პირიქითა ხევსურეთი

სამძიმარ-ხელი, ყელღილიანი - ხევსურთა ღვთაება და ხახმატის ჯვრის მოდე

295

ძველ ქართულ მითოლოგიაში უმთავრესად ორი დაპირისპირებული მხარეა: დევები და ხთისშვილები, ანუ ბოროტი და კეთილი. ბუნებრივია, ამათ გარდა არიან სხვებიც — ჩვეულებრივი მოკვდავები, ქაჯები, ჭინკები და ა.შ. ესენი ძირითადად დამხმარე პერსონაჟებად უფრო გვევლინებიან.

თუმცა ქართულ მითოლოგიაში გვხვდებიან „დობილები“, ანუ ხევსურულად მოდეები, რომელთაც საკმაო გავლენა გააჩნდათ. ანდრეზებში ყველა ხატს თავისი დობილი ჰყავს. ხალხის თქმით, მას „ელჩობა მაუდიოდა“, ანუ გარკვეულწილად  მფარველობდა ადამიანებს. 

დობილთაგან ყველაზე სიცოცხლისუნარიანი სამძიმარი აღმოჩნდა. მის სახელს ბევრი ლეგენდა უკავშირდება. დანარჩენი დობილებისა კი მხოლოდ სახელებიღა შემორჩა ხალხის ხსოვნას. სამძიმარი, ან სამძივარი ხახმატის გიორგიმ ქაჯეთიდან გამოიტაცა სხვა ექვს ულამაზეს ქალ−ქაჯთან ერთად. სამძიმარი გიორგი ნაღვარმშვენიერის დობილი, ანუ მოდეა. თუ ხატი თავის საყმოზე განრისხდებოდა, საყმოს ინტერესებს მასთან სამძიმარი იცავდა და შუამდგომლობდა ხალხს, რომ გიორგის გული მოლბობოდა. სამძიმარი იმდენად მნიშვნელოვანი იყო, რომ უტოლდებოდა თავის მოძმე ჯვარს.

ხახმატის ჯვარში ძირითადად ორ სალოცავს სცემენ თაყვანს: ერთი იყო გიორგი ნაღვარმშვენიერი, მეორე — სამძიმარ-ხელი ყელღილიანი. სამძიმარი განაწყენებულ ჯვარს ევედრებოდა ადამიანის საკეთილდღეოდ და არ მოეშვებოდა, სანამ გულს არ მოულბობდა. ანუ დედა-ქალღმერთივით მფარველობდა ადამიანებს. მიუხედავად იმისა, რომ სამძიმარი ქაჯავეთიდან იყო მოყვანილი, მას ხალხი „ღვთის ნასახად" მოიხსენიებდა. რაც შეეხება მის სახელს — სამძიმარ-ხელი ყელღილიანი, გადმოცემით, სამძიმარს „დიდ ყელსაბედ სდებივ“. ამ ყელსაბამს უკავშირებს ზოგი მეცნიერი ქალღმერთის სახელწოდებასაც — სამძივარი, ანუ მძივის მფლობელი. სამძიმარს ტანი მზესავით ულაპლაპებს, ვისაც ის დაუახლოვდებოდა, ყისმათიან-იღბლიანი ხდებოდა. მას რამდენიმე მუდმივი ეპითეტი აქვს: ხელი (ხევსურები ხელს ეძახიან მხიარულ, თამამ და ლამაზ ქალს), ყელღილიანი და ქაჯის ქალი. ის მიმზიდველი არსებაა, უყვარს სამკაულების ტარება, კოპწიაობა, ხალხური ლექსი ასე გვაცნობს სამძიმარს: 

„მე ვარ ხელსამძიმარიო,

მე ვარ ქაჯის ქალიო,

ვაჟიერებ ჩემ ღილ-ქამარსაო,

ოქროსთმიანი და ოქროსქოშებიანიო,

მაშინ ძლივ მქონდა შაძლებაიო,

ვიარებოდი ქალივითაო,

ნაოჭიანი ჩავიცვიდიო,

ქოქომონ გავაბრიალნიდიო“.

სამძიმარი შეიძლება უბრალო მოკვდავს ძილში გამოეცხადოს. ზოგჯერ მოკვდავი ქალის სახეს იღებს და მამაკაცს თავს აყვარებს, შემდეგ კი პატარძლად შედის ოჯახში და დოვლათი და იღბალი შეაქვს. როდესაც გაირკვევა, რომ იგი მოკვდავი ქალი არ არის, სამძიმარი ტოვებს სახლს. იგი ყოველთვის სატრფიალოდ არის განწყობილი და საცოლე ჭაბუკებს თავბრუს ახვევს.

ანდრეზებში, სამძიმარის მიჯნურთა მთელი წყება სახელდება. ამ სასიყვარულო კავშირებით სამძიმარი თავის პარტნიორებს საფრთხეს არ უქმნის, მაგრამ მასთან სექსის შემდეგ ვაჟებს სხვა ქალზე ქორწინება სამუდამოდ ეკრძალებათ. სამძივარი პარტნიორთა სიმრავლეს საამაყოდ მიიჩნევდა. ის თვითონ ეტანებოდა მამაკაცებს, რასაც ხმამაღლა აცხადებდა: 

„აბულეთაურთ საღირასაო

საცოლედ ვეწონებოდიო,

ჩავეხვივიდი−ჩავუწვიდიო,

ძუძუ-მკერდს გამავიხვიდიო“.

გარეგნობის შეცვლა სამძიმარის ერთ-ერთი თვისებაა. იგი სხვა ქალის სახითაც ეცხადებოდა სატრფოებს, რომლებმაც არც კი იცოდნენ, რომ ქალ-ღვთაებასთან ჰქონდათ უერთიერთობა. ამით ის იცავდა თავისი სასიყვარულო კავშირის საიდუმლოს. მაგრამ როგორც კი გამჟღავდნებოდა მისი ზებუნებრივი წარმომავლობა, მაშინვე ტოვებდა იქაურობას.

სამძიმარის ერთი შეხებაც კი ამრავლებს პროდუქტს, რაც მის ნაყოფიერების უნარზე მეტყველებს. რძის პროდუქტების უბარაქობისა და საქონლის ზარალის შემთხვევაში, ხევსური ქალები სამძიმარს ევედრებოდნენ. ქაჯავეთიდან ნადავლად წამოყვანილ საქონელსაც სამძიმარი და მისი დობილები მწყემსავდნენ. სამძიმარს ევედრებოდნენ უშვილო ქალები და მექორწილენიც. მისთვის ამზადებდნენ საგანგებო პურებს, ვინაიდან იგი ბედის გამრიგეც იყო. შეიძლება ითქვას, რომ სამძიმარი ბევრი ნიშნით ენათესავება კოლხურ მითოლოგიაში გავრცელებულ დალის ღვთაებას.

დობილები, ანუ მოდეები ბოლომდე სიკეთის განსახიერებებიც არ ყოფილან, გაბრაზებაც შეეძლოთ და ზოგჯერ კაცთა მოდგმას უბედურებასაც შეჰყრიდნენ. ხევისბერები მოდეებს ასე ახასიათებდნენ:

„ ციხე-კარის ანგელოზნი, მოლაშქრე და-დობილნი, თუ ჯვრის წინაშე ყმებს ექნებათ უწმინდურება და არ ასრულებენ ჯვართ შემონათვალს, მაშინ და-დობილნი გაუჩენენ სახადს, წითელას, მიუსევენ მებალინჯეთ. ეს შეიძლება სიკვდილითაც დამთავრდეს“.

ასეთი გახლდათ ჩვენი წინაპრების თვალით დანახული ქალი ღვთაება, რომელზე ლეგენდებიც ხალხური ლექსების სახით არის შემორჩენილი. როგორც მოგახსენეთ, მეცნიერთა და მკვლევართა აზრით სამძივარი თავისი არსით კოლხურ დალის წააგავს. ჩემი მომდევნო წერილის თემაც ეს იქნება.

295
თემები:
იცით თუ არა, რომ... (397)
 С-400 „ტრიუმფი“

მიმოხილვა: ჰაერსაწინააღმდეგო თავდაცვის რუსულ სისტემებს მეოთხე ქვეყანა იძენს

471
(განახლებულია 11:57 16.01.2021)
ჩინეთის, თურქეთისა და ინდოეთის შემდეგ სისტემა С-400-ის საზენიტო-სარაკეტო სისტემების შეძენას რუსეთისგან ბელარუსი აპირებს. შეძენის პროცესში არიან ერაყი, კატარი და მაროკო.

ბელარუსის სამხედრო-საჰაერო ძალების სარდალმა გენერალ-მაიორმა იგორ გოლუბმა 14 იანვარს განაცხადა, რომ ქვეყნის ჰაერსაწინააღმდეგო თავდაცვის ქვედანაყოფები უახლესი С-400 „ტრიუმფით“ გადაიარაღდება, რომლებიც სპეციალურად შემუშავდა აშშ-ის მეხუთე თაობის გამანადგურებლების, F-22-ისა და F-35-ის საბრძოლო შესაძლებლობების გათვალისწინებით (ნატო ევროპაში ასობით F-35-ის განთავსებას გეგმავს).

გარდა ამისა, ჯარებში მიმდინარეობს საზენიტო-სარაკეტო კომპლექს „პანცირ-C-ის“ ათვისებაზე პრეკონტრაქტული მუშაობა. გაფორმებულია კონტრაქტები მრავალმიზნობრივი მოიერიშე ვერტმფრენ МИ-35-ისა და გამანადგურებელ СУ-30СМ-ის მიწოდებაზე. ბელარუსის ჯარები 2021 წელს შეიარაღებაში მიიღებს ახალ რადარებსაც. დასავლეთის სანქციებისა და ეკონომიკური პრობლემების გამო ბელარუსისთვის რუსეთი იარაღის უალტერნატივო მიმწოდებელია.

ოპტიმისტური დინამიკა

რუსეთთან აქტიური სამხედრო-ტექნიკური თანამშრომლობის წყალობით, მსოფლიოს ორმოცდაათი ქვეყანა, მათ შორის დსთ-ს წევრები, საკუთარ უსაფრთხოებასა და სუვერენიტეტს იცავენ. უცხოელი სპეციალისტები თავდაცვის უნარიანობისთვის უფრო მეტად ეფექტურ ინსტრუმენტებად რუსული წარმოების საბრძოლო თვითმფრინავებსა და ჰაერსაწინაარმდეგო თავდაცვის სისტემებს მიიჩნევენ.

ჩინეთი С-400 „ტრიუმფის“ პირველი უცხოელი დამკვეთი იყო. რუსეთ-ჩინეთის კონტრაქტის შესახებმ რომელიც ორი С-400-ის ორი საპოლკო კომპლექტის შეძენას ეხებოდა, 2014 წლის ნოემბერში გახდა ცნობილი.

ერთი კომპლექტის შემადგენლობაში შედის მობილური საკომანდო პუნქტი, გამშვები დანადგარების ორი დივიზიონი, რადიოლოკაციური სადგურები და 120-ზე მეტი ორი ტიპის უახლესი მართვადი რაკეტა.

ჩინელმა სპეციალისტებმა „ტრიუმფებიდან“ პირველი წარმატებული სროლები 2018 წლის დეკემბერში ჩაატარა და დაახლოებით 250 კმ მანძილზე ბალისტიკური სამიზნე დააზიანა, რომელიც წამში 3000 კმ სიჩქარით მიფრინავდა.

С-400-ის სისტემის მეორე საპოლკო კომპლექტი ჩინეთმა 2019 წლის დეკემბერში მიიღო. რუსული „ტრიუმფების“ ძირითად უპირატესობად ჩინეთში მოქმედების 400 კმ მანძილი (რისი უნარიც მსოფლიოში „მიწა-ჰაერის“ სისტემის არცერთ სარაკეტო სისტემას არ აქვს), მოწინააღმდეგის შორი რადიოლოკაციური აღმოჩენის თვითმფრინავების განადგურებისა და შორი დისტანციიდან შპიონაჟის უნარი მიაჩნიათ. С-400-ის სისტემები ჩინეთს ქვეყნის სადავო და პერიფერიული რაიონების საიმედოდ გაკონტროლების საშუალებას აძლევს.

რუსეთი და თურქეთი С-400 „ტრიუმფის“ მიწოდებაზე 2017 წელს შეთანხმდნენ. კონტრაქტის ფასი 2,5 მლრდ დოლარია. ამან სერიოზული კრიზისი გამოიწვია ამერიკა-თურქეთის ურთიერთობებში. ვაშინგტონი, ემუქრებოდა რა თურქეთს სანქციებითა და ამერიკული გამანადგურებლების, F-35-ის პროგრამიდან ამოღებით, ანკარისგან შეთანხმებაზე უარის თქმასა და მხოლოდ ამერიკული Patriot-ების შეძენას მოითხოვდა. ანკარამ არ შეასრუ;ა აშშ-ის ულტიმატური მოთხოვნა და 2019 წლის ზაფხულში С-400-ების ოთხი დივიზიონი მიიღო (პირველი კომპლექტი). თურქეთი მეორე კომპლექტის შეძენასაც აპირებს ქვეყანაში მნიშვნელოვანი ობიექტებისთვის საიმედო ჰაერსაწინააღმდეგო თავდაცვისთვის შესაქმნელად. ანკარის მახლობლად განთავსებულმა სისტემა С-400-მა გამოცდის დროს 600 კმ დაშორებით აღმოაჩინა გამანადგურებელი F-16 Fighting Falcon-ი. თურქეთისთვის С-400-ის მეორე კომპლექტის მიწოდებაზე პრინციპული შეთანხმება 2020 წლის ივნისში შედგა.

ინდოეთმა 5,43 მლრდ დოლარის ღირებულების კონტრაქტი С-400-ს ხუთი საპოლკო კომპლექტის მიწოდებაზე 2018 წლის ოქტომბერში გააფორმა. გამოცემა The Times of India-ს ინფორმაციით, რუსული „ტრიუნფები“ ინდოეთის დასავლეთ, ჩრდილოეთ და აღმოსავლეთ რეგიონებში განთავსდება - ჩინეტისა და პაკისტანის მხრიდან საფრთხეების სპექტრის გათვალისწინებით. სისტემის საბრძოლო გამოყენების შესასწავლად ასი ინდოელი სპეციალისტი რუსეთში 2021 წლის იანვრის ბოლომდე ჩავა. „ტრიუმფის“ პირველი საპოლკო კომპლექტის შეიარაღებაში მიღებას ინდოეთი 2021 წლის ბოლომდე გეგმავს. რუსეთი ხუთივე კომპლექტის მიწოდებას 2025 წლამდე აპირებს.

ტრიუმფალური პერსპექტივები

„ტრიუმფის“ შეძენასთან დაკავშირებით მოლაპარაკებებს აწარმოებენ: მაროკო, კატარი, ერაყი. მანამდე დაინტერესება გამოხატეს ალჟირმა, ვიეტნამმა, ეგვიპტემ, საუდის არაბეთმა და სხვა ქვეყნებმა. მიუხედავად იმისა, რომ დონალდ გტრამპის მიერ 2017 წელს ხელმოწერილი კანონის თანახმად ამ სახელმწიფოების წინააღმდეგ სანქციების დაწესებაა შესაძლებელი, უცხოური მოთხოვნა ექსპორტიორის შეთავაზებებს აჭარბებს.

„ტრიუმფის“ მნიშვნელოვანი უპირატესობებია რადიოლოკაციური სადგურის წრიული ხედვა და რაკეტების ოთხი ტიპის გამოყენების მოქნილობა. სხვადასხვა ტიპის რაკეტების გამოყენება ჰიპერბგერითი სამიზნეების, საბრძოლო ავიაციის, დრონების, ფრთოსანი, ტაქტიკური და ბალისტიკური რაკეტების ეფექტურად განადგურების საშუალებას იძლევა 5-დან 30 მეტრამდე სიმაღლისა და 400-დან ორი ათას კმ-მდე სიშორის დიაპაზონში. „ტრიუმფის“ ერთ ბატარეას შეუძლია 72 დამიზნებული რაკეტა ჰქონდეს და ერთდროულად დაცხრილოს წამში 4800 მ სიჩქარით მოძრავი 36 სამიზნე. С-400-ს შეუძლია სხვადასხვა ტიპის საზენიტო-სარაკეტო კომპლექსის ინტეგრირება და რადიოლოკაციური ბრძოლის ნებისმიერ პირობებში სხვადასხვა სიშორის ჰაერსაწინააღმდეგო თავდაცვის საშუალებების ქსელის მართვა.

ამასთან, 2021 წელს რუსული არმია რევოლუციურ სისტემა С-500-საც მიიღებს, რომელსაც 200 კმ-მდე სიმაღლეზე ბრძოლის უნარი ექნება. ასე რომ, დროა, რუსეთის პარტნიორებმა ახალი რიგი დაიკავონ.

რედაქცია შესაძლოა არ ეთანხმებოდეს ავტორის მოსაზრებებს!

471
კრეისერი „ადმირალი ნახიმოვი“

მიმოხილვა: რუსეთის ფლოტი ფლაგმანს შეცვლის

573
(განახლებულია 09:53 16.01.2021)
მძიმე სარაკეტო ატომური კრეისერი „ადმირალი ნახიმოვი“ (პროექტი 1144 „ორლანი“) რუსეთის სამხედრო-საზღვაო ფლოტში ფლაგმან „პეტრე დიდს“ ჩაანაცვლებს.

ანდრეი კოცი

ახალი რაკეტები, თანამედროვე საბორტე აღჭურვილობა, უნიკალური საბრძოლო შესაძლებლობები - სავარაუდოდ ეს 2022 წელს მოხდება. 

პირველი რანგი

პროექტ 1144 „ორლანის“ კრეისერები ავიამზიდების შემდეგ უდიდესი ხომალდებია მსოფლიოში. წყალწყვა — 25,8 ათასი ტონა, სიგრძე — 250 მეტრი, სიგანე — 28,5 მეტრი, ეკიპაჟი — 760 კაცი.

რუსეთს ამ ტიპის ორი ვიმპელი ჰყავს — „პეტრე დიდი“, რომელიც ჩრდილოეთის ფლოტის შემადგენლობაშია, თუმცა მოდერნიზაციაზე წავა, როგორც კი „ნახიმოვი“ მწყობრში შევა. ორივე კბილებამდე შეიარაღებული საზღვაო პლატფორმაა, რომლებსაც ნებისმიერი სამიზნის განადგურება შეუძლიათ. სტანდარტული კომპლექტი: 20 გამშვები დანადგარი გემსაწინააღმდეგო რაკეტა П-700 „გრანიტისთის“, საზენიტო-სარაკეტო კომპლექსები „ოსა-М“, „კინჟალი“ და С-300Ф „ფორტი“, ნავსაწინააღმდეგო რაკეტო-ტორპედოები „მეტელი“ და „ვოდოპადი“, რეაქტიული ბომბმტყორცნები და ავტომატური ორლულიანი ქვემეხი АК-130.

ატომური ენერგეტიკული დანადგარი, ავტონომიურობა — ორი თვე, სიჩქარე — 31 კვანძი. სვლის სიშორე — პრაქტიკულად შეუზღუდავი. კრეისერებს უკიდურესი ჩრდილოეთის პირობებში შეუძლიათ მუშაობა და აქვთ უნარი, უზრუნველყონ რუსეთის ყოფნა არქტიკის რეგიონში, რომელსაც ბევრი ანალიტიკოსი ახლო მომავალში ბუნებრივი რესურსებისთვის პოტენციურ ბრძოლის ველად მიიჩნევენ.

მაგრამ ყველა ხომალდი თანდათან ბერდება. თუ 80-იანების ბოლოსა და 90-იანების დასაწყისში „ორლანებს“ ნებისმიერი მოწინააღმდეგისთვის შეეძლოთ წინააღმდეგობის გაწევა, ახლა ვითარება შეიცვალა. და რადგან პირველი რანგის დიდი სამხედრო ხომალდების მშენებლობასთან დაკავშირებით რუსეთში ჯერჯერობით პრობლემებია, თავდაცვის სამინისტრომ უკვე არსებულების მოდერნიზაცია გადაწყვიტა.

ჰაერსაწინააღმდეგო თავდაცვის პლატფორმა

„ადმირალი ნახიმოვი“ რემონტზე ჯერ კიდევ 1999 წელს გაუშვეს, მაგრამ ფაქტობრივი სამუშოები კრეისერზე მხოლოდ 2013 წელს დაიწყო, როდესაც თავდაცვისკენ, როგორც იქნა, სერიოზული ფული წავიდა. 2015 წელს საწარმო „სევმაშში“ ხომალდს ძველი აღჭურვილობა მოხსნეს და კორპუსის დეფექტები გამოავლინეს. მოდერნიზაციის დასრულება 2018 წლისთვის იგეგმებოდა, მაგრამ ვადამ არაერთხელ გადაიწია. რემონტში კორექტივები შეჰქონდათ, საბორტე აღჭურვილობასა და შეიარაღებაში სულ უფრო მეტი სიახლე შედიოდა.

გასული წლის მაისში თავდაცვის მინისტრის მოადგილე ალექსეი კრივორუჩკომ განაცხადა, რომ მძიმე კრეისერი ერთ-ერთი პირველი მიიღებდა ჰიპერბგერით რაკეტა „ცირკონებს“.

„ორლანები“ ყოველთვის გამოირჩეოდნენ ჰაერსაწინაარმდეგო თავდაცვის მძლავრი სახომალდე სისტემით. მოდერნიზაციამდე „ნახიმოვს“ С-300Ф „ფორტი“ ჰქონდა, ახლა კი ის უფრო სრულყოფილი С-400-ის საზღვაო ვარიანტს მიიღებს. „ადმირალ ნახიმოვზე“ С-400-ის გამშვები 96 შახტი განთავსდება, რაც მას საჰაერო შეტევებისთვის ერთ-ერთ ყველაზე დაცულ ხომალდად აქცევს მსოფლიოში.

ოთხმოცი უჯრედი

გარდა ამისა, საზენიტო-სარაკეტო კომპლექსი „კორტიკი“ უფრო თანამედროვე „პანცირ-МЕ-თი“ შეიცვლება, ხოლო საზენიტო რაკეტები „ოსა-М-ი“ — ახალი სისტემის „რედუტით“. თუმცა მოდერნიზაცია ყველაზე მეტად მაინც დამრტყმელ კომპლექსებს შეეხება. გარდა „ცირკონებისა“, „ადმირალი ნახიმოვი“ შეიარაღდება გემსაწინააღმდეგო რაკეტა П-800 „ონიქსითა“ და ფრთოსანი რაკეტა „კალიბრით“. ყველა მათგანი 80 უჯრედიანი ვერტიკალური გამშვები დანადგარებიდან ЗС14 გაიშვება, რომელთა დამონტაჟებისთვის ხომალდიდან П-700 „გრანიტის“ აღება გახდა საჭირო.

„გრანიტები“ თავის დროზე მოწინავე იარაღი იყო — სიჩქარე 3 მახი, სიშორე — 625 კმ. ხუთას კილოტონიან ბირთვულ ქობინს ერთი მოხვედრით შეუძლია ავიამზიდის განადგურება. მაგრამ დიდი გაბარიტები აქვს — 10 მ სიგრძე და წონა დაახლოებით შვიდი ტონა. ახალ გემსაწინააღმდეგო რაკეტებს საბრძოლო ნაწილი ნაკლებად მძლავრი აქვს, თუმცა უფრო სწრაფი და ზუსტი.

განახლდება კრეისერის ნავსაწინააღმდეგო შეიარაღებაც და ელექტრონული „შიგთავსიც“, რომელიც ყველაზე თანამედროვეთი ჩანაცვლდება. ეს სერიოზულად აამაღლებს ეკიპაჟის სიტუაციურ ინფორმირებულობას და მნიშვნელოვნად გააფართოვებს საბორტე შეიარაღების გამოყენების შესაძლებლობებს.

გარდა ამისა, კრეისერი უზრუნველყოფილი იქნება კავშირისა და ნავიგაციის მოწინავე სისტემებით. რადიოელექტრონული ბრძოლის კომპლექსითა და ასევე სამი მოდერნიზებული ვერტმფრენ Ка-27М-ისგან შემდგარი ავიაჯგუფით. ეს მანქანები ეკიპაჟს მნიშვნელოვნად გაუადვილებს სავარაუდო მოწინააღმდეგის წყალქვეშა ნავების აღმოჩენას.

რედაქცია შესაძლოა არ ეთანხმებოდეს ავტორის პოზიციას!

573
ყვავილები ზღვის სანაპიროზე

დღის ასტროპროგნოზი ზოდიაქოს ნიშნებისთვის: 18 იანვარი

0
(განახლებულია 13:33 17.01.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გიმზადებენ ვარსკვლავები და რას გირჩევენ ასტროლოგები

დღეს 2021 წლის 18 იანვარია, ორშაბათი. მზარდი მთვარე ვერძის ნიშანშია. ამ დღეს პლანეტა მზე მფარველობს.

დღეს განსაკუთრებით აქტუალური იქნება სიახლეებისადმი მისწრაფება. ჩვეული საქმიანობა და მოვალეობები მოსაწყენი გახდება და მათი სამომავლოდ გადადების სურვილი გაჩნდება. გამძაფრდება ემოციურობა, ცნობისმოყვარეობა და თუ ზოგიერთი ცნობისმოყვარეობის დაკმაყოფილებას შეეცდებით, დღე, შესაძლოა, საკმაოდ მრავალფეროვანი და კაშკაშა გამოვიდეს. ერთადერთი, რასაც უნდა მოერიდოთ, ეს კამათია, რომელიც სულ უსაფუძვლოდ შეიძლება დაიწყოს და შემდეგ მისი შეჩერება ძალიან გართულდება.

სიყვარული თეთრი ხარის ეგიდით – რა ელოდება ზოდიაქოს ნიშნებს 2021 წელს სასიყვარულო ასპარეზზე>>

ვერძი: დღეს დიდი ალბათობაა, რომ თქვენი ურთიერთობების გამოცდა მოეწყოს. ეს შეიძლება იყოს სამუშაო კონტაქტების ან ახლობელ ადამიანებთან ურთიერთობების შემოწმება. დღე კონფლიქტური სიტუაციების წარმოშობას შეუწყობს ხელს და თუ გამწვავებას მოერიდებით, მთელი დიპლომატიური უნარების გამოჩენა მოგიწევთ. ვარსკვლავები გაფრთხილებენ, რომ როგორც არ უნდა მოგინდეთ გარშემომყოფების გაკრიტიკება, თავი შეიკავეთ და ეს არ გააკეთოთ, წინააღმდეგ შემთხვევაში ძალზე სავალალო შედეგები შეიძლება დადგეს.

კურო: ყურადღება გმართებთ იმის მიმართ, რასაც ირვლივ მყოფნი ლაპარაკობენ: შესაძლოა, რაღაც საინტერესო გაიგოთ, მაგალითად, ინფორმაცია, კარგი იდეა. დღეს ასევე არ ღირს გარშემომყოფების რჩევების იგნორირება, შემოთავაზებულ დახმარებაზე უარის თქმა, რადგან თქვენი წარმატების გასაღები არა მხოლოდ პირადი ძალისხმევა, არამედ გვერდით მდგომი ადამიანების ხელშეწყობაც იქნება.

ტყუპი: დღეს თქვენი ცნობისწადილი ძალზე გაზრდილი იქნება, ასევე თქვენი ემოციებით დამუხტავთ გარშემომყოფებს. შესაძლოა, სწორედ დღეს ახალი ჰობი გაგიჩნდეთ, ან ვინმე საინტერესო ადამიანი გაიცნოთ რომანტიკული ურთიერთობებისთვის. თქვენი ცნობისმოყვარეობა იმდენად მაღალ დონეზეა, რომ ინტერესის დასაკმაყოფილებლად მთების გადადგმა შეგიძლიათ. ამასთან ვარსკვლავები გაფრთხილებენ, რომ თქვენი დღევანდელი გატაცება, დიდი ალბათობით, მყარი არ აღმოჩნდება და გაჩენილი ნაპერწკალი მალე მინავლდება.

კირჩხიბი: ვარსკვლავები დღეს კარგ შესაძლებლობებს მოგცემენ ისეთ საქმეებში, რომლებიც დაკავშირებულია გონებრივ მუშაობასთან და მოფიქრება–დაგეგმვასთან. არცთუ წარმატენული დღეა იმისთვის, რომ იდეებს ცხოვრებაში შეასხათ ხორცი, მაგრამ მათი გენერირებისთვის იდეალური დროა. დღეს მოფიქრებულ გეგმებს წარმატების დიდი შანსები აქვს. ასე რომ, ძილშიც კი მზად იყავით, რომ თუ გენიალური იდეა გეწვიათ, მაშინვე ჩაინიშნოთ და შემდეგ ცხოვრებაში განახორციელოთ.

ლომი: დღეს თქვენთვის ერთ ადგილზე ჯდომა უკუნაჩვენებია. ცხოვრება ახალ მოვლენებს, ემოციებს, შთაბეჭდილებებსა და სისხლში მეტ ადრენალინს მოითხოვს. დღეს ორ რამეში არ უნდა შეაკავოთ თავი: მოძრაობასა და ურთიერთობებში. ფიტნესი, შოპინგი, დილის გარბენა, ახალი ნაცნობობა – ეს ყველაფერი თქვენთვის, უბრალოდ, სასიცოცხლოდ აუცილებელია. შესაძლოა, სპორტის ექსტრემალური სახეობებით ნერვების „შეტოკება“ მოგინდეთ, ან უცნობთან ფლირტი. და რატომაც არა? მთავარია, სიტუაციაზე და საკუთარ თავზე კონტროლი არ დაკარგოთ.

ქალწული: დღეს გარშემომყოფებთან უთანხმოებებია მოსალოდნელი. საერთო ენის გამონახვა მეგობრებთან და ახლობლებთანაც კი შეიძლება გაგიჭირდეთ. ამის მიზეზი თქვენი კატეგორიულობა და კომპრომისზე წასვლის სურვილის არქონა გახდება. თუნდაც ასე არ იყოს, დღეს უსაზღვრო მოთმინებისა და დიპლომატიურობის გამოჩენა მოგიწევთ. ბოლოს და ბოლოს, თუ კამათი პრინციპუყლ საკითხებს არ შეეხება, რატომ არ უნდა დათმოთ? ეს ჯობია, ვიდრე მთელი დღე იმის გამორკვევაში გაატაროთ, ვინაა დამნაშავე და რა გააკეთოთ ამის შემდგომ.

სასწორი: დღეს ვითარებამ, შესაძლოა, არჩევნის წინაშე დაგაყენოთ და ტანჯვად გექცეთ საკითხი, თუ რა გააკეთოთ და როგორ მოიქცეთ. არჩევანი შეიძლება შეეხებოდეს სამუშაო პროექტებს, საყიდლებს ან პირად ცხოვრებას, შეიძლება სიყვარულის საკითხებს და თქვენს მომავალ ცხოვრებასაც. მთავარი ისაა, რომ როდესაც არჩევანს გააკეთებთ, სხვა ვარიანტები უნდა დაივიწყოთ, ამიტომ ვარსკვლავები მოგიწოდებენ, ყველაფერი კარგად აწონ–დაწონოთ. და საუკეთესო არჩევნისთვის წესი ასეთი იქნება: გული გიკარნახებთ, რა გააკეთოთ და გონება – რა არ გააკეთოთ.

მორიელი: დღეს თქვენი გული და გონება ერთმანეთს დაუპირისპირდება: სურვილი ერთ მხარეს გიბიძგებთ, ხოლო ლოგიკა და ფაქტები – მეორე მხარეს. თუ ასეთი რამ მოხდა, ექსპერტები გირჩევენ, არ აჩქარდეთ, რადგან, დიდი ალბათობით, რა გზაც არ უნდა აირჩიოთ, არასწორი იქნება. ნამდვილი გადაწყვეტილება გულითა და გონების ერთად უნდა მიიღოთ. თუ თავდაჯერებული არ ხართ, მაშინ აჯობებს, სხვა ვარიანტები მოძებნოთ.

მშვილდოსანი: დღეს კარგი შესაძლებლობები მოგეცემათ იქ, სადაც სიცოცხლე ჩქეფს და ახალი ნაცნობობის გაბმის საშუალება გაქვთ. ხართ უმაღლეს დონეზე კომუნიკაბელური, ადვილად აბამთ ურთიერთობებს. თუ ძველი პრობლემის გადაჭრისთვის ახლებურ დამოკიდებულებას გადაწყვეტთ, წარმოსახვა გამოიყენეთ. თქვენი ფანტაზია იდეალურად მიესადაგება არა მხოლოდ პრობლემის გადაჭრას, არამედ ეს უნარი შეგიძლიათ გამოიყენოთ მუშაობაშიცა და ოჯახურ ცხოვრებაშიც.

თხის რქა: დღეს რუტინული სამუშაოს შესრულების განწყობა არ გექნებათ, რადგან მოგზაურობის სურვილის „ქარი დაუბერავს“. ვარსკვლავები გირჩევენ, სასიამოვნო სასარგებლოს შეუხამოთ და შვებულება დაგეგმოთ, თუნდაც მანამდე დიდი დრო იყოს დარჩენილი. ეს სამომავლო მიზანს დაგისახავთ, მოგცემთ მძლავრ პოზიტივს და ყოველდღიურ ყოფასთან შეგუებაში დაგეხმარებათ.

მერწყული: თავს სახლიდან მოშორებით იგრძნობთ. ოფისში ან სახლში მუშაობის განწყობა არ გექნებათ. გაჩნდება სურვილი, რომ ცხოვრებაში რაც შეიძლება მეტი მრავალფეროვნება შეიტანოთ, გამდიდრდეთ ახალ–ახალი შთაბეჭდილებებით. გაისეირნეთ, შესაძლოა, რომანტიკულ ნაცნობობასაც გამოჰკრათ ხელი, შეხვდეთ საინტერესო ადამიანებს. ეს ყველაფერი თქვენს გრძნობებს გაამდიდრებს.

თევზები: დღეს განწყობა გექნებათ იმგვარი, რომ დროის სახლში გატარება არ მოგინდებათ. თუ ინერტულობას გადალახავთ და სახლიდან გახვალთ, არ ინანებთ – გაქვთ შანსი, რომ დრო საინტერესოდ გაატაროთ, გაიცნოთ საინტერესო ადამიანები. დროა, გაალამაზოთ ყოველდღიურობა და გახსოვდეთ, რომ კარგი დღე ისაა, რომელშიც ჩვეულ წესებს არ იცავენ და დღე არ იწყება მაღვიძარითა და არ მთავრდება ტელევიზორით.

0