მონეტები

როგორ გაასაღა ქართველმა თაღლითმა ინდაურები ფარშევანგებად: ნამდვილი ამბავი

474
(განახლებულია 21:16 02.04.2021)
ცხოვრებისეული ტვირთის ზიდვა რომ მარტივი არ არის, ეს ცნობილი ფაქტია. ისიც ყველამ იცის, რომ სირთულეებთან გამკლავება ყველას პატიოსნად არ შეუძლია... ან არ უნდა.

ისტორიამ არაერთი მაგალითი იცის გაუგონარი აფერებისა, რომელთა „შემოქმედებიც“ დიდ ფულსაც იჯიბავდნენ და მავანთა სიბრიყვით ერთობოდნენ კიდეც.

დღეს რამდენიმე მათგანზე გიამბობთ.

ეს ამბავი უკრაინაში მოხდა, როცა საზღვრები უკვე გახსნილი იყო და უცხოელებთან საქმიანი ურთიერთობა — ნებადართული.

ერთ-ერთი იაპონური ფირმის წარმომადგენელმა მილიციაში განცხადება შეიტანა, რომლითაც ის ფირმა „ფარშევანგის“ დირექტორის, ვინმე არნოლდ ზაუერის დაპატიმრებასა და მისგან 1,4 მლნ დოლარის დაბრუნებას მოითხოვდა.

ბიზნესმენის განცხადებით, ზაუერის ფირმას იაპონიაში ათასი ცალი ფარშევანგი უნდა გაეგზავნა, ამის ნაცვლად კი მათ შეღებილი ინდაურები მიართვა.  

— ჩვენ ალბათ ვერც კი მივხვდებოდით თაღლითობას, რომ არა ჰოკაიდოს პორტში წამოსული კოკისპირული წვიმა. ინდაურები ისე ოსტატურად იყვნენ გაკრეჭილი და ფერად-ფერადად მოხატულები, რომ ნამდვილ ფარშევანგებს ჰგავდნენო, ჩიოდა იაპონელი.

ბუნებრივია, მილიცია ფირმა „ფარშევანგის“ კვალს მიჰყვა და ორთვიანი ძიების შემდეგ მისი დირექტორი ვლადივოსტოკის პორტში იმ დროს დააკავეს, როდესაც შეღებილი ინდაურების ათასცალიან პარტიას კანადურ გემზე ატვირთინებდა ჩრდილოეთ ამერიკაში გასაგზავნად. მას 1,2 მლნ დოლარი და ყალბი საბუთები უპოვეს.

ზაუერი სინამდვილეში ქუთაისელი მხატვარი-დიზაინერი აღმოჩნდა, რომელიც პროფესიულ ოსტატობას ინდაურების „გაფარშევანგებას“ ახმარდა.

***

ეს ამბავი კი მოსკოვში ჩაიდინა სამმა ქართველმა. ერთ დღეს სოლიდურად გამოწყობილი ყმაწვილი, რომელსაც ხელში ვიოლინო ეჭირა, საფირმო მაღაზიაში შევიდა და მუსიკალური ცენტრის ყიდვა დააპირა. მაგრამ მცირე თანხა დააკლდა. ამიტომ გამყიდველს მოკრძალებით სთხოვა, ფულის სანაცვლოდ ვიოლინოს დავტოვებ, რამდენიმე საათში მოვალ და გადავიხდიო. ქალბატონი გამყიდველიც დათანხმდა, რადგან თანხა უმნიშვნელო იყო, ვიოლინო კი ძვირფასი ნივთი ჩანდა.

კმაყოფილი ახალგაზრდა „ფულის მოსატანად“ წავიდა, ცოტა ხნის შემდეგ კი მაღაზიის წინ „მერსედესი“ გაჩერდა და იქიდან უცხოელი ცოლ-ქმარი გადმოვიდა. ვიტრინების დათვალიერებისას ისინი კუთხეში მიყუდებული ვიოლინოთი დაინტერესდნენ და გამყიდველს ნივთის ჩვენება სთხოვეს. აღფრთოვანებულმა ცოლ-ქმარმა მისი შეძენა გადაწყვიტა, მაგრამ გამყიდველი უარზე იყო, არ იყიდება, ჩვენი არ არისო. უცხოელები არ ეშვებოდნენ მაღაზიის თანამშრომელს, გრანდიოზული თანხა შესთავაზეს, ოღონდ ვიოლინო დაეთმო... და მაშინ გამყიდველმა კლიენტები მეორე დღისთვის დაიბარა. უცხოელებმა მას სასტუმროს მისამართი და ადმინისტრატორის ტელეფონი დაუტოვეს.  

მალე ყმაწვილიც დაბრუნდა, გამყიდველს დანაკლისი თანხა ჩაუთვალა და ის იყო, უკვე წასვლას აპირებდა, რომ ნოქარმა ჰკითხა, თქვენი ვიოლინო ძალიან მომეწონა და ხომ არ გაყიდითო? ახალგაზრდამ მტკიცე უარი განაცხადა, ეს ერთადერთი რამაა, რაც გამაჩნიაო. მაშინ გამყიდველმა პროფესიონალიზმი გამოიჩინა, ვაჭრობა დაიწყო და კარგა სოლიდური თანხაც შესთავაზა. ბევრი ყოყმანის შემდეგ მუსიკოსი ინსტრუმენტის გაყიდვას დათანხმდა, ოღონდ იმ პირობით, რომ მაღაზიის თანამშრომელი ფულს იქვე გადაუხდიდა. 

სარფიანი გარიგებით აღფრთოვანებულმა მოლარემ ფული მყის ჩაუთვალა ახალგაზრდას და „ძვირფას“ ვიოლინოს დაეუფლა. მაღაზიიდან გასვლისას ყმაწვილმა სევდიანი მზერა შეავლო ინსტრუმენტს, თქვენი ასეთი დაჟინებული თხოვნა რომ არა, ამ ნივთს ნამდვილად ვერ შეველეოდიო. გამყიდველმა მუსიკოსს დიდი მადლობა გადაუხადა, მანქანა გაუჩერა და შინ გაუშვა.

მერე სასწრაფოდ ტელეფონს ეცა, რომ უცხოელი ცოლ-ქმრისთვის დაერეკა და ვიოლინო ზედმეტ ფასად მიეყიდა. ამ გზით მაღაზიის სალაროდან აღებულ თანხასაც დაფარავდა და კარგა გვარიანი მოგებაც დარჩებოდა. მაგრამ ოცნება ხუხულასავით ჩამოეფშვნა თავზე, როცა სასტუმროს ადმინისტრატორმა უთხრა, მაგ გვარის ცოლ-ქმარს არასდროს უცხოვრია ჩვენთანო.

რაღა თქმა უნდა, ისინი არც მას შემდეგ გამოჩენილან. 

***

ინგლისური კანონმდებლობა კავშირგაბმულობის სამინისტროს ნებას რთავს, რომ სატელეფონო „ატეესი“ კერძო საკუთრებაში გადასცეს. ამ ნორმით შესანიშნავად ისარგებლეს ქართველმა თაღლითებმა. მათ სატელეფონო კვანძი იყიდეს და მომსახურებაზე იმაზე გაცილებით მაღალი საფასური დააწესეს, ვიდრე ეს ჩვეულებრივ ღირდა. როდესაც „ატეესს“ რეგისტრაციაში ატარებდნენ, მაშინვე გააფრთხილეს, ისეთ ფასს ადებთ, ამ კვანძით მილიონერიც ვერ ისარგებლებსო. თუმცა თაღლითებმა ეს ისედაც იცოდნენ.

მათი სამუშაო სქემა ასეთი იყო: ერთ-ერთი მათგანი მილიონერების უბანში მცხოვრებ ოჯახს პიცით ხელში ადგებოდა და თავაზიანი ღიმილით მათ ვითომ შეკვეთილ პროდუქტს სთავაზობდა. ბუნებრივია, სახლის პატრონი უარს ეუბნებოდა შეკვეთის მიღებაზე, რომელიც მას არ ეკუთვნოდა. თაღლითი კი უმტკიცებდა, ჩვენს ფირმაში დარეკეს და შეკვეთის ფურცელზეც თქვენი მისამართია მინიშნებულიო. დავა იმით მთავრდებოდა, რომ სახლის პატრონი ფირმაში რეკავდა დეტალების დასაზუსტებლად და განმარტების მისაღებად. „პიცერიის“ ტელეფონის ნომერი კი ქართველების მიერ შეძენილ ძვირადღირებულ „ატეესს“ ეკუთვნოდა. ხანგრძლივი საუბრის შემდეგ „ფირმა“ შეკვეთას აუქმებდა და შეცდომისათვის მოკრძალებულად იხდიდა ბოდიშს...

ერთი თვის შემდეგ კი პიცის ყველა „შემკვეთს“ სატელეფონო საუბრისთვის კოლოსალური გადასახადი მისდიოდა.

ამ გზით ქართველმა აფერისტებმა კარგა დიდი ქონება დააგროვეს...

474
თემები:
იცით თუ არა, რომ... (409)
ყველგანმავალი Тор-М2ДТ

„ტექნიკას აგვისტოსთვის ველოდებით“: ამერიკელები არქტიკაში გადასხმისთვის ემზადებიან

27
(განახლებულია 20:15 14.04.2021)
აშშ ისწრაფვის შეამციროს რუსეთისგან ჩამორჩენა არქტიკაში. ამ დღეებში სახმელეთო ჯარებმა კონცერნ Oshkosh Defense-სთან კონტრაქტი გააფორმა სინგაპურულ კომპანია ST Engineering-სთან და BAE Systems-თან ერთად იმიერპოლარეთისთვის სამხედრო ტექნიკის შექმნის მიზნით.

ანდრეი კოცი

გაირკვა, რომ ამ ტიპის მანქანები ამერიკელებს უბრალოდ არ ჰყავთ, ხოლო რაც აქვთ, ის უკვე კარგა ხანია დაბერდა. სარდლობა სიახლეების გამოცდას აგვისტოსთვის აპირებს.

აიგება ივნისამდე

არქტიკა სერიოზული გამოწვევაა ნებისმიერი არმიისთვის. ზედაბალი ტემპერატურები, მოდრეიფე ყინულები, ინფრასტრუქტურის არარსებობა, გაძნელებული ლოგისტიკა, ხანგრძლივი პოლარული ღამე — ყოველივე ეს ძალიან ართულებს დიდი საჯარისო დაჯგუფების განთავსებას.

ცივი ომის წლებში აშშ, სსრკ-სგან განსხვავებით, რეგიონს საკმარის ყურადღებას არ უთმობდა, ამიტომ დღეს პენტაგონის განკარგულებაში ერთადერთი გამართული ყინულმჭრელია — Polar Star. რუსეთს კი ამ ტიპის 40-ზე მეტი ხომალდი ჰყავს. გარდა ამისა, ამერიკელებს არქტიკაში ფაქტობრივად არ აქვთ სამხედრო ბაზები.

ტექნიკა არც სახმელეთო ჯარებს ჰყოფნის უმძიმეს პოლარულ პირობებში ტვირთების გადასაზიდად და სამხედროების გადასაყვანად. ამისთვის შესაფერისი ერთადერთი გამწევ–ყველგანმავლები — ეს შვედური მუხლუხა Bandvagn 206-ია, რომლებიც შეიარაღებაში Small Unit Support Vehicle-ს (SUSV — ქვედანაყოფების მხარდამჭერი მცირე მანქანა) ნიშნით შევიდა. მაგრამ ამ ტიპის პირველი მანქანები კონვეიერიდან ჯერ კიდევ 40 წლის წინ ჩამოვიდა და უკვე დიდი ხანია ვერ პასუხობს თანამედროვე მოთხოვნებს.

არმიამ გადაწყვიტა განაახლოს არქტიკული ტექნიკის პარკი და კონკურსი გამოაცხადა პროგრამა ColdWeather-ის და All-Terrain Vehicle-ს (CATV — ცივი კლიმატის ყველგანმავალი) ფარგლებში. პენტაგონი მზადაა 6,6 მლნ დოლარი დახარჯოს 2021 წელს პერსპექტიული გამწევის შექმნა–აგებასა და გამოცდებზე, და 9,25 მლნ დოლარი — CATV-ს 110 ერთეულის შეძენაზე.

შემდეგ პარკი 163 ყველგანმავლამდე გაიზარდა. პროტოტიპებს 14 ივნისისთვის ელოდებიან. აგვისტოდან დეკემბრამდე კი გამოცდები იგეგმება ალასკის პოლიგონზე. გამარჯვებული 2022 წელს გამოვლინდება.

ოთხი ვარიანტი

როგორც მოსალოდნელია, CATV-ს ოთხ ვარიანტად წარმოადგენენ. ზოგადი დანიშნულების ყველგანმავალმა ბორტზე, სულ ცოტა, ცხრა ჯარისკაცი უნდა აიყვანოს — მძღოლის გარდა. ამასთან უნდა ჰქონდეს აღჭურვილობა და სამდღიანი მარაგი ავტონომიური მოქმედებებისთვის.

სანიტარული ვარიანტი სამედიცინო აღჭურვილობით ორ მედიკოსზე, ორ მწოლარე და ოთხ მსუბუქად დაშავებულ პაციენტზეა გათვლილი. სასარდლო ყველგანმავალი კავშირისა და ჯარების მართვის თანამედროვე საშუალებებით აღიჭურვება.

და, ბოლოს, სატვირთო — მსხვილგაბარიტიანი სამხედრო აღჭურვილობის ტრანსპორტირებისთვის დიდ მანძილზე.

„ეს მანქანები შეძლებენ გადაჭრან ამოცანების ფართო სპექტრი ექსტრემალურად დაბალი ტემპერატურის პირობებში სხვა ტექნიკისთვის გაუვალ ადგილზე, — უთხრა ჟურნალისტებს აშშ-ის არმიის ოფიცერმა ტიმ გოდეტმა, რომელიც პასუხს აგებს პროგრამა CATV-ზე. — მათ უპრობლემოდ უნდა იმოძრაონ ყინულზე, გადალახონ წყლის ზღუდეები, იოლად ავიდნენ სიმაღლეებზე, უნდა იყვნენ მარტივი მომსახურებაში და ეკონომიურად ხარჯონ საწვავი“.

კონკურსის მონაწილეები წინა პროექტებს ეყრდნობიან. Oshkosh-მა და ST Engineering-მა საფუძვლად გამწევი Bronco 3 აიღო. ეს მანქანა 20 წელზე მეტია ბრიტანეთის შეიარაღებაში შედის და ავღანეთის საომარ მოქმედებებშიც მონაწილეობდა.

Bronco 3-ს აქვს ტყვიაგაუმტარი ჯავშანი, ტყვიამფრქვევიანი კოშკურა, V-ს ტიპის ფსკერი, რაც ნაღმზე აფეთქების შემთხვევაში დიდი ზიანისგან იცავს. ყველგანმავალი წყლის ზღუდეებს საათში ხუთი კილომეტრის სიჩქარით ლახავს.

BAE Systems სიახლეს გამწევ Beowulf-ის საფუძველზე შექმნის, რომელიც ბევრ რამეში Bronco 3-ის და SUSV-ს ანალოგია, თუმცა მეტი ტვირთამწეობა აქვს.

დავეწიოთ რუსეთს 

ერთი თვის წინ გამოქვეყნებულ „არქტიკულ სტრატეგიაში“ ამერიკელებმა ღიად განაცხადეს, რომ რეგიონში მოსკოვისა და პეკინის შევიწროებისკენ ისწრაფვიან. პენტაგონის განსაკუთრებულ შფოთვას რუსეთი იწვევს, რომელსაც მსოფლიოში ყველაზე დიდი ყინულმჭრელი ფლოტი, ჩრდილოეთ განედებში სამხედრო ბაზების ქსელი და ტექნიკის მდიდარი არსენალი აქვს, რომლებსაც ექსტრემალურ სიცივეში მოქმედება დამატებითი დამუშავების გარეშე შეუძლიათ.

გამარჯვების აღლუმებში გამუდმებით მონაწილეობენ რუსეთის ჰაერსაწინააღმდეგო თავდაცვის სისტემების არქტიკული მოდიფიკაციები: მცირე სიშორის საზენიტო–სარაკეტო კომპლექსი Тор-М2ДТ, საზენიტო-სარაკეტო ქვემეხი Панцирь-СА და ასევე უზრუნველყოფის მანქანების სპეციალური ვერსიები.

არქტიკის რეგიონისთვის თითქმის მთელი სახმელეთო ტექნიკა ყველგანმავალ ДТ-30 Витязь-ს ეფუძნება, რომელსაც მინუს 55 გრადუსამდე ყინვებიც კი არ აშინებს. ზოგ მოდიფიკაციას წყლის დაბრკოლებების გადალახვაც შეუძლია, რაც ყინულების მუდმივი მსხვრევის პირობებში ჩრდილოეთ პოლუსზე მნიშვნელოვნად ზრდის მობილურობას.

უნიკალური არსენალი აქვს სახმელეთო ჯარების პირველ სრულფასოვან არქტიკულ შენაერთს — მე-80 მოტომსროლელ ბრიგადას, რომელიც მურმანსკის ოლქის დაბა ალაკურტიშია დისლოცირებული.

ყინვაგამძლე ქვეითები მაღალი გამავლობის თოვლ–ჭაობმავლებს — ТРЭКОЛ-ებს ითვისებენ, რომლებიც ზედაბალი წნევის უზარმაზარი საბურავებით მოძრაობენ სიჩქარის დაუგდებლად.

გარდა ამისა, მე-80 ბრიგადის მებრძოლებს აქვთ სრული ამძრაობის სატვირთოები „ურალი“ და „კამაზი“, რომლებიც ექსტრემალურ ყინვებზეა ადაპტირებული, თოვლმავლები ТТМ-1901 Беркут კაბინით, ჰაერბალიშიანი კატარღები, ასევე ძაღლებისა და ირმების მარხილები.

სამამულო ომის დროს ამ მარხილებმა მნიშვნელოვანი როლი შეასრულა იმიერპოლარეთის დაცვაში. ძაღლებითა და ირმებით საბრძოლო მასალები და პირადი შემადგენლობა გადაჰყავდათ დანიშნულების ადგილებზე. ცხოველები გადიან იქ, სადაც ტექნიკა „იჭედება“. გარდა ამისა, არქტიკული ბრიგადისთვის მუშავდება სპეციალური მოდიფიკაციის ტანკები, ქვეითთა საბრძოლო მანქანები და ვერტმფრენები, კერძოდ, Ми-8АМТШ-ВА გათბობის სისტემებით.

რედაქცია შესაძლოა არ ეთანხმებოდეს ავტორის მოსაზრებებს

27
მყვინთავი საპატრულო ხომალდი „გუშაგი“

უჩინარი პატრული: რუსეთში მყვინთავი ხომალდი BOSS შეიქმნა

35
(განახლებულია 16:26 14.04.2021)
რუსეთის გემთმშენებლობის სამეცნიერო და ტექნოლოგიური დონე კონსტრუქტორული გადაწყვეტილებებისადმი არასტანდარტული მიდგომის საშუალებას იძლევა.

წყალზედა ხომალდისა და სუბმარინის ფუნქციების საპატრულო „გუშაგს“ სხვადასხვა ქვეყნების სპეციალისტების გაოცება შეუძლია. სიახლეს სახელად BOSS (Border and Offshore Submersible Sentry) ეწოდება.

საზღვაო ტექნიკის ცენტრალურმა საკონსტრუქტორო ბიურო „რუბინმა“ საპატრულო ხომალდ „გუშაგის“ პროექტი წარმოადგინა, რომელიც სუბმარინისა და წყალზედა ხომალდის ღირსებებს აერთიანებს. შედარებით დაბალი ფასი და ზომები, მოწინავე ტექნიკური მახასიათებლები, ტრადიციულად მაღალი საიმედოობა, ბორტზე სარაკეტო-ტორპედული შეიარაღების განთავსების შესაძლებლობა BOSS-ს მიმზიდველს ხდის მცირე ბიუჯეტის მქონე ქვეყნებისთვის.

„რუბინი“ მსოფლიოს ერთ-ერთი ლიდერია სუბმარინების პროექტირებაში 120-წლიანი სტაჟით.

BOSS გარეგნულად 613 პროექტის დიზელ-ელექტრონულ - კონსტრუქტორულად წარმატებულ, ერთ-ერთ ყველაზე მასობრივად გაყიდვად სუბმარინას ჰგავს. ტექნიკური მახასიათებლებიც მსგავსი აქვს: სიგრძე – 60-70 მეტრი, წყალწყვა – დაახლოებით 1000 ტონა, ეკიპაჟი – 42 კაცი. შეიძლება აღიჭურვოს მართვადი რაკეტებით, ტორპედოებით, დრონებით, საარტილერიო დანადგარებით.

ახალი საპატრულო „ნაუტილუსის“ სავარაუდო სამიზნეები წყალქვეშა და წყალზედა მდგომარეობაში შეიძლება გახდნენ საბრძოლო ხომალდები და სანაპირო ობიექტები. ხომალდი შეიძლება ეფექტურად იყოს გამოყენებული სადაზვერვო ან სამეცნირო-კვლევითი მიზნებით.

ნატოს თავის ტკივილი

ახალი ხომალდის შესაძლებლობებისა და ამოცანების სპექტრის გასაგებად აუცილებელია, რომ პროექტ 613-ს მივუბრუნდეთ. სუბმარინას 1347 ტონა წყალწყვა ჰქონდა და სიგრძეში 76 მეტრი იყო, 200 მეტრამდე სირღმეზე 18,5 კვანძით მოძრაობდა. ძირითადი შეიარაღება: ექვსი ტორპედული აპარატი, ავტონომიურობა – 30 დღე-ღამე, ეკიპაჟი – 52 კაცი.

პროექტ 613-ის სერიულ მშენებლობაში ფართოდ გამოიყენებოდა ნაკადურ-სექციური მეთოდი, ავტომატური შედუღება და რენტგენოგრაფიული კონტროლი. 1950-57 წლებში საშუალო წყალწყვის 215 დიზელ-ელექტრონული სუბმარინა აიგო, რომლებსაც ერთნაირად ეფექტურად შეეძლოთ ტორპედოებით შეტევა, დაზვერვა, ოპერატიული და პოზიციური სამსახურის გაწევა მოწინააღმდეგის დისლოკაციის რაიონებში. პროექტის სიცოცხლისუნარიანობაზე მეტყველებს ის ფაქტი, რომ მან სსრკ-ის დაშლამდე იარსება.

ეს მრავალმიზნობრივი სუბმარინები მასობრივად მიეწოდებოდა ბულგარეთის, კუბის, ინდონეზიის, ეგვიპტის, სირიის, ჩინეთის, პოლონეთის სამხედრო-საზღვაო ძალებს.

რაღა თქმა უნდა, ახალმა საპატრულო ხომალდმა წინამორბედისგან ყველა მთავარი მახასიათებელი მიიღო მემკვიდრეობით – სიმტკიცე, საიმედოობა და ეფექტურობა. დანარჩენით BOSS 21-ე საუკუნის მაღალტექნოლოგიური პირმშოა – ხარისხობრივად ახალი, ბევრად მძლავრი შეიარაღებით, კავშირის, ნავიგაციისა და ჰიდროაკუსტიკის საშუალებებით.

პოტენციალი

ზღვაზე კლასიკური საბრძოლო პატრულირება – წყალზედა ხომალდებისა და სუბმარინების ხანგრძლივი მანევრირებაა მონიშნულ რაიონში, ასევე გამუდმებული მზადყოფნა საბრძოლო პოზიციაზე გასასვლელად და მოწინააღმდეგის ხომალდებსა თუ ობიექტებზე შეტევის მისატანად.

რუსეთის სამხედრო-საზღვაო ფლოტში აკვატორიის პატრულირების ამოცანას ჯერ კიდევ ცოტა ხნის წინ გუშაგი–ხომალდები ასრულებდნენ, ნატოს სამხედრო-საზღაო ძალებში – ესკორტის ნაღმმზიდები, ფრეგატები, კორვეტები და სანაპირო ზონის ხომალდები.

ტოლობის ნიშნის დასმა ტრადიციულ წყალზედა ხომალდებსა და მყვინთავ „ბოსებს“ შორის შეუძლებელია. ახალი ხომალდის ექსპლუატაციის თავისებურებები შესაძლებლობას იძლევა ვამტკიცოთ, რომ „რუბინმა“ ჰიბრიდული სუბმარინა შექმნა.

ფარული წყალქვეშა პატრულირება მოწინააღმდეგეზე, კონტრაბანდისტებსა თუ დამრღვევებზე მოულოდნელი შეტევისა თუ საფრთხეზე რეაგირების საშუალებას იძლევა. წყალზედა მახასიათებლები ბონუსია ეკიპაჟისთვის, რომელსაც ლაშქრობისას ზღვის ჰაერის სუნთქვა შეუძლია და არა რეგენერაციის პროდუქტისა, როგორც ეს კლასიკურ სუბმარინებში ხდება. გარდა ამისა, შელფის სამეცნიერო შესწავლის შესაძლებლობები ახალ ხომალდს უფრო მაღალი აქვს, ვიდრე ანალოგიურ წყალზედა ხომალდს. ამასთან BOSS-ს შეუძლია შედარებით დაბალფასიანი სასწავლო „კლასიც“ იყოს ეკიპაჟებისა და სანაპირო ინფრასტრუქტურის მოსამზადებლად.

რედაქცია შესაძლოა არ ეთანხმებოდეს ავტორის მოსაზრებებს

35
თემები:
რუსეთი დღეს
გიორგი ღოღობერიძე

გიორგი ღოღობერიძე: ოჯახში ტოლეტანტები ვიყავით...

0
(განახლებულია 14:48 15.04.2021)
გიორგი ღოღობერიძე იხსენებს ბავშვობას და ამბობს, რომ მისი აღზრდა- განათლება მამის დამსახურებაა, რომელსაც სურდა, რომ შვილი მარტო ერთ სფეროში არ ყოფილიყო განსწავლული.

 

გიორგი ღოღობერიძე: ოჯახში ტოლეტანტები ვიყავით...
„ყანა, რომელსაც ვამუშავებდი ხოლმე, ძალიან დიდი იყო და საკმაოდ შორს ჩვენი სახლიდან. როცა ნაგავი გამქონდა, მერე სიმინდს ვთესავდი, შემდეგ მიწას აზოტის დაყრა სჭირდებოდა. ამ სამუშაოს სკოლის პერიოდიდან მოყოლებული ვაკეთებდი“, - იხსენებს გიორგი ღოღობერიძე.

ექიმი გიორგი ღოღობერიძე: „მამა მეზღვაური იყო და მას წელიწადში მხოლოდ ორ თვეს ვხედავდი სახლში. მერე მან უარი თქვა ყველაფერზე. ის ტელეწამყვანი გახდა და აჭარის ტელევიზიაში მუშაობდა. ჟურნალისტობიდან სამოქალაქო სფეროში გადაინაცვლა და დღეს ადვოკატია.“

0