კინოფირი

დებიუტი მსოფლიო ასპარეზზე - ქართველი რეჟისორის ფილმს ტორონტოში უჩვენებენ

53
(განახლებულია 15:39 10.08.2018)
გიორგი სიხარულიძე იმ 36 მოკლემეტრაჟიანი ფილმების ჩამონათვალში მოხვდა, რომლებიც ტორონტოს კინოფესტივალის საკონკურსო პროგრამაშია შესული

თბილისი, 10 აგვისტო — Sputnik. ქართველი რეჟისორის გიორგი სიხარულიძის მოკლემეტრაჟიან ფილმს „ახალი წელი" ტორონტოს 43-ე საერთაშორისო კინოფესტივალზე უჩვენებენ.

მოკლემეტრაჟიანი ფილმი ახალგაზრდა რეჟისორის სადებიუტო ნამუშევარი გახდა. ფილმის მსოფლიო პრემიერა ტორონტოში გაიმართება.

„მეგობრებო, ჩვენი ფილმი „ახალი წელი" ტორონტოს საერთაშორისო კინოფესტივალის საკონკურსო პროგრამაში მიიღებს მონაწილეობას. მადლობა და გილოცავთ", — წერს რეჟისორი საკუთარ Facebook-გვერდზე.

ტორონტოს საერთაშორისო კინოფესტივალი (Toronto International Film Festival), რომელიც კანადაში 1976 წლიდან ყოველდღიურად ტარდება, მსოფლიო კინემატოგრაფში ერთ-ერთი მთავარი მოვლენაა. წელს იგი 6-16 სექტემბრის პერიოდში გაიმართება.

გიორგი სიხარულიძის ფილმი 36 ფილმს შორის მოხვდა, რომლებიც Short Cuts-ის პროგრამაშია წარმოდგენილი.

„ახალ წელთან" ერთად ფესტივალზე წარმოდგენილი იქნება 14 მსოფლიო პრემიერა, კონკურსში 32 ქვეყნის წარმომადგენელი მონაწილეობს.

53
თემები:
ქართული კინო (74)