ფულის გადაცემა ხელიდან ხელში

როგორ გაყიდა ფირმა „შიბლამ“ ისტორიული ხომალდი: ქართველი თაღლითების ნამდვილი ისტორიები

1295
(განახლებულია 16:39 15.06.2020)
ისტორიები, რომლებსაც ახლა გიამბობთ, ნამდვილად მოხდა, მათი „გმირები“ რეალურად არსებობდნენ. თუმცა, გამომდინარე იქიდან, რომ საქმე ჩვენს თანამემამულეებს ეხება, რომელთაგან დღეს უკვე ბევრი გარდაცვლილია, მათ სახელებს ინკოგნიტოდ ვტოვებთ — ეთიკური ნორმების გათვალისწინებით.

საბჭოთა პერიოდის ერთ დილას მოსკოვში, უნივერმაღ „გუმის“ შესასვლელთან, სადაც ადრიანი დილიდან ხალხმრავლობა იყო ხოლმე, რამდენიმე ქართველმა სახელდახელო ჯიხური–სალარო დადგა და იქვე სამი სხვადასხვა ფერის „დუბლიონკა“ გამოფინა. მერე კი ხმამაღლა გამოაცხადეს, რომ იწყებდენ ტალონების გაყიდვას, რომელთა მიხედვითაც მაღაზიაში „დუბლიონკების“ დაბალ ფასად შეძენა იქნებოდა შესაძლებელი. 

მაშინ „დუბლიონკა“ საკმაოდ ძვირიც ღირდა, მოდაშიც იყო და, შესაბამისად, უამრავი ადამიანის საოცნებო სამოსი გახლდათ. ამიტომ ტალონებზე უმალ გრძელი რიგი დადგა. 

გამალებული ვაჭრობა დაახლოებით ოციოდე წუთს გაგრძელდა. მერე კი „მოლარეებმა“ გამოაცხადეს, ტალონები გათავდაო, ჯიხური დაკეტეს და გაუჩინარდნენ.

ცოტა ხანში „გუმი“ გაიღო, ტალონების „ბედნიერი“ მფლობელები მაღაზიაში შებრძანდნენ და „დუბლიონკები“ მოითხოვეს. აი, სწორედ აქ გაირკვა, რომ თაღლითებმა ისინი ძალიან მოხერხებულად და სწრაფად გააცურეს.

***

იმხანად მოსკოვის „გუმი“ საბჭოთა კავშირის ნომერ პირველი მაღაზია იყო. უზარმაზარ კომპლექსში იყიდებოდა ყველაფერი — წვრილმანი ნივთებიდან ავეჯამდე.

ერთხელაც ამ მაღაზიაში ცნობილი ქართველი „კანონიერი ქურდის“ „პადელნიკი“ შესულა. მისი ყურადღება ავეჯის განყოფილებაში მოფარებულ ადგილზე მდგარ ტახტს მიუქცევია. როდესაც შეატყო, რომ ახლომახლო არავინ იყო, სწრაფად აუხდია ტახტისთვის თავსახური და შიგ ჩამძვრალა.

საღამოს, როცა მაღაზია დაკეტეს და გარე სიგნალიზაცია ჩართეს, მოხერხებული „პადელნიკი“ სამალავიდან ამომძვრალა და ტახტი მაღაზიის ყველაზე ძვირფასი ნივთებით ისე გამოუტენია, რომ თავად რის ვაივაგლახით ჩატეულა შიგ.

დილით კი, როგორც კი „გუმი“ გაიღო, ის შეუმჩნევლად ამოვიდა ტახტიდან, ოფიციალურად იყიდა ნივთი, მის მიერვე მიყვანილ მტვირთავებს საბარგო მანქანაზე დაადებინა და...

სანამ მაღაზიაში დანაკლისს შეამჩნევდნენ, მძარცველები უკვე სამშვიდობოს იყვნენ.

***

ე.წ. „პერესტროიკის“ პერიოდში ქალაქ ლენინგრადში (ამჟამად სანქტ-პეტერბურგი) ერთი ქართველი თაღლითი „მოღვაწეობდა“. იგი ძირითადად უცხოელებზე „მუშაობდა“ და სხვადასხვა ხერხებით სძალავდა ფულს.

ერთ დღესაც ქალაქის მილიციის ერთ-ერთ განყოფილებაში შუახნის, კარგად ჩაცმული, საკმაოდ სოლიდური გარეგნობის იაპონელი ბიზნესმენი მიიყვანეს, რომელიც თურმე კრეისერ „ავრორას“ ხალხისგან დაცლას მოითხოვდა.

იაპონელი აცხადებდა, გემი ოფიციალურად შევიძინე, ჩემია და სამშობლოში უნდა წავიყვანოო. ამის დასტურად მან რუსულ, ინგლისურ და იაპონურ ენებზე შევსებული „დოკუმენტი“ წარადგინა.

საბუთი, რომელსაც კოოპერატივ „შიბლას“ ბეჭედი ერტყა, იაპონელს, როგორც მყიდველს, ნებას აძლევდა, „ავრორა“ იაპონიაში წაეყვანა. იქვე ხელმოწერით იყო დადასტურებული, რომ უცხოელმა ბიზნესმენმა ხომალდში 120 ათასი ამერიკული დოლარი და 200 ათასი საბჭოთა მანეთი გადაიხადა წინასწარ. დოკუმენტს ხელს ალექსანდრე ყაზბეგი აწერდა.

საბჭოელ მილიციელებს იაპონელი ბიზნესმენი თავიდან გიჟი ეგონათ და კინაღამ ნავმისადგომიდან პირდაპირ ფსიქიატრიულში წაიყვანეს, რადგან საბჭოთა რევოლუციის სიმბოლო, ლეგენდარული კრეისერი „ავრორა“ სახელმწიფო საკუთრება იყო და მის გაყიდვას გულშიც არავინ გაივლებდა. მილიციელები მოგვიანებითღა მიხვდნენ, რომ მდიდარი უცხოელი თაღლითების მსხვერპლი იყო და განყოფილებაში წაიყვანეს ჩვენების ჩამოსართმევად.

მართალია, სამართალდამცველებს ხელჩასაჭიდი არაფერი ჰქონდათ, მაგრამ ქართველი თაღლითი მაინც გამოაშკარავეს და დააპატიმრეს. როდესაც მას ჰკითხეს, როგორ მოახერხე ასეთი სერიოზული კაცის გაბითურებაო, ალალად უპასუხა – ისეთი დიდი მოწონებით უმზერდა „ავრორას“ და ამასთან ისეთი სულელური თვალები ჰქონდა, იმ წუთას მივხვდი, რომ ადვილად „მოიწველებოდაო“.

1295
თემები:
იცით თუ არა, რომ... (367)
Russia Today

მოსაზრება: დასავლეთი რუსეთის წინააღდეგ მუშაობას გადაეჩვია

6
(განახლებულია 15:10 10.07.2020)
ლიეტუვამ თავის ტერიტორიაზე RT–ს ხუთი ტელეარხის მაუწყებლობა აკრძალა. ანალოგიური ნაბიჯი ერთი კვირით ადრე ლატვიის ხელისუფლებამ გადადგა. ჯერი ესტონეთზეა, რომლის საგარეო საქმეთა მინისტრი არ გამორიცხავს მსგავსი გადაწყვეტილების მიღებას.

ირინა ალქსნისი

ამ საკითხში ტალინის განსაკუთრებულ პოზიციაზე შანსები არც ისე დიდია: სამი „ბალტიისპირული ვეფხვის“ ტრადიციული ანტირუსული  კონსენსუსისა და ასევე იმის გათვალისწინებით, რომ სწორედ ესტობეთის ხელისუფლებამ გამოიჩინა ყველაზე დიდი აქტიურობა და თანმიმდევრულობა რესპუბლიკაში სააგენტო Sputnik–ის საქმიანობისთვის წინაღობების შექმნაში.

თუმცა ყველაზე საინტერესო მთელ ამ ისტორიაში მაინც ვილნიუსის ოფიციალური საფუძველია, რომ RT–ს დმიტრი კისელიოვი აკონტროლებს, რომელზეც დასავლური  სანქციები ვრცელდება, და რომ თითქოს ეს გახდა „მისი“ მედიარესურსის წინააღმდეგ ზომების დაწესების მიზეზი.

საქმე ისიც კი არაა, რომ ეს მტკიცებულება სიმართლეს არ შეესაბამება, მნიშვნელოვანი ისაა, რომ ეს ყველაფერი უკვე იყო: ზუსტად ერთი კვირის წინ, როდესაც ლატვიის ეროცნულმა საბჭომ RT–ს მაუწყებლობის აკრძალვა იმით ახსნა, რომ  ტელეარხები „დმიტრი კისელიოვის „ფაქტიური კონტროლისა და ერთპიროვნული მმართველობის ქვეშაა“. მაშინ მარგარიტა სიმონიანმა და რუსეთის საგარეო საქმეთა სამინისტრომ ლატვიის ოფიციალური სტრუქტურების გაუგონარი არაპროფესიონალიზმი გააკრიტიკეს, რომლებმაც თავისი გადაწყვეტილება ღია ბოდვით განმარტეს.

იმ მომენტში ჯერ კიდევ შეიძლებოდა მომხდარი კონკრეტული შემსრულებლების შეცდომით ან რაღაც შემთხვევითობით ახსნილიყო: ბოლოს და ბოლოს დილეტანდებისგან არცერთი სისტემა არ არის დაზღვეული.  სახელმწიფოსთვის კი უკან დახევა მსგავს სიტუაციაში კარგი ტონი არ არის, მაშინაც კი, თუ ჩინოვნიკები აშკარად დააღალატებენ.

მაგრამ ლიეტუვაში ვითარების ერთი ერთში გამეპორება აშკარად მიუთითებს, რომ არანაირი შემთხვევითობა და შეცდომა არ ყოფილა. ეს ყველაფერი ლატვიისა და ლიეტუვას ხელისუფლებების გაცნობიერებული პოზიციაა.

გასაგებია, რომ RT–ს მაუწყებლობის აკრძალვა პოლიტიკური გადაწყვეტილებაა. მაგრამ ნუთუ არ შეიძლებოდა ამის იურიდიულად უფრო „წმიდა“ მოტივით ახსნა? რა თქმა უნდა, შეიძლება. მაგრამ ამისთვის პასუხისმგებელ უწყებებს დაძაბვა და დიდი ძალისხმევ9ის გამოჩენა დასჭირდებოდათ, რათა კანონმდებლობაში ხვრელები ეპოვათ.

ოდესღაც სწორედ ეს თავისებურება — იურიდიული დახვეწილობა იყო ერთ–ერთი უმნიშვნელოვანესი კოზირი დასავლური დემოკრატიისთვის. ეს მეტად მომგებიანად გამოიყურებოდა სხვა პოლიტიკური სისტემების ფონზე, რომლებსაც არ ახასიათებდათ ფორმალური პროცედურების დაცვაზე ბევრი ფიქრი.

მაგრამ მას შემდეგ ბევრმა წყალმა ჩაიარა. RT–ს მაუწყებლობის აკრძალვის საკითხში ბალტიისპირეთის რესპუბლიკები იმ გზით წავიდნენ, რომელიც ბოლო წლებში    კარგად გათელეს სულ სხვა და თანაც უფრო მძლავრმა დერჟავებმა.

ამერიკელებისთვის უცნობი ფხვნილით სავსე სინჯარის ქნევამ რეალურად არსებული გარემოებების ძებნა ჩაანაცვლა, რითაც შეიძლებოდა აეხსნათ საერთაშორისო საზოგადოებისთვის ერაყში შეჭრა.  

ბრიტანელებმა გრანდიოზული შოუ მოაწყვეს სკრიპალების მოწამვლის ირგვლივ — და ისინი იოტისოდენ უხერხულობასაც კი არ გრძნობენ ამ სამეში არსებული „ხვრელების“ გამო.

ნიდერლანდები, რომელმაც მართლმსაჯულება ეროვნულ ბრენდად აქცია, ისეთ სამართლებრივ კულბიტებს აწყობს МН17–ის საქმეზე, რომ გაკვირვებაც კი შეუძლებელი ხდება.

ასეთი მაგალითები მრავლადაა არა მარტო რუსეთის, არამედ ჩინეთის, ირანის, ვენესუელისა და სხვა ქვეყნების წინააღმდეგ. იმდენად მრავლად, რომ იშვიათი შემთხვევებიდან უკვე ჩვეულებრივ ამბად გადაიქცა. ამგვარ ფონზე ლიეტუვისა და ლატვიის ხელისუფლებების პოზიცია აბსოლუტურად ორგანულად გამოიყურება RT–ს მაუწყებლობის აკრძალვა: რა საჭიროა დაძაბვა, თუკი ამის გაკეთება აშკარა სისულელის ოფიციალურ პოზიციად გასაღებით შეიძლება?

ამაში თავისებური ლოგიკაც კი არის:  ანტირუსულად განწყობილი აუდიტორია თავისუფლად მიიღებს განმარტებას „კისელიოვის შესახებ, რომელიც RT–ს აკონტროლებს“.

თავდაპირველად ეს მიდგომა დასავლეთის საინფორმაციო, პოლიტიკურმა, იდეოლოგიურმა და მორალურმა მონოპოლიამ დაბადა. სწორედ ამის გამო შეწყვიტა მან გამოწვლილვით და მაღალპროფესიულად დაემუშავებინა თავისი პოლიტიკა. შედეგად, თავადაც რომ ვერ შენიშნა, ისე გაუსხლტა ხელიდან ეს მონოპოლია — მათ შორის, კომპეტენციის დაკარგვისა და ასევე მოდუნებული თავდაჯერებულობის გამო.

ახლა კი იგივე ძალები ვერანაირ აზრს ვეღარ ხედავენ ხარისხიანად და კვალიფიციურად მუშაობაში უკვე იმის გამო, რომ მომხრეებს ეს არ სჭირდებათ, ხოლო მოწინააღმდეგებს მაინც ვერ დაარწმუნებ.

გასაოცრად აქ შეიძლება ჩაითვალოს ის, რომ ისინი სეიოზულად ფიქრობენ, თითქოს მსგავსი არაპროფესიონალური მიდგომა მათ იდეოლოგიურ და გეოპოლიტიკურ გამა რჯვებას მოუტანს რუსეთზე.

რედაქცია შესაძლოა არ ეთანხმებოდეს ავტორის მოსაზრებებს!

 

6
თხევადი გაზის გადამზიდი ტანკერი

მიმოხილვა: ევროპა და აზია ამერიკულ გაზზე უარს ამბობენ

77
(განახლებულია 19:10 09.07.2020)
ევროპასა და აზიაში ცისფერი აირის ფასები მრავალწლიან მინიმუმამდეა დაცემული. აშშ-ის ენერგეტიკის სამინისტროშიც კი აღიარეს, რომ ამერიკული გათხევადებული ბუნებრივი აირის შეძენას არანაირი აზრი არ აქვს.

ნატალია დემბინსკაია

კლიენტებმა ზაფხულში დაგეგმილ ასზე მეტ მიწოდებაზე თქვეს უარი. შედეგად – ექსპორტი თითქმის 63,6%-მდე დაეცა. რატომ არ სჭირდება არავის ოკეანისგაღმური გაზი?

ფასები დაეცა

გასულ წელს აშშ-ში ბუნებრივი გაზის ნეტო–ექსპორტმა 54,7 მლრდ კუბომეტრს მიაღწია — 20,7 მილიარდით მეტს, ვიდრე 2018 წელს. გათხევადებული ბუნებრივი აირის უმსხვილესი მწარმოებლის Cheniere Energy-ს მონაცემებით, პირველ კვარტალში მსოფლიო გაყიდვების მოცულობამ 100 მლ ტონას მიაღწია — 10 მილიონით მეტს, ვიდრე 2019 წელს. ზრდა ძირითადად ამერიკელებმა უზრუნველყვეს.

გეგმები ამბიციური იყო: 2020 წელს 67,2 მლრდ კუბომეტრი, 2021 წელს კი — 79,5 მლრდ. ეს მაჩვენებლები იანვარში აშშ-ის ენერგეტიკის სამინისტროს ინფორმაციის სამმართველომ (EIA) გაახმოვანა. მაგრამ უკვე ნათელია, რომ ეს არ მოხდება.

თბილი ზამთრისა და კორონავირუსის პანდემიის გამო ევროპასა და აზიაში გაზის ბაზრები ჩამოიშალა. მაგალითად, ჰოლანდიურ ჰაბ TTF-ზე ფასები პირველად ოთხი თვის განმავლობაში ორჯერ დაეცა გასული წლის ანალოგიურ პერიოდთან შედარებით, ხოლო სპოტური მიწოდებები იაპონიაში 44%-ით შემცირდა.

უკვე აპრილში ამერიკული თხევადი გაზის ექსპორტი ევროპაში ეკონომიკურად მიზანშეუწონელი გახდა. მსხვილმა ევროპულმა და აზიურმა კომპანიებმა ივნისი–ივლისის კონტრაქტები გააუქმეს.

Bloomberg-ის მონაცემებით, აშშ-ში თხევადი გაზის ქარხნების განტვირთვა აპრილში თითქმის 30%-ით შემცირდა, მაისში ექსპორტმა მესამედზე მეტით დაიკლო, მათ შორის, კორონავირუსული შეზღუდვების გამოც.

ეკონომიკურად არასიცოცხლისუნარიანი

აშშ-ის ენერგეტიკის სამინისტროს ენერგეტიკული ინფორმაციის სამმართველოს ივნისის პროგნოზი მეტად პესიმისტურია. ევროპელმა და აზიელმა კლიენტებმა უარი თქვეს თხევადი გაზის 110 პარტიაზე. გაზის მიწოდება ამერიკულ საზღვაო ტერმინალებზე მარტის შემდეგ ორჯერ შემცირდა.

„დაბალმა სპოტურმა ფასებმა ბუნებრივ აირსა და გათხევადებულ გაზზე ევროპასა და აზიაში შეასუსტა აშშ-დან ექსპორტის სიცოცხლისუნარიანობა, რომელიც მეტად მგრძნობიარეა ფასების მიმართ“, — აცხადებენ EIA-ს ანალიტიკოსები.

მათი შეფასებით, ივნისში აშშ-დან ევროპასა და აზიაში საშუალოდ 101 მლნ კუბომეტრია გაგზავნილი დღე-ღამეში, ხოლო ივლისსა და აგვისტოში 62 მლნ იქნება. ეს კი საექსპორტო პოტენციალის 25%-ზე მეტი არ არის.

განაგრძობს დაცემას

დადასტურდა ექსპერტების გაფრთხილება იმასთან დაკავშირებით, რომ კლიენტები ოკეანისგაღმურ გაზზე უარს მინიმუმ ზაფხულის ბოლომდე იტყვიან: აშშ-ში ფიუჩერსული ფასები ევროპულს სექტემბრამდე აჭარბებს.

„ვინაიდან ფასობრივი უპირატესობა პრაქტიკულად გაქრა, ამერიკულ მიწოდებებზე უარის თქმა მხოლოდ დროის ამბავი იყო“, — განაცხადა აშშ-ის სტრატეგიული და საერთაშორისო კვლევების ცენტრის ექსპერტმა ნიკოს ცაფოსმა.

როგორც ეროვნული ენერგეტიკული უსაფრთხოების ფონდის წამყვანი ანალიტიკოსი იგორ იუშკოვი განმარტავს, ახლა მყიდველები მზად არიან გადაიხადონ ამერიკულ გათხევადებულ გაზში იმდენი, რამდენიც გათხევადებისა და ტრანსპორტირების საოპერაციო ხარჯებსაც კი ვერ დაფარავს. მთავარი დაზარალებული — პირველი და უმსხვილესი ამერიკული ტერმინალი Sabine Pass-ია: ქარხანა 2016 წლიდან მხოლოდ წაგებაზე მუშაობს.

ენერგეტიკის სამინისტროს ინფორმაციით, აშშ-დან გათხევადებული აირის ექსპორტმა 2020 წლის პირველ ოთხ თვეში საშუალოდ 218 მლნ კუბომეტრი შეადგინა დღე-ღამეში, მაგრამ 17%-ით დაეცა აპრილიდან მაისამდე პერიოდში. EIA-ში ელოდებიან, რომ მიწოდებები სექტემბერში დაიწყებს ზრდას, ვინაიდან მსოფლიო მოთხოვნა ბუნებრივ აირზე თანდათანობით აღდგება.

ჭარბი გაზი

მაგრამ უმსხილესი საინვესტიციო ბანკები ასე ოპტიმისტურად არ არიან განწყობილი. როგორც ანალიტიკოსები განმარტავენ, მსოფლიოში საწვავის უზარმაზარი მარაგი დაგროვდა. გათხევადებული ბუნებრივი აირის საერთაშორისო ვაჭრობა ჩამოიშალა, გადაიკეტა რა მნიშვნელოვანი არხები ამერიკელი მეფიქალეებისთვის. ხოლო რამდენადაც ნავთობი ისევ გაძვირდა ერთ ბარელზე 40 დოლარამდე, მენავთობეებმა მოპოვება განაახლეს და გვერდითი პროდუქტის სახით ბაზარზე ბევრ იაფ გაზს უშვებენ.

ევროპაში ფასების ვარდნის გამო ამერიკულ თხევად გაზზე მოთხოვნა აღარ არის. ახლა საზღვარგარეთ გაყიდვის ნაცვლად მას რეზერვუარებსა და საცავებში ქაჩავენ.

Goldman Sachs-ის დათვლით, ექსპორტის გაუქმების გამო ამერიკული მარაგები 21,52 მლრდ კუბომეტრით გაიზრდება. ერთი წლის წინ დაფიქსირებული დონე უკვე თითქმის მესამედითაა გაზრდილი, ხოლო ბოლო ხუთი წლის საშუალო მაჩვენებელს 18%-ით აღემატება. ოქტომბრისთვის ქვეყნის შესაძლებლობები გაზის შენახვასთან დაკავშირებით შესაძლოა ამოიწუროს, რაც გათხევადებული აირის მოპოვებასა და წარმოებას რეკორდულად შეამცირებს.

რედაქცია შესაძლოა არ ეთანხმებოდეს ავტორის მოსაზრებებს

77
გიორგი შაქარაშვილი

„ჩვენი შვილი მოკლეს და გადააგდეს მდინარეში“ - შაქარაშვილის ოჯახის განცხადება

0
(განახლებულია 17:32 10.07.2020)
19 წლის ფეხბურთელის ტრაგიკულად გარდაცვალების საქმეზე ოჯახი საგანგებო განცხადებას აკეთებს. ოჯახის პოზიცია შაქარაშვილის ბიძამ გაახმოვანა

თბილისი, 10 ივლისი – Sputnik. გიორგი შაქარაშვილი მოკლეს და გადააგდეს მდინარეში, განაცხადა 19 წლის ფეხბურთელის ბიძამ მირიან ნიკოლაძემ ბრიფინგზე, რომელიც მან გარდაცვლილის ოჯახის სახელით გამართა.

ნიკოლაძის განცხადებით, ოჯახის პოზიციაა, რომ ყველა დამნაშავე, მიეცეს სისხლის სამართლის პასუხისგებაში დამამძიმებელ გარემოებაში განზრახ მკვლელობის გამო.

„ექსპერტიზის დასკვნით, ცალსახად არის დადასტურებული, რომ გიორგი შაქარაშვილი მოკლეს. მოკლეს ჩვენი შვილი და შემდგომში ის გადააგდეს მდინარე არაგვში. ველოდებით, როდის იქნება წარდგენილი კონკრეტული ბრალდებები“, – განაცხადა მირიან ნიკოლაძემ.

19 წლის ფეხბურთელის გიორგი შაქარაშვილის სიკვდილის მიზეზია ასფიქსია წყალში დახრჩობით, ნათქვამია საქართველოს პროკურატურის მიერ დღეს გავრცელებულ განცხადებაში.

თუმცა, სასამართლო-სამედიცინო ექსპერტიზის დასკვნაზე დაყრდნობით საქართველოს გენერალურმა პროკურატურამ მიიღო გადაწყვეტილება გიორგი შაქარაშვილის გარდაცვალების საქმეზე კვალიფიკაციის დაზუსტების შესახებ. კერძოდ, სისხლის სამართლის საქმის უკვე არსებულ კვალიფიკაციას დაემატა 109-ე მუხლის მე-2 ნაწილის „ე“ ქვეპუნქტი – დამამძიმებელ გარემოებებში ჯგუფურად განხორციელებული განზრახ მკვლელობა, და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით.

ექსპერტიზის დასკვნის თანახმად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულის მიდამოებში.

18 ივნისს, გვიან საღამოს მცხეთის რაიონში, ნარეკვავის დასახლებაში არსებულ ერთ-ერთ აგარაკზე, სადაც დაბადების დღის წვეულება აღინიშნებოდა, ახალგაზრდებს შორის დაპირისპირება დაიწყო, რომელსაც გიორგი და მასთან ერთად კიდევ ხუთი ახალგაზრდა გაერიდა. მათ თბილისში წასვლა გადაწყვიტეს. აგარაკზე ფიზიკურ დაპირისპირებაში ჩართულმა რამდენიმე ახალგაზრდამ დასახმარებლად თბილისიდან, კერძოდ, ნაძალადევის რაიონიდან მოიხმო რამდენიმეკაციანი ჯგუფი, რომლებიც თბილისიდან მცხეთის მიმართულებით ორი მანქანით, რკინის ხელკეტებით შეიარაღებული გაეშურნენ.

პროკურატურის მიერ გავრცელებული განცხადების თანახმად, სწორედ ეს პირები წამოეწივნენ თბილისი-ლესელიძე-სენაკის ტრასაზე თბილისისკენ ფეხით მიმავალ გიორგი შაქარაშვილსა და მის თანმხლებ პირებს. გიორგისთან ერთად მყოფი ახალგაზრდების ნაწილს ისინი ფიზიკურად გაუსწორდნენ, ნაწილმა გაქცევა მოახერხა. გიორგის კვალი სწორედ ამ დაპირისპირებისას დაიკარგა.

გიორგი შაქარაშვილის გარდაცვალების საქმეზე გამოძიება ამ დრომდე სამი მუხლით მიმდინარეობდა: თავისუფლების უკანონოდ აღკვეთის, ძალადობის და ჯგუფური ძალადობის ორგანიზების მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული.

გიორგი შაქარაშვილის გაუჩინარების შესახებ ოჯახმა პოლიციას 19 ივნისს, დილით მიმართა. ოთხდღიანი ძებნის შემდეგ, 22 ივნისს ის მდინარე არაგვში გარდაცვლილი იპოვეს.

0