კითხვის ნიშანი ლაბირინთში

შეცდომები, რომლებმაც დიდ აღმოჩენებს დაუდო სათავე: საინტერესო ამბები

119
(განახლებულია 19:43 19.02.2021)
შეუცდომელი არავინაა, შეცდომები ყველას მოსდის, ზოგჯერ ტრაგიკულიც კი. მაგრამ არის შემთხვევები, როდესაც კურიოზული შეცდომა სიკეთედ ქცეულა და დიდება და მსოფლიო აღიარება მოუტანია ადამიანისთვის.

ამის დასტურად თუნდაც ქრისტეფორე კოლუმბის ექსპედიცია გამოდგება, რომელიც ინდოეთისკენ მიემგზავრებოდა, მაგრამ თავი ამერიკის კონტინენტზე ამოყო.

ამას გარდა არსებობს უნებლიე შეცდომებისა თუ შემთხვევითობების კასკადი, რომლებმაც არაერთ აღმოჩენას დაუდო სათავე.

***

დაახლოებით 1000 წლის წინ ჩინელმა სწავლულებმა, რომლებიც სიცოცხლის ელექსირს ეძებდნენ, კალიუმის გვარჯილა, გოგირდი და ხის ნახშირი შეურიეს ერთმანეთს, მიღებული მასა კი გადასადნობად ცეცხლზეც გაახურეს. გახურებამ დიდი აფეთქება გამოიწვია.

ასე სრულიად შემთხვევით აღმოაჩინეს დენთი.

***

ცნობილმა შოტლანდიელმა ქიმიკოსმა პოლ მაკინტოშმა ხალათზე შემთხვევით გადაისხა კაუჩუკის ხსნარი. ცოტა ხნის შემდეგ მან შენიშნა, რომ ქსოვილის იმ ნაწილში, რომელსაც წებო მოხვდა, წყლის წვეთები ვერ აღწევდა.

ასე აღმოაჩინეს წყალგაუმტარი ქსოვილის შექმნის ხერხი. ხოლო პირველ წყალგაუმტარ ლაბადას ქიმიკოსის პატივსაცემად მაკინტოში ეწოდა.

***

1886 წელს ექიმმა-ფარმაცევტმა ჯონ პომბერტონმა მცენარე კოკას ფოთლების წვენისა და აფრიკული კაკლის ნაყოფისგან მატონიზირებელი მიქსიტურა დაამზადა, რომელიც მხოლოდ აფთიაქში იყიდებოდა.

ერთ მშვენიერ დღეს კი გამყიდველს, რომლის მოვალეობაშიც მიქსტურის წყლით გაზავება შედიოდა, ონკანი აერია და ჩვეულებრივი წყლის ნაცვლად მიქსტურა გაზიანი წყლით გააზავა. ასე გაჩნდა „კოკა–კოლა“.

***

სამედიცინო ინსტიტუტის სტუდენტი გალილეო გალილეი შეცდომით სხვა ლექციაზე შევიდა. ის მოსმენილით ისე დაინტერესდა, რომ მედიცინა მიატოვა და ასტრონომიის შესწავლას მიჰყო ხელი, რამაც შემდეგ დიდება და აღიარება მოუპოვა.

***

იოდის აღმოჩენა კატას უკავშირდება. 1811 წელს ფრანგი მეცნიერის ბერნარ კურტუას კატამ მის სამუშაო მაგიდაზე შემთხვევით წააქცია ორი კოლბა. დაღვრილი ხსნარების შერევის შედეგად წარმოიშვა ალი, რომელიც შემდეგ კრისტალებად გადაიქცა. ეს იყო იოდი, რომელმაც სახელი ბერძნული სიტყვა „იისფერისგან“ მიიღო.

***

1941 წელს ინჟინერი ჯონ ჰოპსი სამხედრო საზღვაო ფლოტის დავალებით ჰიპოთერმიის სფეროში კვლევებს ატარებდა. მის წინაშე იდგა ამოცანა: დიდი ხნის განმავლობაში ყინვაში მყოფი ადამიანის რაც შეიძლება სწრაფად გათბობა. ამისთვის ჰოპსი მაღალსიხშირიან რადიოტალღებს იყენებდა და შემთხვევით აღმოაჩინა, რომ სიცივის გამო გაჩერებული გული ხელახლა იწყებდა ფეთქვას, თუ ელექტროიმპულსებს მიაწვდიდა.

ასე შეიქმნა კარდიოსტიმულატორი, ე.წ. ელექტროშოკი.

***

ანტიბიოტიკების აღმოჩენა ალექსანდრ ფლემინგის გულმავიწყობის შედეგია. 1928 წელს მეცნიერი სტაფილოკოკების შესახებ სტატიას ამზადებდა და მათი მრავალრიცხოვანი კოლონიების შესწავლით იყო დაკავებული. მეცნიერს ჩვევად ჰქონდა, არაფერი გადაეყარა და ამიტომ მის მაგიდაზე გროვად ეყარა ინსტრუმენტები და ჭუჭყიანი ლაბორატორიული ჭურჭელი.

ერთხელაც, როდესაც მაგიდაზე თავისუფალი ადგილი აღარ დარჩა, მეცნიერმა წესრიგის დამყარება გადაწყვიტა. ხელში ობით დაფარული კოლბა აიღო და შენიშნა, რომ ობის გარშემო ბაქტერიების კოლონიები გამქრალიყო. ეს ობი დამღუპველი აღმოჩნდა სტრეპტოკოკების, სტაფილოკოკების, დიფტერიის ჩხირებისა და ციმბირული წყლულის ბაცილებისთვის.

ასე შეიქმნა პენიცილინი, რის გამოც ალექსანდრ ფლემინგი ნობელის პრემიის ლაურეატი გახდა.

 ***

ინგლისელი ფარმაკოლოგები სილდენაფილის ციტრატის კლინიკურ გამოკვლევას ატარებდნენ იმის დასადგენად, გამოდგებოდა თუ არა ეს პრეპარატი სტენოკარდიის სამკურნალოდ. მეცნიერებს სურდათ ეპოვათ წამალი, რომელიც გააძლიერებდა გულის კუნთისკენ სისხლის გადაქაჩვას.

მაგრამ პრეპარატი კორონალური სისხლის მიმოქცევაზე საერთოდ არ ახდენდა გავლენას. სამაგიეროდ მნიშვნელოვნად ზრდიდა სისხლის მიწოდებას მამაკაცის სასქესო ორგანოებისკენ.

მკვლევარები ყურადღებით მოეკიდნენ ამ აღმოჩენას, რის შედეგადაც მსოფლიომ ერექციის დარღვევების წინააღმდეგ ბრძოლის მძლავრი საშუალება — ვიაგრა მიიღო.

***

ჩარლზ გუდიარმა ცეცხლზე შემოდგა კაუჩუკისა და გოგირდის ნარევი და შემთხვევით მიიღო ისეთი ნივთიერება, რომელიც სიცხეში არ დნებოდა და სიცივეში არ ტყდებოდა. ეს გახლდათ რეზინი, რომლის მიღების პროცესს ვულკანიზაცია ეწოდა.

***

შენიშვნებისათვის განკუთვნილი წებოვანი ქაღალდი წებოს მდგრადობის გამოსაცდელი წარუმატებელი ექსპერიმენტის შედეგად გაჩნდა.

კვლევითი ლაბორატორიის თანამშრომელმა მიიღო ბლანტი სითხე, რომელსაც დასაწებებელი ზედაპირი არ იწოვდა და ამიტომ გამოუსადეგარი იყო. სამაგიეროდ სხვა ქაღალდი ისე ეწებებოდა, რომ მისი აძრობა ორივე ზედაპირის დაუზიანებლად იყო შესაძლებელი.

***

ამერიკელი ექიმი გვარად ადამსი სინთეზური კაუჩუკის მიღებას ცდილოდა. ერთხელაც მან ნედლეულად საპოდილიას ხის ფისი გამოიყენა, მაგრამ მისგან რეზინი ვერ მიიღო. ადამსმა ფისს შემთხვევით გაუსინჯა გემო და... ასე შეიქმნა საღეჭი რეზინი.

119
თემები:
იცით თუ არა, რომ... (404)
სიყვარულის კოშკი

ისტორიული მკრეხელობა: ამბავი სვანეთიდან გაუჩინარებული შეუფასებელი რელიგიური სიწმინდეებისა

112
(განახლებულია 21:42 26.02.2021)
სვანეთიდან ვითომ შესწავლის მიზნით წამოღებულ სიწმინდეებს, რომელთაგან უმრავლესობას შეფასების გრაფაში „შეუფასებელი“ ეწერა, დანიშნულების ადგილამდე არ მიუღწევია – ისინი უბრალოდ გაქრა...

სვანეთი საუკუნეთა განმავლობაში იყო ძნელბედობის ჟამს არა მარტო ბარის დევნილი მოსახლეობის თავშესაფარი, არამედ სიწმინდეთა ნავსაყუდელიც. სვანეთის ეკლესიებს მტრის ხელი ძნელად სწვდებოდა და ქართველი მეფეები იქაურ სალოცავებს ხშირად სწირავდნენ წმინდა ხატებს — ოქროს პერანგით შემოსილ და პატიოსანი თვლებით მოოჭვილ ხელოვნების ბრწყინვალე ნიმუშებს.

გარდა ამისა, საქართველოს მეფეები პირად და სახელმწიფო საგანძურსაც ლეჩხუმისა და სვანეთის მიუვალ მთებში ინახავდნენ (მაგალითად გამოდგება ხვამლის მთა). ახლაც ცნობილია ის გვარები და ოჯახები, რომელთაც განძის მოვლა-პატრონობა და შენახვა ევალებოდათ. განსაკუთრებით საპატიო იყო დიდი სიწმინდეების, მათ შორის, ხატების შენახვა. ეს მეტად საპასუხისმგებლო მოვალეობა მამიდან შვილზე გადადიოდა და ასე მოაღწიეს სვანეთს „შეფარებულმა“ წმინდა ხატებმა მეოცე საუკუნემდე ისე, რომ ერთიც არ დაკარგულა. კომუნისტური მმართველობის დაისს კი ერთბაშად სამ ათეულზე მეტი ხატი „გაქრა“...

მურვან ყრუებმა, ჯალალ ედ დინებმა, შაჰ-აბასებმა და თემურ ლენგებმა, რომ იტყვიან, ძვლებამდე გაატყავეს ჩვენი ქვეყანა, უდიდესი სიმდიდრე გაზიდეს. ამას მოჰყვა ბოლშევიკების ტირანია და ახლა მათ გამოუყვანეს წირვა გადარჩენილ სიწმინდეებს. თუმცა მეოცე საუკუნის მეორე ნახევარში ყველაფერი დაწყნარდა... და სწორედ იმ დროს, როცა თითქოს ეროვნულ სიწმინდეებს აღარაფერი ემუქრებოდა, მოხდა უდიდესი დანაშაული ღვთისა და ერის წინაშე.

გასული საუკუნის 80-იანი წლების ბოლოს საბჭოთა საქართველოს კომუნისტურმა ხელისუფლებამ, მეცნიერული შესწავლისა და მათი უკეთ დაცვის მიზნით, ქვემო სვანეთის ეკლესია-მონასტრებიდან უნიკალური, ძვირფასი ხატები გაიტანა, რომლებიც მუზეუმებში უნდა დაებრძანებინათ. მაგრამ იქამდე სვანეთის ეკლესიებიდან წამოღებულ არც ერთ ხატს არ მიუღწევია.

საქმე ასე იყო: 1985 წლის 17 ნოემბერს მაშინდელ მთავრობასთან არსებულ საქართველოს მთიანეთის შემსწავლელმა კომპლექსური კომისიის ექსპედიციამ გასცა განკარგულება ქვემო სვანეთის ეკლესიებიდან სიწმინდეების გატანის შესახებ. მაშინდელი მილიციის დახმარებით უამრავი წმინდა ნივთი და ხატი წაიღეს — ზოგი მათგანი X-XI საუკუნისა იყო.

ყველა ეს ნივთი და ხატი უძვირფასესი იყო, მაგრამ სკალდის მთავარანგელოზის ეკლესიაში დაბრძანებული თარიგზენის (მთავარანგელოზის) ხატი ნამდვილად შეუფასებელი გახლდათ. გარდა იმისა, რომ ოქროს პერანგში იყო ჩასმული და უამრავი ძვირფასი თვლით მოჭედილი, თარიგზენის ხატს უდიდესი მადლი ჰქონია, რომელიც, ადგილობრივების თქმით, მთელ საქართველოზე გადმოდიოდა.

ამბობენ, ერთხელ ლენტეხის ამაღლების ძველი ტაძრიდან ხატი თავისით გამობრძანებულა და ხეზე დაბრძანებულა. იმ ღამით ერთ მორწმუნეს უფალი გამოცხადებია სიზმრად და უბრძანებია, ახალი ადგილი შეერჩიათ თარიგზენის დასაბრძანებლად. ამისთვის ორი გაუხედნავი მოზვერი უნდა შეებათ უღელში, ზედ ხატი დაესვენებინათ და გზას გასდგომოდნენ, სადაც მოზვრები გაჩერდებოდნენ, ის იქნებოდა ხატის ახალი ადგილსამყოფელი. სვანებიც ასე მოქცეულან. და მოზვრებს თარიგზენის ხატი იმ ადგილამდე აუტანიათ, სადაც დღეს სკალდის სალოცავია...

მოკლედ, სვანეთიდან წამოღებული უძველესი ხატები (რომელთა ზუსტი რაოდენობა არავინ იცის, რადგან მათი აღწერილობაც კი გამქრალია) თავიდან ლენტეხის რაიონულ მილიციაში შეუნახავთ, მაგრამ მერე, თბილისში ტრანსპორტირებისას, „უკვალოდ გაქრა“...

როგორც ამბობენ, ამ საქმეში ძალიან გავლენიანი ხალხი იყო ჩართული. ზოგი ვარაუდით, მილიციამ, რომელიც ბრმა იარაღად იყო გამოყენებული ამ საქმეში, ცენტრალური ხელისუფლებისგან მიიღო მითითება, რომ ხატის მცველების ვინაობა დაედგინათ (ტრადიციულად, ეს გასაიდუმლოებული იყო). მათაც აგენტები აამოქმედეს ამ მიზნით და დავალებაც „პირნათლად“ შეასრულეს.

იმასაც ამბობენ, რომ ექსპედიციაში საკმაოდ ცნობილი მეცნიერები მონაწილეობდნენ. როდესაც კომისიის ხელმძღვანელმა (აწ გარდაცვლილმა), ძალიან ცნობილმა და პატივსაცემმა მეცნიერმა ექსპედიციის შემდეგ ქვემო სვანეთის ხატების გზა-კვალს ვეღარ მიაგნო, მიხვდა, რომ მოატყუეს, მაგრამ უკვე გვიან იყო. თურმე სიცოცხლის ბოლომდე დარდობდა, ძალზე დიდი ცოდვა მაწევსო. არადა, ისიც მხოლოდ ბრმა იარაღი იყო, მეტი არაფერი.

სამწუხაროდ, მაშინ მოსახლეობასაც არ გაუწევია წინააღმდეგობა ხატების გატანისთვის — როგორც ჩანს, ისინიც დაარწმუნეს, თითქოს სიწმინდეები, რომელთაგან უმრავლესობას შეფასების გრაფაში „შეუფასებელი“ ეწერა, მართლაც შესასწავლად მიჰქონდათ...

112
თემები:
იცით თუ არა, რომ... (404)
დროში აღმართის ცერემონია წყალქვეშა ნავზე

მიმოხილვა: რუსეთი სარაკეტო იარაღის უჩინარ მზიდებს ქმნის

196
(განახლებულია 19:34 25.02.2021)
შეიარაღების პერსპექტიულ სისტემებს, პროექტ 677 „ლადას“ პირველ სერიულ დიზელ-ელექტრონულ წყალქვეშა ნავებს რუსეთის ფლოტი 2022 წელს მიიღებს.

ნიკოლაი პროტოპოპოვი

მათ შექმნაზე ოც წელზე მეტი დაიხარჯა. სუბმარინას მაღალი სიზუსტის იარაღის ზიდვა შეუძლია და მისი მარშრუტის ამოცნობა უკიდურესად ძნელია.

„რთული ბავშვი“

წყალქვეშა ნავები „კრონშტადტი“ და „ველიკიე ლუკი“ მეზღაურებს 2021 წელს უნდა გადასცემოდა, მაგრამ, როგორც გემთმშენებელი საწარმო Адмиралтейские верфи-ს გენერალური დირექტორი ალექსანდრ ბუზაკოვი განმარტავს, კონტრაგენტებთან დაკავშირებული პრობლემების გამო ვადები გადაიწია.

სექტემბერში გაერთიანებული გემთმშენებელი კორპორაციის ხელმძღვანელმა ალექსეი რახმანოვმა გაავრცელა ინფორმაცია, რომ ორი სერიული ხომალდის აგება მოგვიანებით დასრულდება, ვინაიდან აღჭურვილობის ერთ-ერთი მომწოდებელი გრაფიკიდან ამოვარდა.
დაყოვნებები პროექტს თავიდანვე სდევს კვალდაკვალ. სამუშაოები ჯერ კიდევ 1990-ანების დასაწყისში დაიწყო. საძირკველი ჩაეყარა სათავო ხომალდ „სანქტ-პეტერბურგს“. ის წყალში 2004 წელს ჩაუშვეს და სამხედრო-საზღვაო ფლოტისთის 2006-ში უნდა გადაეგზავნათ. მაგრამ ჩრდილოეთის ფლოტმა წყალქვეშა ნავი საცდელ ექსპლუატაციაში მხოლო 2010 წელს მიიღო.

„ლადებით“ მოძველებული პროექტი 877 „პალტუსი“ უნდა ჩაენაცვლებინათ. ახალი სუბმარინები უფრო პატარებია, ანუ ნაკლებად შესამჩნევია ჰიდროლოკატორებისთვის. სამამულო გემთმშენებლობისთვის დამახასიათებელი ერთკორპუსიანი სქემა ასევე ზრდის აკუსტიკურ უჩინარობას. გარდა ამისა, „ლადები“ პირველი რუსული სუბმარინებია, რომლებიც პერსპექტივაში ანაერობული დანადგარით აღიჭურვება.

შესაძლოა ვადები გამუდმებით სწორედ უამრავი ახალი კონსტრუქციული გადაწყვეტილებებისა და მათი „რკინაში“ რეალიზაციის სირთულის გამო ირღვეოდა. ასე მაგალითად, სათავო ხომალდის გამოცდებისას სერიოზული პრობლემები გამოვლინდა ჰიდროაკუსტიკურ კომპლექსშო, ხოლო ელექტროძრავის არასაკმარისი სიმძლავრე წყალქვეშ საჭირო სიჩქარის განვითარების საშუალებას არ იძლეოდა.

სამხედრო-საზღვაო ფლოტში კი მაინც ელოდებოდნენ ახალ დიზელ-ელექტრონულ წყალქვეშა ნავებს, ამიტომ „ლადების“ ნაცვლად წყნარი ოკეანის ფლოტისთვის ექვსი დროით შემოწმებული და კარგად ათვისებული პროექტ 636 „ვარშავიანკას“ ექვსი ხომალდი შეუკვეთეს.

სახიფათო „პატარები“

სპეციალისტების აზრით, „ლადები“ ყველაზე თანამედროვე და პერსპექტიული არაატომური სუბმარინებია. მოკრძალებული ზომების მიუხედავად, ისინი მრავალფუნქციონირებით გამოირჩევიან. შეუძლიათ წინააღმდეგობა გაუწიონ წყალქვეშ და წყალზედა ხომალდებს, შეტევა მიიტანონ სანაპირო ობიექტებზე, ააგონ სანაღმო წინაღობები, დაიცვან სანაპირო დესანტის გადმოსხმისგან, გადაიყვანონ სპეციალური დანიშნულების ქვედანაყოფები და ტვირთები.

მთავარი ღირსებები — მაღალი ავტომატიზაცია და დაბალი ხმა, მობილურობა და მანევრირებულობა, რაც მათი ეფექტურად გამოყენების საშუალებას იძლევა დივერსიულ და სადაზვერვო ოპერაციებში. აღჭურვილია მძლავრი ჰიდროაკუსტიკური კომპლექსით და ერთბაშად სამი მგრძნობიარე ანტენით.

1,8 ათასი ტონა წყალწყვის მქონე წყალქვეშა ნავის სიჩქარე ოც კვანძს აღწევს. სიღრმე — 350 მეტრი, ეკიპაჟის რაოდენობა — სულ 30 კაცი. რაც შეეხება შეიარაღებას, სტანდარტული აღჭურვილობის „ლადებს“ ბორტზე 18 ტორპედოსა და დაახლოებით 20 ნაღმის ზიდვა შეუძლიათ. სატორპედო აპარატები ასევე მორგებულის ნავსაწინააღმდეგო ჩქაროსნული რაკეტა-ტორპედოების, „შკვალების“ სროლას, რომლების სიჩქარეც საათში 300 კილომეტრია. და რაღა თქმა უნდა, „ლადებს“, ისევე როგორც ბევრ თანამედროვე რუსულ ხომალდებს, აქვთ ფრთოსანი რაკეტები „კალიბრი“.

პირველი ორი სერიული სუბმარინა ანაერობული დანადგარის გარეშე იგება, ვინაიდან, როგორც ბუზაკოვი ამბობს, რუსეთში ასეთი ჯერ არ შექმნილა. მაგრამ ამ ოჯახის დანარჩენი ხომალდები ამით აღიჭურვება.

უხილავი გუშაგები

„ლადა“ წყალქვეშა ნავების სრულიად ახალი კლასია, რომლებიც წინა პროექტებს ეყრდნობა, ამბობს პირველი რანგის კაპიტანი მიხაილ ნენაშევი.

ექსპერტის თქმით, წინა პროექტებთან შედარებით, „ლადებს“ ბორტზე უფრო მეტი ტორპედო აქვთ. უნიკალური ტაქტიკურ-ტექნიკური მახასიათებლებს წყალობით, შეუძლიათ გადაჭრან ამოცანები ყველა ტაქტიკური და სტრატეგიული მიმართულებით. გარდა ამისა, კონსტრუქცია შესაძლებელს ხდის სარაკეტო კომპლექსების განთავსებას.

„ამ სუბმარინების ხმაური ზღვის ხმაურის თანაფარდია, ხოლო ახალი ჰიდროაკუსტიკა ბევრად დიდ სივრცეს მოიცავს, ვიდრე სხვა ხომალდები“, - ამბობს ნენაშევი. - „ეს ძალიან მნიშვნელოვანია, ვინაიდან „ლადები“ არქტიკაში იქნება ბაზირებული.

კიდევ ერთი პლუსი - ეს მოკრძალებული ზომებია, რაც სუბმარინების გამოყენების საშუალებას იძლევა როგორც თავთხელზე, ისე დიდ სიღრმეებზე. სავარაუდო მოწინააღმდეგის ატომმავლები ყველგან ვერ იმანევრირებენ, ხოლო „ლადას“ მსგავსი სუბმარინით ტერიტორიის დაცვა ძალიან წარმატებით შეიძლება“.

რუსული დიზელური წყალქვეშა ნავები დიდი ხანია, საუკეთესოდაა ცნობილი თავის კლასში. ექვსი მათგანი შავი ზღვის ფლოტში მსახურობს, კიდევ ექვსი უახლოეს წლებში წყნარი ოკეანის ფლოტს გადაეცემა. უხმაურობისა და უჩინარობის გამო ნატოში მათ „შვი ხვრელები“ უწოდეს.

მაგრამ „ლადები“ კიდევ უფრო ჩუმია. „სანქტ-პეტერბურგის“ გამოცდებმა აჩვენა, რომ უჩინარობის დონით 677-ე პროექტი ბევრად აღემატება „დიზელების“ ყველა წინა სერიას.

რედაქცია შესაძლოა არ ეთანხმებოდეს ავტორის მოსაზრებებს!

196
თემები:
რუსეთი დღეს
რაკეტის სტარტის წინ

რუსეთმა არქტიკაში კლიმატის მონიტორინგის მიზნით პირველი თანამგზავრი გაუშვა

0
(განახლებულია 14:46 28.02.2021)
დედამიწის და არქტიკის ოკეანეს ზღვების ზედაპირის ამინდის სადღეღამისო მონიტორინგის უზრუნველსაყოფად ორბიტაზე ორი თანამგზავრისგან შემდგარი დაჯგუფების შექმნა იგეგმება

თბილისი, 28 თებერვალი – Sputnik. არქტიკის რეგიონში კლიმატისა და გარემოს მონიტორინგის მიზნით ბაიკონურის კოსმოდრომიდან რაკეტა-მატარებელმა Союз-2.1б პირველი რუსული თანამგზავრი Арктика-М გაუშვა.

როგორც „როსკოსმისის“ გენერალურმა დირექტორმა დმიტრი როგოზინმა განაცხადა, ეს რუსეთის მიერ კოსმოსური ხომალდის მესამე გაშვებაა 2021 წელს, მიმდინარე წელს 29 კოსმოსური სტარტია დაგეგმილი.

რაკეტა Союз-2.1б თანამგზავრთან ერთად კვირას 09:55 წუთზე აფრინდა. სტარტიდან ცხრა წუთში სუბორბიტალურ ტრაექტორიაზე რაკეტას თანამგზავრი Арктика-М გამოეყო.

თანამგზავრის სასტარტო მასა 2,2 ტონაა და მისი მუშაობის საანგარიშო პერიოდი შვიდ წელს მოიცავს. ის „როსკოსმოსის“ ერთ-ერთ საწარმოში შეიქმნა.

კოსმოსური აპარატი აღჭურვილია მრავალზონალური სკანირების ორი მოწყობილობით, რომელიც მოღრუბლულობის და დედამიწის ზედაპირის მრავალსპექტრულ გამოსახულებას ხილულ და ინფრაწითელ დიაპაზონებში გადაიღებს.

თანამგზავრს ასევე გააჩნია ჰელიოგეოფიზიკური აპარატული კომპლექსი, რომელიც მზის ზედაპირზე აფეთქებების აქტივობის და კოსმოსურ სივრცეში რადიაციული გარემოს კონტროლისა და პროგნოზებისთვის არის განკუთვნილი.

დედამიწის და არქტიკის ოკეანეს ზღვების ზედაპირის ამინდის სადღეღამისო მონიტორინგის უზრუნველსაყოფად ორბიტაზე ორი თანამგზავრისგან შემდგარი დაჯგუფების შექმნა იგეგმება. 2023 წელს მეორე თანამგზავრის გაშვება იგეგმება, 2024-2025 წლებში - კიდევ სამის.

0