ილჰამ ალიევი

ალიევი: ბაქო მზადაა, ყარაბაღთან დაკავშირებით ერევანთან მოლაპარაკებები დაუყოვნებლივ დაიწყოს

88
აზერბაიჯანის პრეზიდენტმა არ გამორიცხა სომხეთის პრემიერ–მინისტრ ნიკოლ ფაშინიანთან მოლაპარაკებების შესაძლებლობა, მაგრამ ამ ეტაპზე შეხვედრა არაპროდუქტიული იქნებოდა

თბილისი, 11 ოქტომბერი – Sputnik. აზერბაიჯანი მზადაა, დაუყოვნებლივ დაიწყოს მოლაპარაკებები სომხეთთან მთიან ყარაბაღთან დაკავშირებით, განაცხადა აზერბაიჯანის პრეზიდენტმა ილჰამ ალიევმა.

ბაქო და ერევანი პარასკევს შეთანხმდნენ, რომ 10 ოქტომბერს 12:00 საათიდან ცეცხლი შეწყდებოდა. გადაწყვეტილება რუსეთის, სომხეთისა და აზერბაიჯანის საგარეო საქმეთა მინისტრების შეხვედრაზე მოსკოვში მიიღეს. მხარეები ერთმანეთს შეთანხმების დარღვევაში ადანაშაულებენ.

„მზად ვართ, ხვალვე დავიწყოთ, ამიტომ ყველაფერი უეთოს მინსკის ჯგუფზე, მისი მუშაობის გრაფიკზეა დამოკიდებული. ჩვენიუ მხარე მზადაა, მოლაპარაკებები დაუყოვნებლივ დაიწყოს“, – განაცხადა ალიევმა РБК–სთან ინტერვიუში.

აზერბაიჯანის პრეზიდენტმა, ამასთან, განაცხადა, რომ თუ სომხეთის მხარე დაზავების რეჟიმის ერთგული იქნება, მაშინ დადგება პოლიტიკური მოგვარების ფაზა და დასრულდება მოლაპარაკებების იძულების ფაზა.

„ნებისმიერ შემთხვევაში ბოლომდე წავალთ“, – აღნიშნა მან.

ალიევმა განაცხადა, რომ განცხადება მოსკოვში სამმხრივი მოლაპარაკებების შედეგებზე ყარაბაღიდან სომხეთის ძალების გაყვანას გულისხმობს.

„ეს, რა თქმა უნდა, გულისხმობს ჩვენი ტერიტორიიდან სომხეთის საოკუპაციო ძალების შეთანხმებულ გაყვანას. რამდენადაც განცხადება ეყრდნობა სუბსტანციურ მოლაპარაკებებს, ეს კი ნიშნავს – საბაზო პრინციპებს, იქ კი ყველაფერი კონკრეტულად წერია, როდის თავისუფლდება ხუთი რაიონი, როდის – კიდევ ორი“, – განაცხადა ალიევმა.

მან არ გამორიცხა მოლაპარაკებების შესაძლებლობა სომხეთის პრემიერ ნიკოლ ფაშინიანთან.

საქართველოს პრეზიდენტი: მივესალმები მთიან ყარაბაღში ცეცხლის შეწყვეტას>>

„ასეთ შესაძლებლობას არ გამოვრიცხავ, მაგრამ ამისთვის გარკვეული პირობებია საჭირო. ამ ეტპზე ამას პროდუქტიულად არ მივიჩნევ, პირიქით. სომხეთის ხელისუფლებაში, ბოლოს და ბოლოს, უნდა გაიგონ, რომ ულტიმატუმის, შეურაცხყოფისა და შანტაჟის ენით აზერბაიჯანთან ლაპარაკი არ შეიძლება“, – განაცხადა ალიევმა.

ამასთან, აზერბაიჯანის მეთაურმა აღნიშნა რუსეთის მნიშვნელოვანი როლი არსებული სიტუაციის მოგვარებაში.

„რუსეთი, როგორც ჩვენი მეზობელი, როგორც ქვეყანა, რომელსაც აზერბაიჯანთანაც და სომხეთთანაც საერთო ისტორია აქვს, რა თქმა უნდა, განსაკუთრებულ როლს ასრულებს. ეს ეფუძნება ისტორიასაც, ჩვენი ხალხების ურთიერთობებსაც, ასევე რუსეთის წონასა და როლს მსოფლიოში და ბუნებრივია, ჩვენს რეგიონში“, – განმარტა მან.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

88
თემები:
ესკალაცია ყარაბაღში 2020 (97)
ყარაბაღი

როდის დამთავრდება ომი ყარაბაღში? ექსპერტის მოსაზრება

115
(განახლებულია 17:35 12.10.2020)
კონფლიქტის მოგვარება მთიან ყარაბაღში რთულდება თურქეთის ინტერესების გამო, რომელსაც სამხრეთ კავკასიაში თავისი პოზიციების გაძლიერება სურს, მიიჩნევს მამუკა არეშიძე.

თბილისი, 12 ოქტომბერი – Sputnik. გამოცხადებული ზავის რეჟიმი სომხეთსა და აზერბაიჯანს შორის საკმარისი არ აღმოჩნდა მთიან ყარაბაღში ვითარების სტაბილიზაციისა და თუნდაც დროებით ცეცხლის შეწყვეტისთვის, მიაჩნია ექსპერტს კავკასიის საკითხებში მამუკა არეშიძეს.

„როგორც ჩანს, ძალიან მსხვილი მოთამაშეები არიან ჩართული იმისათვის, რომ ეს ომი გაგრძელდეს, და თავიდანვე ასე იყო. აქ ხომ არ იყო მარტო აზერბაიჯანისა და სომხეთის დაპირისპირება, ეს მხოლოდ ზედაპირზე ჩანდა ასე. სინამდვილეში ეს იყო უფრო მსხვილი მოთამაშეების ჭიდილი იმისათვის, რომ საკუთარი ინტერესები გაეტარებინათ“, – განაცხადა არეშიძემ.

ალიევი: ბაქო მზადაა, ყარაბაღთან დაკავშირებით ერევანთან მოლაპარაკებები დაუყოვნებლივ დაიწყოს>>

ერთ-ერთი მსხვილი მოთამაშეა თურქეთი. თურქეთის მთავარი ამოცანაა თავისი პოზიციების გაძლიერება სამხრეთ კავკასიაში და რეგიონში არა მხოლოდ რუსეთის, არამედ დასავლეთის გავლენის შემცირება, აღნიშნა ექსპერტმა

„რაც დრო გადის, უფრო და უფრო მსხვილი მოთამაშეები ერთვებიან. შესაბამისად, ეს კონფლიქტი მალე არ დამთავრდება, ვიდრე არ მოხდება მთელი მსოფლიოს კონსოლიდირებული მიდგომა, იმ მსხვილი მოთამაშეებისა, რომლებიც მსოფლიო პოლიტიკურ ამინდს ქმნიან“, – განაცხადა არეშიძემ.

თუმცა, როგორც ექსპერტმა აღნიშნა, გაჩნდა გარკვეული იმედიც იმისა, რომ ეს კონფლიქტი მუდმივად არ გაგრძელდება.

„გაჩნდა გარკვეული იმედი იმისა, რომ ცოტა ხანში გარკვეული ფორმატი შედგება, არა მხოლოდ მინსკის ჯგუფის კონტექსტში, არამედ უფრო ფართო – გაეროს უშიშროების საბჭოც დაემატება, ევროპელებიც გაინძრევიან და რაღაც გარკვეული შედეგი უნდა დადგეს“, – განაცხადა ექსპერტმა.

ამავე დროს, როგორც არეშიძემ აღნიშნა, შედეგი არ დადგება, თუ თურქეთმა და აზერბაიჯანმა თავი გამარჯვებულად არ იგრძნეს.

მაგრამ ეს არ ნიშნავს, რომ მათ მართლაც უნდა გაიმარჯვონ, აღნიშნა არეშიძემ. მათ უნდა ჰქონდეთ პროპაგანდის, იმის თქმის შესაძლებლობა, რომ დიდ წარმატებას მიაღწიეს. გამარჯვება იქნება, მაგალითად, თუ ისინი დაიკავებენ იმ მონაკვეთებს, რომლებიც მდებარეობს ყარაბაღის ირგვლივ. ცნობილია, რომ ყარაბაღის ირგვლივ აზერბაიჯანის შვიდი რაიონი ოკუპირებულია სომხეთის მიერ. ამიტომ ეს შეიძლება იყოს შვიდიდან ხუთი რაიონი. ორს სომხეთი არავითარ შემთხვევაში არ დათმობს. შესაბამისად, თუ აზერბაიჯანი გარკვეულ მონაკვეთებს დაიკავებს, შეძლებენ თქმას, რომ ყარაბაღის დეოკუპაციის პროცესი დაიწყეს. ეს უკვე წარმატება იქნება. ესაა აზერბაიჯანული მხარის პროგრამა–მინიმუმი და ჩათვალეთ, რომ ეს მნიშვნელოვანი ამოცანაა თურქეთისთვისაც, განაცხადა მამუკა არეშიძემ.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მრავალსაათიანი მოლაპარაკებების მსხვლელობისას მოსკოვში 9 ოქტომბერს ბაქო და ერევანი შეთანხმდნენ, რომ შეწყვეტდნენ ცეცხლს ყარაბაღში 10 ოქტომბრის შუადღიდან, გაცვლიდნენ ტყვეებსა და დაღუპულებს, ასევე დაზავების კონკრეტულ დეტალებს შეათანხმებდნენ. თუმცა უკვე შაბათს მხარეებმა ერთმანეთი ზავის დარღვევაში დაადანაშაულეს.

115
თემები:
ესკალაცია ყარაბაღში 2020 (97)
სომხეთის საგარეო საქმეთა მინისტრი ზოგრაბ მნაცაკანიანი რუსეთის საგარეო საქმეთა სამინისტროსთან სამმხირვ მოლაპარაკებებზე

ცეცხლი შეწყდება: სომხეთმა და აზერბაიჯანმა შეთანხმებას მიაღწიეს

224
(განახლებულია 11:46 12.10.2020)
ცეცხლის შეწყვეტის რეჟიმის ამოქმედების შემდებ აზერბაიჯანი და სომხეთი მოკლულებისა და ტყვეების გაცვლის პროცესს დაიწყებენ

თბილისი, 10 ოქტომბერი – Sputnik. ბაქო და ერევანი 10 ოქტომბრის 12:00 საათიდან ცეცხლს შეწყვეტენ – ასეთ შეთანხმებას მიაღწიეს მათ რუსეთის ფედერაციის, სომხეთისა და აზერბაიჯანის საგარეო საქმეთა მინისტრების შეხვედრაზე მოსკოვში, იუწყება РИА Новости.

აზერბაიჯანისა და სომხეთის შეხვედრა მოსკოვში: ბოლო ცნობა>>

სერგეი ლავროვის, ზოგრაბ მნაცაკიანისა და ჯეიჰუნ ბაირამოვის მოლაპარაკებები მთიან ყარაბაღთან დაკავშირებით 10 საათზე მეტ ხანს მიმდინარეობდა. შეხვედრა დახურულ ფორმატში გაიმართა. შეხვედრის დაწყებამდე მხარეებმა ყოველგვარი განცხადებებისგან შეიკავეს თავი. მოლაპარაკებების შედეგებით ერთობლივი განცხადება გაკეთდა.

„მხარეები შემდეგ ნაბიჯებზე შეთანხმდნენ: პირველი – ცხადდება ცეცხლის შეწყვეტა 10 ოქტომბრის 12:00 საათიდან ჰუმანიტარული მიზნებით სამხედრო ტყვეებისა და სხვა დაკავებული პირებისა და დაღუპულთა ცხედრების გაცვლისთვის წითელი ჯვრის საერთაშორისო კომიტეტის შუამდგომლობით“, – განაცხადა ლავროვმა და დასძინა, რომ ცეცხლის შეწყვეტის კონკრეტული პარამეტრები ცალკე შეთანხმდება.

მხარეები ასევე შეთანხმდნენ, რომ მოლაპარაკებების პროცესი არ შეიცვლება.

„აზერბაიჯანისა და სომხეთის რესპუბლიკები ეუთოს მინსკის ჯგუფის თანათავმჯდომარეების შუამდგომლობით, კონფლიქტის მოგვარების საბაზო პრინციპებზე დაყრდნობით, იწყებენ სუბსტანციურ მოლაპარაკებებს, რათა კონფლიქტი მშვიდობიანად სწრაფად მოგვარდეს“, – განაცხადა ლავროვმა.

სომხეთისა და აზერბაიჯანის საგარეო საქმეთა მინისტრები მოსკოვში გუშინ ჩაფრინდნენ მას შემდეგ, რაც რუსეთის პრეზიდენტმა ვლადიმირ პუტინმა ისინი მთიანი ყარაბაღის საკითხზე მოლაპარაკებებზე მიიწვია.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. მიმდინარეობს აქტიური საომარი მოქმედებები. მსხვერპლი არის ორივე მხარეს.

224
თემები:
ესკალაცია ყარაბაღში 2020 (97)
სავსე მთვარე

მთვარის კალენდარი: 30 ოქტომბერი რისი გაკეთება შეიძლება და რისი არა

0
(განახლებულია 11:28 28.10.2020)
მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

  • 30 ოქტომბერი, პარასკევი. ამ დღეს ვენერა მართავს. მზარდი მთვარე ვერძის ნიშანშია.

ვერძის დღეებში საჭიროა აქტიურობა, ორიგინალურად და მტკიცედ მოქმედება, მაგრამ ასევე დიპლომატია. თავი უნდა აარიდოთ აჩქარებას, იმპულსურობას, აუცილებელია მოთმინების გამოჩენა. არ ივარგებს სამუშაოზე ზუსტი გათვლების ჩატარება და ანგარიშების შედგენა, გრძელვადიანი საქმეების წამოწყება. არასასურველია შეთანხმებებსა და კონტრაქტებზე ხელმოწერა, მნიშვნელოვანი მოლაპარაკებების გამართვა.

როდესაც მთვარე ვერძის ნიშანშია, იზრდება ინტერესი საწინააღმდეგო სქესის მიმართ. მამაკაცები მზად არიან, თავიანთი ვაჟკაცობა დაამტკიცონ, ხოლო ქალები ნამდვილი ამორძალები ხდებიან. კარგი დროა სიყვარულში გამოტყდომისთვის.

მთვარე ვერძში ხელს უწყობს აქტიურ, სწრაფ ნაცნობობას. ამ დღეს დაწყებული სასიყვარულო რომანი მგზნებარე და ცეცხლოვანი იქნება, მაგრამ, სავარაუდოდ, ხანმოკლე.

რეკომენდებულია აქტიური და მტკიცე მოქმედებები, მნიშვნელოვანი და სერიოზული საქმეების დაწყება, თითოეული ნაბიჯის მოზომილად და გააზრებულად გადადგმა, სხვადასხვა ადამიანებთან ურთიერთობები, ოჯახური კავშირების გამტკიცება, ახლობლებთან ურთიერთობების მოგვარება, კარიერული და ბიზნეს–საქმიანობა, ფინანსური საკითხების გადაჭრა, ზედმეტი საქმეებისა და სხვისი პრობლემებისთვის თავის არიდება.

არარეკომენდებულია უსაქმოდ ყოფნა, ენერგიის დახარჯვა უმნიშვნელო მოვლენებსა და საქმეებზე.

არცთუ ხელსაყრელი დღეა მგზავრობისთვის, მოგზაურობის დაწყებისთვის.

თმის შეჭრა, შეღებვა: ვერძის დღეებში სასურველია, თმის შეჭრისა და შეღებვისგან თავი შეიკავოთ. ნებისმიერი ქიმიური საშუალებები ამ დღეს უარყოფითად მოქმედებს თმის ხარისხზე, თავის კანზე.

მანიკურისთვის ნეიტრალური დღეა.

მებაღეობა: ვერძის დღეებში შეიძლება მოსავლის აღება, მარცვლოვანი, ნაყოფიანი კულტურებისა და ბოსტნეულისთვის სასუქის მიცემა, გასხვლა, შეწამვლა დაავადებებისა და მავნებლებისგან დასაცავად, სარეველისგან გაწმენდა.

0