„გრეის ანატომიაში“ ქართველ მსახიობს გადაიღებენ

© photo: Sputnik / Stringerპირდაპირი ტრანსლაციის სატელევიზიო კამერა
პირდაპირი ტრანსლაციის სატელევიზიო კამერა - Sputnik საქართველო
გამოწერა
25 წლის ირაკლი გრძელიშვილმა თავის Facebook-გვერდზე დაწერა, რომ „გრეის ანატომიაში“ გადაღებები დაეწყო

თბილისი, 12 იანვარი — Sputnik. ახალგაზრდა ქართველი მსახიობი ირაკლი გრძელიშვილი პოპულარული ამერიკული სერიალ „გრეის ანატომიას“ (Grey's Anatomy) ახალ, მე-15 სეზონში ითამაშებს.

აშშ-ში მცხოვრებმა 25 წლის მსახიობმა ამ სასიხარულო სიახლის შესახებ თავის Facebook-გვერდზე დაწერა.

სამსახიობო კარიერა გრძელიშვილმა 15 წლის ასაკში დაიწყო, როდესაც თეატრალურ სკოლა-სტუდიაში დადიოდა. ამის შემდეგ ის რუსთაველის თეატრის სცენაზე გამოდიოდა და სხვადასხვა საერთაშორისო კონკურსებში მონაწილეობდა.

მერაბ ნინიძე - Sputnik საქართველო
მალე ეკრანებზე: მერაბ ნინიძე ამერიკულ სერიალში CIA-ს აგენტის როლს თამაშობს

ცნობილი სერიალი „გრეის ანატომია“ ტელეარხ ABC-ზე 2005 წელს გამოვიდა. ის მოგვითხრობს ინტერნების, ექიმების და სხვა სამედიცინო პერსონალის ცხოვრებაზე, რომლებიც „სიეტლ გრეის“ კლინიკაში მუშაობენ, სადაც ძირითადი მოქმედება ხდება. კლინიკის სახელწოდების მიუხედავად, სერიალის გადაღებები ლოს-ანჯელესში მიმდინარეობს.

სერიალის პოპულარობას აჩვენებს ის, რომ მას წილად ხვდა კომერციული წარმატება და კრიტიკოსთა დადებითი გამოხმაურებები. საპილოტე ეპიზოდს 16,2 მილიონზე მეტმა მაყურებელმა უყურა, ხოლო პირველი სეზონის ფინალმა 22,2 მილიონ ნახვას მიაღწია.

ყველა ახალი ამბავი
0