ოსკაროსანი ლედი გაგა ქართველი დიზაინერის თავბრუდამხვევი კაბით გამოჩნდა

© AFP 2024 / ANGELA WEISSლედი გაგა
ლედი გაგა - Sputnik საქართველო
გამოწერა
პოპ-ვარსკვლავის გარდერობს თამუნა ინგოროყვას ექსტრავაგანტული შავი კაბა შეემატა

თბილისი, 6 მარტი - Sputnik. ამერიკელი პოპ-მომღერალი ლედი გაგა ქართველი დიზაინერის, თამუნა ინგოროყვას სამოსით გამოჩნდა.

ლედი გაგამ სამოსი ქართული ბრენდიდან AVTANDIL შეარჩია >>

ფოტო, რომელზეც შავ კაბაში გამოწყობილი მომღერალი პოზირებს, დიზაინერმა თავის Instagram-გვერდზე ატვირთა.

ტოტალურად შავი სამოსი მომღერლის ექსტრავაგანტურობას ხაზს უსვამს უჩვეულო ფორმებით: განიერი მხრები, მოცულობითი სახელოები და გრძელი შლეიფი - ყველა ეს ელემენტი ლედი გაგას სტილს სრულიად შეესაბამება.

აღსანიშნავია, რომ ლედი გაგა თამუნა ინგოროყვას სამოსს პირველად არ ირგებს - ადრე მომღერალი რძისფერი ლაბადით გამოჩნდა.

ლედი გაგა - Sputnik საქართველო
ლედი გაგა ქართველი დიზაინერის გიორგი ქებურიას კაბით გამოჩნდა

ლედი გაგა ცნობილია ქართველი დიზაინერებისადმი სიყვარულით. ის არაერთხელ გამოჩნდა ავთანდილ ცქვიტინიძის, გიორგი ქებურიას და Mach&Mach-ის სამოსით.

ბრენდი Tamuna Ingorokva 2002 წელს შეიქმნა. დიზაინერმა თბილისის სახელმწიფო სამხატვრო აკადემია დაამთავრა, ხოლო მალევე — მსოფლიოში მოდის პირველი სკოლა ESMOD, რომელიც საფრანგეთში 1841 წელს დაარსდა. პარალელურად თამუნა სტილისტის სახით პრაქტიკას გადიოდა პარიზში, Lagerfeld Gallery-ში.

ლედი გაგა ქართველი დიზაინერის ლაბადაში გამოეწყო >>

მის კოლექციებში ყველა საჭიროების სამოსს ნახავთ — საღამოს კაბებს, კოსტიუმებს, რომელთა ჩაცმაც შესაძლებელია როგორც სამუშაოზე, ისე ყოველდღიურად.

ინგოროყვას სამოსი პოპულარულია ასევე Victoria's Secret-ის ერთ-ერთი „ანგელოზის", ნიდერლანდელი მოდელის დაუტცენ კრუსის გარდერობში, ხოლო მსოფლიოში ცნობილ ფოტომოდელ ედიტა ვილკევიჩუტეს ინგოროყვას სამოსი ქორწილის დღეს ეცვა.

ყველა ახალი ამბავი
0