 6 მაისი - Sputnik. მომღერალმა ოთო ნემსაძემ, რომელიც სიმღერის საერთაშორისო კონკურს „ევროვიზია 2019"-ზე საქართველოს წარადგენს, პირველი რეპეტიცია გაიარა - მაყურებელი აღფრთოვანდა ქართველის ძლიერი ხმით, შთამბეჭდავი შოუთი, ნომრის გრაფიკითა და ძლიერი სიმღერით.

„ევროვიზია 2019" თელ-ავივში გაიმართება. კონკურსის პირველი და მეორე ნახევარფინალები და ფინალი, შესაბამისად, 14, 16 და 18 მაისს გაიმართება. ნემსაძე სიმღერით „სულ წინ იარე" 14 მაისს, პირველი ნახევარფინალური საღამოს მეორე ნაწილში მე-11 ნომრად წარდგება.

„კარგი ნამუშევარია, საქართველო“, „ნომერი ეპიკურია“, „ეს ნახევარფინალის ნამდვილი შავი ცხენია“, „ევროპა, მიეცი შანსი საქართველოს!“, „ოთოს ხმაზე დამბურძგლა. წარმატებები ფინალში“, „ნამდვილი ბომბია“, „მაგარია“, „ეს „სამეფო კარის თამაშებია?“, „მომწონს მისი სიმღერის ძალა“, „ეს შესანიშნავია! შოუზე დამბურძგლა“, - წერენ ხელმომწერები კომენტარებში რეპეტიციის ვიდეოზე.

კომენტატორებმა ასევე აღნიშნეს, რომ ნემსაძის შოუ ხაზს უსვამს მის საკონკურსო სიმღერას, თავად ოთოს უწოდეს ქარიზმატული, ხოლო მის ვოკალს - შესანიშნავი.

ცნობილია, რომ ოთო ნემსაძის ნომრის სცენიურ დადგმაზე იმუშავეს საზოგადოებრივი მაუწყებლის პირველი არხის რეჟისორმა ირაკლი გოკაძემ და გრაფიკოსმა ლევან ლორთქიფანიძემ.

რეპეტიციის შემდეგ ოთო ნემსაძე მედიის წარმომადგენლებს შეხვდა, შემდეგ კი გამართა ფანებთან შეხვედრა, რომელიც ტელ-ავივში ისრაელში საქართველოს საელჩოს, თელ-ავივის მერიის და ოთოს ფან-კლუბის მიერ იყო ორგანიზებული.

„ევროვიზიას" ქართველი მაყურებელი, ტრადიციულად, პირველი არხის პირდაპირ ეთერში 23:00 საათიდან ნახავს.

ოთარ ნემსაძე წარმოშობით გორიდანაა. დაიბადა 1989 წლის 18 ივნისს. მუსიკით ბავშვობიდან იყო გატაცებული. ნემსაძის მუსიკალური კარიერა 2010 წელს დაიწყო, როდესაც მან ვოკალურ სატელევიზიო შოუ „ჯეოსტარში" გაიმარჯვა. ოთო კარიერის დასაწყისშივე გამოირჩეოდა შრომისმოყვარეობით, საკუთარ თავზე მუშაობის უნარითა და მარცხთან შეურიგებლობით. მალევე გაიბრწყინა ქართულ-უკრაინულ შოუში „10+10", 2013 წელს კი სახელი გაითქვა უკრაინაში, როდესაც უკრაინული „ხმის" (Голос) ფინალში მოხვდა.

2015 წელს მეორე ადგილი დაიკავა უკრაინულის ანალოგიურ ქართულ შოუში – „ერთი ერთში". 2013 წელს ოთო ნემსაძემ ჩაწერა სადებიუტო ალბომი „ფიქრების ზღვა".

349
თემები:
ევროვიზია - 2019 (26)
კადრი ფილმიდან 8 წუთი

დამოუკიდებლობის დღესთან დაკავშირებით საქართველოს კინოცენტრი 26 ფილმს აჩვენებს

39
(განახლებულია 17:24 25.05.2020)
ყველა სურათის ბმული აქტიური იქნება დღის განმავლობაში, ასე რომ, თანამედროვე ქართული მოკლემეტრაჟიანი ფილმების გაცნობის მსურველებმა უნდა იჩქარონ.

თბილისი, 25 მაისი – Sputnik. საქართველოს დამოუკიდებლობის დღეს, 26 მაისს საქართველოს კინემატოგრაფიის ეროვნული ცენტრის ორგანიზებით 26 ქართული მოკლემეტრაჟიანი ფილმის ონლაინ-ჩვენება გაიმართება.

ფილმები გამოქვეყნდება კინოცენტრის ოფიციალურ Facebook-გვერდზე. ყველა სურათის ბმული აქტიური იქნება დღის განმავლობაში, ასე რომ, თანამედროვე ქართული მოკლემეტრაჟიანი ფილმების გაცნობის მსურველებმა უნდა იჩქარონ.

წამოდგენილი იქნება ფილმები: „8 წუთი“, „ანა”, „ანდრო”, „გაბანა”, „გამოსვლა”, „დაკარგული სოფელი”, „დაცვის პოლიციელი”, „თემო”, „ლეთა”, „ლილე”, „მამა”, „მამული”, „მარქსის ქუჩა 12”, „მეთევზე და გოგონა”, „მექელეხე”, „მზადება”, „ოგასავარა”, „პირველი დღე”, „სამი საფეხური”, „სრულყოფილი შეკვეთა”, „ფრანი”, „ქარის დევნა”, „ღამის მორიგე”, „ცუდი ხალხი”, „ცხოველი”, „ჭა”.

26 მაისის დღესასწაული პირველი დემოკრატიული მთავრობის მიერ ნოე ჟორდანიას ხელმძღვანელობით 1918 წელს საქართველოს დამოუკიდებლობის გამოცხადებას უკავშირდება. პირველმა დემოკრატიულმა რესპუბლიკამ ორ-ნახევარი წელი იარსება. საქართველომ დამოუკიდებლობა 1991 წელს აღიდგინა. საყოველთაო რეფერენდუმზე დაფუძნებული შესაბამისი აქტი 9 აპრილს ქვეყნის უზენაესმა საბჭომ მიიღო.

39
თემები:
საქართველო და კულტურა
ვლადიმერ მაიაკოვსკი

ონლაინ–კონფერენცია: ეძღვნება ვლადიმერ მაიაკოვსკის

26
(განახლებულია 16:40 25.05.2020)
ფორუმის მონაწილეები სხვადასხვა ქვეყნიდან გაიხსენებენ მაიაკოვსკის და იმსჯელებენ მის შემოქმედებაზე პოეზიაში, თეატრში, კინოში, ჟურნალისტიკასა და ხელოვნების სხვა სფეროებში.

თბილისი, 25 მაისი – Sputnik. ონლაინ–კონფერენციას თემაზე „მაიაკოვსკის კვალდაკვალ პოეზიის საერთაშორისო სივრცეში“ ოთხშაბათს, 27 მაისს გამართავს მწერალ სანდრა ვერელის ბერლინის მუსიკალურ-ლიტერატურული სალონი ევროაზიის შემოქმედებით გილდიასთან ერთად.

სანდრა ვერელი საქართველოში დაარსებული დიდი პოეტის, ვლადიმერ მაიაკოსვკის სახელობის პირველი საერთაშორისო არტ-ფესტივალის „ბაღდათის ცა და სულის ეკოლოგია“ ორგანიზატორია. პროექტის მთავარი მიზანია საერთაშორისო ინტერესის გაღვიძება მაიაკოვსკის შემოქმედებისა და მისი ისტორიული სამშობლოსადმი.

ფესტივალი პირველად პოეტის მშობლიურ ბაღდათში 2018 წლის ოქტომბერში გაიმართა. მისი მონაწილენი იყვნენ შემოქმედი ადამიანები საქართველოდან, რუსეთიდან, ყაზახეთიდან, გერმანიიდან, დიდი ბრიტანეთიდან, პოლონეთიდან და ესტონეთიდან. მოგვიანებით ფესტივალი გაიმართა რუსეთსა და გერმანიაში.

„ფორუმში მონაწილეობას მიიღებენ პოეტები, მწერლები, თეატრალური კრიტიკოსები, მუსიკოსები, მხატვრები, ასევე ვლადიმერ მაიაკოვსკის შემოქმედების მთარგმნელები სხვადასხვა ქვეყნიდან. ასე რომ, საუბრების სპექტრი პოეზიის საზღვრებს გასცდება“, – აღნიშნა სანდრა ვერელმა „Sputnik–საქართველოსთან“ საუბრისას.

ვერელის თქმით, ონლაინ–კონფერენციაში მონაწილეობას მიიღებენ პოეტები და მწერლები საქართველოდან, გერმანიიდან, ინგლისიდან, ისრაელიდან, საფრანგეთიდან, რუსეთიდან, უკრაინიდან და ბელარუსიდან.

საპატიო სტუმრებს შორის იქნებიან პოეტის მშობლიური ქალაქ ბაღდათის წარმომადგენლები: მაიაკოვსკის სახლ–მუზეუმის დირექტორი ბექა კუჭუხიძე, ბაღდათის მუნიციპალიტეტის საერთაშორისო ურთიერთობების განყოფილების ხელმძღვანელი, პოეტი, მწერალი, მაიაკოვსკის შემოქმედების ქართულ ენაზე მთარგმნელი კონსტანტინე კიკნაძე, ფესტივალის „ბაღდათის ცა“ ერთ-ერთი ინიციატორი, რაიონის ტურიზმისა და სპორტის განყოფილების უფროსი გოჩა ხორავა.

გარდა ამისა, პოეტურ ფორუმში მონაწილეობას მიიღებენ პოეტები, მაიაკოვსკის პრემიის ლაურეატები ირინე გოჩაშვილი (თბილისი), ლიდია გრიგორიევა (ლონდონი), ჟურნალისტები მარინა თექთუმანიძე და ანასტასია ხატიაშვილი თბილისიდან, ასევე გაგიკ ნაზარიანი ერევნიდან.

მაიაკოვსკის შემოქმედებაზე და მესამე ეკო-არტ-ფესტივალზე ისაუბრებენ კუნგურის სტროგანოვის სახელობის სამხატვრო კოლეჯის დირექტორის მოადგილე ტატიანა პიატიშევა, ამავე სასწავლებლის კურსდამთავრებული და ამჟამად მოსკოვის სტროგანოვის სახელობის სამხატვრო აკადემიის სტუდენტი, სადაც თავად მაიაკოვსკიც სწავლობდა, სანამ მეამბოხე ხასიათის გამო არ გარიცხეს. მხატვრულ თემას განაგრძობს მხატვარი და ჟურნალისტი ნატალია კოვალიოვა. მაიაკოვსკის თეატრალურ მიმართულებას წარმოადგენს თეატრალური კრიტიკოსი მოსკოვიდან ოლგა გოვორკო, აღნიშნა ვერელმა.

ფორუმის მუსიკალურ ნაწილს წარმოადგენენ კომპოზიტორები, რომლებმაც ბერლინში მეორე ფესტივალისთვის მაიაკოვსკის ლექსებზე შექმნეს მუსიკა. ესენი არიან არჩი კიდი მოსკოვიდან, ალექსანდრ გუტმანი, ანა ზანიზდრა, ვოლფ გერნერი და რობერტ დენჰოფი ბერლინიდან.

კონფერენციის განსაკუთრებული სტუმარი იქნება მართლმადიდებლური გუნდი „საირმე“ ბაღდათიდან, რომელიც შეასრულებს ჯანსუღ კახიძის სიმღერას ვლადიმერ მაიაკოვსკიზე. კონფერენციას გაუძღვებიან პოეტი, მწერალი და მთარგმნელი გერმანიიდან სანდრა ვერელი და ევროაზიის შემოქმედებითი გილდიის ხელმძღვანელის მოადგილე ლონდონიდან მარატ ახმეჯანოვი.


26
თემები:
საქართველო და კულტურა

„ძუძუ უდრის რეიტინგს“ - ია ფარულავას მორიგი პროვოკაცია - მსახიობმა მკერდი გამოაჩინა

0
(განახლებულია 14:42 25.05.2020)
ეპატაჟური, სკანდალური და ხმაურიანი- ამ სიტყვათა შესატყვისს ია ფარულავას ადვილად დაუკავშირებთ. მორიგი პროვოკაციული სურათი სოციალური ქსელიდან. რა სურათი გამოაქვეყნა ია ფარულავამ?

საქართველოში ია ფარულავა სილამაზის ეტალონადაა აღიარებული. თუმცა, მის ქმედებებს უამრავი ადამიანი აკრიტიკებს, წლების წინ კი, ასეთი თამამი ნაბიჯები საზოგადოების შოკს იწვევდა. გახმაურებული კინოფილმის შემდეგ, ია ფარულავას ცხოვრება რადიკალურად შეიცვალა. ყველას ახსოვს ის ცნობილი კინოკადრი ფილმიდან „სიყვარული ვენახში“. უახლესი „სთორით“ თითქოს იამ ფილმის ეპიზოდი გააცოცხლა.  „ძუძუ=რეიტინგი“- ამ წარწერით ექსტრავაგანტული სურათი მსახიობმა საკუთარ Instagram- ზე გამოაქვეყნა. მორიგი სკანდალური ქმედებით ფარულავა კრიტიკის ქარ-ცეცხლშია. წარწერასთან ერთად იამ მკერდი გამოაჩინა.  როგორც ჩანს, მკერდის პირველად გამოჩენიდან დღემდე არაფერი შეცვლილა - რეიტინგული ისევ ქალის მკერდია. ნახეთ რა შემაშფოთებელ სურათს აქვეყნებს  მსახიობი...

მისი გარეგნობა, ხასიათი და განწყობა ყველას ღიმილს იწვევს. რთული დასაჯერებელია, მაგრამ მსახიობი და ტელეწამყვანი 52 წლის არის. ყველას აინტერესებს, თუ რა არის მისი სილამაზის საიდუმლო და რა მეთოდებით ინარჩუნებს ვარსკვლავი სასიამოვნო გარეგნობას. აღნიშნავს, რომ კვირაში ორი დღე თავის მოვლისთვის აქვს გამოყოფილი. ერთ-ერთი ესთეტიკური კლინიკის „ანტიეიჯის“ ასაკის საწინააღმდეგო პროცედურების სახე და ხშირი მომხმარებელია. მიუხედავად ამისა, ია ფარულავას ბუნებრივი და შენარჩუნებული სილამაზე ყურადღებას დღემდე იპყრობს.

View this post on Instagram

#tv #womanpower #celine

A post shared by Ia Parulava (@ia_parulava) on

ია ფარულავა სამჯერ იყო გათხოვილი. პირველად პატარა ასაკში დაოჯახდა, მისი მეუღლე რამაზ ჩანტლაძე იყო. ცოლ-ქმარს ურთიერთობა არ აეწყო, რამაზი ძალიან ეჭვიანობდა და ზოგჯერ მსახიობს ფიზიკურადაც უსწორდებოდა, რის გამოც მათი ოჯახი დაინგრა. შემდეგ ია საცხოვრებლად და სამუშაოდ ამერიკაში წავიდა, სადაც ჟურნალისტ კის რაიზერზე იქორწინა, მაგრამ მოულოდნელად საქართველოში დაბრუნება გადაწყვიტა. ამერიკაში ია ფარულავამ დიდი გამოცდილება მიიღო. არქივში ძველი კადრები ინახება, სადაც ია ჯონი დეპსა და რობერტ დე ნიროსთან ერთად პოზირებს. სითამამით გამორჩეული მსახიობი სკანდალურ განცხადებებს დღემდე არ იკლებს. მისი თითოეული ვიდეო, მით უმეტეს გადაცემა „ფარული კონვერტი“ მაღალი რეიტინგით სარგებლობს. ეს კი უდაოდ ფარულავად დამსახურებაა. იას ხშირად უწმაწური, უხერხული თუ ბილწი გამონათქვამები გადაცემას  საავტორო შტრიხებს ჰმატებს.

0
თემები:
სელებრითების ცხოვრება