კიევი

პატარა ქართველმა გოგონამ უკრაინის „გოლოსის“ ჟიური აღაფრთოვანა

195
(განახლებულია 12:39 03.12.2017)
13 წლის ნინო ბასილაია უკრაინის პროექტზე Голос.Дети Monаtik-ის გუნდის წევრი გახდა

თბილისი, 2 დეკემბერი — Sputnik. 13 წლის კიეველი ქართველი ნინო ბასილაიას სიმღერამ უკრაინის Голос.Дети-ს კასტინგზე ჟიური აღაფრთოვანა.

ნინო უამრავი კონკურსის ლაურეატია. 2015 წელს წარმოადგენდა საქართველოს სიმღერის საერთაშორისო კონკურსზე Детская Новая Волна. ბასილაიამ გაიმარჯვა ვოკალურ კონკურსზე Young Voice of Music Box-ი. დაიკავა პირველი ადგილი საერთაშორისო ვოკალური პროექტ Музыкальная Академия Junior-ის ფარგლებში.

ნინო უკრავს ფორტეპიანოზე და ცეკვავს. უსმენს ჯაზს. მღერის ექვსი წლიდან. ამჟამად არის უკრაინული საპროდიუსერო ცენტრ Paradiz-ის მსახიობი.

აღსანიშნავია, რომ ნინო პირველად არ მონაწილეობს უკრაინულ პროექტში Голос.Дети. გასულ სეზონზე გოგონა ცდილობდა მოხვედრლიყო მომღერალ Monаtik-ის გუნდში, მაგრამ მაშინ ჟიურის გულების დაპყრობა მან ვერ შეძლო.

პროექტის მეოთხე სეზონის ბრმა კასტინგისთვის ნინომ შეარჩია ადელის კომპოზიცია When we were young.

ჟიურის სამივე წევრი — Monаtik-ი, ჯგუფი Время и стекло და ნატალია მოგილევსკაია აღფრთოვანებული დარჩა ნინოს ლამაზი და ძლიერი ხმით. ბასილაიამ აირჩია Monаtik-ი, რომლის თვალებზე ცრემლებიც კი გამოჩნდა ნინოს გამოსვლის დროს.

„სიგიჟემდე მიხარია შენი ნახვა. ძალიან მიხარია. იცი, შენ წლიდან წლამდე იზრდები, შენ არაჩვეულებრივად იმღერე, და რაც ყველაზე ძალიან მახარებს, ყველა სავარძელი შენსკენ მოტრიალდა. წინა სეზონზე ნინოს სიმღერა ვერ მომხვდა ყურში, თუმცა ვიცნობდი მას. გარდა იმისა, რომ ის ძალიან მაგრად მღერის, ის ძალიან მაგრად ცეკვავს კიდეც. ის ძალიან ნიჭიერი გოგოა“, — შეაქო ნინო Monаtik-მა.

აღსანიშნავია, რომ პროქტ Голос.Дети-ს მეოთხე სეზონში მონაწილეობს კიდევ ერთი წარმოშობით ქართველი მონაწილე — 13 წლის ერნესტ გოგია იუჟნოუკრაინსკიდან.


195
თემები:
საქართველო და კულტურა–2018 (806)
ჯანსუღ კახიძის სახელობის მუსიკალური ცენტრი

თბილისი ბეთჰოვენის მუსიკის საღამოს უმასპინძლებს

14
(განახლებულია 14:46 14.04.2021)
კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება - მსმენელის წინაშე პიანისტი ალექსანდრე ვასაძე წარდგება

თბილისი, 14 აპრილი - Sputnik. გერმანელი კომპოზიტორის ლუდვიგ ვან ბეთჰოვენის ნაწარმოებების საღამო თბილისის ჯანსუღ კახიძის სახელობის კულტურულ–მუსიკალურ ცენტრში 18 აპრილს გაიმართება. 

სცენაზე გაიჟღერებს ორკესტრის თანხლებით ლუდვიგ ვან ბეთჰოვენის საფორტეპიანო კონცერტი №3 და სიმფონია №7. მსმენელის წინაშე წარდგება სიმფონიური ორკესტრი დავით მუკერიას დირიჟორობით და ასევე ქართველი პიანისტი და ორგანისტი ალექსანდრე ვასაძე.

კორონავირუსის პანდემიასთან დაკავშირებით კონცერტი ეპიდ–რეგულაციების სრული დაცვით ჩატარდება. კონცერტი 17:00 საათზე დაიწყება.

ბეთჰოვენი გამოჩენილი გერმანელი კომპოზიტორი, პიანისტი და დირიჟორი, „ვენის კლასიკური სკოლის“ ბოლო წარმომადგენელია. მისი შემოქმედება მოიცავს გარდამავალ პერიოდს კლასიკურიდან რომანტიკულ ეპოქაში.  ბეთჰოვენი ერთ-ერთი ყველაზე უფრო აღიარებული კომპოზიტორია მსოფლიო მუსიკალური კულტურის ისტორიაში.

14
თემები:
საქართველო და კულტურა
 Mercedes-Benz Fashion Week Tbilisi

Mercedes Benz Fashion Week Tbilisi მაისში ონლაინ–ფორმატში გაიმართება

34
(განახლებულია 16:41 14.04.2021)
კორონავირუსის პანდემიის გამო თბილისის მოდის კვირეული ვირტუალურ ფორმატში ჩატარდება – ქართველი დიზაინერების ნამუშევრების ნახვა შესაძლებელი იქნება პლატფორმაზე MBFWTBILISI.ONLINE.

თბილისი, 14 აპრილი – Sputnik. დედაქალაქის ერთ-ერთი ყველაზე დიდი მოვლენა მოდის სამყაროში Mercedes-Benz Fashion Week Tbilisi 6–9 მაისს გაიმართება – ქართველი დიზაინერები 2021–22 წლების შემოდგომა–ზამთრის სეზონის კოლექციას ონლაინ–ფორმატში წარმოადგენენ. 

„მოდის კვირეულის ციფრულ ფორმატში გადასვლა მთელ მსოფლიოში შექმნილმა სიტუაციამ გამოიწვია. ჩვენთვის რთული აღმოჩნდა, რადგან ქართველი დიზაინერებისთვის ჩვენებაზე საერთაშორისო პრესის და ბაიერების ფიზიკური დასწრება აუცილებელია. ამ სეზონზე ფორმატი უცვლელი, ანუ ციფრული იქნება, თუმცა, შედარებით განსხვავებული. ლაივ–ჩვენებების გადაღებები ჩვენს ახალ სივრცეში, „კოკა-კოლას“ ძველ ქარხანაში მიმდინარეობს“, – განაცხადა პორტალ at.ge-სთან ინტერვიუში MBFWTBILISI-ის დამფუძნებელმა სოფო ჭყონიამ.

Mercedes Benz Fashion Week Tbilisi-ს ჩვენებები ჩატარდება პლატფორმაზე MBFWTBILISI.ONLINE და მაყურებელს მისი პირდაპირ ეთერში თვალის დევნების საშუალება ექნება.

მოდის კვირეულის მონაწილეთა სია და ჩვენებების განრიგი ოფიციალურ ვებ-გვერდზე მოგვიანებით გამოქვეყნდება.

Mercedes-Benz Fashion Week – ესაა მოდის საერთაშორისო კვირეულების სერია, რომელიც Mercedes-Benz-მა დააარსა. ის ყოველწლიურად ტარდება მსოფლიოს სხვადასხვა ქვეყანაში, მათ შორის – რუსეთში, გერმანიაში, აშშ-ში, თურქეთში, ავსტრალიაში და ა.შ.

34
ხელბორკილი

13 წლის გოგონას გაუპატიურების საქმე: პროკურატურამ ბრალი მოზარდის დედას წარუდგინა

0
(განახლებულია 18:12 14.04.2021)
გავრცელებული ინფორმაციით, გოგონას დედისთვის ცნობილი გახდა მამაკაცის მიერ მისი შვილის გაუპატიურების ფაქტი, თუმცა ამის შესახებ მან სამართალდამცავ ორგანოებს არ შეატყობინა.

თბილისი, 14 აპრილი - Sputnik. გორის მუნიციპალიტეტში მომხდარ სექსუალური ძალადობის ფაქტზე მიმდინარე გამოძიების ფარგლებში საქართველოს პროკურატურამ განსაკუთრებით მძიმე დანაშაულის შეუტყობინებლობის ფაქტზე არასრულწოვანი გოგონას დედას ბრალი წარუდგინა, ნათქვამია უწყების მიერ გავრცელებულ განცხადებაში. 

2021 წლის მარტში ცნობილი გახდა, რომ გორის მუნიციპალიტეტის ერთ-ერთ სოფელში 13 წლის მოზარდმა ბავშვი გააჩინა. საქმეზე პოლიციამ 50 წლის მამაკაცი დააკავა.

გამოძიებამ დაადგინა, რომ 2017 წლიდან 2020 წლამდე მამაკაცი არასრულწლოვანზე სისტემატურად ძალადობდა, შედეგად გოგონა დაორსულდა და ბავშვი გააჩინა.

გავრცელებული ინფორმაციით, გოგონას დედისთვის ცნობილი გახდა მამაკაცის მიერ მისი შვილის გაუპატიურების ფაქტი, თუმცა ამის შესახებ მან სამართალდამცავ ორგანოებს არ შეატყობინა.

დაზარალებულის დედას ბრალი სსკ–ის  376-ე მუხლის მეორე ნაწილით (დანაშაულის შეუტყობინებლობა იმის მიერ, ვინც ნამდვილად იცის, რომ ჩადენილია განსაკუთრებით მძიმე დანაშაული) წარედგინა, რაც სასჯელის სახედ სამიდან შვიდ წლამდე ვადით თავისუფლების აღკვეთას ითვალისწინებს.

სისხლის სამართლის საქმე ამ დროისთვის ძიების სტადიაშია. თავად მოძალადეს 8–დან 12 წლამდე პატიმრობა ემუქრება.

0
თემები:
კრიმინალი საქართველოში