ეროვნული ბანკის ოფისი

„შავი სიის“ გათეთრების თეორია და პრაქტიკა... ანუ ვისთვის და როგორ?!

1926
(განახლებულია 16:57 20.11.2018)
რას გულისხმობს ე.წ. ვალების განულების პროგრამა, რა "ემუქრება" ნახევარ მილიონზე მეტ მოქალაქეს, ვის მოეხსნება საკრედიტო ტვირთი და ვინ დარჩება მევალეთა სიაში?

გადაწყვეტილება მიღებულია და რევიზიას აღარ ექვემდებარება! ჭარბვალიანობის წინააღმდეგ ბრძოლის ფარგლებში 600 000 მოქალაქეს 31 დეკემბრამდე ბანკებისა და საფინანსო სექტორის მიმართ არსებული ჯამში მილიარდნახევრიანი ვალი გაუნულდება...

საპრეზიდენტო არჩევნების მეორე ტურის წინ ათი დღით ადრე მიღებულმა გადაწყვეტილებამ პოლიტიკოსებსა და მათთან აფილირებულ ექსპერტებში აზრთა რადიკალური სხვაობა და მწვავე რეაქცია გამოიწვია. გაისმა კითხვაც − არის თუ არა ეს ხელისუფლების მხრიდან ამომრჩევლის მოსყიდვის მცდელობა? თუმცა ისიც ითქვა, რომ საპრეზიდენტო სავარძლისთვის დაუნდობელ ბრძოლაში სოციალური პირობების გაუმჯობესებით, ძირითადად, ყოფილი ხელისუფლების, „ნაციონალური მოძრაობის“ კანდიდატი აპელირებდა. მეტიც, საზოგადოებაში ვრცელდებოდა საბანკო ვალდებულებათა გასტუმრების ე.წ. სერტიფიკატი. ადრესატები რაიონულ ცენტრებსა და სოფლებში მცხოვრები მოქალაქეები იყვნენ. თქვენი არ ვიცი და მე კი მახსენდება თელავის მკვიდრი ქალბატონი, რომელიც ცისფერი ეკრანიდან ჯიუტად გვარწმუნებდა და გვაიმედებდა, რომ საფრანგეთმა რამდენიმე მილიონი უკვე გადმორიცხა და ეს თანხა სესხების გასტუმრებას მოხმარდება. დაპირებების კასკადზე საუბარი შორს წაგვიყვანს. ფაქტი ერთია, კერძოდ ის, რომ „პოლიტიკური ქოლგის“ მიღმა დარჩენილი ანალიტიკოსების დიდი უმრავლესობა მთავრობის გადაწყვეტილებას პოზიტიურად აფასებს. მათი თქმით, განსაკუთრებით მნიშვნელოვანია, რომ ვალდებულების განულების პროგრამა ბიუჯეტს არ დააწვება და, რაც მთავარია, მოსახლეობის ერთი მესამედი კვლავაც ეკონომიკურად აქტიური იქნება... ბევრი ითქვა, მომავალში კიდევ უფრო ბევრი ითქმება. უპრეცედენტო გადაწყვეტილებას რა გავლენა ექნება უახლოესი პოლიტიკური დაპირისპირების შედეგზე, დრო გვიჩვენებს. ახლა კი ვეცდები დაინტერესებული მკითხველი დეტალებში გავარკვიო, ხომ შეიძლება სტატია პრაქტიკული სარგებლის მომტანიც იყოს?

გადაწყვეტილება 19 ნოემბერს გახმოვანდა და სიმბოლურად გთავაზობთ 19 კითხვას და ამდენივე პასუხს. 

რა არის ვალდებულების განულების პროგრამა?

ეს ერთჯერადი პროგრამაა, რომლის ფარგლებში საქველმოქმედო ფონდი „ქართუ“ ბანკებისაგან გამოისყიდის ფიზიკური პირების ვადაგადაცილებულ ვალდებულებებს; 

სრულიად გაუნულდება თუ არა მომხმარებელს ვალების განულების პროგრამაში მოხვედრილი ვალდებულება?

მომხმარებლებს ბანკის წინაშე ვალდებულება სრულად გაუნულდება, რადგან ვალდებულების გამოსყიდვა მოხდება ფონდი „ქართუს“ მიერ. მომხმარებლებმა ვალების განულების პროგრამის დასრულების შემდეგ უნდა მიმართოს ფონდ „ქართუს“.

მისამართი: თბილისი, ილია ჭავჭავაძის გამზირი 39.

რომელ ვალდებულებებზე ვრცელდება ვალების განულების პროგრამა?

ვალების განულების პროგრამა ვრცელდება 3 სხვადასხვა ჯგუფის ვალდებულებებზე:

პირველი ჯგუფი – ვალდებულებები: 2000 ლარამდე

ვალდებულებაში იგულისხმება ფიზიკური პირის არაუზრუნველყოფილი სესხი, საკრედიტო ბარათი, ოვერდრაფტი (გარდა უძრავი და მოძრავი ქონებით, ძვირფასეულობით და ფულადი სახსრებით უზრუნველყოფილი ვალდებულებებისა);

ვალდებულება, რომელზეც ვადაგადაცილება ფიქსირდებოდა 2018 წლის 1 იანვარს და არ არის აღმოფხვრილი 2018 წლის 19 ნოემბრის მდგომარეობით და რომლის ძირითადი თანხა 2018 წლის 19 ნოემბრის მდგომარეობით არ აღემატება 2000 ლარს;

ვალდებულების განულება შეეხება თითოეულ საკრედიტო პროდუქტს, რომლის ძირიც არ აღემატება 2000 ლარს.

მეორე ჯგუფი – ხანდაზმული ვალდებულებები.

იგულისხება ვადაგადაცილებული ვალდებულება, რომელზეც ბოლო 3 წლის განმავლობაში არ დაფიქსირებულა თანხის გადახდა და არ მიმდინარეობს სასამართლო დავა;

ვალდებულების ძირი თანხის მოცულობისა და უზრუნველყოფის მიუხედავად;

ვალდებულება – ფიზიკური პირის ნებისმიერი სესხი, საკრედიტო ბარათი, ოვერდრაფტი;

მესამე ჯგუფი – ვალდებულებები სოციალური სტატუსის მქონე პირთათვის.

ვალების განულების პროგრამა ვრცელდება შეზღუდული შესაძლებლობების მქონე პირებისა და სოციალურად დაუცველის სტატუსის მქონე პირების სესხებზე;

აღნიშნული პირების სია და კრიტერიუმები დაზუსტდება 15 დეკემბრამდე;

როდის განულდება ვალები?

განულების პროცესი დაიწყება 2018 წლის 15 დეკემბერს და დასრულდება 31 დეკემბრამდე.

საჭიროა თუ არა მიმართვა, განცხადება ვალების განულების პროგრამაში ჩართვაზე?

მომხმარებელი განულების პროგრამაში ერთვება ავტომატურად, თუ აკმაყოფილებს პროგრამის კრიტერიუმებს. მომხმარებლის ნების დაფიქსირება პროგრამაში ჩართვაზე საჭირო არ არის.

როგორ ეცნობება მომხმარებელს ბანკის წინაშე ვალდებულებების განულების შესახებ?

31 დეკემბრის შემდეგ მომხმარებელს შეუძლია ბანკის ნებისმიერ სერვის-ცენტრში აიღოს ცნობა დავალიანების არქონის შესახებ. 

განულდება თუ არა ვალდებულება სრულად, თუ ის მოხვდა ვალების განულების პროგრამაში?

არსებული ვალდებულება სრულად განულდება.

დარჩება თუ არა მომხმარებლი კრედიტინფოს ე.წ. შავ სიაში?

კრედიტინფოს მონაცემთა ბაზაში დაფიქსირდება ვალდებულების შესახებ ჩანაწერი, რომლის მიხედვითაც, მომხმარებელს ბანკის წინაშე შესაბამისი ვალდებულება გაუნულდება.

შეზღუდულია თუ არა მომხმარებლის ასაკი ვალების განულების პროცესში?

ასაკი შეზღუდული არ არის. 

როგორ შეიძლება მომხმარებელმა გადაამოწმოს კრედიტინფოს სტატუსი?

მომხმარებელმა სტატუსის გადასამოწმებლად უნდა მიმართოს კრედიტინფოს.

შეეხება თუ არა პროგრამა ვალდებულებებს, რომლებიც არ არის ხანდაზმული და მომხმარებელმა 2018 წლის 19 ნოემბრის შემდეგ შეამცირა სესხის ძირი თანხა 2000 ლარამდე?

ასეთ ვალდებულებებს განულების პროგრამა არ შეეხება.

შეეხება თუ არა პროგრამა ვალდებულებებს, რომელთა თანხა აღემატება 2000 ლარს?

ვალების განულების პროგრამა შეეხება იმ შემთხვევაში, თუ ეს ვალდებულება მეორე ჯგუფის კატეგორიაშია. სხვა შემთხვევაში პროგრამა არ შეეხება.

იგულისხმება თუ არა 2000-ლარიან ლიმიტში ვალდებულების ჯამური მოცულობა?

პირველი ჯგუფის შემთხვევაში პროგრამა ვრცელდება თითოეულ ვალდებულებაზე და არა მათ ჯამურ მოცემულობაზე, რომელთა მიმდინარე თანხის ძირი არ აღემატება 2000 ლარს. მეორე ჯგუფის შემთხვევაში პროგრამა ვრცელდება ვალდებულების ტიპისა და თანხის მოცულობის მიუხედავად.

შეეხება თუ არა პროგრამა ისეთ ვალდებულებებს, რომლებზეც რამდენიმე თანამსესხებელია და ვალდებულების ძირი არ აღემატება 2000 ლარს?

პირველი ჯგუფის შემთხვევაში პროგრამა არ შეეხებათ; მეორე ჯგუფის შემთხვევაში – შეეხებათ.

ვალების განულების პროგრამის ფარგლებში მოეხსნება თუ არა ვალდებულება თავდებს?

თუ ვალდებულება მოხვდა პროგრამაში, ავტომატურად მოხდება თავდებობის მოხსნა.

შეეხება თუ არა პროგრამა ვალდებულებებს, რომლებზეც მიმდინარეობს სასამართლო დავა?

თუ ვალდებულება ხვდება ვალების განულების პროგრამის პირველი ჯგუფის კატეგორიაში, ბანკი დააკორექტირებს სარჩელს, აღარ მოითხოვს ვალდებულების დაფარვას; 

შეეხება თუ არა განულების პროგრამა აღსრულებაზე გადაცემულ ვალდებულებებს?

შეეხება და აღსრულების პროცესი შეწყდება.

შეეხება თუ არა პროგრამა, თუ მომხმარებელს აქვს ინკასო ან ყადაღა?

მომხმარებელს, მიუხედავად იმისა, აქვს თუ არა ინკასო ან ყადაღა, პროგრამა შეეხება.

რა შეიძლება მოიმოქმედოს მომხმარებელმა, რომელსაც აქვს ვადაგადაცილება, მაგრამ არ ხვდება ვალების განულების პროგრამაში?

მომხმარებლებმა უნდა გაითვალისწინონ რომ, პროგრამას აქვს მხოლოდ ერთჯერადი ხასიათი. მომხმარებელი პასუხისმგებლობით უნდა მოეკიდოს ბანკის წინაშე ნაკისრი ვალდებულებების შესრულებას. შეუძლიათ მიმართონ ბანკს ვალდებულების რესტრუქტურიზაციის თხოვნით.

სად იღებს ინფორმაციას მომხმარებელი განულების პროგრამის შესახებ?

ვალების განულების პროგრამის შესახებ მომხმარებელმა უნდა მიმართოს მომსახურე ფინანსურ ინსტიტუტს.

სულ ეს არის. თუმცა ისიც უნდა ითქვას, რომ ონლაინ-სესხების კომპანია „ვივუსის“ კლიენტებს დავალიანების ჩამოწერა არ შეეხებათ. გაირკვა, რომ კომპანია „ვივუსის” სამეთვალყურეო საბჭოს თავმჯდომარე და „ნაციონალური მოძრაობის“ პრემიერ-მინისტრი ლადო გურგენიძე ვალების ჩამოწერაზე უარს აცხადებს. რატომ? ფინანსთა მინისტრის ივანე მაჭავარიანის განმარტებით, „გაუგებარი მიზეზების გამო“. რა იგულისხმება? – შეგვიძლია მხოლოდ ვივარაუდოთ...

 

1926
ამერიკელი სამხედროები

მოსაზრება: „იანკი, Go home!“ - რა დაიწყო სირიაში

241
(განახლებულია 20:14 11.08.2020)
სამხედრო ბაზებსა და პატრულებზე თავდასხმა, სარაკეტო დარტყმები და ფუგასების აფეთქებები ― აშშ-ის არმიის ჯარისკაცებს სირიაში მყუდროებას მარტო ტერორისტული დაჯგუფებები არ ურღვევენ.

ნიკოლაი პროტოპოპოვი

კიდევ ვინაა უკმაყოფილო ამერიკელების ყოფნით არაბულ რესპუბლიკაში?

ამ დღეებში სარაკეტო დარტყმების სამიზნე აშშ-ის სამხედრო ბაზა გახდა ჰასეკეს პროვინციაში, სადაც ამერიკელებმა აეროდრომი მოაწყვეს მოიერიშე და სატრანსპორტო ვერტმფრენებისა და თვითმფრინავებისთვის. სირიული მედიის მონაცემებით, ბაზას უცნობი შეიარაღებული ფორმირებები დაესხნენ. ბოლო თვეებში ამერიკელებს სირიაში გამუდმებით ესვრიან და მათ დანაკარგები ჰყავთ. „უცნობების“ შეტევების მიმართ განსაკუთრებით მოწყვლადები მობილური პატრულები არიან.  ასე მაგალითად, მაისის ბოლოს აშშ-ის არმიის სამხედროებითა და „სირიის დემოკრატიული ძალების“ მებრძოლებით სავსე ავტომობილებს პროვინცია დეირ-ეზ-ზორში ავტომატებით, ტყვიამფრქვევებითა და ყუმბარებით შეიარაღებული ჯგუფი დაესხა თავს. დაიჭრა სამი ამერიკელი და ხუთი „დემოკრატიული ძალების“ მებრძოლი.

აპრილში ელ-ჰასაკის პროვინციაში თავდასხმების მთელი სერია მოხდა. კერძოდ, ჯავშანავტონობილი „ჰამერს“, რომელსაც ამერიკელი სამხედროები და „სირიის დემოკრატიული ძალების“ მებრძოლები გადაჰყავდა, „უცნობებმა“ შეუტიეს. დაიწრა რამდენიმე ადამიანი. მსგავსი ინციდენტის შედეგად დეირ-ეზ-ზორში დაიღუპნენ ამერიკელი ოფიცერი და ასევე „დემოკრატიული ძალების“ მებრძოლები. ხოლო კიდევ ერთი შეტევის შედეგად, ორი სამხედრო უგზოუკვლოდ დაიკარგა.

ხშირად პატრულების მარშრუტზე ასაფეთქებელი მოწყობილობები ფეთქდება. მაგალითად, ივლისში დასახლება საბჰაში საავტომობილო კოლონა აფეთქდა. ყველაზე მეტი დანაკარგები ამერიკელებს გასული წლის იანვარში ჰქონდათ, თუმცა პენტაგონში ჯიუტად უარყოფენ სირიაში მომხდარ თავდასხმებს და ასეთ ინფორმაციებს ფეიკურს უწოდებენ.

ბრძოლა რესურსებისთვის

სამხედრო ექსპერტი იური ლიამინი РИА Новости-სთან საუბარში აღნიშნავს, რომ ამერიკულ სამხედრო ობიექტებსა და პატრულებს შესაძლოა ადგილობრივი ტომები ესხმოდნენ თავს, რომლებიც აშშ-სა და მისი მოკავშირეების ოკუპაციაში აღმოჩნდნენ.

„ეს სირიის აღმოსავლეთსა და ჩრდილო-აღმოსავლეთში მცხოვრები არაბები არიან. ახლა ისინი ფაქტობრივად ქურთების ხელში არიან, რომლებსაც ამერიკელები უჭერენ მხარს. ბუნებრივია, ხალხი უკმაყოფილოა, ისინი კატეგორიულად ეწინააღმდეგებიან ამჟამინდელ მდგომარეობას, მიაჩნიათ რა, რომ რეგიონს დამასკი უნდა აკონტროლებდეს“, ― განმარტა ლიამინმა.  

„ქვეყანაში უკვე მრავალი წელია, სამოქალაქო ომი მიმდინარეობს, მოსახლეობას უამრავი იარაღი აქვს, თანაც არა მარტო ცეცხლსასროლი, არამედ ნაღმმტყორცნებიცა და მძიმე ტყვიამფრქვევებიც, ასევე ჩინური თუ არაბული წარმოების ზალპური ცეცხლის 107 მმ-ანი სისტემები აქვთ, რომლებიც ძალიან გავრცელებულია სირიასა და ერაყში“, ― ამბობს ლიამინი.

ექსპერტ ალექსანდრ პერენჯიევს მიაჩნია, რომ ამერიკულ სამხედროებზე თავდასხმები შესაძლოა სირიის რესურსებისთვის კოალიციისშიდა ბრძოლების ნაწილი იყოს.

„ეს, ფაქტობრივად, არის შეჯახება თავად მძარცველებს შორის. ერთი მხრივ, არის პენტაგონი, ხოლო მეორე მხრივ, სხვადასხვა ფინანსურ-სამრეწველო ჯგუფები, რომლებიც კერძო სამხედრო კომპანიების ინტერესებს ლობირებენ“, ― ამბობს პერენჯიევი.

მისი თქმით, სირიის თამაშში არც პენტაგონია დამოუკიდებელი ძალა, ის აშშ-ის გარკვეულ ჯგუფებს წარმოადგენს. ასეთი ფარული დარტყმები იმაზე მოწმობს, რომ სირიის წიაღისეულისთვის ბრძოლა ძლიერდება.  

„სირიის არმიას რომ შეეტია, პენტაგონი მაშინვე აღიარებდა ამას, ― ამატებს პერენჯიევი. ― მაგრამ როდესაც ამბობენ „უცნობი ჯაგუფებიო“, ესე იგი, უბრალოდ არ სურთ გაამჟღავნონ საიდუმლო, შიდა ომი. ამასთან, დარწმუნებული ვარ, ამერიკელებმა კარგად იციან, ვისგანაც ხვდებათ“.

ხალხის მრისხანება

კიდევ ერთი საშიშროება ამერიკელებისთვის ― ეს სახალხო წინააღმდეგობაა, რომლის მთავარი მიზანიც, როგორც პრეზიდენტი ბაშარ ასადი ამბობდა, ეს სირიის ტერიტორიების გათავისუფლებაა უცხოური ოკუპაციისგან.

ივნისში ქალაქ თელ-აბიადის მცხოვრებლებმა პიკეტი მოაწყვეს სასაზღვრო გადასასვლელზე, ცდილობდნენ რა, არ დაეშვათ თავიანთი ხორბლის უკანონო გატანა. ინციდენტის წინ სირიის საგარეო საქმეთა სამინისტრომ განაცხადა, რომ პროთურქმა ბოევიკებმა და აშშ-ის მოკავშირე ბანდფორმირებებმა არაერთხელ გადაწვეს ხორბლისა და სხვა მარცვლეული კულტურების ყანები სახელმწიფოში ვითარების დესტაბილიზაციის მიზნით. აშშ-ის სამხედრო სარდლობა და მათი მოკავშირეები მიზანმიმართულად ართულებენ ჰუმანიტარულ ვითარებას სირიისჩრდილოეთში, რათა მოსახლეობა ოფიციალური ხელისუფლების წინააღმდეგ განეწყოთ.

ამერიკელების გამო ხშირად იღუპებიან მშვიდობიანი მოქალაქეები. მაისში ამერიკელმა სამხედროებმა მძღოლი დაცხრილეს დეირ-ეზ-ზორის პროვინციაში, რომლის მანქანამაც თითქოს მთავარი ავტომაგისტრალიდან გადაუხვია „კონიკოს“ ნავთობსაბადოს მახლობლად. სამხედროებმა ეს საფრთხედ მიიჩნიეს და ცეცხლი გახსნეს. ხოლო თებერვალში ქალაქ კამიშლიდან ახლოს მდებარე ბლოკპოსტზე სირიელმა სამხედროებმა აშშ-ის არმიის კოლონა გააჩერე, რომელიც შეუთანხმებელი მარშრუტით მოძრაობდა. ამერიკელებმა ადგილობრივებთან კონფლიქტის პროვოკაცია მოახერხეს და უწესრიგო სროლა აუტეხეს მათ. მაშინ 14 წლის ფეისალ ხალიდ მუჰამადი დაიღუპა და კიდევ ერთი ადამიანი დაიჭრა. ინციდენტის დარეგულირება მხოლოდ მას შემდეგ გახდა შესაძლებელი, რაც საქმეში რუსი სამხედროები ჩაერივნენ, რომლებმაც ავტოკოლონა ბაზირების პუნქტისკენ გაიყვანეს.

რედაქცია შესაძლოა არ ეთანხმებოდეს ავტორის მოსაზრებებს!

241
რაკეტის გაშვება

მიმოხილვა: აგრესორზე შურისძიების რუსული გარანტია - რაკეტა „სკვითი“

31
(განახლებულია 13:59 12.08.2020)
რუსეთი აამოქმედებს ბირთვულ პოტენციალს მის ტერიტორიაზე ნებისმიერი სარაკეტო შეტევის შემთხვევაში, რადგან მფრინავი საბრძოლო იარაღის შიგთავსის ამოცნობა შეუძლებელია.

ამის შესახებ საუბარია შეიარაღებული ძალების გენერალური შტაბის მიერ მომზადებულ სტატიაში - „რუსეთის ფედერაციის სახელმწიფო პოლიტიკა ბირთვული შეკავების სფეროში“, რომელიც ამ დღეებში გაზეთმა „კრასნაია ზვეზდამ“ გამოაქვეყნა.

ამგვარ ვითარებაში რუსეთი ჩათვლის, რომ მოწინააღმდეგის მიზანი რუსეთის განადგურებაა და „პასუხი დამანგრეველი იქნება“. პასუხის ერთ-ერთი ვარიანტი შეიძლება იყოს კონტინენტთაშორისი ბალისტიკური რაკეტა „სკიფის“ გამოყენება, რომლის რაოდენობა, განლაგება, სიმძლავრე და ფრენის ტრაექტორია მხოლოდ სპეციალისტების ვიწრო წრისთვისაა ცნობილი.

თეორიულად, მოწინააღმდეგემ საბრძოლო პატრულირების ზონაში შეიძლება მიაკვლიოს და შეუტიოს პროექტ 955-ის სტრატეგიული დანიშნულების წყალქვეშა სარაკეტო კრეისერებს, პრევენციული დარტყმა მიაყენოს „იარსის“ 150 სარაკეტო კომპლექსს, გაანადგუროს აფრენის მომენტში რუსული სტრატეგიული ბომბდამშენი-რაკეტმზიდების გარკვეული რაოდენობა. თუმცა ამ (წარმოუდგენელი გამართლების) შემთხვევაშიც პასუხი არ დააყოვნებს მსოფლიო ოკეანიდან. „სკიფზე“ (პრევენციული) იერიშის მიტანა ტექნიკურად შეუძლებელია.

რუსეთის სტრატეგიული ბირთვული ძალების უხილავ წყალქვეშა იარაღს, ზღვის ფსკერზე განთავსებულ ბალისტიკურ რაკეტა „სკიფს“, შესწევს ძალა, წლობით შეინარჩუნოს საბრძოლო მზადყოფნის რეჟიმი, შემდეგ კი ბრძანებისთანავე გაანადგუროს სახმელეთო და საზღვაო სამიზნეები. რაკეტა გამოირჩევა განსაკუთრებული უხილაობით საინფორმაციო სფეროში. სავარაუდოდ, „სკიფი“ არის ცნობილი კონტინენტთაშორისი ბალისტიკური რაკეტა „სინევას“ გაუმჯობესებული ვარიანტი, უფრო სრულყოფილი მახასიათებლებით და უახლესი ხელოვნური ინტელექტით. „სკიფის“ უმნიშვნელოვანესი უპირატესობებია მაღალი საბრძოლო გამძლეობა და შედარებით ნაკლები ხარჯი ექსპლუატაციისას.

საიდუმლო კონტეინერში იმალება

ფსკერის კონტინენტთაშორისი ბალისტიკური რაკეტა „სკიფი“ განეკუთვნება შორი მანძილის რაკეტების ოჯახს სუბმარინებისთვის და მოთავსებულია ზღვის ფსკერზე კონტეინერში, რომელიც საიმედოდ იცავს მას უზარმაზარი წნევისა და აგრესიული გარემოსგან, უზრუნველყოფს კავშირს სამხედრო-საზღვაო ფლოტის სამეთაურო პუნქტთან. ჰერმეტული და უჟანგავი კონტეინერის შექმნა, რომელსაც შეუძლია, მრავალი წლის განმავლობაში დაიცვას რაკეტა ზღვის მლაშე წყლისგან, პროექტის მთავარი ტექნიკური გამოწვევა იყო. სამაგიეროდ დღეს უფრო მარტივია ნემსის პოვნა თივის ზღვინში, ვიდრე „სკიფისა“ - ზღვაში.

უხილავობა და უნიკალური საბრძოლო გამძლეობა მიიღწევა კონტინენტთაშორისი ბალისტიკური რაკეტის გამშვები კონტეინერის განთავსებით ოკეანის ქვედა ფენებში, სადაც ვერ აღწევენ პოტენციური მოწინააღმდეგის ტორპედოები, რომლებსაც ზღვის ზედაპირზე ბირთვული შეტევის შესუსტებაც კი შეუძლიათ. სპეციალურ წყალქვეშა ნავს „სკიფი“ დანიშნულების ადგილზე მიაქვს. განთავსების წერტილის აღმოჩენა დაზვერვის არსებული და პერსპექტიული საშუალებებით შეუძლებელია. 

საბრძოლო მოქმედების შემთხვევაში კონტეინერი სიგნალს იღებს და მითითებულ სიღრმეზე ამოდის, რაკეტა კი საკუთარი პროგრამით სამიზნისკენ მიემართება. თუ კონტინენტთაშორისი ბალისტიკური რაკეტა „სინევას“ ფრენის სიშორე 8000 კმ-ს აღემატება, უფრო სრულყოფილი „სკიფის“ ფრენის მანძილი, დიდი ალბათობით, გაცილებით მეტი იქნება.

აღსანიშნავია, რომ რუსეთის შიდა წყლებში საბრძოლო მორიგეობა არ არღვევს „შეთანხმებას ზღვის ფსკერის თაობაზე“ (1970 წ.), რომელიც კრძალავს ბირთვული იარაღის განთავსებას ფსკერზე, ნაპირიდან 12 მილის ზონის ფარგლებს გარეთ. მაგალითად, არქტიკულ შელფზე და წყნარი ოკეანის სანაპირო წყლებში არაერთი მოსახერხებელი ღრმაწყლოვანი ადგილია კონტინენტთაშორისი ბალისტიკური რაკეტების განსათავსებლად, რომლებიც მაქსიმალურად ახლოსაა სამიზნეებთან სავარაუდო მოწინააღმდეგის ტერიტორიაზე. ეს არ არის „რუსეთის მუქარა“, არამედ დასავლეთის აგრესიული მიზნების, ჩრდილოეთის საზღვაო გზასა და რუსეთის არქტიკის, შორეული აღმოსავლეთისა და კურილიის კუნძულების ბუნებრივ სიმდიდრეებზე პრეტენზიების შემაკავებელი სერიოზული ფაქტორია.

კონტინენტთაშორისი ბალისტიკური რაკეტა „სკიფის“ უპირატესობა ეკონომიკური თვალსაზრისით აშკარაა. რაკეტმზიდი ბირთვული წყალქვეშა ნავების წარმოება და ექსპლუატაცია მეტისმეტად ძვირი სიამოვნებაა. არც ეკიპაჟის მომზადება ჯდება იაფი. ფსკერზე განთავსებული რაკეტა წყალქვეშ დამატებითი ხარჯის გარეშე ძლებს ნებისმიერ სუბმარინზე დიდხანს და, ამასთან, ინარჩუნებს საწყის საბრძოლო პოტენციალს. ასეთია რუსეთის პასუხი კოლექტიური დასავლეთის მიერ გამოცხადებულ საზღვაო შეიარაღების ახალ შეჯიბრზე.

ცნობილია, რომ „სკიფი“ პირველად 2008 წელს გამოიცადა. 2017 წლიდან კი მან რუსეთის შეიარაღებულ ძალებში დაიმკვიდრა ადგილი. ახალი რაკეტა გამოცდილია დროით და ყურადღებასაც იმსახურებს.

ილუზიების მსხვერპლი

რუსეთის პრეზიდენტმა 2 ივნისს დაამტკიცა „სახელმწიფო პოლიტიკის საფუძვლები ბირთვული შეკავების სფეროში“. დოკუმენტის თანახმად, პოტენციურმა მოწინააღმდეგემ უნდა იცოდეს, რომ აგრესიას გარდაუვლად მოჰყვება პასუხი. ამის მიუხედავად, რუსეთი ბირთვულ იარაღს იხილავს, როგორც მხოლოდ და მხოლოდ შემაკავებელ საშუალებას.

შეგახსენებთ, რომ აშშ-მა 1970-იან წლებში უარი თქვა ფსკერზე რაკეტების განთავსებაზე და საშუალო სიშორის რაკეტების ევროპაში განთავსების კურსი აირჩია. შედეგად კი სსრკ-ის საზღვრებს 1800 კმ მანძილზე (8 წთ. მოსკოვამდე) მოუახლოვდა.

დღეს ისტორია მეორდება, ოღონდ ახალ ტექნოლოგიურ დონეზე. მოწინავე ბაზირების სისტემა კი (Forward Based System) გერმანიიდან პოლონეთისკენ ინაცვლებს. აშშ-ის მოქმედება სტრატეგიული შეიარაღების სფეროში მიმართულია ბირთვული საშუალებების გამოყენებით „გლობალური დარტყმის“ კონცეფციის რეალიზებისკენ.

აშშ და ნატოს აქტივისტები ცდილობენ, საბრძოლო ინსტრუმენტებით „შეაკავონ“ რუსეთის ეკონომიკური განვითარება და საერთაშორისო გავლენის ზრდა, რომელმაც საგრძნობლად გაუსწრო კოლექტიურ დასავლეთს ჰიპერბგერითი რაკეტების, ბირთვული წყალქვეშა ნავების, მეხუთე თაობის გამანადგურებლების, წყალქვეშა უპილოტო „პოსეიდონების“ და სხვა მაღალტექნოლოგიური შეიარაღების შემუშავებისა და წარმოების სფეროში. იქმნება პარადოქსული სიტუაცია, როდესაც სამხედრო მრჩევლები ვერ ბედავენ რჩევის მიცემას ამერიკელი ახირებული პოლიტიკოსებისთვის, რადგან ხედავენ განსხვავებას დოქტრინებსა და რეალობას შორის.

თითქმის ორი ათწლეულის განმავლობაში პენტაგონი მოკავშირეებთან ერთად ავღანეთში ძვირადღირებულ სამხედრო ოპერაციებს ატარებდა, რათა დაემარცხებინა სუსტად შეიარაღებული ტერორისტული ორგანიზაცია „თალიბანი“. შედეგად, აშშ-მა მოწინააღმდეგესთან დადო ამერიკული ჯარისთვის სამარცხვინო შეთანხმება და მიდის ქვეყნიდან, ტოვებს რა ბედის ანაბარა არსებულ სუსტ სახელმწიფოს - ავღანეთის ისლამურ რესპუბლიკას. სამწუხაროდ, ვაშინგტონში სწორი დასკვნები ვერ გამოიტანეს და ენთუზიაზმით შეუდგნენ „ევროპის ხსნას“ არარსებული რუსული საფრთხისგან. მაგრამ „სკიფი“ და რუსეთის უსაფრთხოების სხვა გარანტები მუდმივ მზადყოფნაში არიან.

რედაქცია შესაძლოა არ ეთანხმებოდეს ავტორის მოსაზრებებს!

31
მთვარის ფაზები

მთვარის კალენდარი: 13 აგვისტო რისი გაკეთება შეიძლება და რისი არა

0
(განახლებულია 16:05 11.08.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

13 აგვისტო, ხუთშაბათი. ამ დღეს იუპიტერი მართავს. კლებადი მთვარე ტყუპის ნიშანშია.

ტყუპის დღეები კარგია კონტაქტებისა და ურთიერთობებისთვის, გაცნობისა და იდეების ურთიერთგაცვლისთვის. ხელსაყრელი დროა ინფორმაციების მოპოვებისა და დამუშავებისთვის, სრწფად გასაკეთებელი საქმეებისთვის.

მთვარე ტყუპში – ესაა მსუბუქი ურთიერთობების დრო, რომელიც არაფერს ავალდებულებს ადამიანებს. კარგად ეწყობა ახალი ნაცნობობა. ადამიანები უფრო გულგახსნილი, მიმნდობი და კომუნიკაბელური ხდებიან.

რეკომენდებულია ფულთან დაკავშირებული საქმიანობა, მიმდინარე საქმეების განხილვა და რთული საკითხების განხილვის გადადება, დაგეგმილის რეალიზება, საბუღალტრო ოპერაციები, ბიზნეს–საქმიანობა, მნიშვნელოვანი პროექტების დასრულება, აქტიურობა, უძრავ ქონებასთან დაკავშირებით: მშენებლობის საძირკვლის ჩაყრა, რემონტის დაწყება, უძრავი ქონების ყიდვა, გამოფენების, კონცერტების მოწყობა, სწავლა, კვალიფიკაციის ამაღლება.

არარეკომენდებული აჩქარება, საფუძვლიანი მიზეზის გარეშე ხელმძღვანელობისთვის მიმართვა, კონტრაქტების გაფორმება.

კარგი დღეა მგზავრობისთვის.

თმის შეჭრა, შეღებვა: თმის შეჭრისთვის ნეიტრალური დღეა. დაჩქარდება თმის ზრდის პროცესი, მაგრამ თმა დაუმორჩილებელი გახდება. შეღებვისთვის ძალიან კარგი დღეა.

მანიკურისთვის არასასურველი დღეა.

მებაღეობა: მთვარის კლების ფაზის დროს, ტყუპის ნიშანში, მცენარეები ისვენებენ, მათი წვენი ფესვებისკენ ისწრაფვის, მცირდება მცენარეების სიცოცხლისუნარიანობა. კარგი დღეა გადარგვის, გასხვლის, შეწამვლის, მოსავლის აღებისთვის.

ეფექტური იქნება ზედმეტი ყლორტების მოშორება–გაკრეჭა, გამარგვლა, კულტივირება, მულჩირება, სამკურნალო მცენარეების მოგროვება, ხილისა და კენკროვანების დაკრეფა.

0