ძველ ახალ წელს მურაზ მურვანიძის ნამუშევრების გამოფენა გაიხსნება

© photo: Sputnik / Stringerხელოვნების სასახლე Art Palace
ხელოვნების სასახლე Art Palace - Sputnik საქართველო
გამოწერა
იტალიის, რუსეთის, აშშ-ისა და საქართველოს თეატრებში დადგმული სპექტაკლების ესკიზები, რომლებიც მურაზ მურვანიძემ შექმნა, თბილისის ხელოვნების სასახლეში ერთი თვის განმავლობაში გამოიფინება

თბილისი, 13 იანვარი — Sputnik. 14 იანვარს ხელოვნების სასახლეში ქართველი მხატვრის, სცენოგრაფისა და ფერმწერის — მურაზ მურვანიძის გამოფენა იხსნება, ნათქვამია მუზეუმის Facebook-გვერდზე გამოქვეყნებულ განცხადებაში.

აღსანიშნავია, რომ მურვანიძე საახალწლო დეკორის ავტორია თავისუფლების მოედანსა და მთაწმინდაზე ბომბორას პარკში.

„ექსპოზიციაზე წარმოდგენილი იქნება ხელოვანის შემოქმედების მხოლოდ მცირე ნაწილი, რომელიც იტალიის, საფრანგეთის, რუსეთის, კანადის, აშშ-სა და საქართველოს თეატრებში დადგმულ სპექტაკლების ესკიზებს აერთიანებს“, — ნათქვამია განცხადებაში.

ქართული სტილი: ჩოხა მსოფლიო მოდაში შემოდის - Sputnik საქართველო
ქართული სტილი: ჩოხა მსოფლიო მოდაში შემოდის

საქართველოს დამსახურებული მხატვრისა და რუსული სამხატვრო აკადემიის უცხოელი წევრის ნამუშევრების გამოფენა ერთი თვეს გასტანს.

თბილისის სამხატვრო აკადემიის კურსდამთავრებული მურაზ მურვანიძე — საბალეტო, ოპერისა და დრამატული სპექტაკლებისთვის დეკორაციების ავტორია. მან განავითარა ქართული და რუსული თეატრის ოსტატების საუკეთესო აკადემიური ტრადიციები, კოლორიტულ და მოულოდნელ გადაწყვეტილებებში გამოირჩევა ნოვატორული გამომგონებლობით.

უამრავი საერთაშორისო პრემიის ლაურეატი მურვანიძე აფორმებს სპექტაკლებს მუსიკალურ და დრამატულ თეატრებში, დიდი სკულპტურული კომპოზიციებისთვის ქმნის მაკეტებს. მეუღლესთან, ოპერისა და ბალეტის თბილისის თეატრის ბალერინა მაკა მახარაძესთან ერთად გადაღებულია ფილმში „მოცურავე“.


ყველა ახალი ამბავი
0