ალტერნატიული სამყარო: თბილისში ნინო ბოსიკაშვილის გამოფენა გაიმართება

© Photo: courtesy of Hubble Legacy Archive, NASA, ESAსამყაროში ხუთი შავი ხვრელი აღმოაჩინეს
სამყაროში ხუთი შავი ხვრელი აღმოაჩინეს - Sputnik საქართველო
გამოწერა
თბილისელები და თბილისის სტუმრები ქართველი მხატვრის მულტიმედიურ-კონცეპტუალურ პროექტს ნახავენ

თბილისი, 12 სექტემბერი — Sputnik. ქართველი მხატვრის, გრაფიკული დიზაინერის და ილუსტრატორის, ნინო ბოსიკაშვილის ნამუშევრების პერსონალური გამოფენა სახელწოდებით „ალტერნატიული სამყარო" თბილისში 13 სექტემბერს TBC ART Gallery-ში გაიმართება.

დათო სიმონიას მითები - Sputnik საქართველო
მითების კვალდაკვალ: როგორ დაასახლა ქართველმა მხატვარმა სულები თუშეთში

„ალტერნატიული სამყარო" — მულტიმედიურ-კონცეპტუალურ პროექტია, რომელიც ხელოვნური ინტელექტის აქტივიზაციის გზით ალტერნატიული სამყაროს შექმნის იდეას ეყრდნობა.

პროექტის ავტორების თქმით, ადამიანს თავისი გაჩენის დღიდან ახასიათებს სრული თავისუფლებისკენ და დამოუკიდებლობისკენ სწრაფვა. ამ არჩევანის ძიებაში კი ის მუდამ მიილტვის, ისევე როგორც ღმერთი, შექმნას თავისი მსგავსი ხელოვნური არსებები.

© Fb / Nino Bosikashviliილუსტრატორი ნინო ბოსიკაშვილი
Иллюстратор Нино Босикашвили  - Sputnik საქართველო
ილუსტრატორი ნინო ბოსიკაშვილი

„ასეთი არსებების, მანქანების, მექანიზმების, რობოტების და ნახევრად ბიოლოგიური სისტემების ხელოვნური ინტელექტით აღჭურვამ შესაძლოა გამოიწვიოს ალტერნატიული სამყაროს და საზოგადოების შექმნა, რომელთაც ექნებათ თავიანთი ღირებულებები და ქცევის კანონები და დროთა განმავლობაში შეიძლება გაჩნდეს ახალი ალტერნატიული ღირებულებები, რომელიც უცხო იქნება ჩვენი სამყაროსთვის. მაგრამ ვინ ვართ ჩვენ? იქნებ ჩვენ უკვე ვარსებობთ იმ ალტერნატიულ სამყაროში, სადაც ღმერთმა თავის სახედ და ხატად შეგვქმნა? სხვანაირად რომ ვთქვათ, ვართ თუ არა ჩვენ ღმერთის კოდირებული ხელოვნური კლონები?“ — ნათქვამია გამოფენის ანონსში.

ლევან მოსიაშვილის ნამუშევარი - Sputnik საქართველო
თანამედროვე ქართველი მხატვრების ტოპ-ათეული

ნინო ბოსიკაშვილი თბილისის სახელმწიფო სამხატვრო აკადემიის კურსდამთავრებულია. მუშაობს კომპანია Biterium-ში კრეატიულ და არტ-დირექტორად, ასევე საერთაშორისო განვითარების აშშ-ის სააგენტოში (USAID) გრაფიკულ დიზაინერად.

ავსტრალიურმა არტ-გამოცემა Pictoria-მ 2018 წელს ნინო ბოსიკაშვილს მიუძღვნა სტატია, რომელშიც მის შემოქმედებას მაღლი შეფასება მისცა და ნინოს მსოფლიოს ერთ-ერთი საუკეთესო ილუსტრატორი უწოდა.

ტიციანის „მადონა ყრმით" თბილისში გამოიფინება >>

ბოსიკაშვილის ფერწერული და ციფრული ნამუშევრები ინახება კერძო კოლექციებში საქართველოში, ინგლისში, გერმანიაში, იტალიაში, საფრანგეთში, ავსტრალიასა და სხვა ქვეყნებში.

მხატვარს მონაწილეობა აქვს მიღებული მრავალ პერსონალურ თუ ჯგუფურ გამოფენაში. მათ შორისაა STROKE Art Fair მიუნხენში, Anselmo Gallery იტალიაში, Art Up ბათუმში.


ყველა ახალი ამბავი
0