გიორგი დარახველიძე

„რეალურად სტინგივით იმღერა“ - ქართველმა უკრაინის „გოლოსზე“ იტალიელსა და ებრაელს აჯობა

1179
ქართველი მომღერალი უკრაინული „გოლოსის“ მეორე ეტაპზე წარმატებულად წარდგა და კონკურსში გამარჯვებისთვის ბრძოლას გააგრძელებს

თბილისი, 21 მარტი - Sputnik. მომღერალი გიორგი დარახველიძე, რომელიც უკრაინაში ვოკალური ტელეპროექტის „ქვეყნის ხმა“ (Голос країни) მეცხრე სეზონში მონაწილეობს, „ბრძოლების“ ეტაპზე ნადვილი კლასი აჩვენა და შოუში მონაწილეობა დან ბალანის გუნდში გააგრძელა.

ქორეოგრაფი, რომელმაც ახალი ცეკვები შექმნა და მისი სახელობის ვარსკვლავი >>

საკონცერტო „რინგზე“ ბალანის სამმა შეგირდმა - გიორგიმ, სამუელე გრილიმ და სოფია შაფირმა ჯგუფ „ხოჭოების“ ჰიტი „ბატარეიკა“ შეასრულეს. ბალანის გადაწყვეტილებით, ეს კომპოზიცია სტინგის ცნობილ სიმღერასთან Shape of my heart გააერთიანეს.

გიორგიმ კი ამ ტრიოს ფინალში სწორედ სტინგის პარტია იმღერა და ეს ძალიან ლამაზად გააკეთა.

„გიორგიმ ბოლოს კარტი გახსნა და რეალურად სტინგივით იმღერა. ამისათვის მადლობა შენ, გიორგი. სამივე მაგრები ხართ, მაგრამ დღეს გზას გიორგისთან ერთად გავაგრძელებ“, - განაცხადა ბალანმა.

აღსანიშნავია, როდან ბალანის ინტერნაციონალურ გუნდში იყვნენ სხვადასხვა ქვეყნის წარმომადგენლები: გიორგი - ქართველი, გრილი - იტალიური წარმოშობის, შაფირი - ებრაული ფესვებით.

ტურში გამარჯვების შემდეგ გიორგიმ მაყურებელს თავისი ემოციები გაუზიარა.

„სიმართლეს გეტყვით, ეს იყო ერთ-ერთი ყველაზე მაგარი მომენტი ჩემს ცხოვრებაში“, - განაცხადა დარახველიძემ.

საერთაშორისო ურთიერთობების ფაკულტეტის კურსდამთავრებულმა გიორგი დარახველიძემ უკრაინის „გოლოსზე“ ბედი მეორედ სცადა. პირველად შოუს სცენის დასაპყრობად 2017 წელს მივიდა. მაშინ გიორგიმ ჯასტინ ბიბერის Love yourself იმღერა, თუმცა მისკენ არავინ შემობრუნებულა. წელს გიორგის მეტად გაუმართლა.

„ქვეყნის ხმა“ ("Голос Країни") — ტელეარხ „1+1"-ის უკრაინული ვოკალური სატელევიზიო შოუ, The Voice of Holland-ის ორიგინალური ფორმატის ადაპტაცია, რომელიც ჰოლანდიურ სატელევიზიო ეთერში პირველად 2010 წელს გამოჩნდა.

აღსანიშნავია, რომ ქართველი შემსრულებლები უკრაინის „გოლოსის“ ხშირი სტუმრები არიან. ამ პროექტში წარმატებულად გაიბრწყინეს ნინი ცნობილაძემ, მებო ნუცუბიძემ და სხვ.

1179
თემები:
საქართველო და კულტურა–2018 (806)
ფორსაჟის გადაღება

„ფორსაჟი 9“–ის პრემიერის ახალი თარიღი დასახელდა

23
(განახლებულია 08:05 08.03.2021)
თავიდან ფილმი გაქირავებაში 2020 წლის მაისში უნდა ჩაშვებულიყო, მაგრამ ფილმის ავტორების გეგმები კორონავირუსის პირველი ტალღის გამო შეიცვალა – ვირუსის გავრცელების პრევენციის მიზნით დიდი რაოდენობით კინოთეატრები დაიხურა.

თბილისი, 8 მარტი – Sputnik. ამერიკული სტუდია Universal Pictures–მა ფილმ „ფორსაჟი 9“-ის პრემიერა, რომლის ზოგიერთი ეპიზოდი საქართველოში გადაიღეს, მესამედ გადადო, წერს  გამოცემა Variety

მძაფრსიუჟეტიანი ფილმის პრემიერის თარიღად თავიდან 2021 წლის 2 აპრილი, შემდეგ 28 მაისი დასახელდა – პრემიერის ახალ თარიღად კი ამჯერად 25 ივნისი გამოცხადდა.

ფორსაჟი" (The Fast and the Furious) ამერიკული ფრენჩაიზია, რომელიც მოცემულ მომენტში რვა სრულმეტრაჟიანი და ორი მოკლემეტრაჟიანი ფილმისგან შედგება. იგი სტუდია Universal-ის ყველაზე მომგებიანი ფრენჩაიზია – მისი საკასო შემოსავალი 5,1 მლრდ დოლარია.

ფილმის რეჟისორია ჯასტინ ლინი, მსახიობები: ვინ დიზელი, დუეინ ჯონსონი, ჯორდანა ბრიუსტერი, ლუკას ბლეკი, ტაირიზ გიბსონი, მიშელ როდრიგესი.

„ფორსაჟის“ პირველ შვიდ ფილმში ბრაიან ო'კონერის მთავარ როლს ასრულებდა ცნობილი ამერიკელი მსახიობი პოლ უოკერი, რომელიც 2013 წელს ავტოკატასტროფაში დაიღუპა.

საქართველოში „ფორსაჟი 9"-ის ეპიზოდების გადაღება 2019 წლის 19 აგვისტოდან დაიწყო და 22 სექტემბრამდე მიმდინარეობდა. კინომწარმოებელმა კომპანია Universal-მა ხუთწუთიანი ეპიზოდები ძველ თბილისში, რუსთაველისა და ვაჟა-ფშაველას გამზირებზე, ასევე რუსთავში გადაიღო. გადაღებები საქართველოს ეკონომიკისა და მდგრადი განვითარების სამინისტროს პროექტის „გადაიღე საქართველოში" ფარგლებში განხორციელდა. რაც შეეხება ბიუჯეტს, თბილისში გადაღებებზე 32 მლნ ლარი დაიხარჯა.


23
ბერლინი

ქართველი არტისტები გერმანიაში ფესტივალის პრიზიორები გახდნენ

32
ვირტუალურ ღონისძიებაში მონაწილეობა მიიღეს 20 ქვეყნის წარმომადგენლებმა - როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

თბილისი, 7 მარტი – Sputnik. პროექტმა „ქართლის დედა“, რომელიც გერმანიაში ქართული კულტურის პოპულარიზაციას ეწევა, ასევე ბერლინურმა მუსიკალურმა სალონმა „ლიტერა-დო“ (Литера-ДО) ჩაატარეს პანდემიის პერიოდში მეორე საერთაშორისო ონლაინ არტ-ფესტივალი „ზამთრის ზღაპარი“.

ღონისძიებაში მონაწილეობა მიიღეს 20 ქვეყნის წარმომადგენელმა, როგორც უმცროსმა, ისე უფროსმა თაობამ, როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

„განსაკუთრებით სასიამოვნოა, რომ თითქმის ყველა ნომინაცია ქართველებმა მოიგეს, - საუბრობს პროექტის ხელმძღვანელი თამარა ინაშვილი. - მათ თავისი ნიჭით ფესტივალი გაალამაზეს და წარუშლელი შთაბეჭდილება დატოვეს“.

„ეს უკვე მეორე ფესტივალია ციკლიდან „წელიწადის ოთხი დრო“ ონლაინ-რეჟიმში. პირველი „შემოდგომის კალეიდოსკოპი“ გასულ წლის შემოდგომაზე გაიმართა და მსგავსი ღონისძიებების ჩატარების აუცილებლობა აჩვენა იმ დროს, როდესაც კულტურულ ცენტრებში, საგამოფენო და საკონცერტო დარბაზებში „დაკეტილი კარების“ პერიოდია“, - გააგრძელა საუბარი ფესტივალის გენერალურმა დირექტორმა სანდრა ვერელმა.

„დუხობორების მიწა“: ქართველმა ფოტოგრაფმა აშშ-ის ფესტივალის გრანტი მიიღო >>

ვერელის თქმით, ფესტივალში მონაწილეობა დაახლოებით 350-მა ადამიანმა მიიღო საქართველოდან, გერმანიიდან, რუსეთიდან, კანადიდან, აშშ-დან, შვეიცარიიდან, იტალიიდან, დიდი ბრიტანეთიდან, ნიდერლანდებიდან, საბერძნეთიდან, ისრაელიდან, თურქეთიდან, სინგაპურიდან, უკრაინიდან, ბელარუსიდან და სხვა ქვეყნებიდან.

„რა თქმა უნდა, ონლაინ-ფორმატმა მონაწილეთა რეკორდული რაოდენობის მიღების და მრავალფეროვანი საინტერესო პროგრამის შედგენის საშუალება მოგვცა. ფესტივალმა აჩვენა კულტურის სხვადასხვა მიმართულების კომბინაციის უპირატესობა, რაც „მეგობრობის ხიდების“ აგების გაგრძელების საშუალებას იძლევა“, - განაცხადა ვერელმა.

პრიზიორებს სხვადასხვა ნომინაციაში - ლიტერატურა, სახვითი ხელოვნება, მუსიკა, ცეკვა - დიპლომები გადაეცათ.

ფესტივალის გრან-პრი მოიპოვა ბაღდათის მუნიციპალიტეტის საბავშვო თეატრმა „ირიდა“, რომელმაც მუსიკალურ სკოლასთან და ნორჩ მევიოლინეთა ანსამბლთან „ბაღდათის ვარსკვლავები“ ერთად სპეციალურად ფესტივალისთვის ვაჟა აზარაშვილის მუსიკაზე პოეტურ-ქორეოგრაფიული ნომერი დადგა.

32
ღამის თბილისი

თბილისი ვაქცინირებული მოგზაურებისთვის ტურისტული მიმართულებების რეიტინგის სათავეშია

0
(განახლებულია 12:35 08.03.2021)
საქართველოს საჰაერო საზღვარს გადაკვეთენ უცხოელები, რომლებსაც COVID-19-ის ვაქცინაციის სრული კურსი აქვს გავლილი.

 

თბილისი, 8 მარტი - Sputnik. ერთ-ერთმა ყველაზე პოპულარულმა პორტალმა „ევროპის საუკეთესო სამოგზაურო მიმართულებები“ (European Best Destinations) იმ ქალაქების რეიტინგი გამოაქვეყნა, რომლებიც ვაქცინირებული მოგზაურებისთვის საუკეთესო სამოგზაურო მიმართულებებს წარმოადგენენ – რეიტინგში (Best Destination for vaccinated travelers 2021) პირველ ადგილს საქართველოს დედაქალაქი იკავებს. 

თბილისის გარდა, რეიტინგში მოხვდნენ ისეთი ტურისტული მიმართულებები, როგორებიცაა: კოპენჰაგენი, კეფალონია, სევილია, ათენი, სტოკჰოლმი, კანარის კუნძულები, მადეირა  და სხვა.

გარდა ამისა, საქართველო მესამე ადგილზეა 2021 წლის უსაფრთხო სამოგზაურო მიმართულებების რეიტინგში (Coronavirus – Safest Destinations to Visit in 2021).

პორტალის მიხედვით, რეიტინგი იმ მიმართულებებს მოიცავს, სადაც კორონავირუსის თვალსაზრისით მოგზაურობა უსაფრთხოა, არ არის კარანტინის საჭიროება და დაცულია ჯანდაცვის მსოფლიო ორგანიზაციის მიერ შემუშავებული რეკომენდაციები.

„საქართველო და განსაკუთრებით თბილისი, არის ტრადიციული და თანამედროვეც, კოსმოპოლიტური, მრავალეთნიკური, ნამდვილად უნიკალური და ავთენტური. საქართველომ ჯანდაცვის კრიზისს ეფექტური და ინოვაციური მიდგომებით პოზიტიურად უპასუხა. როგორც კი COVID-19-ის შემთხვევები შემცირდა და ვაქცინა ხელმისაწვდომი გახდა, ქვეყანამ ვაქცინირებულ მოგზაურებს საზღვრები გაუხსნა“, -აღნიშნულია სტატიაში. 

საქართველოში გაუმჯობესებული ეპიდვითარების ფონზე საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია. უწყებათაშორისი საკოორდინაციო საბჭოს გადაწყვეტილებით, საქართველოს ტერიტორიაზე შემოსვლის უფლება აქვს ნებისმიერი ქვეყნის მოქალაქეს, რომელსაც ჩატარებული აქვს ვაქცინაციის სრული კურსი და ფლობს ამის დამადასტურებელ დოკუმენტს – მათ აღარ მოეთხოვებათ კარანტინისა და ქვეყანაში ჩამოსვლიდან მესამე დღეს განმეორებითი ტესტირების ჩატარება.

კორონავირუსის გავრცელების პრევენციის მიზნით, ქვეყანაში შემუშავებულია და მოქმედებს უსაფრთხოების ნორმები, რათა როგორც მოგზაურების, ასევე, ადგილობრივი მოქალაქეების ჯანმრთელობა იყოს დაცული და საერთაშორისო ვიზიტორებმა საქართველოში არდადეგების უსაფართხოდ გატარება შეძლონ.

„ევროპის საუკეთესო  მიმართულებები“ (Europian Best Destination) დამოუკიდებელი ტურისტული ორგანიზაციაა, რომლის მთავარი ოფისი ბრიუსელში მდებარეობს. ორგანიზაცია ტურიზმის ინდუსტრიის სხვადასხვა თემატიკის რეიტინგს პერიოდულად აქვეყნებს და მოგზაურებისთვის ერთ-ერთ ყველაზე სანდრო წყაროს წარმოადგენს. 

0