კადრი ფილმიდან იარ–არი–გიუმრი

კიკაბიძე ახალ ფილმში გადაიღეს თბილისში პრემიერა გაიმართება

178
(განახლებულია 17:40 15.04.2019)
დოკუმენტურ–მხატვრული ფილმი ქართველებისა და სომხების მეგობრობის შესახებ მოგვითხრობს.

თბილისი, 15 აპრილი – Sputnik. დოკუმენტურ–მხატვრული ფილმის „იარ-არი-გიუმრის“ პრემიერა გაიმართება პარლამენტის ეროვნული ბიბლიოთეკის საგამოფენო დარბაზში 16 აპრილს, ფილმში მთავარი როლი ცნობილმა ქართველმა მსახიობმა და მომღერალმა ვახტანგ კიკაბიძემ ითამაშა.

ფილმის ავტორია ვიქტორია მაქსოევა – რეჟისორი და საზოგადოებრივი ორგანიზაცია „აგორა–ჯორჯიას“ (საქართველო) ხელმძღვანელი, რომლის საქმიანობა რეგიონში პოლიტიკური, ეკონომიკური და კულტურული კავშირების გამტკიცებისკენ არის მიმართული.

„ფილმის მთავარი გმირია ქალაქი გიუმრი. ჩვენ ვსაუბრობთ მის კულტურაზე, ისტორიაზე და იმაზე, თუ რა აკავშირებს ამ მშვენიერ ქალაქს საქართველოსთან. პირველ რიგში, ეს, რა თქმა უნდა, ხალხია. სიმბოლურია, რომ 30 წლის წინ გიუმრიში მიწისძვრა მოხდა და საქართველო იყო პირველი ქვეყანა, რომელიც მოძმე სომეხი ხალხის დასახმარებლად მოვიდა. თუმცა, ფილმში ჩვენ არ ვსაუბრობთ ისტორიის ტრაგიკულ მომენტებზე, რადგან გიუმრი სომხეთის იუმორის დედაქალაქია. ჩვენ, პირველ რიგში, ქალაქს იუმორისტული თვალსაზრისით წარმოვადგენთ. მით უმეტეს, რომ ჩვენი ფილმი ნახევრადდოკუმენტურია, და მასში არის მხატვრული ხაზი, რომელიც სავსეა იუმორითა და ფანტასტიკით“, – განუცხადა „Sputnik–საქართველოს“ მაქსოევამ.

ფილმის ავტორის თქმით, სურათში ერთ–ერთი სიუჟეტური ხაზია ვახტანგ კიკაბიძისა და მისი მეგობრის, გიუმრის მკვიდრის ფრუნზიკ მკრტჩიანის მეგობრობის ისტორია. ფილმში ქართველი მსახიობი ფრუნზიკის სამშობლოდან ძვირფასი მეგობრის სამახსოვროდ რამის ჩამოტანას ითხოვს. ფინალში გიუმრის ფრუნზიკ მკრტჩიანის მუზეუმიდან ორიგინალური გზავნილი ჩამოდის.

კიკაბიძესთან ერთად ფილმში გადაღებული არიან ემილ გალსტიანი (სომხეთი), ასევე ირინა და ქსენია ჩერნიაევები (რუსეთი).

მაქსოევას თქმით, გადამღები ჯგუფი ქართულ–სომხურია. ამ ჯგუფმა უკვე გადაიღო ექვსი ფილმი, რომლებსაც სხვადასხვა ჯილდო აქვს მიღებული.

„პრეზენტაციაზე წარმოდგენილი იქნება რამდენიმე ექსპონატი მკრტჩიანის მუზეუმიდან, რომლებსაც მუზეუმის წარმომადგენელი აჩვენებს. ასევე ნაჩვენები იქნება ფრუნზიკის გრაფიკული ნამუშევრების სლაიდ–შოუ. საღამოზე გამოვა ასევე თბილისის მოსწავლე ახალგაზრდობის სასახლის ანსამბლი“, – აღნიშნა მაქსოევამ.

ფილმის პრემიერა უკვე გაიმართა (2019 წლის იანვარში) სომხეთსა და რუსეთში. ის თავდაპირველად აჩვენეს სომხეთის საზოგადოებრივი ტელევიზიის ეთერში, ხოლო შემდეგ – სანქტ-პეტერბურგისა და ლენინგრადის ოლქის ტელევიზიით.

ფილმის ჩვენება 18:00 საათზე დაიწყება. ღონისძიებაზე მიწვეული არიან საქართველოსა და სომხეთის სამინისტროებისა და უწყებების წარმომადგენლები, ასევე უცხოელი დიპლომატები. დასწრება თავისუფალია.

178
თემები:
საქართველო და კულტურა (1080)
წინანდალი

კლასიკური მუსიკის მოყვარულთ წინანდლის ფესტივალზე იწვევენ

14
(განახლებულია 11:00 15.04.2021)
ფესტივალის დღეებში კახეთში  საორკესტრო და კამერული, სოლო და საოპერო მუსიკის 33 კონცერტი გაიმართება.

თბილისი, 15 აპრილი – Sputnik. წინანდალში კლასიკური მუსიკის ერთ–ერთი ყველაზე მასშტაბური ფესტივალი Tsinandali Festival–ი 2021 წლის 8–19 სექტემბერს გაიმართება, იუწყებიან ორგანიზატორები. 

წლევანდელი Tsinandali Festival–ი კიდევ უფრო საინტერესო და მასშტაბური პროგრამით ბრუნდება. უნიკალურ წინანდლის მამულში მსმენელის წინაშე მსოფლიოში ცნობილი 24 არტისტი 33 კონცერტით წარდგება, აცხადებენ ორგანოზატორები. 

ფესტივალში მონაწილეობას მიიღებენ მევიოლინე  მარკ ბუშკოვი, პიანისტი ელენა ბაშკიროვა, პიანისტი ლიზა ბათიაშვილი, პიანისტი ეფიმ ბრონფმანი, პიანისტი და დირიჟორი კრისტოფ ეშენბახი, ვიოლონჩელისტი ამანდა ფორსაიტი, მევიოლინე ბლითე ენგსტროემი, პიანისტი მაო ფუჯიტა, ოპერის მომღერალი მატიას გოერნე, მომღერალი თომას ჰამფსონი და.ა.შ.

ფესტივალს დაესწრებიან სტუმრები რუსეთიდან: ვიოლონჩელისტი ალექსანდრ რამი, პიანისტი სერგეი რედკინი,  მევიოლინე ვადიმ რეპინი და პიანისტი მიხაილ პლეტნიოვი.

ორგანიზატორების განმარტებით, ყველა კონცერტი ღია ცის ქვეშ, კოვიდ–რეგულაციების სრული დაცვით ჩატარდება. ფესტივალის პროგრამისა და ბილეთების შესახებ ინფორმაცია ღონისძიების ოფიციალურ პორტალზე მოგვიანებით გამოქვეყნდება. 

წინანდლის ფესტივალი სახელმწიფო და კერძო სექტორის – ტურიზმის ეროვნული ადმინისტრაციისა და კომპანია Silk Road Group-ის ერთობლივი ინიციატივაა. მემორანდუმი მათი თანამშრომლობის შესახებ 2017 წლის იანვარში გაფორმდა.

Tsinandali Festival-ის დამფუძნებლები გახდნენ შვეიცარიის ვერბიეში (Verbier) ფესტივალის დამფუძნებელი მარტინ ენგსტრემი, მისი თანამოაზრე, ისრაელის ფილარმონიის ორკესტრის გენერალური დირექტორი ავი შოშანი და ქართველი ბიზნესმენი და ფილანტროპი გიორგი რამიშვილი.

ფესტივალის გენერალური დირექტორია ცნობილი რეჟისორი დავით საყვარელიძე, სამხატვრო ხელმძღვანელი – ჯანანდრეა ნოზედა.

ფესტივალის ჩასატარებლად წინანდალში 900 სტუმარზე გათვლილი მუსიკალური დარბაზი, 60-ნომრიანი სასტუმრო, ღია ამფითეატრი, ბიბლიოთეკა, საკონფერენციო დარბაზები და მულტიფუნქციური სივრცეები აშენდა. პროექტის ფარგლებში ასევე შეიქმნა საერთაშორისო მუსიკალური აკადემია, რომელთანაც ჩამოყალიბდა ახალგაზრდული ორკესტრი 60 მუსიკოსის შემადგენლობით.

14
თემები:
საქართველო და კულტურა (1080)
თბილისის კინომსახიობთა თეატრში ჰაინერ მიულერის „ჰამლეტი/მანქანა“ დადგეს

თბილისის კინომსახიობთა თეატრში ჰაინერ მიულერის „ჰამლეტი/მანქანა“ დადგეს

41
(განახლებულია 22:05 15.04.2021)
სპექტაკლი ეხება ისეთ თემებს, როგორიცაა მსოფლიო შეშლილობა, ომი, ფემინიზმი, ტოტალიტარიზმი, ეკოლოგიური კატასტროფა და გლობალიზაცია

თბილისი, 15 აპრილი – Sputnik. მიხეილ თუმანიშვილის კინომსახიობთა თეატრში პრემიერაა - 18 აპრილს სცენაზე იქნება წარმოდგენილი სპექტაკლი „ჰამლეტი/მანქანა“ (გერმანელი დრამატურგის, ჰაინერ მიულერის პიესის მიხედვით).

„ჰამლეტი/მანქანა“ - ესაა პოსტმოდერნისტული დრამა, რომელიც მიულერმა უილიამ შექსპირის „ჰამლეტის“ მოტივებზე 1977 წელს დაწერა. პიესა სავსეა სხვადასხვა სიმბოლოებით და ალუზიებით და ეხება ისეთ თემებს, როგორიცაა მსოფლიო შეშლილობა, ომი, ფემინიზმი, ტოტალიტარიზმი, ეკოლოგიური კატასტროფა და გლობალიზაცია და სხვ.

თუმანიშვილის თეატრის სცენაზე „ჰამლეტი/მანქანა“ ზურაბ გეწაძემ დადგა.

„ახალი სპექტაკლი „ჰამლეტი/მანქანა“ თანამედროვე მაყურებელს შესთავაზებს მოულოდნელი, ორიგინალური კუთხით დანახულ, საუკუნეების წინ წამოწეულ „ჰამლეტის პრობლემას“ - მოაზროვნე ადამიანის მდგომარეობას დღევანდელ მსოფლიოში, რომლისთვისაც ისევე რთულია ადათ-წესებზე დაფუძნებული, კარგად მოფიქრებული და გააზრებული გადაწყვეტილების განხორციელება, როგორც 1600 წელს შექსპირის პერსონაჟისათვის“, - ნათქვამია სპექტაკლის ანონსში.

სპექტაკლში მონაწილეობენ: პაატა ინაური, ვანო თარხნიშვილი, ლია კაპანაძე, ნინი იაშვილი, ქეთა შათირიშვილი, ნიკა წერედიანი, ნანუკა ლითანიშვილი, ქეთი ასათიანი, გაგი შენგელია, თორნიკე ქასრაშვილი.

როგორც თეატრში აღნიშნავენ, პროექტის მიზანია ახალი ფორმების, გამომსახველობითი საშუალებებისა და თამაშის ახლებური ხერხების ძიება ექსპერიმენტების საშუალებით. სპექტაკლი რეჟისორ მიხეილ თუმანიშვილის 100 წლის იუბილეს ეძღვნება.

41
ლაბორატორია

COVID-19 საქართველოში 16 აპრილის მონაცემები

26
(განახლებულია 10:53 16.04.2021)
ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

თბილისი, 16 აპრილი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.077-ით გაიზარდა და ინფიცირებულთა საერთო რიცხვმა 293.321-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

ბოლო 24 საათში ჩატარებულია 31.645 ტესტი, მათ შორის ანტიგენის სწრაფი ტესტით – 20.727, PCR–ტესტით – 10.918.

დადებითობის მაჩვენებელი: დღიური - 3,4%, ბოლო 14 დღის - 2,77%, ბოლო 7 დღის - 2,04%.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

26
თემები:
კორონავირუსი საქართველოში: ბოლო ცნობები