ლიზა ხუფენია

უკვე სამი ქართველი: რუსული შოუს მონაწილე ელიზავეტა ხუფენია გახდა

484
(განახლებულია 14:36 18.03.2019)
ელიზავეტა ხუფენია, რომელიც ვალერი მელაძის გუნდში მოხვდა, შოუს მეექვსე სეზონში მონაწილე მესამე ქართველია.

თბილისი, 18 მარტი — Sputnik. 13 წლის წარმოშობით ქართველმა ელიზავეტ ხუფენიამ, რომელიც კალუგის ოლქში ცხოვრობს, პროექტ Голос.Дети 6-ში საკუთარი ლამაზი ხმით ვალერი მელაძე მოხიბლა და ის მისი გუნდის წევრიც გახდა.

ლიზა რუსულ ვოკალურ შოუში წარმოშობით მესამე ქართველია. ხუფენიასთან ერთად შოუში მონაწილეობენ ნინო ჩესნერი და ანა ავაზნელი. აღსანიშნავია, რომ ქართველი მონაწილეები ერთმანეთს დაუპირისპირდებიან – ხუფენია მელაძის გუნდშია, ჩესნერი – სვეტლანა ლობოდას, ანა ავაზნელი კი პელაგიას ჯგუფში.

ელიზავეტა ხუფენიამ ბრმა კასტინგზე ნინო ქათამაძის Once in the Street შეასრულა, რომელიც შესულია ქათამაძისა და ჯგუფ Insight-ის 2006 წლის ალბომში White.

ხუფენიას გამოსვლის შემდეგ ვალერი მელაძემ მოკლედ და კონკრეტულად თქვა: „კეთილი იყოს შენი მოსვლა ჩემ გუნდში!"

„ძალზე კეთილი, ყურადღებიანი, მაგრამ ზარმაცი ვარ. ყველა თმაზე მეკითხება – დიახ, ჩემი თმის ფერი ბუნებრივია, არასდროს შემიღებავს. თავისუფალ დროს მუსიკას ვრთავ და ცეკვას ვიწყებ. ქართულ ცეკვაზეც დავდივარ, მაგრამ სიმღერა უფრო მომწონს", – განაცხადა ხუფენიამ.

პატარა ქართველმა გოგონამ უკრაინის „გოლოსის“ ჟიური აღაფრთოვანა>>>

ხუფენია ვოკალში პროფესიონალურ დონეზე სამი წელია მეცადინეობს. მისი მუსიკისადმი სიყვარული გოგონას უფროსი დის დამსახურებაა, რომელსაც ასევე უყვარს სიმღერა. მოგვიანებით, საკუთარი გამოსვლის შემდეგ ლიზამ სოციალურ ქსელში საკუთარ გვერდზე დაწერა, რომ შოუ Голос. Дети მის ცხოვრებაში ყველაზე დაუვიწყარი დღე გახდა.

 

484
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

14
(განახლებულია 14:46 14.04.2021)
კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება - მსმენელის წინაშე პიანისტი ალექსანდრე ვასაძე წარდგება

თბილისი, 14 აპრილი - Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ–მუსიკალურ ცენტრში 18 აპრილს გაიმართება. 

სცენაზე გაიჟღერებს ორკესტრის თანხლებით ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ასევე ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში.  ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

14
თემები:
საქართველო და კულტურა
 Mercedes-Benz Fashion Week Tbilisi

Mercedes Benz Fashion Week Tbilisi მაისში ონლაინ–ფორმატში გაიმართება

33
(განახლებულია 16:41 14.04.2021)
კორონავირუსის პანდემიის გამო თბილისის მოდის კვირეული ვირტუალურ ფორმატში ჩატარდება – ქართველი დიზაინერების ნამუშევრების ნახვა შესაძლებელი იქნება პლატფორმაზე MBFWTBILISI.ONLINE.

თბილისი, 14 აპრილი – Sputnik. დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi 6–9 მაისს გაიმართება – ქართველი დიზაინერები 2021–22 წლების შემოდგომა–ზამთრის სეზონის კოლექციას ონლაინ–ფორმატში წარმოადგენენ. 

„მოდის კვირეულის ციფრულ ფორმატში გადასვლა მთელ მსოფლიოში შექმნილმა სიტუაციამ გამოიწვია. ჩვენთვის რთული აღმოჩნდა, რადგან ქართველი დიზაინერებისთვის ჩვენებაზე საერთაშორისო პრესის და ბაიერების ფიზიკური დასწრება აუცილებელია. ამ სეზონზე ფორმატი უცვლელი, ანუ ციფრული იქნება, თუმცა, შედარებით განსხვავებული. ლაივ–ჩვენებების გადაღებები ჩვენს ახალ სივრცეში, „კოკა-კოლას“ ძველ ქარხანაში მიმდინარეობს“, – განაცხადა პორტალ at.ge-სთან ინტერვიუში MBFWTBILISI-ის დამფუძნებელმა სოფო ჭყონიამ.

Mercedes Benz Fashion Week Tbilisi-ს ჩვენებები ჩატარდება პლატფორმაზე MBFWTBILISI.ONLINE და მაყურებელს მისი პირდაპირ ეთერში თვალის დევნების საშუალება ექნება.

მოდის კვირეულის მონაწილეთა სია და ჩვენებების განრიგი ოფიციალურ ვებ-გვერდზე მოგვიანებით გამოქვეყნდება.

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და ა.შ.

33
სახანძრო

სენაკში ხანძარს შუახნის მამაკაცი ემსხვერპლა

0
(განახლებულია 18:25 14.04.2021)
ჯერჯერობით, უცნობია თუ რა გახდა საცხოვრებელ სახლში ხანძრის გამოწვევის მიზეზი – შემთხვევის ადგილზე ოთხი სახანძრო–სამაშველო ბრიგადა იყო მობილიზებული

თბილისი, 14 აპრილი – Sputnik.  სენაკის მუნიციპალიტეტში ხანძრის შედეგად შუახნის მამაკაცი დაიღუპა, იუწყება „Sputnik-საქართველოს“ კორესპონდენტი.

გავრცელებული ინფორმაციით, საცხოვრებელ სახლში, სადაც ხანძარი გაჩნდა, მამაკაცი მარტო ცხოვრობდა.

 შემთხვევის ადგილზე მისულ სახანძრო–სამაშველო ბრიგადებს, სამწუხაროდ, მამაკაცი გარდაცვლილი დახვდათ.

ამ დროისთვის ხანძარი ლიკვიდირებულია. ადგილზე ოთხი სახანძრო–სამაშველო ბრიგადა იყო მობილიზებული.

ხანძრის მიზეზს გამოძიება დაადგენს.

ნიკა ლატარია

0
თემები:
შემთხვევები საქართველოში