თბილისი, 15 მაისი — Sputnik. თბილისში საქართველოს ეროვნული მუზეუმის ორგანიზებით ორკვირიანი მუზეუმების ფესტივალი დაიწყო.
საქართველოს ეროვნული მუზეუმის ფესტივალი ჩატარდება მუზეუმის საერთაშორისო დღესთან დაკავშირებით, რომელიც 1977 წლიდან ყოველწლიურად 18 მაისს აღინიშნება.
ღონისძიება საქართველოს დამოუკიდებლობის გამოცხადების 100 წლის იუბილეს ეძღვნება. პირველმა დემოკრატიულმა რესპუბლიკამ ორნახევარი წელი იარსება, მაგრამ ქვეყანაში ის დღემდე ახსოვთ.
ფესტივალის ერთ-ერთი მნიშვნელოვანი ნაწილი გახდება ექსპოზიცია „ანრი კარტიე ბრესონი — პარიზი". ექსკურსიებს პროექტის დირექტორი, „მაგნუმ ფოტოს“ (Magnum Photos) წარმომადგენელი საქართველოში ეკა ენუქიძე გაუძღვება.
ანრი კარტიე ბრესონი — ფრანგი ფოტოგრაფი, XX საუკუნის რეალისტური ფოტოგრაფიის ოსტატი, ფოტომხატვარი, ფოტორეპორტაჟისა და ფოტოჟურნალისტიკის „მამა“, დოკუმენტური ფოტოგრაფიის წარმომადგენელი, რომელმაც 1947 წელს თავის კოლეგებთან ერთად დააარსა ფოტოჟურნალისტების თანამეგობრობა — სააგენტო „მაგნუმ ფოტო“.
გამოფენების გარდა, ფორუმის ფარგლებში ჩატარდება საგანმანათლებლო პროგრამები, წიგნის პრეზენტაციები, მოეწყობა საჯარო ლექციები.
