გამარჯვება

ზოგი ჭირი მარგებელია, ანუ როგორ გააღვიძა მტრის სისასტიკემ ქართველთა მებრძოლი სული

288
ქართველობა მძიმე ჯვარია, გოლგოთის გზაა, რომელიც ჩვენმა წინაპრებმა გამოიარეს. ზოგჯერ კიდეც დავღლილვართ, უიმედობაც მოგვრევია, მაგრამ მალევე გამოვფხიზლებულვართ და ისევ მყარად დავმდგარვართ ფეხზე. 

როგორც იოანე საბანისძე წერდა ბევრჯერ „გადაგვლარძნეს ― რომელნიმე მძლავრობით, რომელნიმე შეტყუვილებით,  რომელნიმე უმეცრებით, რომელნიმე მზაკვრობით“, თუმცა მაინც  დაგვიღწევია თავი არაერთი განსაცდელისაგან. ზოგჯერ ამაში თავად მტერიც დაგვხმარებია, რომელთაც თავიანთი მზაკვრობითა და სისასტიკით, მინავლებული ქართული მებრძოლი სული ფენიქსივით ისევ აუღორძინებიათ.

მაგალითად გამოდგება არაბების ბატონობის ხანა. ახალ სარწმუნოებაზე ― ისლამის რჯულზე გადასულმა არაბებმა სულ რაღაც ნახევარ საუკუნეში ლამის ნახევარი მსოფლიო დაიპყრეს. მეზობელი სახელმწიფოები იარაღის ძალით დაიმორჩილეს, შორეული ქვეყნებში ადგილობრივი მოსახლეობა დიპლომატიითა და „შეღავათიანი პირობებით“ მოხიბლეს...

654 წელს არაბი სარდლის, ჰაბიბ იბნ მასლამას მიერ ქართველებისათვის  შედგენილი „დაცვის სიგელი“ კინაღამ საბედისწერო აღმოჩნდა ჩვენი ქვეყნისა და ქრისტიანული სარწმუნოებისთვის. ამ „სიგელის“ თანახმად, არაბები არავის აძალებდნენ ისლამის მიღებას, მაგრამ ვინც „ჭეშმარიტ სარწმუნოებას“ ეზიარებოდა, იღებდა პიროვნულ თავისუფლებას,  არაბების ძმა ხდებოდა და თავისუფლდებოდა ყოველგვარი ბეგარა-გადასახადისგან.  და ეს ფაქტორი დაბალი ფენის ნაკლებმორწმუნეთ ― ყმა-გლეხებს, მოჯამაგირეებს, წვრილ ვაჭრებსა თუ ხელოსნებს ― ქრისტიანობისგან განდგომისკენ უბიძგებდა. ათასობით ქრისტიანი ტოვებდა მამა-პაპისეულ სარწმუნოებას და მუსლიმდებოდა. ამ კატასტროფული ვითარების გამოძახილს წარმოადგენდა იოანე საბანისძის შეგონება თუ გოდება:

„აღვერიენით ერსა უცხოსა... ნათესავსა საწუთროსა ამის მოყვარესა... სარწმუნოებისა ჩვენისა მაგინებელთა, რომელთაგან ვისწავეთ საქმენი მათნი და ვმონებდით გულის თქუმასა გულითა ჩუენთასა მიბაძვებითა მათითა“.

ისლამიზაციის პროცესმა ამიერკავკასიაში კატასტროფული ხასიათი მიიღო. მუსლიმანურმა სამყარომ „ჩაყლაპა“ ქრისტიანული ალბანეთი, შეავიწროვა სომხური სახელმწიფოები, სავალალო დღეში აღმოჩნდნენ ქართველები და ვინ იცის, იქნებ ჩვენც დღესდღეობით გადაშენებულ ალბანელთა ბედიც გაგვეზიარებინა, მურვან ყრუს ლაშქრობას რომ არ მოესწრო.

ხალიფას ბიძაშვილი და შემდგომში თავად   ხალიფა მირვან იბნ მუჰამედი საქართველოს 735 წელს შემოესია და სისხლის მდინარეები დააყენა, ათასობით სოფელი და დასახლება ნაცარტუტად აქცია. განსაკუთრევბით დიდი ზიანი მიადგა სამხრეთ საქართველოს, რომელიც მურვანის ლაშქრობის შემდეგ თითქმის ერთი საუკუნე სრულიად გაუკაცრიელებული იყო.

სწორედ მურვან-ყრუს სისასტიკემ დაანახა ქართველებს არაბი დამპყრობლების ნამდვილი სახე. აი მაშინ კი იკადრეს ხმლისათვის ხელის მოკიდება და მტერთან შებრძოლება. მტერმა, რომელიც ქართველთა  დაშინებას ტერორით შეეცადა, საპირისპირო შედეგი მიღო: ქართველობა ერთ მუშტად შეიკრა და საკადრისი მიუზღო დამპყრობელს. ერთბაშად ძალუმად იფეთქა ქართულმა მებრძოლმა სულმა და ერთი შეხედვით გადაშენების გზაზე შემდგარ ერში ქვეყნის თავისუფლებისა და ქრისტიანული სარწმუნოებისათვის მებრძოლი არაერთი გმირი შვა.

მანამდე დაუმარცხებელმა არაბებმა პირველი დიდი მარცხი სწორედ საქართველოში, ანაკოფიის კედლებთან იგემეს და ხელმოცარულნი იძულებული გახდნენ, უკან გაბრუნებულიყვნენ. ქართველთა რისხვას გარიდებულ არაბ სარდალს გზად, რომ იტყვიან, ღვთის რისხვა დაატყდა თავს ―  ადიდებულმა მდინარეებმა, ცხენისწყალმა და აბაშისწყალმა, ათასობით მტარვალი შეიწირა.

მართალია მურვანმა 738 წელს ქართულ მიწაზე არაბთა საამირო შეგვიქმნა, მაგრამ ამიერიდან აღზევებულ ქართულ მებრძოლ სულ ვეღარაფერი შეაკავებდა. ქართველობა და მართლმადიდებლობა ერთიან მცნებად იცა, ხოლო არაბთაგან გვემულ წმინდანთა მაგალითები მისაბაძი გახდა შთამომავლებისათვის ― ნიშანსვეტი იმისა, რომ ქართველობას გადაშენება არ უწერია.

არაბებმა საქართველოში თითქმის 400 წელი იბატონეს, მაგრამ ულმობელმა დრომ მათი ნაკვალევიც წაიშალა და გადარეცხა, თავისუფალი საქართველო კი ისევ არსებობს!

288
თემები:
იცით თუ არა, რომ... (397)
ჯანეტ იელენი

ახალი შემადგენლობით: აშშ-ის ფინასთა სამინისტრო დოლარის ჩამოსაშლელად მზადაა

17
(განახლებულია 19:54 25.01.2021)
ამერიკული ვალუტა ორწლიან მინიმუმადე დაეცა — ამაზე ერთდროულად რამდენიმე ფაქტორი ახდენს გავლენას

ნატალია დემბინსკაია

ფინანსისტები ვარაუდობენ, რომ დოლარი ღირებულების ნახევარს დაკარგავს. ეს ბევრით ამერიკის ფინანსთა სამინისტროს დამსახურებაა, რომელსაც ძალიან მალე ფედერალური რეზერვების ყოფილი ხელმძღვანელი ჯანეტ იელენი ჩაუდგება სათავეში.

დაბალი შემოსავლიანობა

დეკემბრის ბოლოს დოლარის ინდექსი 5,5 %-ით დაეცა. ინვესტორებს აყურადებს ახლად მოჭრილი და არაფრით უზრუნველყოფილი დოლარების მასშტაბური დაბანდებები აშშ-ის ეკონომიკაში.

ივნისიდან ფულადი მასის ზრდის ტემპები წლიურ 22%-ზე დაბლა არ დაწეულა — ეს ყველაზე მაღალი მაჩვენებელია ისტორიაში.

საბეჭდი დაზგა გარდაუვლად გამოიწვევს ინფლაციას, მაგრამ ფედერალურმა სარეზერვო სისტემამ უკვე შეცვალა მიზნობრივი მნიშვნელობა: „საშუალოდ ორი პროცენტი“. ეს იმისთვის გაკეთდა, რომ არ აიწიოს საკვანძო ნიშნული, თუ ინფლაცია მოსალოდნელს გადააჭარბებს. ანუ რეგულატორს განზრახული აქვს შეინაჩუნოს პროცენტები ნულთან ახლო დონეზე. ეს მხარს დაუჭერს ეკონომიკას, მაგრამ ნეგატიურად აისახებ დოლარზე.

დაკარგეს რა დოლარის აქტივებში დაბანდებები, ინვესტორები სხვა, თუნდაც მეტად სარისკო ვარიანტებს ეძებენ, აჩვენებს Reuters-ის სავალუტო სტრატეგების გამოკითხვა.

„დოლარი ძველებურად გადაჭარბებითაა შეფასებული პრაქტიკულად ყველა მაჩვენებლით, და ფედერალური სარეზერვო სისტემის ფულად-საკრედიტო სისტემა ამას აღმოფხვრის“, — აღნიშნავს კიტ ჯუკსი, Societe Generale-ს სავალუტო სტრატეგიის ხელმძღვანელი.

ჯერ კიდევ ნოემბერში ექსპერტები აცხადებდნენ: ახალი პრეზიდენტის, ჯო ბაიდენის დროს, ამერიკულ ვალუტას გარდაუვალი ვარდნა ელის. დემოკრატების გეგმებში არის დამატებითი ფისკალური სტიმულები და დახმარების ახალი პაკეტი — თითქმის სამი ტრილიონი. ეს დაასუსტებს დოლარს ხანგრძლივ პერსპექტივაში, ვინაიდან ბიუჯეტის დეფიციტსა და გარე სესხებს გაზრდის, რაც მისი დაფარვისთვისაა აუცილებელი.

ამერიკული ვალუტისთვის ნეგატიურია ვაქცინის გავრცელებაც, ვინაიდან ეს ეკონომიკური აქტიურობის გაძლიერებას მოასწავებს და არღვევს არგუმენტებს „ინვესტორებისთვის ყველზე საიმედო თავშესაფრის“ სასარგებლოდ. წლის ბოლოს, ვაქცინაციის შესახებ ინფორმაციების ფონზე, დოლარმა ყველაზე დიდი ვარდნა გამოავლინა 2017 წლის შემდეგ.

ორმოცდაათი პროცენტით

ეკონომისტების პროგნოზები არ არის დამამშვიდებელი. ბანკ Citigroup-ს შეფასებით, დემოკრატების სათავეში მოსვლა 2021 წელს „სერიოზულად გაზრდის“ დოლარის დასუსტების ალბათობას 20%-ით. მსგავსი სცენარი გაახმოვანა Morgan Stanley Asia-ს დირექტორთა საბჭოს ყოფილმა თავმჯდომარე სტივენ როუჩმაც, მიუთითა რა აშშ-ის ბიუჯეტის მზარდ დეფიციტზე და ფედერალური სარეზერვო სისტემის ნულთა ახლო ფსონების პოლიტიკაზე.

კიდევ მეტად პირქუშ სურათს ხატავს ცნობილი ფინანსისტი ჯიმ რიკარდსი. ის აღნიშნავს, რომ აშშ-ს საბოლოოდ მოუწევს დაკავდეს ვალის პრობლემებით, ხოლო მისი გადაჭრა დოლარის 50%-ით დევალვაციას მოითხოვს.

იმავდროულად ოქრო გაძვირდება უნციაზე 15 ათას დოლარამდე, ვერცხლი — 100 დოლარამდე, პროგნოზირებს ეკონომისტი. ის განმარტავს, რომ აშშ მთელი რიგი სახელმწიფოების ზეწოლის ქვეშ აღმოჩნდა, რომლებმაც ამერიკის დომინირებას საერთაშორისო ფინანსურ სისტემაში გამოწვევა ესროლეს. საუბარი პირველ რიგში არის რუსეთზე და ჩინეთზე. მოსკოვი და ჩინეთი ბევრ ოქროს ყიდულობენ და დოლარს რეზერვებიდან აძევებენ.

საკუთარი ხელით

ბაიდენის გუნდი მუშაობას იწყებს. გამოიცვლება ყველა სამინისტროს ხელმძღვანელი. ასე მაგალითად, ფინანსთა მინისტრის სავარძელს ფედერალური სადაზვერვო სისტემის ექს-ხელმძღვანელ ჯანეტ იელენს მიანდობენ, რომელიც, როგორც Bloomberg-ი შეგვახსენებს, არაერთხელ „არეკლამებდა სუსტი დოლარის უპირატესობას ამერიკული ექსპორტისთვის“.

ეს ადარაჯებს ეკონომისტებს. „არაგონივრული იქნებოდა, რომ აქტიური დევალვაციონისტის სახით წარმოჩენილიყო, რომლისთვისაც სულერთი იქნებოდა დოლარის ბედი“, - ამბობს ლარი სამერსი, ფინანსთა მინისტრი ბილ კლინტონის დროს და ეროვნული ეკონომიკური საბჭოს ხელმძღვანელი ბარაკ ობამას ადმინისტრაციაში.

სამერსის თქმით, დოლარის დომინანტური როლი მსოფლიო საფინანსო სისტემაში ხაზინას პასუხისმგებლობას აკისრებს ვალდებულებების საგულდაგულოდ შესრულებისთვის.

იელენს რეკომენდაციები მისცა აშშ-ის ყოფილმა ფინანსთა მინისტრმა და Goldman Sachs-ის ყოფილმა გენდირექტორმა ჰენკ პოლსონმაც.
„პროცენტული მაჩვენებლები ისტორიულ მინიმუმზე დგას, ხოლო ფედერალური ვალი იმაზე მეტია, ვიდრე ოდესმე ყოფილა მეორე მსოფლიო ომის შემდეგ. კრიტიკულად მნიშვნელოვანია, შეჩერდეს სახელმწიფოს ვალის მკვეთრი ზრდა. წინაარმდეგ შემთხვევაში დოლარი, ადრე თუ გვიან, გაუფასურდება“, - აღნიშნა ფინანსისტმა.

„შეერთებული შტატები არ ისწრაფვის უფრო სუსტი ვალუტისკენ კონკურენტული უპირატესობის მისაღებად, და ჩვენ წინაარმდეგობა უნდა გავუწიოთ სხვა ქვეყნების მცდელობას ამისთვის“, — განაცხადა იელენმა სენატში მოსმენებისას.

ამასთან მომავალმა ფინასთა მინისტრმა უკვე გააკეთა ხმამაღალი განცხადება, რაც არაფერს კარგს არ უქადის ამერიკულ ვალუტას: მოუწოდა მასშტაბური გადასხმებისკენ ეკონომიკაში. ეს ინვესტორებისთვის არის სიგნალი დოლარის ხანგრძლივი დაღმავალი ტრენდისკენ, ვარაუდობს Bloomberg-ი.

აშშ-ს ნებისმიერ შემთხვევაში მოუწევს დოლარის „დაცემა“: ეს მნიშვნელოვანია სავაჭრო დეფიციტის შესამცირებლად. და ეს, შესაძლოა, ერთადერთი გზა იყოს ბაიდენისთვის ეკონომიკის აღსადგენად.

რედაქცია შესაძლოა არ ეთანხმებოდეს ავტორის მოსაზრებებს!

17
ამერიკელი საზღვაო ქვეითები ბაიდენის ინაუგურაციაზე

მიმოხილვა: რატომ გადაჰყავთ ამერიკელი საზღვაო ქვეითები ჩრდილოეთში

12
(განახლებულია 18:36 25.01.2021)
აშშ-ის არმის ნორვეგიაში, უშუალოდ რუსეთის საზღვრებთან იმყარებს პოზიციებს. იანვარში იქ დაახლოებით ათასი საზღვაო ქვეითი გადასხეს.

ნიკოლა პროტოპოპოვი

ამის პარალელურად ამერიკელი პოლიტიკოსები და გენერლები სულ უფრო ხშირად საუბრობენ არქტიკაში დაძაბულობაზე, რასაც, ექსპერტების აზრით, თავადვე ამწვავებენ.

სტუმრად ვიკინგებთან

საზღვაო ქვეითები ნორვეგიაში ჩრდილოეთ კაროლინიდან გადაბაზირდნენ ეგრეთ წოდებული როტაციის ფარგლებში. ამ ხრიკს ამერიკელები უკვე რამდენიმე წელია, მიმართავენ - ქვედანაყოფებს ეფრთმანეთს ანაცვლებენ და აშშ-ის სამხედრო კონტინგენტი ქვეყანაში ფაქტობრივად მუდმივად დგას.

საზღვაო ქვეითების ამოცანა — ეს ნორვეგიული ინსტრუქტორების ხელმძღვანელობით ბრძოლების წარმოების სწავლება არქტიკის პირობებში და ასევე ნატოელ კოლეგებთან მჭიდრო ურთიერთქმედებაა.

თებერვალში ამერიკელი, ნორვეგიელი, ასევე ნიდერლანდელი და ბრიტანელი სამხედროები, დაახლოებით ათი ათასი მებრძოლი, მონაწილეობას მიიღებს მასშტაბურ მანევრებში Joint Viking 2021. ნატოელები დიდ მანძილზე ჯარების სწრაფ გადაადგილებას დაამუშავებენ, აითვისებენ ინფორმაციის გაცვლის მეთოდებსა ყველა დონეზე და რამდენიმე ერთობლივ ოპერაციას ჩაატარებენ.

სწავლება JointViking-ი ყოველწლიურად ტარდება. ჯარები — ჯავშანტექნიკა, არტილერია, ავიაცია, გემები და წყალქვეშა ნავები მაღალი ინტენსივობის საბრძოლო მოქმედებების მოდელირებას ახდენენ რამდენიმე ასეულ კვადრატულ კილომეტრზე - უპირატესად ტყიან და მთიან ადგილებში.

როგორც სამხედრო ექსპერტი ალექსანდრ ჟილინი აღნიშნავს РИА Новости-სთან საუბრისას, აშშ-ის სამხედრო დოქტრინის თანახმად, მათი არმია ძირითადად უცხოეთში სწავლობს ბრძოლას.

„ამიტომ სახელმწიფოს პოლიტიკა იმგვარად იგება, რომ ამერიკელი სამხედროები პერმანენტულად ჩნდებიან სხვა ქვეყნებში საბრძოლო მოქმედებების, დაზვერვის, აეროდრომების შემოფრენის, საზღვაო გზების შემოვლის მეთოდების დასამუშავებლად. განსაკუთრებული ყურადღება ეთმობა ერთობლივ ოპერაციებს, იმიტომ რომ აშშ ყოველთვის სხვისი ხელებით იბრძვის“, — განმარტა ექსპერტმა.

ჟილინის თქმით, პენტაგონი ხელოვნურად ძაბავს ვითარებას, ვინაიდან აშშ-სა და ნატო-ს ჯიუტად არ სურთ არქტიკაზე პრეტენზიებზე უარის თქმა.

„საზღვაო ქვეითების სწავლება იქნება შეტევითი და არა ტავდაცვითი. დამუშავდება მოქმედებები რუსეთის წინააღმდეგ. თუ ნატოს ევროპაში მანევრებს მთლიანობაში განვიხილავთ, აშკარად ჩანს: მათ ისე აწყობენ, რომ მოსკოვისთვის დაძაბულობის ზონები შექმნან. რუსეთის არმიას არ შეუძლია, არ ირეაგიროს ნორვეგიაში მომხდარზე — საჭიროა ვითარების სრული კონტროლი, რათა პროვოკაციები არ დაიშვას“, _ ამბობს სამხედრო ექსპერტი.

ჩრდილოეთ პლაცდარმი

ანალიტიკური კლუბის, „ვალდაის“ ექსპერტი არტემ კურეევი მიუთითებს, რომ ამერიკელებს აქვთ საკუთარი განვითარებული ინფრასტრუქტურა ალიასკაზე საბრძოლო მოქმედებების ტაქტიკის სწავლებისთვის, მაგრამ ისინი მაინც ნორვეგიაში არჩევენ სწავლებებს.

„მათთვის ეს, როგორც ნატოს ლიდერებისთვის, აუცილებელია. — ამბობს კურეევი. — ნორვეგია ალიანსის უძველესი წევრია. ოსლო რუსეთში პოტენციურ მოწინააღმდეგეს ხედავს. ჯერ კიდევ ცივი ომის წლებში ნორვეგიელები ქმნიდნენ და მხარს უჭერდნენ ინფრასტრუქტურას არქტიკაში სსრკ-სთვის წინააღდეგობის გასაწევად. ეს ახლაც გრძლედება. რეალური სამხედრო გამწვავების შემთხვევაში ნორვეგია მაშინვე ნატოს მთავარ პლაცდარმად გადაიქცევა რუსეთის მურმანსკისკენ“.

ვაშინგტონის სურვილზე, განიმტკიცოს პოზიციები არქტიკაში და გააძევოს იქიდან სხვა ქვეყნები, სამხედრო-საზღვაო ძალებისა და საზღვაო ქვეითთა კორპუსის ახალი არქტიკული სტრატეგიაც მეტყველებს. მასში კერძოდ ნათქვამია, რომ „ამერიკული სამხედრო-საზღვაო ძალების მხარდაჭერის გარეშე არქტიკის რეგიონში მშვიდობას სულ უფრო დაემუქრებიან რუსეთი და ჩინეთი“.

როგორც აშშ-ის სამხედრო-საზღვაო ძალების მინისტრ კონეტ ბრეიტუეიტის თქმით, პენტაგონი გეგმავს გამუდმებით იყოლიოს არქტიკაში საბრძოლო გემები და წყალქვეშა ნავები, რათა პატრულირება მოახდინოს რუსეთის სანაპიროების მახლობლად და არ დაუშვას „მოსკოვის შეტევა უკიდურეს ჩრდილოეთში“.

ნორვეგიის თავდაცვის მინისტრმა ფრანკ ბეკე-იენსენმა, თავის მხრივ, განაცხადა, რომ ქვეყნის უსაფრთხოების პოლიტიკაში საკვანძო მიმართულება — ეს არქტიკა და რუსეთის ქმედებებია რეგიონში, ხოლო ტრანსატლანტიკური კავშირები აქ ქვაკუთხედია.

მისი თქმით, ნორვეგია მიესალმება უკიდურეს ჩრდილოეთში ნატოელი მოკავშირეების გაძლიერებას.

ყველა ფრონტზე

უნდა ითქვას, რომ აშშ უკვე სერიოზულად განმტკიცდა ჩრდილოეთში. და ნორვეგია ამაში ლამის მთავარ როლს თამაშობს. სექტემბერში ცნობილი გახდა, რომ ნორვეგიის პორტ ტრომსეში Seawolf-ის კლასის ატომური სუბმარინა შევიდა, რომლის მთავარი მისია რუსული წყალქვეშა ნავების მარშრუტების თვალთვალია.

მანამდე კი აშშ „ჩრდილოეთში რუსეთის შესაკავებლად“ მეორე ფლოტი აღადგინეს, რომელიც ატლანტიკის ოკეანზე, ასევე წყნარი და ჩრდილოეთ ყინულოვანი ოკეანეების ნაწილზე აგებს პასუხს და რომელიც 2011 წელს დაიშალა ბიუჯეტის ეკონომიის მიზნით.

ცივი ომის კიდევ ერთი გამოძახილი — ეს ნორვეგიული მიწისქვეშა სამხედრო-საზღვაო ბაზა ოლავსვერნია, რომელიც რუსეთის საზღვრებიდან 350 კილომეტრითაა დაშორებული. 1960-იან წლებში აგებულ უზარმაზარ ბუნკერში, რომელიც სამასმეტრიანი მთითაა დაფარული, ნატოს სუბმარინები და გემები იყო ბახირებული, მოქმედებდა სარემონტო დოკები, ინახებოდა საბრძოლო მასალები. დასავლური კოალიციის ფლოტს ნებისმიერ დროს შეეძლო გადაეკეტა საბჭოთა ფლოტისთვის ნორვეგიის ზღვასა და ჩრდილოეთ ატლანტიკაში გასასვლელი. ნულოვანი წლების ბოლოს ბაზა დაიკეტა, თუმცა ახლა კვლავ აპირებენ მის გაცოცხლებას.

პენტაგონმა სერიოზულად დაიწყო სამხედრო-საჰაერო გაძლიერება არქტიკაში. გასულ წელს მასშტაბური სწავლებები გამართეს ამერიკულმა და ნორვეგიულმა სამხედრო-საჰაერო ძალებმა. ერთდროულად ექვსმა სტრატეგიულმა ბომბდამშენმა B-52 Stratofortress-მა გადაუფრინა ჩრდილოეთის პოლუსს და საწვრთნელი ფრენები შეასრულეს ნორვეგიის სამხედრო-საჰაერო ძალების გამანადგურებლებთან ერთად. ამ დღეებში კი ცნობილი გახდა, რომ პენტაგონი თებერვალში ტეხასიდან ოთხ ზებგერით B-1BLancer-ს გადაისვრის ერლანდის ავიაბაზაზე ნორვეგიაში.

რედაქცია შესაძლოა არ ეთანხმებოდეს ავტორის მოსაზრებებს!

12
ახალგაზრდა კაცი ეწევა ჩილიმს

ჩილიმი სიგარეტზე ბევრად მავნებელია - ძალიან ცდებით, თუ პირიქით ფიქრობთ

0
(განახლებულია 15:02 26.01.2021)
ჩილიმის მოწევა სიგარეტზე ბევრად მავნებელია, ვინაიდან ამ დროს ფილტვებში ისეთი ნაწილაკები ხვდება, რომლებიც სიგარეტის მოწევისას

თბილისი, 26 იანვარი — Sputnik. ის, ვინც ჩილიმს მოწევის უსაფრთხო საშუალებად მიიჩნევს, ძალიან ცდება, აცხადებს ცნობილი ექიმი ალექსანდრ მიასნიკოვი.

მისი თქმით, რეალურად ჩილიმი სიგარეტზე ბევრად მავნებელია.

„სინამდვილეში, როდესაც ჩილიმს ვეწევით, მავნე ნივთიერებების იმ რაოდენობას შევისუნთქვათ, რამდენსაც ერთ-ნახევარი კოლოფი სიგარეტის მოწევისას შევისუნთქავდით“, — განმარტავს ექიმი.

სპეციალისტი აზუსტებს, რომ ჩილიმის მოწევამ, კვამლის წვრილდისპერსიული ნაწილაკების ინჰალაციის გამო, შეიძლება უმძიმესი დაავადება გამოიწვიოს.

  • „ჩილიმის მოწევისას ადამიანი კვამლთან ერთად ჩაისუნთქავს წვის მიკრონაწილაკებს და მთელი პერიოდის განმავლობაში (ნაფაზი) ფილტვებში ხდება მიკროწვა, რამაც შეიძლება ფილტვის კიბო გამოიწვიოს“, — ამბობს მიასნიკოვი.

ექიმი განმარტავს, რომ მოწევის უსაფრთხო ფორმა არ არსებობს — ჩიბუხები და სიგარებიც კი პირის ღრუს კიბოს განვითარების რისკ-ფაქტორია.

0
თემები:
ექიმი გირჩევთ