საბა მიგრიაული მეგობრებთან ერთად

ქართველი „უცხოპლანეტელები“ ჩინეთში და მოგზაურობაში ნაპოვნი ბედნიერება

1568
(განახლებულია 17:17 05.03.2018)
19 წლის საბა მიგრიაული ციფრული მარკეტინგის სპეციალისტია, ასევე ვებ დეველოპერი და Youtube ექსპერტი. აქვს საკუთარი კომპანია და ატარებს ტრენინგებს სხვადასხვა მიმართულებით. რამდენიმე თვის წინ გახსნა პერსონალური ბლოგი, რომელსაც უკვე ათასობით გამომწერი ყავს.

დიდი ხანი არ არის რაც მოგზაურობა და უცხო ქვეყნების გაცნობა დაიწყო.  ჯერჯერობით ხუთ ქვეყანაშია ნამყოფი, თუმცა ამბობს, რომ წინ ძალიან ბევრი საინტერესო ვოიაჟი ელოდება.

საბა მიგრიაული და ხატია ჯოხარიძე
საბა მიგრიაული და ხატია ჯოხარიძე

— პირველი ყველაფერი როგორც წესი მუდმივად რჩება ჩვენს მეხსიერებაში და განსაკუთრებული მნიშვნელობა აქვს, ამიტომ არასდროს დამავიწყდება ის წუთები, როცა პირველად ავდიოდი თვითმფრინავში. საოცარი იყო პირველი აფრენა და ემოციებით დატვირთული მოგზაურობა. გერმანიაში მივფრინავდი მაშინ და თან 26 მაისი დაემთხვა, საქართველოს დამოუკიდებლობის დღე. თვითმფრინავში ასვლამდე სურათები და გიფები გადამიღეს, შოკოლადები ჩამიჯიბეს და ისე გამიშვეს პირველი ქვეყნის მოსანახულებლად. თან აღნიშვნა გამოვიდა და სიმბოლური დატვირთვაც შეიძინა. ამიტომ ჩემს ამაღლებულ განწყობას, კიდევ უფრო მეტი პოზიტივი შეემატა და გერმანიაში ასე აჟიტირებული ჩავფრინდი. შემდეგ უკვე ყოველი წუთი თავგადასავალი და რაღაც ახლის შეცნობა იყო.

საბა მიგრიაული
საბა მიგრიაული

- ალბათ ამან უფრო გაგიმძაფრათ მოგზაურობის სურვილი.

— მოგზაურობის სურვილი ბავშობიდან მქონდა და როგორც კი გადავწყვიტე, რომ დრო იყო მსოფლიო შემომევლო, თავიდანვე ორ ქვეყანაში დავგეგმე მოგზაურობა. რაც უფრო მეტ ადგილას მივდივარ, მით უფრო მიმძაფრდება მოგზაურობის სურვილი და მინდა სამოგზაუროდ წავიდე მთელი წლით. რადგან ეს სენი უკვე შემეყარა, ალბათ ცხოვრების ბოლომდე ვეღარ გავჩერდები, ეს აზარტზე ბევრად მეტია.

ამ დროისთვის ხუთ ქვეყანაში ვარ ნამყოფი და ყველაზე მეტად ალბათ მაინც ჩინეთი დამამახსოვრდა. თითქოს სულ სხვა პლანეტაზე ხარ და ხალხიც უცხოპლანეტელივით გიყურებს. ქუჩაში რომ დავდიოდით მე და ჩემი მეგობრები, სულ გვაკვირდებოდნენ და სურათებს გვიღებდნენ. განსაკუთრებით ბავშვებს ეტყობოდათ გაკვირვება, ჩვენი დანახვისთანავე ეღიმებოდათ საყვარლად. ჩინეთში ალბათ ყველაზე ნაკლებად შეიმჩნევა გლობალიზაციის კვალი. ყველაფერი თავისი აქვთ, მაკდონალდსიც კი. აღარაფერს ვამბობ, რომ სამყაროს ხარ მოწყვეტილი, იმიტომ რომ ყველა სოციალური ქსელი დაბლოკილია, იუთუბიც და თანამედროვე მსოფლიოს ყველა სხვა გამოძახილიც. ამიტომ შეუძლებელია ეს ქვეყანა გონებაში არ დაგრჩეს, თავისი განსხვავებულობით და საკმაოდ მაღალი ჩინელებით.

საბა მიგრიაული
საბა მიგრიაული

- მოგზაურობა თქვენთვის მარტო უფრო სასიამოვნოა, თუ მეგზურებთან ერთად?

— ძირითადად ჩემს მეგობართან ერთად ვმოგზაურობ, რომელთან ერთადაც ოთხ ქვეყანაში ვიყავი და შემდგომი ვოიაჟიც ერთად გვაქვს დაგეგმილი. ამას გარდა, სულ უცხო ხალხთან ერთად ვმოგზაურობთ ხოლმე, რაც კიდევ მეტ ინტერესს მატებს ახალი ქვეყნის გაცნობას და ხშირად კარგი მეგობრებით ვბრუნდებით უკან.

- როგორ გეგმავთ ტურს? ტურისტულ სააგენტოს მიმართავთ ამის მოსაგვარებლად, თუ თავად აგვარებთ ყველა საკითხს?

— ძირითადად თავად ვაგვარებთ ყველა საკითს, რაც არ წარმოადგენს სირთულეს, მით უმეტეს როცა რამდენიმე ადამიანი მივდივართ. გადავინაწილებთ ხოლმე მოვალეობებს და ასე მხიარულად ვემზადებით გასაფრენად.

- რომელ საიტზე ყიდულობთ ბილეთებს, სასტუმროს და ა.შ. ანუ როგორ აგვარებთ ყველა ფორმალობას?

— ძირითადად ტურზეა დამოკიდებული, ხან სახლს ვქირაობთ მთლიანად და ხან სასტუმროში ვბინავდებით, ამისთვის ძირითადად Booking.com-ს და Airbnb.com-ს ვიყენებთ. ბილეთებს კი კონკრეტული მიმართულების შესაბამისად, სხვადასხვა ავიაკომპანიის საიტზე ვყიდულობთ. სანახავი ადგილების მოსაძიებლად კი Google-ზე უკეთესი წყარო არ არსებობს.

საბა მიგრიაული
საბა მიგრიაული

- ყველაზე დაუვიწყარი და შთამბეჭდავი ვოიაჟი გაიხსენეთ…

— რთულია გამორჩევა, ყველა მოგზაურობას თავისი ხიბლი ქონდა. თუმცა ალბათ ჩინეთს გამოვყოფდი, რადგან ამ ქვეყანაში ჩასვლის შემდეგ მთლიანად შემეცვალა წარმოდგენა ამ ხალხის კულტურაზე, ცხოვრების წესზე და ზოგადად. ასევე კვიპროსიც, ისეთი ადგილია, ყველაზე მძაფრად გინდება შენს ტელეფონსაც თვალივით 576 მეგაპიქსელი ქონდეს, რომ ყველაფერი ისე გადაიღოს, როგორსაც ხედავ. ფანტასტიკაა უბრალოდ. წელიწადის ნებისმიერ დროს თბილა და უბრალოდ სეირნობაც კი რელაქსაციაა.

- როგორი ტიპის ქვეყნები გიზიდავთ?

— ძალიან მომწონს ტროპიკული ადგილები, თუმცა მოგზაურობის ხიბლიც ის არის, რომ მუდმივად განსხვავებულ გარემოში ხვდები და ეს მრავალფეროვნებაა ჩემთვის ვოიაჟის არსიც.

- სად გაგიჩნდათ განცდა, რომ მსოფლიო აღმოაჩინეთ?

— ჰონგ კონგის ცენტრში, რომ აღმოვჩნდი, მაშინ მივხვდი, ეს მსოფლიოს გული იყო. ჩინეთის ნიუ იორკი, ქალაქი, სადაც ყოველ ფეხის ნაბიჯზე ხვდები ბუნებისა და თანამედროვეობის სიმბიოზურ კონტრასტს, და გრძნობ ქალაქის სიცოცხლით სავსე ენერგიას.

საბა მიგრიაული
საბა მიგრიაული

- ყველა მოგზაურობას თან ახლავს თავგადასავლები. ხშირად ჩავარდნილხართ უცნაურ, ან კურიოზულ სიტუაციაში?

— ჩემს მიერ მრავალჯერ ხსენებულ ჩინეთში ვიყავით მე და ჩემი მეგობრები და გვინდოდა ზოოპარკში წასვლა პანდების სანახავად, ამიტომ გადავწყვიტეთ ტაქსი გაგვეჩერებინა, თუმცა დიდი ხნის ლოდინის შემდეგ მხოლოდ ტუკ-ტუკმა გაგვიჩერა, რომელიც ველოსიპედზე ან მოტოციკლეტზე მიბმული კაბინაა მხოლოდ. ჰოდა მიუხედავად იმისა, რომ არც ტუკ-ტუკი და არც მძღოლი არ გამოიყურებოდნენ სანდოდ, მაინც გავრისკეთ და გავყევით ზოოპარკში. ძლივს გავაგებინეთ სად მივდიოდით, რადგან ინგლისური არ იცოდა. ჰოდა ამ მძღოლმა ხან ერთ ადგილას ჩამოგვსვა, ხან მეორე ადგილას და მუდმივად გვეუბნება, რომ ზოოპარკში ვართ და ფულს გვთხოვს, არადა ყველა ადგილი საწყისი წერტილიდან 100-200 მეტრშია. ჩვენც მივხვდით, რომ საქმე ენობრივ ბარიერში კი არა, ამ კაცის ნამუსში იყო, თუმცა ეს ადამიანი ძარღვების დაგლეჯამდე ყვიროდა და ფულს გვთხოვდა წრეზე ტარებისა და ვითომ ზოოპარკში წაყვანისთვის. ჩვენ აქედან ვეკამათებით, ის იქიდან გვიყვირის და არცერთს არ გვესმის ერთმანეთის. პარალელურად ჩვენ გარშემო ხალხი იკრიბებოდა და ხითხითებდნენ თავისთვის. ამ „გამიშვი და გამაკავეში“ უცებ ჩინელების მასა ერთ მუშტად შეიკრა და ჩვენს საამაყო ჩინელს კუდით ქვა ასროლინეს, ამ ფრაზის პირდაპირი გაგებით. შემოახტა შეშინებული ტუკ-ტუკს და მოკურცხლა. იმ დროს შემიყვარდნენ ალბათ ჩინელებიც. ეს ისტორია ჩემს ბლოგზეც დავწერე და მიუხედავად იმისა, რომ ზოოპარკში საერთოდ ვერ მოვხვდით, ჩემმა მეგობრებმა ძალიან ბევრი იცინეს და საბოლოოდ პოზიტიურად დაგვამახსოვრდა ყველას.

საბა მიგრიაული
საბა მიგრიაული

- ექსტრემალურ სიტუაციაში თუ გიმოგზაურიათ?

— ზუსტად ბოლო მოგზაურობა იყო ექსტრემალური და მოგზაურობა არა იმდენად, რამდენადაც უკან დაბრუნება. 10-ნი წავედით კვიპროსში და საბოლოოდ მარტო დავბრუნდი, რაზეც მომდევნო დღეები ყველა საინფორმაციო გადაცემა საუბრობდა. მიუხედავად იმისა, რომ აეროპორტში ორი საათით ადრე მივედით, ტექნიკური გაუმართაობის და უსაშველოდ დიდი რიგების გამო რეისზე ვაგვიანებდით, უკვე ჩვენს გვარებს აცხადებდნენ. დაძაბულობა იმატებდა და ლამის აფრენილ თვითმფრინავზე ავედი. კიდევ სხვა საკითხი იყო, რომ ჩემს მეგობრებს იქ ტოვებდნენ და მე თვითმფრინავიდან ვიბრძოდი, ისინი აეროპორტიდან, მაგრამ საბოლოოდ მაინც არაფერი შეიცვალა და მარტო ჩამოვფრინდი საქართველოში. ეს იყო ადრენალინის მოზღვავება, ხანდახან სუნთქვაც კი მავიწყდებოდა იმდენად აღელვებულ ვიყავი.

- რომელი ქვეყნის სამზარეულოს გამოარჩევდით? ეგზოტიკური, ან უცნაური რა გაგისინჯავთ?

— ვერ ვიტყვი, რომ ადგილობრივ სამზარეულოს ვეცნობი ხოლმე. როცა მოგზაურობას ვგეგმავთ, მაშინ უფრო მაქვს სურვილი ადგილობრივი კერძები გავსინჯო, ვიდრე უკვე ადგილზე. რამდენჯერმე გამისინჯავს უცხო წარმომავლობის ხორცით გაკეთებული საკვები, თუმცა დღემდე არ ვიცი რა ცხოველის ან ფრინველის იყო. სამაგიეროდ მთელი დღე ცუდად ვყოფილვარ ამ საკვების გამო. რამდენიმე ეგზოტიკური ხილი გავსინჯე ჩინეთში და უგემრიელესი იყო, დღემდე ვნანობ რომ კილოობით არ ვიყიდე და თუ ოდესმე მოვხვდები კიდევ, აუცილებლად გამოვასწორებ. ნეტავ სახელი მაინც დამემახსოვრებინა.

საბა მიგრიაული
საბა მიგრიაული

- ამ ხნის განმავლობაში რა მოგცათ მოგზაურობამ, რა კვალს ტოვებს ეს თქვენ ცხოვრებაში?

— უპირველეს ყოვლისა ბევრი ძალიან კარგი მეგობარი შევიძინე, რომლებსაც ნამდვილად დიდ მონაპოვრად ვთვლი. ამავდროულად მომცა ცოდნა, ულევი პოზიტივი და მოგონებები, რომლებიც მთელი ცხოვრება მემახსოვრება. ვთვლი, რომ მოგზაურობის დაწყებით ჩემს ცხოვრებაში ახალი, სრულიად განსხვავებული ეტაპი დაიწყო, რამაც მთლიანად შეუცვალა გეზი ჩემს არსებობას.

- ახლო მომავალში სად გეგმავთ გამგზავრებას, რის მონახულებას აპირებთ?

— სექტემბერში მაქვს დაგეგმილი ბარსელონა და მაროკოს რამდენიმე ქალაქის მონახულება. ჯერ სხვა გეგმები არ მაქვს, თუმცა ნელ-ნელა კიდევ შევმატებ რამდენიმე მიმართულებას.

 

1568
მოდელი სალომე ღვინიაშვილი

ზღაპრული სანაპირო და შოკოლადისფერი რუჯი: სად და როგორ ისვენებენ ქართველი სელებრითები

597
(განახლებულია 17:27 22.05.2019)
ზაფხულის დაუვიწყარი დღეებისთვის მომზადება ქართველმა ვარსკვლავებმა წინასწარ დაიწყეს. შოკოლადისფერი რუჯი და ხავერდოვანი კანი არც ერთ მათგანს არ აკლია, თუმცა ზღვის ნაპირზე ან მთაში დასვენება მეტ ენერგიას, სილაღესა და კომფორტს ჰმატებთ.

Sputnik-საქართველო მოგიყვებათ, რომელ კურორტს ან ვისთან ერთად დასვენებას მიანიჭეს უპირატესობა ქართველმა სელებრითებმა...

ყველაზე სექსუალური და წარმატებული: აირჩიეთ ქართველი მაჩო>>

ყველასათვის საყვარელმა და შეუდარებელმა მოდელმა სალომე ღვინიაშვილმა 18 მაისს 35 წლის იუბილე ფეხბურთელ მეუღლესთან ზურა ხიზანიშვილთან ერთად აღნიშნა.

წყვილმა საგაზაფხულო არდადეგები თურქეთის ხუთვარსკვლავიან სასტუმროში მოიწყო. უამრავ მილოცვასთან ერთად სალომე ღვინიაშვილის ფოტოებმა 10 000 მოწონება დაიმსახურა.

ეკო ფანგანი – ქართული ტელესივრცის ერთ-ერთი გამორჩეული სახეა. მისი თვალშისაცემი სტილი და დამახასიათებელი ხმის ტემბრი არავის ტოვებს გულგრილს. ჟურნალისტმა და ტელეწამყვანმა მეგობრებთან ერთად ქალაქ ბოდრუმს მიანიჭა უპირატესობა და მზიანი დღეების გასატარებლად სწორედ თურქეთში გაემგზავრა. 

ვიცე-მის საქართველომ, მოდელმა და ცნობილი ჟურნალისტების ქალიშვილმა ნანუკა გოგიჩაიშვილმა რომაული არა, მაგრამ ავსტრიული არდადეგები ნამდვილად მოიწყო. მოდელმა ვენაში დაუვიწყარი დღეები გაატარა. ულამაზეს ტყავის მოსასხამსა და კაბაში გამოწყობილი სელებრითი ნება-ნება მისეირნობს ევროპის განსაკუთრებულ ქალაქში.

ნოე სულაბერიძე და ჯანეტ ქერდიყოშვილი სულ ახლახან დაოჯახდნენ და ერთად მოგზაურობას არ წყვეტენ. საზოგადოებამ მათი მარშრუტი ალბათ ზეპირად იცის... მათ იტალია, ავსტრია, თურქეთი მოიარეს. ამჯერად ულამაზესი წყვილი ისევ თურქეთშია.

ამ ქართველ მსახიობს ხშირად მე-20 საუკუნის უმშვენიერეს ვარსკვლავს ოდრი ჰეპბერნს ადარებენ. ნინო გაჩეჩილაძე საზოგადოებამ ყველასათვის ცნობილი სატელევიზიო სერიალიდან „ჩემი ცოლის დაქალებიდან“ გაიცნო. მისი გმირი ჩერჩეტი და ქარაფშუტა ქალბატონი კატოა, რომელიც მუდმივად ქალური ბედნიერების ძიებაშია. ამჯერად ნინო გაჩეჩილაძე „ფორმულა კრეატივის“ შემოქმედებით ჯგუფთან ერთად ეგვიპტეში, შარმ-ელ-შეიხშია გადაღებაზე.

ქეთევან ხატიაშვილი ტანმოვარჯიშეა, საზოგადოებამ გაიცნო პროექტით „ცეკვავენ ვარსკვლავები“ და მალევე შეაყვარა ყველას თავი. მისი მეუღლე ცნობილი ქართველი მორაგბე დავით კაჭარავაა. წყვილმა მაისის არდადეგები საქართველოში, ყაზბეგის მთებში მოიწყო. ეს წყვილი თქვენ ყურადღებას აუცილებლად მიიპყრობს.

597
მაია ასათიანი

მაია ასათიანის თამამი ფოტოები საცურაო კოსტიუმში: სად ისვენებს ტელეწამყვანი?

10205
(განახლებულია 14:57 14.05.2019)
ცნობილი ჟურნალისტი მაია ასათიანი სოციალურ ქსელში უფრო და უფრო აქტიური ხდება.

გარდა ულამაზესი კოსტიუმებითა და გრიმით გადაღებული ფოტოებისა, თაყვანისმცემლებს ყოველდღიურ ცხოვრებას უზიარებს.  

ცნობილი ტელეწამყვანის ერთი უბრალო დღე ძაღლებით, კატით და ულამაზესი ეზოთი არის მოცული. გადატვირთული და შრომატევადი გადაღებების შემდეგ წარმატებული ჟურნალისტი საკუთარი სახლის ეზოში მარტო ნებივრობს.

მიუხედავად შინაგანი სიძლიერისა, გადაცემაში „უხერხული კითხვები“ ჟურნალისტი აღნიშნავს: „საკუთარ თავთან რომ ვრჩები, ერთი შეშინებული ქალი ვარ, რომელსაც ცხოვრების ეშინია და იბრძვის გადარჩენისთვის“.

აღსანიშნავია, რომ აპოლიტიკური გადაცემა „პროფილის“ წამყვანი 42 წლის მიუხედავად შესანიშნავად გამოიყურება და Instagram-ის მომხმარებელს საცურაო კოსტიუმში გამოწყობილი ანებივრებს.

ამტკიცებს, რომ კომპლექსებით და მორიდებულობით გამოირჩეოდა და ამის დაძლევაში სწორედ პროფესია ეხმარებოდა.

„თავდაჯერებული გავხდი. ისევე, როგორც ყველას, ძალიან ბევრი კომპლექსი მქონდა. ზოგი ამბობს, ნეტავ დროის მანქანა მქონდეს და 25 წლის წინ დავბრუნდე... მე კი ვამბობ, ღმერთმა დამიფაროს 25 წლის ვიყო და ეს ყველაფერი თავიდან გავიარო. ყველაფრის „დაკიდება“ ვისწავლე“.

ქართულ ტელესივრცეში ერთ-ერთმა წარმატებულმა ჟურნალისტმა კარიერა 14 წლის ასაკში დაიწყო. იყო საინფორმაციო-ანალიტიკური გადაცემა „დროების“ კორესპონდენტი, სხვადასხვა მეგა-შოუების ჟიური და წამყვანი. მე-11 წელია ერთ-ერთი რეიტინგული გადაცემის – „პროფილის“ ავტორი და უცვლელი წამყვანია.

10205
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0