კრისტი ყიფშიძე

„ღმერთო, როგორ მინდა მანდ“ კრისტი ყიფშიძე ფოლოვერებს ბალიზე გადაღებული ფოტოებით ახელებს

512
ზაფხულის მოახლოებასთან ერთად იწყება დასვენებაზე ფიქრი. ბევრს ამოჩემებული კურორტი აქვს და ყოველ წელს იქ დადის დასასვენებლად, ზოგი კი ახალი თავგადასავლების ძიებაშია და სხვადასხვა ადგილზე არჩევს დასვენებას.

ცნობილმა ქართველმა მოდელმა კრისტი ყიფშიძემ დაუვიწყარი მოგზაურობა მოიწყო, დამღლელი და ზამთრის ერთფეროვანი დღეების შემდეგ განსატვირთად ბალიზე გაემგზავრა. კრისტიმ ტრადიციული ფოტოებიც გადაიღო და მეგობრებს სოციალური ქსელის მეშვეობით გაუზიარა.

„ღმერთო, როგორ მინდა მანდ“.

„რა შორს წასულხარ კრისტი. მაგარიააა“.

„ახლა გავაფრენ. ძალიან მაგარია, იმედია როდისმე მეც მოვხვდები ამ ზღაპრულ ადგილას“, – წერენ მეგობრები მოდელს.

კრისტი ყიფშიძისთვის მოგზაურობა არის პროცესი, რომელიც მის ცხოვრებაში ყოველთვის სიახლესთან და თავგადასავლებთან ასოცირდება.

მოგზაურობა ადრეულ ბავშვობაში დაიწყო და წლების განმავლობაში ბევრი სასიამოვნო მოგონება და ემოცია დაუგროვდა. კრისტის ვოაიაჟები იმდენად მრავალფეროვანია და იმდენ ქვეყანაშია ნამყოფი, რომ უკვე დათვლა უჭირს.

„ძალიან მიყვარს მოგზაურობა და, საბედნიეროდ, ხშირად ვმოგზაურობ. ბევრ ადგილას ვარ ნამყოფი, ზოგიერთ ქვეყანაში ოთხ-ხუთჯერაც კი, მაგრამ ყოველ ჯერზე განსხვავებული თვალით ვუყურებ ამ ქვეყნებს“, – ამბობს კრისტი „Sputnik საქართველოსთან“ ინტერვიუში.

კრისტის თქმით, მოგზაურობა ძალიან კარგი ანტიდეპრესანტია და ამაში ფულის დახარჯვა არასოდეს ენანება.

„ერთფეროვანი ცხოვრება ძალიან არასაინტერესო და მოსაწყენია. მოგზაურობას სიახლეები შემოაქვს ჩვენ ცხოვრებაში. სამი დღითაც რომ წახვიდე უცხო ქვეყანაში, იმდენად განტვირთული და ემოციებით დატვირთული ჩამოდიხარ, თითქმის მთელი წელი მიგყვება ეს დადებითი ემოცია. პირადად ჩემთვის, ქალაქგარეთაც რომ გავიდე, ესეც საკმარისია განტვირთვისთვის“, – ამბობს კრისტი.

როგორც მოდელმა აღნიშნა, ეგზოტიკური ქვეყნები, ჯუნგლები, ტროპიკული ტყეები იზიდავს.

„ძალიან შთამბეჭდავია ეს ყველაფერი. ეგზოტიკური ქვეყნებიდან ინდოეთში ვარ ნამყოფი. დაახლოებით ერთი თვე დავრჩი საოცარი ფერებისა და ულამაზესი ყვავილების სამყაროში. ცაც სულ სხვა ფერია. უცხო ქვეყნებში ხშირად ვაკვირდები ცას, როგორი და რა ფერისაა იგი. მაგალითად, მოსკოვში ვგრძნობ, რომ ცა ძალიან დაბლაა, თითქოს უნდა შეეხო“, – ამბობს კრისტი.

მისი თქმით, მიუხედავად იმისა, რომ ბევრ ქვეყანაშია ნამყოფი, ჯერ ყველაფერი წინ აქვს და კიდევ ბევრი ქვეყნის მონახულებას აპირებს.

512
მოდელი სალომე ღვინიაშვილი

ზღაპრული სანაპირო და შოკოლადისფერი რუჯი: სად და როგორ ისვენებენ ქართველი სელებრითები

335
(განახლებულია 17:27 22.05.2019)
ზაფხულის დაუვიწყარი დღეებისთვის მომზადება ქართველმა ვარსკვლავებმა წინასწარ დაიწყეს. შოკოლადისფერი რუჯი და ხავერდოვანი კანი არც ერთ მათგანს არ აკლია, თუმცა ზღვის ნაპირზე ან მთაში დასვენება მეტ ენერგიას, სილაღესა და კომფორტს ჰმატებთ.

Sputnik-საქართველო მოგიყვებათ, რომელ კურორტს ან ვისთან ერთად დასვენებას მიანიჭეს უპირატესობა ქართველმა სელებრითებმა...

ყველაზე სექსუალური და წარმატებული: აირჩიეთ ქართველი მაჩო>>

ყველასათვის საყვარელმა და შეუდარებელმა მოდელმა სალომე ღვინიაშვილმა 18 მაისს 35 წლის იუბილე ფეხბურთელ მეუღლესთან ზურა ხიზანიშვილთან ერთად აღნიშნა.

წყვილმა საგაზაფხულო არდადეგები თურქეთის ხუთვარსკვლავიან სასტუმროში მოიწყო. უამრავ მილოცვასთან ერთად სალომე ღვინიაშვილის ფოტოებმა 10 000 მოწონება დაიმსახურა.

ეკო ფანგანი – ქართული ტელესივრცის ერთ-ერთი გამორჩეული სახეა. მისი თვალშისაცემი სტილი და დამახასიათებელი ხმის ტემბრი არავის ტოვებს გულგრილს. ჟურნალისტმა და ტელეწამყვანმა მეგობრებთან ერთად ქალაქ ბოდრუმს მიანიჭა უპირატესობა და მზიანი დღეების გასატარებლად სწორედ თურქეთში გაემგზავრა. 

ვიცე-მის საქართველომ, მოდელმა და ცნობილი ჟურნალისტების ქალიშვილმა ნანუკა გოგიჩაიშვილმა რომაული არა, მაგრამ ავსტრიული არდადეგები ნამდვილად მოიწყო. მოდელმა ვენაში დაუვიწყარი დღეები გაატარა. ულამაზეს ტყავის მოსასხამსა და კაბაში გამოწყობილი სელებრითი ნება-ნება მისეირნობს ევროპის განსაკუთრებულ ქალაქში.

ნოე სულაბერიძე და ჯანეტ ქერდიყოშვილი სულ ახლახან დაოჯახდნენ და ერთად მოგზაურობას არ წყვეტენ. საზოგადოებამ მათი მარშრუტი ალბათ ზეპირად იცის... მათ იტალია, ავსტრია, თურქეთი მოიარეს. ამჯერად ულამაზესი წყვილი ისევ თურქეთშია.

ამ ქართველ მსახიობს ხშირად მე-20 საუკუნის უმშვენიერეს ვარსკვლავს ოდრი ჰეპბერნს ადარებენ. ნინო გაჩეჩილაძე საზოგადოებამ ყველასათვის ცნობილი სატელევიზიო სერიალიდან „ჩემი ცოლის დაქალებიდან“ გაიცნო. მისი გმირი ჩერჩეტი და ქარაფშუტა ქალბატონი კატოა, რომელიც მუდმივად ქალური ბედნიერების ძიებაშია. ამჯერად ნინო გაჩეჩილაძე „ფორმულა კრეატივის“ შემოქმედებით ჯგუფთან ერთად ეგვიპტეში, შარმ-ელ-შეიხშია გადაღებაზე.

ქეთევან ხატიაშვილი ტანმოვარჯიშეა, საზოგადოებამ გაიცნო პროექტით „ცეკვავენ ვარსკვლავები“ და მალევე შეაყვარა ყველას თავი. მისი მეუღლე ცნობილი ქართველი მორაგბე დავით კაჭარავაა. წყვილმა მაისის არდადეგები საქართველოში, ყაზბეგის მთებში მოიწყო. ეს წყვილი თქვენ ყურადღებას აუცილებლად მიიპყრობს.

335
მაია ასათიანი

მაია ასათიანის თამამი ფოტოები საცურაო კოსტიუმში: სად ისვენებს ტელეწამყვანი?

9471
(განახლებულია 14:57 14.05.2019)
ცნობილი ჟურნალისტი მაია ასათიანი სოციალურ ქსელში უფრო და უფრო აქტიური ხდება.

გარდა ულამაზესი კოსტიუმებითა და გრიმით გადაღებული ფოტოებისა, თაყვანისმცემლებს ყოველდღიურ ცხოვრებას უზიარებს.  

ცნობილი ტელეწამყვანის ერთი უბრალო დღე ძაღლებით, კატით და ულამაზესი ეზოთი არის მოცული. გადატვირთული და შრომატევადი გადაღებების შემდეგ წარმატებული ჟურნალისტი საკუთარი სახლის ეზოში მარტო ნებივრობს.

მიუხედავად შინაგანი სიძლიერისა, გადაცემაში „უხერხული კითხვები“ ჟურნალისტი აღნიშნავს: „საკუთარ თავთან რომ ვრჩები, ერთი შეშინებული ქალი ვარ, რომელსაც ცხოვრების ეშინია და იბრძვის გადარჩენისთვის“.

აღსანიშნავია, რომ აპოლიტიკური გადაცემა „პროფილის“ წამყვანი 42 წლის მიუხედავად შესანიშნავად გამოიყურება და Instagram-ის მომხმარებელს საცურაო კოსტიუმში გამოწყობილი ანებივრებს.

ამტკიცებს, რომ კომპლექსებით და მორიდებულობით გამოირჩეოდა და ამის დაძლევაში სწორედ პროფესია ეხმარებოდა.

„თავდაჯერებული გავხდი. ისევე, როგორც ყველას, ძალიან ბევრი კომპლექსი მქონდა. ზოგი ამბობს, ნეტავ დროის მანქანა მქონდეს და 25 წლის წინ დავბრუნდე... მე კი ვამბობ, ღმერთმა დამიფაროს 25 წლის ვიყო და ეს ყველაფერი თავიდან გავიარო. ყველაფრის „დაკიდება“ ვისწავლე“.

ქართულ ტელესივრცეში ერთ-ერთმა წარმატებულმა ჟურნალისტმა კარიერა 14 წლის ასაკში დაიწყო. იყო საინფორმაციო-ანალიტიკური გადაცემა „დროების“ კორესპონდენტი, სხვადასხვა მეგა-შოუების ჟიური და წამყვანი. მე-11 წელია ერთ-ერთი რეიტინგული გადაცემის – „პროფილის“ ავტორი და უცვლელი წამყვანია.

9471

თუშეთში პოლონელი ტურისტი დაშავდა: ქალი თბილისში ვერტმფრენით გადაიყვანეს

0
(განახლებულია 19:31 31.05.2020)
პოლონეთის მოქალაქე სოფელ ომალოში ცხენიდან გადმოვარდა და მიღებული დაზიანებების გამო, სპეციალური საშუალებებით სასწრაფოდ თბილისში გადაყვანა სჭირდებოდა.

თბილისი, 31 მაისი - Sputnik. თუშეთში დაშავებული პოლონელი ტურისტი ქალი ომალოდან თბილისში სასაზღვრო პოლიციის ვერტმფრენით მეხანძრე-მაშველებმა გადაიყვანეს, იუწყება შინაგან საქმეთა სამინისტროს საგანგებო სიტუაციების მართვის სამსახური.

მათი ცნობით, შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში შესული ინფორმაციის თანახმად, პოლონეთის მოქალაქე სოფელ ომალოში ცხენიდან გადმოვარდა და მიღებული დაზიანებების გამო, სპეციალური საშუალებებით სასწრაფოდ თბილისში გადაყვანა სჭირდებოდა.

„ომალოს მიმართულებით, უმოკლეს დროში გაფრინდა შინაგან საქმეთა სამინისტროს სასაზღვრო პოლიციის ვერტმფრენი, საგანგებო სიტუაციების მართვის სამსახურის განსაკუთრებულ სიტუაციებზე რეაგირების სამმართველოს სამაშველო და სასწრაფო სამედიცინო დახმარების ჯგუფების შემადგენლობით“, - აღნიშნულია საგანგებო სიტუაციების მართვის სამსახურის ინფორმაციაში.

დაშავებული ქალი გადმოყვანილია თბილისში, ღუდუშაურის სახელობის კლინიკაში და შესაბამისი სამედიცინო დახმარება უტარდება. პოლონელი ტურისტის სიცოცხლეს საფრთხე არ ემუქრება.

0
თემები:
შემთხვევები საქართველოში