აკაკი წერეთლის სახლ-მუზეუმი აღდგენილია

© photo: Cultural Heritage of Georgia / FBაკაკი წერეთლის სახლ-მუზეუმი
აკაკი წერეთლის სახლ-მუზეუმი - Sputnik საქართველო
გამოწერა
სპეციალისტებმა ორი თვის განმავლობაში აკაკი წერეთლის სახლი საარქივო მასალებისა და დოკუმენტების საფუძველზე აღადგინეს

თბილისი, 10 იანვარი — Sputnik. დიდი აკაკი წერეთლის სახლ-მუზეუმისა და კარის ეკლესიის აღდგენა საჩხერის რაიონის სოფელ სხვიტორში დასრულებულია, ნათქვამია კულტურული მემკვიდრეობის ეროვნული სააგენტოს განცხადებაში.

წერეთლის საგვარეულო სასახლე საარქივო მასალებისა და დოკუმენტების საფუძველზე აღადგინეს.

შედეგად, „სრულად შეიცვალა შენობის აივანი მისი მოაჯირებითა და რიკულებით. კირის დუღაბზე გადაეწყო საძირკვლის მორყეული საპირე ქვები. სახლ-მუზეუმის პირველ სართულზე ქვიშა-ხრეშის ფენილზე დაეგო მშრალი წყობის გრანიტის ფილის იატაკი.

„სასახლის კარის ეკლესიის მიმდებარე ტერიტორიაზე დაიშალა რიყის ქვის სარინელი. ეზოს რელიეფის აღდგენის მიზნით, ხელით მოიჭრა მიწაყრილის სქელი შრე... მოეწყო ეკლესიის ჩრდილო-დასავლეთ მხარეს ქვის კიბე ორი ბაქნითა და თხუთმეტი ძველი საფეხურით", - აღნიშნულია განცხადებაში.

ასევე, არსებული ქვის ფილებით ეზოში მოეწყო სავალი ბილიკი.

აღდგენითი სამუშაოები, რომელიც კომპანია „არქიტექტურამ" ჩაატარა, ორ კვირას გაგრძელდა.

ყველა ახალი ამბავი
0