ბორის გრებენშჩიკოვი

თბილისში ბორის გრებენშჩიკოვის და როკ-ჯგუფ „აკვარიუმის“ კონცერტი გაიმართება

189
(განახლებულია 23:33 01.03.2019)
კონცერტის ორგანიზატორების თქმით, რთულია იპოვო ადამიანი, რომელიც  გრებენშჩიკოვის თუნდაც ერთ სიმღერას ვერ გაიხსენებს

თბილისი, 2 მარტი - Sputnik. ლეგენდარული რუსი მომღერალი და მუსიკოსი ბორის გრებენშჩიკოვი და როკ-ჯგუფი „აკვარიუმი“ 14 აპრილს თბილისის მრავალფუნქციური ცენტრ Republic-ის სცენაზე წარდგებიან, იუწყებიან ორგანიზატორები.

გრებენშჩიკოვის საკონცერტო პროგრამა მუსიკოსის 65 წლის იუბილეს მიეძღვნება, რომელიც მან 2018 წელს აღნიშნა.

„მუდმივ მოძრაობასა და ძიებაში მყოფი არტისტი, რომელიც წლების შემდეგად არ წყვეტს ექსპერიმენტებს მუსიკის სხვადასხვა ჟანრში, ყოველთვის ახერხებს მსმენელის გაოცებას... ერთ-ერთ ინტერვიუში არტისტი აცხადებს: „საწყისი იმისა, რასაც ჩვენ ვქმნით და ვაკეთებთ - აბსურდია“. ზუსტად ეს არის მუსიკოსისთვის და მისი გულშემატკივრებისთვის ჭეშმარიტება“, - ნათქვამია კონცერტის ანონსში.

კონცერტის დასაწყისი 20:00 საათზე. ბილეთების შეძენა უკვე შესაძლებელია ონლაინ.

თბილისისადმი ბორის გრებენშჩიკოვის მხურვალე სიყვარულის ისტორია არაერთ ათწლეულს ითვლის. ისე მოხდა, რომ გრებენშჩიკოვის მუსიკალური კარიერის საწყის წერტილად სწორედ საქართველოს დედაქალაქი შეიძლება ჩაითვალოს.

Музыкант, лидер группы Аквариум Борис Гребенщиков
© photo: Sputnik / Maxim Blinov
როკ-ჯგუფ „აკვარიუმის“ ლიდერი ბორის გრებენშჩიკოვი

პირველად გრებენშჩიკოვი საქართველოს დედაქალაქში შორეულ 1980 წელს გამოვიდა, როდესაც თბილისში მოხდა მოვლენა, რომელმაც რუსული როკის ახალ ეპოქას დაუდო სათავე - მაშინ თბილისის ფილარმონიის სცენაზე გაიმართა პირველი როკ-ფესტივალი „გაზაფხულის რითმები“. მისი მონაწილეები იყვნენ ათობით ჯგუფები ყოფილი საბჭოთა რესპუბლიკებიდან, მათ შორის - ლეგენდარული ჯგუფი „აკვარიუმი“. ამ კონცერტის შემდეგ ბორის გრებენშჩიკოვი დამწყები მუსიკოსიდან საკავშირო მასშტაბის როკ-ანდერგრაუნდის ლიდერად იქცა.

იმ დროიდან ბორის გრებენშჩიკოვი გახდა არა მხოლოდ საბჭოთა, არამედ მსოფლიო მუსიკის ლეგენდა. მას ჰქონდა ერთობლივი ნამუშევრები დევიდ ბოუისთან, ლუ რიდთან, დეივ სტიუარტთან, მარკ ალმონდთან და თანამედროვეობის სხვა საკულტო მუსიკოსებთან.

თბილისთან საბედისწერო შეხვედრის შემდეგ, „აკვარიუმი“ საქართველოს არაერთხელ ეწვია: 2002 წელს (გრიბოედოვის თეატრის სცენაზე), 2014 წელს (თბილისის ფილარმონია), 2015 წელს (Tbilisi Open Air).

189
თემები:
საქართველო და კულტურა–2018 (806)
ფორსაჟის გადაღება

„ფორსაჟი 9“–ის პრემიერის ახალი თარიღი დასახელდა

28
(განახლებულია 08:05 08.03.2021)
თავიდან ფილმი გაქირავებაში 2020 წლის მაისში უნდა ჩაშვებულიყო, მაგრამ ფილმის ავტორების გეგმები კორონავირუსის პირველი ტალღის გამო შეიცვალა – ვირუსის გავრცელების პრევენციის მიზნით დიდი რაოდენობით კინოთეატრები დაიხურა.

თბილისი, 8 მარტი – Sputnik. ამერიკული სტუდია Universal Pictures–მა ფილმ „ფორსაჟი 9“-ის პრემიერა, რომლის ზოგიერთი ეპიზოდი საქართველოში გადაიღეს, მესამედ გადადო, წერს  გამოცემა Variety

მძაფრსიუჟეტიანი ფილმის პრემიერის თარიღად თავიდან 2021 წლის 2 აპრილი, შემდეგ 28 მაისი დასახელდა – პრემიერის ახალ თარიღად კი ამჯერად 25 ივნისი გამოცხადდა.

ფორსაჟი" (The Fast and the Furious) ამერიკული ფრენჩაიზია, რომელიც მოცემულ მომენტში რვა სრულმეტრაჟიანი და ორი მოკლემეტრაჟიანი ფილმისგან შედგება. იგი სტუდია Universal-ის ყველაზე მომგებიანი ფრენჩაიზია – მისი საკასო შემოსავალი 5,1 მლრდ დოლარია.

ფილმის რეჟისორია ჯასტინ ლინი, მსახიობები: ვინ დიზელი, დუეინ ჯონსონი, ჯორდანა ბრიუსტერი, ლუკას ბლეკი, ტაირიზ გიბსონი, მიშელ როდრიგესი.

„ფორსაჟის“ პირველ შვიდ ფილმში ბრაიან ო'კონერის მთავარ როლს ასრულებდა ცნობილი ამერიკელი მსახიობი პოლ უოკერი, რომელიც 2013 წელს ავტოკატასტროფაში დაიღუპა.

საქართველოში „ფორსაჟი 9"-ის ეპიზოდების გადაღება 2019 წლის 19 აგვისტოდან დაიწყო და 22 სექტემბრამდე მიმდინარეობდა. კინომწარმოებელმა კომპანია Universal-მა ხუთწუთიანი ეპიზოდები ძველ თბილისში, რუსთაველისა და ვაჟა-ფშაველას გამზირებზე, ასევე რუსთავში გადაიღო. გადაღებები საქართველოს ეკონომიკისა და მდგრადი განვითარების სამინისტროს პროექტის „გადაიღე საქართველოში" ფარგლებში განხორციელდა. რაც შეეხება ბიუჯეტს, თბილისში გადაღებებზე 32 მლნ ლარი დაიხარჯა.


28
ბერლინი

ქართველი არტისტები გერმანიაში ფესტივალის პრიზიორები გახდნენ

32
ვირტუალურ ღონისძიებაში მონაწილეობა მიიღეს 20 ქვეყნის წარმომადგენლებმა - როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

თბილისი, 7 მარტი – Sputnik. პროექტმა „ქართლის დედა“, რომელიც გერმანიაში ქართული კულტურის პოპულარიზაციას ეწევა, ასევე ბერლინურმა მუსიკალურმა სალონმა „ლიტერა-დო“ (Литера-ДО) ჩაატარეს პანდემიის პერიოდში მეორე საერთაშორისო ონლაინ არტ-ფესტივალი „ზამთრის ზღაპარი“.

ღონისძიებაში მონაწილეობა მიიღეს 20 ქვეყნის წარმომადგენელმა, როგორც უმცროსმა, ისე უფროსმა თაობამ, როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

„განსაკუთრებით სასიამოვნოა, რომ თითქმის ყველა ნომინაცია ქართველებმა მოიგეს, - საუბრობს პროექტის ხელმძღვანელი თამარა ინაშვილი. - მათ თავისი ნიჭით ფესტივალი გაალამაზეს და წარუშლელი შთაბეჭდილება დატოვეს“.

„ეს უკვე მეორე ფესტივალია ციკლიდან „წელიწადის ოთხი დრო“ ონლაინ-რეჟიმში. პირველი „შემოდგომის კალეიდოსკოპი“ გასულ წლის შემოდგომაზე გაიმართა და მსგავსი ღონისძიებების ჩატარების აუცილებლობა აჩვენა იმ დროს, როდესაც კულტურულ ცენტრებში, საგამოფენო და საკონცერტო დარბაზებში „დაკეტილი კარების“ პერიოდია“, - გააგრძელა საუბარი ფესტივალის გენერალურმა დირექტორმა სანდრა ვერელმა.

„დუხობორების მიწა“: ქართველმა ფოტოგრაფმა აშშ-ის ფესტივალის გრანტი მიიღო >>

ვერელის თქმით, ფესტივალში მონაწილეობა დაახლოებით 350-მა ადამიანმა მიიღო საქართველოდან, გერმანიიდან, რუსეთიდან, კანადიდან, აშშ-დან, შვეიცარიიდან, იტალიიდან, დიდი ბრიტანეთიდან, ნიდერლანდებიდან, საბერძნეთიდან, ისრაელიდან, თურქეთიდან, სინგაპურიდან, უკრაინიდან, ბელარუსიდან და სხვა ქვეყნებიდან.

„რა თქმა უნდა, ონლაინ-ფორმატმა მონაწილეთა რეკორდული რაოდენობის მიღების და მრავალფეროვანი საინტერესო პროგრამის შედგენის საშუალება მოგვცა. ფესტივალმა აჩვენა კულტურის სხვადასხვა მიმართულების კომბინაციის უპირატესობა, რაც „მეგობრობის ხიდების“ აგების გაგრძელების საშუალებას იძლევა“, - განაცხადა ვერელმა.

პრიზიორებს სხვადასხვა ნომინაციაში - ლიტერატურა, სახვითი ხელოვნება, მუსიკა, ცეკვა - დიპლომები გადაეცათ.

ფესტივალის გრან-პრი მოიპოვა ბაღდათის მუნიციპალიტეტის საბავშვო თეატრმა „ირიდა“, რომელმაც მუსიკალურ სკოლასთან და ნორჩ მევიოლინეთა ანსამბლთან „ბაღდათის ვარსკვლავები“ ერთად სპეციალურად ფესტივალისთვის ვაჟა აზარაშვილის მუსიკაზე პოეტურ-ქორეოგრაფიული ნომერი დადგა.

32
ხალხი ქალაქის ქუჩაში

სექსუალური ძალადობა ქალთა მიმართ: ქუჩებს სამოქალაქო ტანსაცმლიანი პოლიცია გააკონტროლებს

0
პოლიციამ უკვე გაიარა სწავლება, თუ როგორ გამოავლინონ საზოგადოებრივი თავშეყრის ადგილებში ქალთა მიმართ სექსუალური ძალადობის ფაქტები

თბილისი, 8 მარტი — Sputnik. ბრიუსელის საზოგადოებრივი თავშეყრის ადგილებს სამოქალაქო ტანსაცმელში ჩაცმული პოლიცია გააკონტროლებს, რათა ქალთა მიმართ სექსუალური ძალადობის შემთხვევები აღკვეთოს, წერს ქალაქის ბურგომისტრი ფილიპ კლოზი Twitter–ზე.

ბრიუსელის პოლიციის ოფიციალური წარმომადგენლის, ოლივიე სლოსის თქმით, თავდაპირველად პოლიციელები საზოგადოებრივი ტრანსპორტის გაჩერებებზე გააძლიერებენ ყურადღებას, დააფიქსირებენ სექსუალური ძალადობის ფაქტებს და შეადგენენ ოქმებს.

„ჩვენგასულ წელს დავიწყეთ პოლიციის თანამშრომლების სწავლება, თუ როგორ უნდა გამოავლინონ ძალადობის შემთხვევები ქუჩაში, როგორ უნდა იზრუნონ მსხვერპლზე და როგორ შეადგინონ ოქმები“, — აღნიშნა სლოსმა სააგენტო Belga–სთან ინტერვიუში.

მისი თქმით, პოლიციას ბევრი მტკიცებულება აქვს იმის თაობაზე, რომ ქალები ხშირად აწყდებიან საზოგადოებრივ ადგილებში მათ მიმართ სექსუალურ ძალადობას, თუმცა იშვიათად მიმართავენ პოლიციას. ხოლო როცა მიმართავენ, დამნაშავის დადგენა შეუძლებელია.   

  • „ჩვენი ადგილზე ყოფნა აუცილებელია, რათა ასეთი შემთხვევები დავაფიქსიროთ“, — განმარტა პოლიციის წარმომადგენელმა.

თავის მხრივ ბელგიის პროკურატურა აცხადებს, რომ განსაკუთრებული ყურადღებით მოეკიდება ასეთი სახის დარღვევებს და პოლიციისგან მიღებულ ოქმებს სწრაფად და დეტალურად შეისწავლის, რათა მუშაობა ეფექტური და შედეგიანი იყოს.

0
თემები:
საერთაშორისო პანორამა