Street Art

ქუჩის მხატვრობა: კრიმინალი თუ ნამდვილი ხელოვნება

1130
(განახლებულია 17:26 02.10.2019)
„სტრიტ–არტი" კარგა ხანია საქართველოში სიახლე აღარ არის, თუმცა მისი დედაქალაქის ქუჩებში გამოჩენის დღიდან არ წყდება პოლემიკა – ამშვენებს თუ ამახინჯებს ქალაქს?..

უფერული კორპუსები და ფასადები ისედაც განაცრისფრებულ ქალაქს კიდევ უფრო ამუქებს. ეს ერთფეროვნება ახალგაზრდების გარკვეული ნაწილისთვის მოსაწყენი ხდება, რის შედეგადაც იბადება ქუჩის მხატვრობის იდეა.   

- მწვანე საღებავი მომაწოდე.

- ეს?

- ხო ეგ.

და მწვანე ფერის ქილა გაუწოდა დაბლა ჩამუხლულმა ახალგაზრდამ თავის მეგობარს.

- ახლა ის, შავი.

- ამასაც შემოვავლოთ საღებავი გარედან და მორჩა.

ამ დიალოგს სალანძღავი სიტყვების კორიანტელიც თან მოჰყვა და უცბად ერთი მამაკაცი დაედევნა საღებავში ამოსვრილ ბიჭებს. ახალგაზრდები უბრალოდ ძველი, დანგრეული კედლის გალამაზებას ცდილობდნენ, საპასუხოდ კი გინება მიიღეს.

ვუყურებდი ამ სცენას და ვერ ვიგებდი, რომელი იყო მათ შორის მართალი. მამაკაცი დაქირავებული დაცვა იყო იქაურობის, თავის საქმეს აკეთებდა. მაგრამ ბიჭებსაც არაფერი ცუდი არ უქნიათ – მათ ხომ ერთ უღიმღამო კედელს ახალი სიცოცხლე აჩუქეს...

მუსია ქებურია
მუსია ქებურიას პირადი არქივი
Street Art

უკვე დიდი ხანია საზოგადოებაც ვერ თანხმდება ქუჩის მხატვრობის არსზე. ზოგისთვის ეს უბრალოდ ვანდალიზმია, ზოგისთვის კი ქუჩის ხელოვნება. რა თქმა უნდა, კედლებზე მიჯღაბნილ უწმაწურ სიტყვებსა თუ უბრალოდ ინიციალებს ხელოვნებას ვერ დავარქმევთ, თუმცა, ჩვენდა სამწუხაროდ, საქართველოს ქალაქებში ასეთი ტიპის ნაწერები ბევრად უფრო მეტია, ვიდრე ფასეული ნახატები. სწორედ ეს უტეხს ქუჩის ხელოვნებას სახელს და სწორედ ამიტომ აქვთ ნამდვილ კედლის მხატვრებს ხულიგნების სახელი ხალხში.

მე თუ მკითხავთ, ქუჩის ხელოვნება ვანდალიზმსა და თვითგამოხატვას შორის დაჭერილი ოქროს შუალედია. არტისტები შეგნებულად იცავენ წონასწორობას თავისუფლებასა და თავგასულობას შორის.

მუსია ქებურია
მუსია ქებურიას პირადი არქივი
Street Art

ჩვეულებრივ საღებავის ქილით აღჭურვილი, შავ ტანსაცმელში გამოწყობილი, სახედაფარული ქუჩის მხატვრისთვის ეს საქმიანობა ძალიან სახიფათოა. ღამის ქურდივით შემოსილი, შებინდებისას გამოდის გარეთ, ერთ დანგრეულ კედელს აფერადებს და მეორე დილით ჩვეულებრივი ადამიანის ცხოვრებას უბრუნდება, ისე, თითქოს არც არაფერი ჩაუდენია. არადა, არ იცის რა მოელის – საყოველთაო აღიარება თუ ფულადი ჯარიმა ან, სულაც, დაპატიმრება.

მიუხედავად იმისა, რომ ქუჩის მხატვრობა ბევრ ქვეყანაში კანონით აკრძალულია, არსებობს ტერმინი „ლეგალური“ და „არალეგალური“ კედლები. ლეგალური ტიპის კედლები არის კედლები, რომლებსაც ქალაქის მერია ან კერძო კომპანია უთმობს კონკრეტულ არტისტებს გასაფორმებლად, საკუთარი ხელმძღვანელობის ქვეშ. არტისტების უმეტესობის აზრით, „ლეგალური“ კედლები არ იძლევა საშუალებას, სრულიად გამოხატონ თავიანთი სათქმელი. შესაბამისად, დაღამებისას მაინც გამოდიან მხატვრები და „მწერლები“ „სამუშაოზე“ და, ყველანაირი ცენზურისგან თავისუფლები, ბოლომდე იხარჯებიან კედლებზე.

მუსია ქებურია
მუსია ქებურიას პირადი არქივი
მუსია ქებურია

ხელოვნების ამ დარგის მიმართ ნეგატიური დამოკიდებულება დღემდე იგრძნობა საქართველოში, მაგრამ ქუჩის მხატვრობა ნელ-ნელა მაინც იკიდებს ფეხს. თუ თქვენ ქალაქში ცხოვრობთ, აუცილებლად შეამჩნევდით ერთფეროვან ფასადებზე თუ გიგანტურ რკინის კონსტრუქციებს შორის გაჩენილ ახალ-ახალ წარწერებსა თუ ნახატებს. ქალაქებში მრავალი ნიჭიერი მხატვარი გამოჩნდა. დღეს ქუჩის მხატვრობას ხშირად იყენებენ მარკეტინკინგისთვისაც. ალბათ შეგიმჩნევიათ თბილისის ქუჩებში დიდ საცხოვრებელ კორპუსზე მიხატული ერთ-ერთი მსხვილი ინტერნეტ-კომპანიის რეკლამა. ასევე თბილისში არის მულტიფუნქციური კულტურული ცენტრი „ფაბრიკა“, სადაც კაფე-ბარებთან ერთად ქუჩის არტისტებისთვის მაღაზია-სახელოსნოებიც არის გახსნილი. 2016 წლიდან დღემდე კი „ფაბრიკის“ ტერიტორიაზე ურბანული ხელოვნების ფესტივალი Fabrikaffiti ტარდება, სადაც ქართველი მხატვრები უცხოელ არტისტებთან ერთად მრავალ საინტერესო ნამუშევარს ქმნიან.

ქუჩის მხატვრობის წარმოშობასთან დაკავშირებით მრავალი მოსაზრება არსებობს. ერთ-ერთი ლეგენდის თანახმად, ქუჩის მხატვრობაში პირველი ძვრები მეორე მსოფლიო ომის დროს მოხდა, როდესაც ერთ-ერთმა მუშამ სახელად კოლროიმ ბომბებით სავსე ყუთებზე „კოლროი იყო აქ“ დააწერა.

შემდეგ გერმანელმა ჯარისკაცებმაც დაიწყეს ამგვარი წარწერების გაკეთება და ნელ-ნელა ამ პირველმა ვირუსულმა გამოვლინებამ მსოფლიო მოიცვა.

დროის გასვლასთან ერთად ქუჩის მხატვრობა ურბანიზმის გამორჩეული სუბკულტურა გახდა. ეს დარგი მრავალ დამწყებ თუ პროფესიონალ მხატვარს აერთიანებს, რომლებსაც თავისი ნამუშევრები ფართო აუდიტორიისთვის გამოაქვთ. ახალგაზრდების ნაწილმა თავის თავზე აიღო ერთფეროვანი ყოველდღიურობის გაფერადება, სხვებისგან განსხვავებით საკუთარი პროტესტი ინტერნეტის იქით გაიტანა და პირდაპირ ქუჩაში ჩვენ ცხვირწინ დაგვიხატა.

ქუჩის მხატვრების ნამუშევრები ხშირად სოციალური თუ პოლიტიკური რეალობის გამოძახილია. სწორედ ამიტომ ქუჩის მხატვრებს ქალაქის მოამბეებს, ხოლო ნახატებს ქალაქის სათქმელს უწოდებენ ხოლმე.

სამწუხაროდ, დღეს საზოგადოების მხოლოდ მცირე ნაწილი უსმენს ქუჩების ხმებს. არადა, რამდენჯერ შევხვედრილვარ კედლებზე სერიოზული დატვირთვის მქონე ნახატს და ფერების გარდა ვერაფერი აღმიქვია – რთულია, როცა სულ სადღაც გეჩქარება. ადამიანებმა დრო უნდა გამოვნახოთ, დავაკვირდეთ ჩვენს ქალაქს, დავაკვირდეთ ქუჩებს და მასზე დატანილ მესიჯებს. იქნებ თქვენც მოგინდეთ ხელში საღებავის აღება და თქვენც თქვენი პროტესტი კედელზე გადაიტანოთ?... იქნებ ყველას გადაედოს ნელ-ნელა პრობლემის გამოხატვის ეს ფორმა და ჩხუბის მაგივრად კედლები ვაფერადოთ ხოლმე, რა იცით...

 

1130
Russia Today

მოსაზრება: დასავლეთი რუსეთის წინააღმდეგ მუშაობას გადაეჩვია

42
(განახლებულია 19:37 10.07.2020)
ლიეტუვამ თავის ტერიტორიაზე RT-ს ხუთი ტელეარხის მაუწყებლობა აკრძალა. ანალოგიური ნაბიჯი ერთი კვირით ადრე ლატვიის ხელისუფლებამ გადადგა. ჯერი ესტონეთზეა, რომლის საგარეო საქმეთა მინისტრი არ გამორიცხავს მსგავსი გადაწყვეტილების მიღებას.

ირინა ალქსნისი

ამ საკითხში ტალინის განსაკუთრებულ პოზიციაზე შანსები არც ისე დიდია: სამი „ბალტიისპირული ვეფხვის“ ტრადიციული ანტირუსული კონსენსუსისა და ასევე იმის გათვალისწინებით, რომ სწორედ ესტონეთის ხელისუფლებამ გამოიჩინა ყველაზე დიდი აქტიურობა და თანმიმდევრულობა რესპუბლიკაში სააგენტო Sputnik-ის საქმიანობისთვის წინაღობების შექმნაში.

თუმცა ყველაზე საინტერესო მთელ ამ ისტორიაში მაინც ვილნიუსის ოფიციალური საფუძველია – რომ RT-ს დმიტრი კისელიოვი აკონტროლებს, რომელზეც დასავლური სანქციები ვრცელდება, და რომ თითქოს ეს გახდა „მისი“ მედიარესურსის წინააღმდეგ ზომების დაწესების მიზეზი.

საქმე ისიც კი არაა, რომ ეს მტკიცებულება სიმართლეს არ შეესაბამება, მნიშვნელოვანი ისაა, რომ ეს ყველაფერი უკვე იყო: ზუსტად ერთი კვირის წინ, როდესაც ლატვიის ეროვნულმა საბჭომ RT-ს მაუწყებლობის აკრძალვა იმით ახსნა, რომ ტელეარხები დმიტრი კისელიოვის „ფაქტიური კონტროლისა და ერთპიროვნული მმართველობის ქვეშაა“. მაშინ მარგარიტა სიმონიანმა და რუსეთის საგარეო საქმეთა სამინისტრომ ლატვიის ოფიციალური სტრუქტურების გაუგონარი არაპროფესიონალიზმი გააკრიტიკეს, რომლებმაც თავისი გადაწყვეტილება ღია ბოდვით განმარტეს.

იმ მომენტში ჯერ კიდევ შეიძლებოდა მომხდარი კონკრეტული შემსრულებლების შეცდომით ან რაღაც შემთხვევითობით ახსნილიყო: ბოლოს და ბოლოს დილეტანტებისგან არც ერთი სისტემა არ არის დაზღვეული. სახელმწიფოსთვის კი უკან დახევა მსგავს სიტუაციაში კარგი ტონი არ არის, მაშინაც კი, თუ ჩინოვნიკები აშკარად დააღალატებენ.

მაგრამ ლიეტუვაში ვითარების ერთი ერთში გამეორება აშკარად მიუთითებს, რომ არანაირი შემთხვევითობა და შეცდომა არ ყოფილა. ეს ყველაფერი ლატვიისა და ლიეტუვის ხელისუფლებების გაცნობიერებული პოზიციაა.

გასაგებია, რომ RT-ს მაუწყებლობის აკრძალვა პოლიტიკური გადაწყვეტილებაა, მაგრამ ნუთუ არ შეიძლებოდა ამის იურიდიულად უფრო „წმინდა“ მოტივით ახსნა? რა თქმა უნდა, შეიძლება. მაგრამ ამისთვის პასუხისმგებელ უწყებებს დაძაბვა და დიდი ძალისხმევის გამოჩენა დასჭირდებოდათ, რათა კანონმდებლობაში ხვრელები ეპოვათ.

ოდესღაც სწორედ ეს თავისებურება — იურიდიული დახვეწილობა იყო ერთ-ერთი უმნიშვნელოვანესი კოზირი დასავლური დემოკრატიისთვის. ეს მეტად მომგებიანად გამოიყურებოდა სხვა პოლიტიკური სისტემების ფონზე, რომლებსაც არ ახასიათებდათ ფორმალური პროცედურების დაცვაზე ბევრი ფიქრი.

მაგრამ მას შემდეგ ბევრმა წყალმა ჩაიარა. RT-ს მაუწყებლობის აკრძალვის საკითხში ბალტიისპირეთის რესპუბლიკები იმ გზით წავიდნენ, რომელიც ბოლო წლებში კარგად გათელეს სულ სხვა და თანაც უფრო მძლავრმა დერჟავებმა.

ამერიკელებისთვის უცნობი ფხვნილით სავსე სინჯარის ქნევამ რეალურად არსებული გარემოებების ძებნა ჩაანაცვლა, რითიც შეიძლებოდა აეხსნათ საერთაშორისო საზოგადოებისთვის ერაყში შეჭრა.  

ბრიტანელებმა გრანდიოზული შოუ მოაწყვეს სკრიპალების მოწამვლის ირგვლივ — და ისინი იოტისოდენ უხერხულობასაც კი არ გრძნობენ ამ სამეში არსებული „ხვრელების“ გამო.

ნიდერლანდები, რომელმაც მართლმსაჯულება ეროვნულ ბრენდად აქცია, ისეთ სამართლებრივ კულბიტებს აწყობს МН17-ის საქმეზე, რომ გაკვირვებაც კი შეუძლებელი ხდება.

ასეთი მაგალითები მრავლადაა არა მარტო რუსეთის, არამედ ჩინეთის, ირანის, ვენესუელისა და სხვა ქვეყნების წინააღმდეგ. იმდენად მრავლად, რომ იშვიათი შემთხვევებიდან უკვე ჩვეულებრივ ამბად გადაიქცა. ამგვარ ფონზე ლიეტუვისა და ლატვიის ხელისუფლებების პოზიცია RT-ს მაუწყებლობის აკრძალვაზე აბსოლუტურად ორგანულად გამოიყურება: რა საჭიროა დაძაბვა, თუ ამის გაკეთება აშკარა სისულელის ოფიციალურ პოზიციად გასაღებით შეიძლება?

ამაში თავისებური ლოგიკაც კი არის: ანტირუსულად განწყობილი აუდიტორია თავისუფლად მიიღებს განმარტებას „კისელიოვის შესახებ, რომელიც RT-ს აკონტროლებს“.

თავდაპირველად ეს მიდგომა დასავლეთის საინფორმაციო, პოლიტიკურმა, იდეოლოგიურმა და მორალურმა მონოპოლიამ გააჩინა. სწორედ ამის გამო შეწყვიტა მან გამოწვლილვით და მაღალპროფესიულად დაემუშავებინა თავისი პოლიტიკა. შედეგად, თავადაც რომ ვერ შენიშნა, ისე გაუსხლტა ხელიდან ეს მონოპოლია, მათ შორის, კომპეტენციის დაკარგვისა და ასევე მოდუნებული თავდაჯერებულობის გამო.

ახლა კი იგივე ძალები ვერანაირ აზრს ვეღარ ხედავენ ხარისხიანად და კვალიფიციურად მუშაობაში უკვე იმის გამო, რომ მომხრეებს ეს არ სჭირდებათ, ხოლო მოწინააღმდეგებს მაინც ვერ დაარწმუნებ.

გასაოცრად აქ შეიძლება ჩაითვალოს ის, რომ ისინი სეიოზულად ფიქრობენ, თითქოს მსგავსი არაპროფესიონალური მიდგომა მათ იდეოლოგიურ და გეოპოლიტიკურ გამარჯვებას მოუტანს რუსეთზე.

რედაქცია შესაძლოა არ ეთანხმებოდეს ავტორის მოსაზრებებს

 

42
თხევადი გაზის გადამზიდი ტანკერი

მიმოხილვა: ევროპა და აზია ამერიკულ გაზზე უარს ამბობენ

103
(განახლებულია 19:10 09.07.2020)
ევროპასა და აზიაში ცისფერი აირის ფასები მრავალწლიან მინიმუმამდეა დაცემული. აშშ-ის ენერგეტიკის სამინისტროშიც კი აღიარეს, რომ ამერიკული გათხევადებული ბუნებრივი აირის შეძენას არანაირი აზრი არ აქვს.

ნატალია დემბინსკაია

კლიენტებმა ზაფხულში დაგეგმილ ასზე მეტ მიწოდებაზე თქვეს უარი. შედეგად – ექსპორტი თითქმის 63,6%-მდე დაეცა. რატომ არ სჭირდება არავის ოკეანისგაღმური გაზი?

ფასები დაეცა

გასულ წელს აშშ-ში ბუნებრივი გაზის ნეტო–ექსპორტმა 54,7 მლრდ კუბომეტრს მიაღწია — 20,7 მილიარდით მეტს, ვიდრე 2018 წელს. გათხევადებული ბუნებრივი აირის უმსხვილესი მწარმოებლის Cheniere Energy-ს მონაცემებით, პირველ კვარტალში მსოფლიო გაყიდვების მოცულობამ 100 მლ ტონას მიაღწია — 10 მილიონით მეტს, ვიდრე 2019 წელს. ზრდა ძირითადად ამერიკელებმა უზრუნველყვეს.

გეგმები ამბიციური იყო: 2020 წელს 67,2 მლრდ კუბომეტრი, 2021 წელს კი — 79,5 მლრდ. ეს მაჩვენებლები იანვარში აშშ-ის ენერგეტიკის სამინისტროს ინფორმაციის სამმართველომ (EIA) გაახმოვანა. მაგრამ უკვე ნათელია, რომ ეს არ მოხდება.

თბილი ზამთრისა და კორონავირუსის პანდემიის გამო ევროპასა და აზიაში გაზის ბაზრები ჩამოიშალა. მაგალითად, ჰოლანდიურ ჰაბ TTF-ზე ფასები პირველად ოთხი თვის განმავლობაში ორჯერ დაეცა გასული წლის ანალოგიურ პერიოდთან შედარებით, ხოლო სპოტური მიწოდებები იაპონიაში 44%-ით შემცირდა.

უკვე აპრილში ამერიკული თხევადი გაზის ექსპორტი ევროპაში ეკონომიკურად მიზანშეუწონელი გახდა. მსხვილმა ევროპულმა და აზიურმა კომპანიებმა ივნისი–ივლისის კონტრაქტები გააუქმეს.

Bloomberg-ის მონაცემებით, აშშ-ში თხევადი გაზის ქარხნების განტვირთვა აპრილში თითქმის 30%-ით შემცირდა, მაისში ექსპორტმა მესამედზე მეტით დაიკლო, მათ შორის, კორონავირუსული შეზღუდვების გამოც.

ეკონომიკურად არასიცოცხლისუნარიანი

აშშ-ის ენერგეტიკის სამინისტროს ენერგეტიკული ინფორმაციის სამმართველოს ივნისის პროგნოზი მეტად პესიმისტურია. ევროპელმა და აზიელმა კლიენტებმა უარი თქვეს თხევადი გაზის 110 პარტიაზე. გაზის მიწოდება ამერიკულ საზღვაო ტერმინალებზე მარტის შემდეგ ორჯერ შემცირდა.

„დაბალმა სპოტურმა ფასებმა ბუნებრივ აირსა და გათხევადებულ გაზზე ევროპასა და აზიაში შეასუსტა აშშ-დან ექსპორტის სიცოცხლისუნარიანობა, რომელიც მეტად მგრძნობიარეა ფასების მიმართ“, — აცხადებენ EIA-ს ანალიტიკოსები.

მათი შეფასებით, ივნისში აშშ-დან ევროპასა და აზიაში საშუალოდ 101 მლნ კუბომეტრია გაგზავნილი დღე-ღამეში, ხოლო ივლისსა და აგვისტოში 62 მლნ იქნება. ეს კი საექსპორტო პოტენციალის 25%-ზე მეტი არ არის.

განაგრძობს დაცემას

დადასტურდა ექსპერტების გაფრთხილება იმასთან დაკავშირებით, რომ კლიენტები ოკეანისგაღმურ გაზზე უარს მინიმუმ ზაფხულის ბოლომდე იტყვიან: აშშ-ში ფიუჩერსული ფასები ევროპულს სექტემბრამდე აჭარბებს.

„ვინაიდან ფასობრივი უპირატესობა პრაქტიკულად გაქრა, ამერიკულ მიწოდებებზე უარის თქმა მხოლოდ დროის ამბავი იყო“, — განაცხადა აშშ-ის სტრატეგიული და საერთაშორისო კვლევების ცენტრის ექსპერტმა ნიკოს ცაფოსმა.

როგორც ეროვნული ენერგეტიკული უსაფრთხოების ფონდის წამყვანი ანალიტიკოსი იგორ იუშკოვი განმარტავს, ახლა მყიდველები მზად არიან გადაიხადონ ამერიკულ გათხევადებულ გაზში იმდენი, რამდენიც გათხევადებისა და ტრანსპორტირების საოპერაციო ხარჯებსაც კი ვერ დაფარავს. მთავარი დაზარალებული — პირველი და უმსხვილესი ამერიკული ტერმინალი Sabine Pass-ია: ქარხანა 2016 წლიდან მხოლოდ წაგებაზე მუშაობს.

ენერგეტიკის სამინისტროს ინფორმაციით, აშშ-დან გათხევადებული აირის ექსპორტმა 2020 წლის პირველ ოთხ თვეში საშუალოდ 218 მლნ კუბომეტრი შეადგინა დღე-ღამეში, მაგრამ 17%-ით დაეცა აპრილიდან მაისამდე პერიოდში. EIA-ში ელოდებიან, რომ მიწოდებები სექტემბერში დაიწყებს ზრდას, ვინაიდან მსოფლიო მოთხოვნა ბუნებრივ აირზე თანდათანობით აღდგება.

ჭარბი გაზი

მაგრამ უმსხილესი საინვესტიციო ბანკები ასე ოპტიმისტურად არ არიან განწყობილი. როგორც ანალიტიკოსები განმარტავენ, მსოფლიოში საწვავის უზარმაზარი მარაგი დაგროვდა. გათხევადებული ბუნებრივი აირის საერთაშორისო ვაჭრობა ჩამოიშალა, გადაიკეტა რა მნიშვნელოვანი არხები ამერიკელი მეფიქალეებისთვის. ხოლო რამდენადაც ნავთობი ისევ გაძვირდა ერთ ბარელზე 40 დოლარამდე, მენავთობეებმა მოპოვება განაახლეს და გვერდითი პროდუქტის სახით ბაზარზე ბევრ იაფ გაზს უშვებენ.

ევროპაში ფასების ვარდნის გამო ამერიკულ თხევად გაზზე მოთხოვნა აღარ არის. ახლა საზღვარგარეთ გაყიდვის ნაცვლად მას რეზერვუარებსა და საცავებში ქაჩავენ.

Goldman Sachs-ის დათვლით, ექსპორტის გაუქმების გამო ამერიკული მარაგები 21,52 მლრდ კუბომეტრით გაიზრდება. ერთი წლის წინ დაფიქსირებული დონე უკვე თითქმის მესამედითაა გაზრდილი, ხოლო ბოლო ხუთი წლის საშუალო მაჩვენებელს 18%-ით აღემატება. ოქტომბრისთვის ქვეყნის შესაძლებლობები გაზის შენახვასთან დაკავშირებით შესაძლოა ამოიწუროს, რაც გათხევადებული აირის მოპოვებასა და წარმოებას რეკორდულად შეამცირებს.

რედაქცია შესაძლოა არ ეთანხმებოდეს ავტორის მოსაზრებებს

103
სავსე მთვარე

მთვარის კალენდარი: 11 ივლისი რისი გაკეთება შეიძლება და რისი არა

0
(განახლებულია 11:46 09.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

11 ივლისი, შაბათი. ამ დღეს სატურნი მართავს. კლებადი მთვარე ვერძის ნიშანშია.

ესაა გულწრფელობის, სულიერი გარდასახვის, ეჭვების გადალახვის დღე. შესაძლებელია შინაგანი გარდასახვა. სასურველია თანამოაზრეების გვერდში ყოლა.

ამ დღეს ადამიანები კომუნიკაბელური და გულგახსნილი არიან. ნაყოფიერი მუშაობის შემთხვევაში შეიძლება გაჩნდეს კარიერული წინსვლის შესაძლებლობა.

რეკომენდებულია გუნდური მუშაობა, ფინანსური საკითხების გადაწყვეტა, მნიშვნელოვანი გადაწყვეტილებების მიღება, ახალი ნაცნობობა, ახალი საქმეების დაწყება, ლიდერის თვისებების გამოვლენა.

არასასურველია შურისა და არაკეთილმოსურნეობის გამოჩენა, ვინმეზე ან რამე ვითარებაზე აყოლა, პასიურობა.

  • თმის შეჭრა, შეღებვა: ვერძის ნიშნის დროს სჯობს, თავი შეიკავოთ თმის შეჭრის ან შეღებვისგან. ნებისმიერ ქიმიურ პრეპარატს ამ დღეს უარყოფითი ზემოქმედება შეუძლია მოახდინოს იმუნიტეტზე.

კლებადი მთვარის დროს ხელსაყრელია ზედმეტი თმის მოშორება, სახის გაწმენდა.

თმის ვარცხნილობა ზოდიაქოს ნიშნისა და მთვარის კალენდრის მიხედვით>>

ფრჩხილების მოვლისთვის ნეიტრალური დღეა.

სახის ნიღბების სახით გამოიყენეთ მხოლოდ ნატურალური საშუალებები.

  • მებაღეობა: ამ დღეს სასურველია ბაღში მცენარის მიწისზედა ნაწილებთან მუშაობა, რადგან ქვედა ნაწილზე იზრდება ზეწოლა, მცენარის წვენი ფესვებისკენ მიდის. მცენარეები ამ დროს ისვენებენ და ცუდად იზრდებიან.

მთვარის კალენდარი მებაღეებისთვის: 2020 წლის ივლისი>>

არაა რეკომენდებული დათესვა და დამუშავება, მაგრამ შეიძლება მარწყვის პწკალების ჩარგვა, დაავადებებისგან დამუშავება, მწვანილის დათესვა, მშრალი სასუქის მიცემა.

0