გრიბოედოვის სახელობის თეატრი

გრიბოედოვის თეატრი მიემგზავრება ფესტივალზე „ხუთი საღამო კვიპროსზე"

63
(განახლებულია 15:40 19.02.2019)
თეატრალური ფესტივალის ფარგლებში თეატრის სამხატვრო ხელმძღვანელი მასტერ-კლასს ჩაატარებს.

თბილისი, 19 თებერვალი — Sputnik. გრიბოედოვის სახელობის თბილისის სახელმწიფო რუსული დრამატული თეატრი წარდგება მესამე საერთაშორისო თეატრალურ ფესტივალზე „კვიპროსის ხუთი საღამო", რომელიც კვიპროსში 20-24 თებერვალს გაიმართება.

ფესტივალის ორგანიზატორები არიან კომპანია „თეატრის ჯადოსნური სამყარო", კვიპროსის რუსული თეატრი „კუნძული" (Остров), კვიპროსის ქალთა ასოციაცია CLC და ქალაქ ლიმასოლის თეატრი „რიალტო".

გრიბოედოველები ფესტივალზე 23 თებერვალს თეატრ „მარკიდეოში" გამოვლენ და წარმოადგენენ სპექტაკლს „თვინიერი" დოსტოევსკის ამავე სახელწოდების დრამის მიხედვით. სპექტაკლის რეჟისორია თეატრის სამხატვრო ხელმძღვანელი ავთანდილ ვარსიმაშვილი.

ფესტივალის შედეგებით, მაყურებლის კენჭისყრის საფუძველზე გამარჯვებულ სპექტაკლს გადაეცემა „მაყურებლის სიმპათიის პრიზი".

ამას გარდა, თეატრალური ფესტივალის ფარგლებში ავთანდილ ვარსიმაშვილი 24 თებერვალს ლიმასოლის სასტუმრო „ატლანტიკა მირამარეში" გამართავს მასტერ-კლასს სახელწოდებით „თეატრი".

63
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

12
(განახლებულია 14:46 14.04.2021)
კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება - მსმენელის წინაშე პიანისტი ალექსანდრე ვასაძე წარდგება

თბილისი, 14 აპრილი - Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ–მუსიკალურ ცენტრში 18 აპრილს გაიმართება. 

სცენაზე გაიჟღერებს ორკესტრის თანხლებით ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ასევე ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში.  ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

12
თემები:
საქართველო და კულტურა
 Mercedes-Benz Fashion Week Tbilisi

Mercedes Benz Fashion Week Tbilisi მაისში ონლაინ–ფორმატში გაიმართება

33
(განახლებულია 16:41 14.04.2021)
კორონავირუსის პანდემიის გამო თბილისის მოდის კვირეული ვირტუალურ ფორმატში ჩატარდება – ქართველი დიზაინერების ნამუშევრების ნახვა შესაძლებელი იქნება პლატფორმაზე MBFWTBILISI.ONLINE.

თბილისი, 14 აპრილი – Sputnik. დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi 6–9 მაისს გაიმართება – ქართველი დიზაინერები 2021–22 წლების შემოდგომა–ზამთრის სეზონის კოლექციას ონლაინ–ფორმატში წარმოადგენენ. 

„მოდის კვირეულის ციფრულ ფორმატში გადასვლა მთელ მსოფლიოში შექმნილმა სიტუაციამ გამოიწვია. ჩვენთვის რთული აღმოჩნდა, რადგან ქართველი დიზაინერებისთვის ჩვენებაზე საერთაშორისო პრესის და ბაიერების ფიზიკური დასწრება აუცილებელია. ამ სეზონზე ფორმატი უცვლელი, ანუ ციფრული იქნება, თუმცა, შედარებით განსხვავებული. ლაივ–ჩვენებების გადაღებები ჩვენს ახალ სივრცეში, „კოკა-კოლას“ ძველ ქარხანაში მიმდინარეობს“, – განაცხადა პორტალ at.ge-სთან ინტერვიუში MBFWTBILISI-ის დამფუძნებელმა სოფო ჭყონიამ.

Mercedes Benz Fashion Week Tbilisi-ს ჩვენებები ჩატარდება პლატფორმაზე MBFWTBILISI.ONLINE და მაყურებელს მისი პირდაპირ ეთერში თვალის დევნების საშუალება ექნება.

მოდის კვირეულის მონაწილეთა სია და ჩვენებების განრიგი ოფიციალურ ვებ-გვერდზე მოგვიანებით გამოქვეყნდება.

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და ა.შ.

33
ხატია შამუგია

„ამ კომპანიაში გავატარე 12 წელი...“ - რატომ გაუშვეს სამსახურიდან ხატია შამუგია

0
(განახლებულია 16:03 14.04.2021)
ხატია შამუგიამ გაამხილა, რატომ აღარ არიც ერთ-ერთი ცნობილი კომპანიის სახე, სადაც ცხოვრების 12 წელი გაატარა

პარფიუმერიის ჯადოსნური სამყარო, ცნობილი პიარ-ტექნოლოგის ხატია შამუგიას გარეშე, საქართველოში წარმოუდგენელია. ის წლების მანძილზე იყო, კომპანია „ისი პარის“ საზოგადოებასთან ურთიერთობის დეპარტამენტის ხელმძღვანელი, თუმცა 12 წლიანი თანამშრომლობის შემდეგ სამსახურიდან გაუშვეს.

სამსახურიდან უსაფუძვლოდ გათავისუფლების მიზეზებზე ხატიამ გადაცემაში „მხოლოდ ლელასთან” ისაუბრა.

„ერთად გავიზარდეთ მე და ეს კომპანია. მართლა ბევრი რაღაც გავაკეთე ამ კომპანიაში. 12 წელი ანაზღაურების გამო ვერ იმუშავებ. ძალიან მიყვარდა ეს კომპანია. სამსახურივით არ იყო ჩემთვის. ერთ-ერთმა დამფუძნებელმა, რომელთანაც ყველაზე ახლოს ვიყავი, მან მითხრა, სხვა ფორმატში უნდა გავაგრძელოთ შენთან ურთიერთობაო. თუმცა არ დავინტერესებულვარ”, – განაცხადა ხატია შამუგიამ ლელა წურწუმიას გადაცემაში სტუმრობისას.

ხატიამ გადაცემაში სტუმრობისას ისიც თქვა, რომ ის ხალხის გამოხმაურებამ წამოაყენა ფეხზე, რომელიც მისი სამსახურიდან წამოსვლის შემდეგ გავრცელებულ ინფორმაციას მოჰყვა.

„მივხვდი 43 წელი ტყუილად არ მიცხოვრია. საერთოდ დამავიწყდა ეს კომპანია. ისეთი კომენტარები და სითბო იყო ადამიანებისგან”, – განაცხადა ხატიამ.

ხატია შამუგიამ ცოტა ხნის წინ, სოციალური ქსელის პირად გვერდზე ცოტა ხნის წინ, ახალი სამსახურის შესახებ დაწერა. ის პრესტიჟული სტომატოლოგიური კლინიკის „კახა ხარებავას კლინიკის” პიარის და საზოგადოების ურთიერთობის დეპარტამენტს უხელმძღვანელებს.

0
თემები:
ქართველი სელებრითები