თბილისი, 12 — Sputnik. თეატრისა და კინოს ცნობილი რუსი მსახიობი ჩულპან ხამატოვა თბილისში 15 დეკემბერს წარდგება — საქართველოს დედაქალაქში მსახიობი წარადგენს მუსიკალურ-პოეტურ სპექტაკლს „ბელა ახმადულინა. სიზმრები საქართველოზე“.
სპექტაკლი გრიბოედოვის თეატრის დიდ სცენაზე 19:00 საათზე გაიმართება.
წარმოდგენის ბილეთები გაიყიდება ონლაინ, ვებგვერდზე biletebi.ge. დეკემბრიდან კი მათი შეძენა თეატრის სალაროებში იქნება შესაძლებელი.
ჩულპან ხამატოვასთან ერთად ქართულ სცენაზე ცნობილი პიანისტი ალექსეი გორიბოლი წარდგება.
საღამოში მონაწილეობას ასევე მიიღებენ გრიბოედოვის თეატრის მსახიობები: არჩილ ბარათაშვილი, მიხეილ გავაშელი, ივანე ქურასბედიანი, მერაბ კუსიკაშვილი და ოლეგ მჭედლიშვილი.
ღონისძიების ორგანიზატორია კულტურულ-საგანმანათლებლო კავშირი „რუსკი კლუბი“.
საღამოს სპეციალური სტუმარი გახდება თეატრის გამოჩენილი რუსი მხატვარი, სცენოგრაფი და პედაგოგი ბორის მესერერი.
ჩულპან ხამატოვა — თეატრისა და კინოს რუსი მსახიობი, საზოგადო მოღვაწე, მოსკოვის აკადემიური თეატრ „სოვრემენიკის“ წამყვანი მსახიობი და სამხატვრო ხელმძღვანელის მოადგილე. ხამატოვა — საქველმოქმედო ფონდ „პოდარი ჟიზნის“ ერთ-ერთი დამაარსებელია, რუსეთის სახალხო არტისტი (2012) და რუსეთის სახელმწიფო პრემიის ორგზის ლაურეატი (2004, 2014).
