მთიანი ყარაბაღი

ერევანი სამშვიდობოების მომხრეა, ბაქო მიიჩნევს, რომ ცალმხრივი მოლაპარაკებები უაზრობაა

73
სომხეთის პრემიერ–მინისტრი ვარაუდობს, რომ ამ საკითხის განხილვა ეუთოს მინსკის ჯგუფის ფარგლებშია შესაძლებელი

თბილისი, 4 ოქტომბერი – Sputnik. სომხეთის პრემიერ–მინისტრი ნიკოლ ფაშინიანი არ გამორიცხავს, რომ ეუთოს მინსკის ჯგუფის ფარგლებში მთიან ყარაბაღში რუსი მშვიდობისმყოფელების შეყვანის საკითხი განიხილონ. ამის შესახებ ფაშინიანმა Al Jazeera–სთან ინტერვიუში განაცხადა, იუწყება Sputnik–სომხეთი.

ესკალაცია ყარაბაღში: ფეიკების საინფორმაციო ომი და მათი უარყოფა>>

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს. მიმდინარეობს აქტიური საომარი მოქმედებები. არის მსხვერპლი ორივე მხარეს.

კითხვაზე, სურს თუ არა მას მთიან ყარაბაღში რუსი მშვიდობისმყოფელების ხილვა, ფაშინიანმა განაცხადა, რომ ასეთი საკითხები შეიძლება უფრო ფართო კონტექსტში განიხილონ ეუთოს მინსკის ჯგუფის ფარგლებში.

მან აღნიშნა, რომ ორჯერ ესაუბრა ტელეფონით რუსეთის პრეზიდენტ ვლადიმირ პუტინს, ასევე ესაუბრა საფრანგეთის პრეზიდეტ ემანუელ მაკრონს, გერმანიის კანცლერ ანგელა მერკელს, გაეროს გენერალურ მდივან ანტონიო გუტერეშს, ირანის პრეზიდენტ ჰასან როუჰანის.

რუსეთის რეაქცია

რუსეთის პრეზიდენტის პრეს–მდივანმა დმიტრი პესკოვმა აღნიშნა, რომ კრემლი ყარაბაღში იმ შემთხვევაში შეიყვანს მშვიდობისმყოფელებს, თუ ამაზე თანხმობას განაცხადებენ აზერბაიჯანიცა და სომხეთიც.

რუსეთის საგარეო უწყებამ გუშინ კიდევ ერთხელ მოუწოდა მხარეებს, შეწყვიტონ სისხლისღვრა კონფლიქტის ზონაში.

ცალმხრივი მოლაპარაკებები შეუძლებელია

აზერბაიჯანის პრეზიდენტმა ილჰამ ალიევმა განაცხადა, რომ მოლაპარაკებების წარმოება მთიანი ყარაბაღის საკითხზე ცალმხრივი წესით შეუძლებელია, ბაქოს „პარტნიორი უნდა ჰყავდეს“, იუწყება Sputnik–აზერბაიჯანი.

„მოლაპარაკებები არსებითად შეწყდა, რადგან მისი (სომხეთის პრემიერის) გამოთქმის შემდეგ „ყარაბაღი – ეს სომხეთია“ ვთქვი, რომ მოლაპარაკებები შეუძლებელია. თუმცა მინსკის ჯგუფის თანათავმჯდომარეებმა მთხოვეს, რომ აზერბაიჯანმა მეტი ყურადღება გამოავლინოს... მე ვუთხარი, კარგი, ვცადოთ“, – განაცხადა ალიევმა.

მისი თქმით, ფაშინიანთან შეხვედრა უაზრობა იქნებოდა და მხოლოდ ფორმალური ხასიათი ექნებოდა.

მრავალწლიანი კონფლიქტი

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

73
თემები:
ესკალაცია ყარაბაღში 2020 (90)
ყარაბაღი

როდის დამთავრდება ომი ყარაბაღში? ექსპერტის მოსაზრება

113
(განახლებულია 17:35 12.10.2020)
კონფლიქტის მოგვარება მთიან ყარაბაღში რთულდება თურქეთის ინტერესების გამო, რომელსაც სამხრეთ კავკასიაში თავისი პოზიციების გაძლიერება სურს, მიიჩნევს მამუკა არეშიძე.

თბილისი, 12 ოქტომბერი – Sputnik. გამოცხადებული ზავის რეჟიმი სომხეთსა და აზერბაიჯანს შორის საკმარისი არ აღმოჩნდა მთიან ყარაბაღში ვითარების სტაბილიზაციისა და თუნდაც დროებით ცეცხლის შეწყვეტისთვის, მიაჩნია ექსპერტს კავკასიის საკითხებში მამუკა არეშიძეს.

„როგორც ჩანს, ძალიან მსხვილი მოთამაშეები არიან ჩართული იმისათვის, რომ ეს ომი გაგრძელდეს, და თავიდანვე ასე იყო. აქ ხომ არ იყო მარტო აზერბაიჯანისა და სომხეთის დაპირისპირება, ეს მხოლოდ ზედაპირზე ჩანდა ასე. სინამდვილეში ეს იყო უფრო მსხვილი მოთამაშეების ჭიდილი იმისათვის, რომ საკუთარი ინტერესები გაეტარებინათ“, – განაცხადა არეშიძემ.

ალიევი: ბაქო მზადაა, ყარაბაღთან დაკავშირებით ერევანთან მოლაპარაკებები დაუყოვნებლივ დაიწყოს>>

ერთ-ერთი მსხვილი მოთამაშეა თურქეთი. თურქეთის მთავარი ამოცანაა თავისი პოზიციების გაძლიერება სამხრეთ კავკასიაში და რეგიონში არა მხოლოდ რუსეთის, არამედ დასავლეთის გავლენის შემცირება, აღნიშნა ექსპერტმა

„რაც დრო გადის, უფრო და უფრო მსხვილი მოთამაშეები ერთვებიან. შესაბამისად, ეს კონფლიქტი მალე არ დამთავრდება, ვიდრე არ მოხდება მთელი მსოფლიოს კონსოლიდირებული მიდგომა, იმ მსხვილი მოთამაშეებისა, რომლებიც მსოფლიო პოლიტიკურ ამინდს ქმნიან“, – განაცხადა არეშიძემ.

თუმცა, როგორც ექსპერტმა აღნიშნა, გაჩნდა გარკვეული იმედიც იმისა, რომ ეს კონფლიქტი მუდმივად არ გაგრძელდება.

„გაჩნდა გარკვეული იმედი იმისა, რომ ცოტა ხანში გარკვეული ფორმატი შედგება, არა მხოლოდ მინსკის ჯგუფის კონტექსტში, არამედ უფრო ფართო – გაეროს უშიშროების საბჭოც დაემატება, ევროპელებიც გაინძრევიან და რაღაც გარკვეული შედეგი უნდა დადგეს“, – განაცხადა ექსპერტმა.

ამავე დროს, როგორც არეშიძემ აღნიშნა, შედეგი არ დადგება, თუ თურქეთმა და აზერბაიჯანმა თავი გამარჯვებულად არ იგრძნეს.

მაგრამ ეს არ ნიშნავს, რომ მათ მართლაც უნდა გაიმარჯვონ, აღნიშნა არეშიძემ. მათ უნდა ჰქონდეთ პროპაგანდის, იმის თქმის შესაძლებლობა, რომ დიდ წარმატებას მიაღწიეს. გამარჯვება იქნება, მაგალითად, თუ ისინი დაიკავებენ იმ მონაკვეთებს, რომლებიც მდებარეობს ყარაბაღის ირგვლივ. ცნობილია, რომ ყარაბაღის ირგვლივ აზერბაიჯანის შვიდი რაიონი ოკუპირებულია სომხეთის მიერ. ამიტომ ეს შეიძლება იყოს შვიდიდან ხუთი რაიონი. ორს სომხეთი არავითარ შემთხვევაში არ დათმობს. შესაბამისად, თუ აზერბაიჯანი გარკვეულ მონაკვეთებს დაიკავებს, შეძლებენ თქმას, რომ ყარაბაღის დეოკუპაციის პროცესი დაიწყეს. ეს უკვე წარმატება იქნება. ესაა აზერბაიჯანული მხარის პროგრამა–მინიმუმი და ჩათვალეთ, რომ ეს მნიშვნელოვანი ამოცანაა თურქეთისთვისაც, განაცხადა მამუკა არეშიძემ.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

მრავალსაათიანი მოლაპარაკებების მსხვლელობისას მოსკოვში 9 ოქტომბერს ბაქო და ერევანი შეთანხმდნენ, რომ შეწყვეტდნენ ცეცხლს ყარაბაღში 10 ოქტომბრის შუადღიდან, გაცვლიდნენ ტყვეებსა და დაღუპულებს, ასევე დაზავების კონკრეტულ დეტალებს შეათანხმებდნენ. თუმცა უკვე შაბათს მხარეებმა ერთმანეთი ზავის დარღვევაში დაადანაშაულეს.

113
თემები:
ესკალაცია ყარაბაღში 2020 (90)
ილჰამ ალიევი

ალიევი: ბაქო მზადაა, ყარაბაღთან დაკავშირებით ერევანთან მოლაპარაკებები დაუყოვნებლივ დაიწყოს

88
აზერბაიჯანის პრეზიდენტმა არ გამორიცხა სომხეთის პრემიერ–მინისტრ ნიკოლ ფაშინიანთან მოლაპარაკებების შესაძლებლობა, მაგრამ ამ ეტაპზე შეხვედრა არაპროდუქტიული იქნებოდა

თბილისი, 11 ოქტომბერი – Sputnik. აზერბაიჯანი მზადაა, დაუყოვნებლივ დაიწყოს მოლაპარაკებები სომხეთთან მთიან ყარაბაღთან დაკავშირებით, განაცხადა აზერბაიჯანის პრეზიდენტმა ილჰამ ალიევმა.

ბაქო და ერევანი პარასკევს შეთანხმდნენ, რომ 10 ოქტომბერს 12:00 საათიდან ცეცხლი შეწყდებოდა. გადაწყვეტილება რუსეთის, სომხეთისა და აზერბაიჯანის საგარეო საქმეთა მინისტრების შეხვედრაზე მოსკოვში მიიღეს. მხარეები ერთმანეთს შეთანხმების დარღვევაში ადანაშაულებენ.

„მზად ვართ, ხვალვე დავიწყოთ, ამიტომ ყველაფერი უეთოს მინსკის ჯგუფზე, მისი მუშაობის გრაფიკზეა დამოკიდებული. ჩვენიუ მხარე მზადაა, მოლაპარაკებები დაუყოვნებლივ დაიწყოს“, – განაცხადა ალიევმა РБК–სთან ინტერვიუში.

აზერბაიჯანის პრეზიდენტმა, ამასთან, განაცხადა, რომ თუ სომხეთის მხარე დაზავების რეჟიმის ერთგული იქნება, მაშინ დადგება პოლიტიკური მოგვარების ფაზა და დასრულდება მოლაპარაკებების იძულების ფაზა.

„ნებისმიერ შემთხვევაში ბოლომდე წავალთ“, – აღნიშნა მან.

ალიევმა განაცხადა, რომ განცხადება მოსკოვში სამმხრივი მოლაპარაკებების შედეგებზე ყარაბაღიდან სომხეთის ძალების გაყვანას გულისხმობს.

„ეს, რა თქმა უნდა, გულისხმობს ჩვენი ტერიტორიიდან სომხეთის საოკუპაციო ძალების შეთანხმებულ გაყვანას. რამდენადაც განცხადება ეყრდნობა სუბსტანციურ მოლაპარაკებებს, ეს კი ნიშნავს – საბაზო პრინციპებს, იქ კი ყველაფერი კონკრეტულად წერია, როდის თავისუფლდება ხუთი რაიონი, როდის – კიდევ ორი“, – განაცხადა ალიევმა.

მან არ გამორიცხა მოლაპარაკებების შესაძლებლობა სომხეთის პრემიერ ნიკოლ ფაშინიანთან.

საქართველოს პრეზიდენტი: მივესალმები მთიან ყარაბაღში ცეცხლის შეწყვეტას>>

„ასეთ შესაძლებლობას არ გამოვრიცხავ, მაგრამ ამისთვის გარკვეული პირობებია საჭირო. ამ ეტპზე ამას პროდუქტიულად არ მივიჩნევ, პირიქით. სომხეთის ხელისუფლებაში, ბოლოს და ბოლოს, უნდა გაიგონ, რომ ულტიმატუმის, შეურაცხყოფისა და შანტაჟის ენით აზერბაიჯანთან ლაპარაკი არ შეიძლება“, – განაცხადა ალიევმა.

ამასთან, აზერბაიჯანის მეთაურმა აღნიშნა რუსეთის მნიშვნელოვანი როლი არსებული სიტუაციის მოგვარებაში.

„რუსეთი, როგორც ჩვენი მეზობელი, როგორც ქვეყანა, რომელსაც აზერბაიჯანთანაც და სომხეთთანაც საერთო ისტორია აქვს, რა თქმა უნდა, განსაკუთრებულ როლს ასრულებს. ეს ეფუძნება ისტორიასაც, ჩვენი ხალხების ურთიერთობებსაც, ასევე რუსეთის წონასა და როლს მსოფლიოში და ბუნებრივია, ჩვენს რეგიონში“, – განმარტა მან.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

88
თემები:
ესკალაცია ყარაბაღში 2020 (90)
ტესტირება

COVID-19 საქართველოში: რამდენი შემთხვევა გამოვლინდა ბოლო დღე-ღამეში

0
ამ დროისათვის სულ გამოჯანმრთელდა 9003 ადამიანი, გარდაიცვალა – 172, კარანტინის რეჟიმში იმყოფება 4462, სტაციონარებში ექიმების დაკვირვების ქვეშ 3071 პაციენტია, ხოლო კოვიდ–სასტუმროებში 1772 ადამიანი იმყოფება.

თბილისი, 21 ოქტომბერი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1351-ით გაიზარდა და საერთო რიცხვმა 21208-ს მიაღწია, აღნიშნულია საქართველოს მთავრობის სპეციალურ ვებ-გვერდზე stopcov.ge.

ამ დროისათვის სულ გამოჯანმრთელდა 9003 ადამიანი, გარდაიცვალა – 172, კარანტინის რეჟიმში იმყოფება 4462, სტაციონარებში ექიმების დაკვირვების ქვეშ 3071 პაციენტია, ხოლო კოვიდ–სასტუმროებში 1772 ადამიანი იმყოფება.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

0
თემები:
COVID-19 საქართველოში