მსოფლიოში უძლიერესი ქართველი მოჭადრაკე ქალების შესახებ ფილმს გადაიღებენ

© photo: Sputnik / Dmitry Donskoy / გადასვლა მედიაბანკშისაბჭოთა კავშირის ოლიმპიური ნაკრების წევრები: მაია ჩიბურდანიძე, ნანა იოსელიანი და ნონა გაფრინდაშვილი
საბჭოთა კავშირის ოლიმპიური ნაკრების წევრები: მაია ჩიბურდანიძე, ნანა იოსელიანი და ნონა გაფრინდაშვილი - Sputnik საქართველო
გამოწერა
ფილმი ოთხი ქართველი მოჭადრაკე ქალის შესახებ მოგვითხრობს, რომლებიც 1960-იანი წლებიდან საბჭოთა კავშირის დაშლამდე მსოფლიოში უძლიერესნი იყვნენ.

თბილისი, 22 აპრილი — Sputnik. თბილისში იწყებენ სრულმეტრაჟიანი დოკუმენტური ფილმის გადაღებას საქართველოს ოთხი მთავარი მოჭადრაკე ქალების ცხოვრებისა და კარიერის შესახებ. ესენი არიან ნონა გაფრინდაშვილი, ნანა ალექსანდრია, მაია ჩიბურდანიძე და ნანა იოსელიანი.

ფილმის სამუშაო დასახელებაა „შეხვედრა", იუწყებიან საქართველოს ეროვნულ კინოცენტრში.

„60-იანი წლებიდან მოყოლებული საბჭოთა კავშირის დაშლამდე ისინი მსოფლიოში უძლიერესი მოჭადრაკე ქალები იყვნენ, რომელთაც ქალთა ჭადრაკში რევოლუცია მოახდინეს და იგი მსოფლიო მასშტაბით მამაკაცთა ჭადრაკის დონეზე აიყვანეს. „შეხვედრა" მსოფლიო ჭადრაკის ვარსკვლავების დღევანდელ ცხოვრებას გვიჩვენებს და ამავდროულად მათი პროფესიული ბიოგრაფიის შესახებ უნიკალურ საარქივო მასალას გვაწვდის", – ნათქვამია კინოცენტრის განცხადებაში.

ფილმის რეჟისორია ავსტრიაში მცხოვრები ქართველი მხატვარი და ვიზუალური არტისტი თათია სხირტლაძე, თანარეჟისორია ანა ხაზარაძე.

ნონა გაფრინდაშვილი - Sputnik საქართველო
სულით უბერებელი ვეტერანები: გაფრინდაშვილი კვლავ უძლიერესია ევროპაში

„გადაღებები 13 აპრილს როდოსზე დაიწყო, მაისის ბოლომდე კი ფილმის წარმოების პროცესი თბილისსა და ვენაში გაგრძელდება. ფილმის დასრულება 2019 წლის შემოდგომისთვის იგეგმება", – იუწყება კინოცენტრი.

კინოფილმი „შეხვედრა" საერთაშორისო კოპროდუქციაა და მასში ქართული საპროდიუსერო კომპანიის 1991 Productions-ის გარდა მონაწილეობენ ავსტიული კომპანიები berg hammer film და Amour Fou Vienna, ასევე სერბული კომპანია Playground Produkcija.

ფილმმა დაფინანსება მოიპოვა საქართველოს ეროვნული კინოცენტრიდან, ავსტრიის კულტურის სამინისტროდან – BKA, ავსტრიული მაუწყებლისგან – ORF და სერბეთის კინოცენტრიდან – FCS. პროექტმა ასევე გაიმარჯვა Eurimages-ის წარმოების დაფინანსების კონკურსში. ფილმის ქართულ მხარეს შეუერთდა HBO Europe-ის დამფუძნებელი და ყოფილი დირექტორი ლინდა ჯენსენი.

ყველა ახალი ამბავი
0