ასმათ დიასამიძე მეგობრებთან ერთად

რას გაურბოდნენ ქართველი მოგზაურები და რატომ გაათენეს ღამე ბერლინის ბაღში

451
(განახლებულია 11:52 22.02.2018)
რუბრიკაში „ცნობილების ვოიაჟი“ „Sputnik საქართველო“ ასმათ დიასამიძეს წარმოგიდგენთ

ასმათ დიასამიძე პროფესიით ეკონომისტია. მოგზაურობა მისთვის ძალიან მნიშვნელოვანი და საინტერესო პროცესია. მოგზაურობის გარდა იტაცებს ცურვა და ცეკვა. ჯერ მხოლოდ რვა ქვეყაანაშია ნამყოფი, მაგრამ წინ უამრავი ქვეყნის მონახულებას გეგმავს.

ასმათ დიასამიძე რომში
ასმათ დიასამიძე რომში

— ვერ წარმომიდგენია ცხოვრება მოგზაურობის გარეშე. ყოველი ახლად მონახულებული ადგილის შემდეგ თავს სხვა ადამიანად ვგრძნობ და მერე ისეთ თვისებებს აღმოვაჩენ ჩემს თავში, რაც ადრე არ მქონია. საერთოდ ერთ ადგილზე დიდხანს გაჩერება ჩემთვის პრობლემას წარმოადგენს, ამიტომ თუ არ წავედი სადმე, შეიძლება დეპრესია დამეწყოს.

- პირველად როდის გადაკვეთეთ უცხო ქვეყნის საზღვარი, რომელი ქვეყანა იყო და რა შთაბეჭდილება მოახდინა თქვენზე?

— პირველად მეზობელ თურქეთში გადავედი ხუთი წლის წინ. დასასვენებლად ვიყავი მეგობართან ერთად ქემერში. ძალიან მომეწონა მომსახურების სერვისი და ადგილობრივების დამოკიდებულება ტურისტების მიმართ. მართლაც სასიამოვნოდ გავატარეთ ერთი კვირა.

ასმათ დიასამიძე
ასმათ დიასამიძე

- ყველაზე მეტად რა დაგამახსოვრდათ ამ მოგზაურობიდან?

— ანიმატორ ბიჭს ვეუბნებოდი ხუმრობით, აქ უეჭველი მარიხუანაც გექნებათ მეთქი და ერთ დღეს დისკოთეკიდან რომ ვბრუნდებოდით, სადღაც ჩაბნელებულ ჩიხში შეუხვია და ჩაბნელებულ, საშიშ სახლს მიაყენა მანქანა, აი მარიხუანა რომ გინდოდათ აქ არის და წამოდითო. ისე შევიცხადეთ და ფერი დავკარგეთ, რომ მაშინვე მიხვდა თავის შეცდომას და სასტუმროსკენ გაგვარბენინა სასწრაფოდ.

-პირველი ვოიაჟის მერე რამდენად გაგიმძაფრდათ მოგზაურობის სურვილი? ეს ერთგვარი აზარტი ხომ არ არის?

— დიახ, ეს ერთგვარი აზარტიცაა. გინდა რაც შეიძლება ბევრი მოასწრო ამ ხანმოკლე ცხოვრებაში და მეტი ქვეყანა მოინახულო.

რვა ქვეყანაში ვარ ნამყოფი. თოთოეულ მათგანს განსხვავებული ხიბლი ქონდა. გერმანიაში მომეწონა იქაური ცხოვრების წესი. მოწესრიგებულია ყველაფერი, ხალხი მშვიდად და უშფოთველად ცხოვრობს. ყველაზე მეტად მომეწონა ის, რომ წყვილები ხელიხელჩაკიდებულნი დადიან, ჩემთვის ეს ჟესტი სიახლოვესთან ასოცირდება. მოხუცებული წყვილებიც ისე საყვარლად დადიოდნენ ხელიხელჩაკიდებულნი, რომ გესიამოვნებოდა მათი ყურება. თუმცა არ მომეწონა ის, რომ თუ ოდნავ ხმამაღლა დაილაპარაკე, ისე შემოგხედავენ თითქოს უცხოპლანეტელს გხედავდნენ.

ასმათ დიასამიძე
ასმათ დიასამიძე

- ვოიაჟის დროს ვინ არიან თქვენი პარტნიორები და რამდენად საინტერესოა მათთან ერთად მოგზაურობა?

— პარტნიორების შერჩევა ძალიან მნიშვნელოვანია. არასწორად შერჩეულმა პარტნიორმა შეიძლება ყველაფერი გაგიფუჭოს. ძირითადად ჩემს ახლო მეგობრებთან ერთად ვმოგზაურობ, რომლებსაც ერთნაირი ღირებულებები გაგვჩნია და წინასწარ ვთანხმდებით დროს რას დავუთმობთ და რას არა.

- როგორ გეგმავთ ტურს? ტურისტულ სააგენტოს მიმართავთ ამის მოსაგვარებლად, თუ თავად აგვარებთ ყველა საკითხს?

— პირველი ორი ტური ტურისტული კომპანიის დახმარებით დავგეგმე, თუმცა ეხლა ვთვლი, რომ საკმაო გამოცდილება მაქვს, რომ თავადაც მოვაგვარო ეს საკითხი. იტალიის ტური მეგობრებთან ერთად დავგეგმე დამოუკიდებლად და ძალიან კარგად გამოგვივიდა ყველაფერი.

ასმათ დიასამიძე
ასმათ დიასამიძე

- იმ ქვეყნებიდან სადაც ნამყოფი ხართ, ერთ კონკრეტულ ქვეყანას გამოარჩევთ, სადაც დაუსრულებლად შეგიძლიათ სტუმრობა და არასოდეს მოგბეზრდებათ იქ ჩასვლა?

— რა თქმა უნდა, ეს ქვეყანა იტალიაა. ეს არის საოცარი ქვეყანა-მუზეუმი, სადაც თითქოს დრო გაჩერდა. იქ ქუჩებში ხეტიალისას ისეთი შეგრძნება მქონდა, თითქოს სადაცაა იმპერატორი გამოიჭრებოდა თავისი ამალით, ან გლადიატორების ბრძოლას შევესწრებოდი. ვფიქრობდი, რომ სწორედ იქ ყოფნის დროს აღმოვაჩინე მსოფლიო. ყველაფერი იმდენად ლამაზია, რომ თვალიც კი დაგეღლება. დაუსრულებლად შემიძლია იქ სტუმრობა და ვიცი, რომ ყველა სტუმრობის დროს თავიდან აღმოვაჩენ იტალიას. საუცხოო ადგილია ვატიკანის მუზეუმი. ის უნდა ნახო, სიტყვებით, ან თუნდაც ფოტოებით მისი გადმოცემა შეუძლებელია. განსაკუთრებით სიქსტის კაპელა იყო საოცარი ადგილი.

ასმათ დიასამიძე
ასმათ დიასამიძე

- ძირითადად როგორი ტიპის ქვეყნები გიზიდავთ?

— აქამდე კულტურული ცენტრები მიზიდავდა, მაგრამ ეხლა უკვე ეგზოტიკურ ქვეყნებში სტუმრობას მთხოვს გული.

- ყველა მოგზაურობას თან ახლავს თავგადასავლები. ხშირად ჩავარდნილხართ უცნაურ, ან კურიოზულ სიტუაციაში?

— რა თქმა უნდა კი. ერთს შემთხვევას გავიხსენებ. ბერლინში სტუმრობისას გადავწყვიტეთ ერთი ღამე გაგვეტარებინა იმ ტურისტებივით, ვინც ღამეს გარეთ ატარებს, ერთგვარი თავგადასავალიც იქნებოდა და თან თანხაც დაგვეზოგებოდა. ღამის გასათევად მშვენიერი ადგილიც აღმოვაჩინეთ ბერლინის „დომის“ წინ. დავინახეთ თუ არა ფართოდ გაშლილი მწვანე მინდორი, მაშინვე თვალწინ საწოლი წარმოგვიდგა. მთელი დღის ხეტიალის შემდეგ მივაკითხეთ ჩვენს „საწოლს“, წამოვწექით მინდორზე (ზაფხული იყო) და მთვარისა და ვარსკვლავებით ტკბობის დროს ჩაგვეძინა კიდეც. საბედნიეროდ ჩემს ერთ-ერთ მეგობარს ფხიზელი ძილი ცოდნია. ბავშვებო, მგონი მინდორს რწყავენო, ამის გაგონება მოვასწარით და წყალმა ამოხეთქა მთელს მინდორზე. ძლივს გამოვასწარით და გადავურჩით დასველებას. რახან დასველებას გადავურჩით ამ ამბავზე ბევრი ვიცინეთ და შევთანხმდით, რომ ღამეს გარეთ აღარასოდეს გავათევდით.

- რომელი ქვეყნის სამზარეულოს გამოარჩევდით? ეგზოტიკური, ან უცნაური რა გაგისინჯავთ?

— ქართული სამზარეულო ყველას მირჩევნია, ვერც სამზარეულოს ვერ შევადრი.

- რომელ ქვეყანაზე ოცნებობთ? სად გინდათ, რომ მოხვდეთ?

— შვეიცარია! იქ აუცილებლად უნდა ჩავიდე, თორემ ვერ მოვისვენებ.

ასმათ დიასამიძე
ასმათ დიასამიძე

- ახლო მომავალში სად გეგმავთ გამგზავრებას, რის მონახულებას აპირებთ?

— ახლო მომავალში დიდი სიამოვნებით ვესტუმრებოდი იაპონიას, საკურას ყვავილობის დღესასწაულზე.

 

451
მოდელი სალომე ღვინიაშვილი

ზღაპრული სანაპირო და შოკოლადისფერი რუჯი: სად და როგორ ისვენებენ ქართველი სელებრითები

597
(განახლებულია 17:27 22.05.2019)
ზაფხულის დაუვიწყარი დღეებისთვის მომზადება ქართველმა ვარსკვლავებმა წინასწარ დაიწყეს. შოკოლადისფერი რუჯი და ხავერდოვანი კანი არც ერთ მათგანს არ აკლია, თუმცა ზღვის ნაპირზე ან მთაში დასვენება მეტ ენერგიას, სილაღესა და კომფორტს ჰმატებთ.

Sputnik-საქართველო მოგიყვებათ, რომელ კურორტს ან ვისთან ერთად დასვენებას მიანიჭეს უპირატესობა ქართველმა სელებრითებმა...

ყველაზე სექსუალური და წარმატებული: აირჩიეთ ქართველი მაჩო>>

ყველასათვის საყვარელმა და შეუდარებელმა მოდელმა სალომე ღვინიაშვილმა 18 მაისს 35 წლის იუბილე ფეხბურთელ მეუღლესთან ზურა ხიზანიშვილთან ერთად აღნიშნა.

წყვილმა საგაზაფხულო არდადეგები თურქეთის ხუთვარსკვლავიან სასტუმროში მოიწყო. უამრავ მილოცვასთან ერთად სალომე ღვინიაშვილის ფოტოებმა 10 000 მოწონება დაიმსახურა.

ეკო ფანგანი – ქართული ტელესივრცის ერთ-ერთი გამორჩეული სახეა. მისი თვალშისაცემი სტილი და დამახასიათებელი ხმის ტემბრი არავის ტოვებს გულგრილს. ჟურნალისტმა და ტელეწამყვანმა მეგობრებთან ერთად ქალაქ ბოდრუმს მიანიჭა უპირატესობა და მზიანი დღეების გასატარებლად სწორედ თურქეთში გაემგზავრა. 

ვიცე-მის საქართველომ, მოდელმა და ცნობილი ჟურნალისტების ქალიშვილმა ნანუკა გოგიჩაიშვილმა რომაული არა, მაგრამ ავსტრიული არდადეგები ნამდვილად მოიწყო. მოდელმა ვენაში დაუვიწყარი დღეები გაატარა. ულამაზეს ტყავის მოსასხამსა და კაბაში გამოწყობილი სელებრითი ნება-ნება მისეირნობს ევროპის განსაკუთრებულ ქალაქში.

ნოე სულაბერიძე და ჯანეტ ქერდიყოშვილი სულ ახლახან დაოჯახდნენ და ერთად მოგზაურობას არ წყვეტენ. საზოგადოებამ მათი მარშრუტი ალბათ ზეპირად იცის... მათ იტალია, ავსტრია, თურქეთი მოიარეს. ამჯერად ულამაზესი წყვილი ისევ თურქეთშია.

ამ ქართველ მსახიობს ხშირად მე-20 საუკუნის უმშვენიერეს ვარსკვლავს ოდრი ჰეპბერნს ადარებენ. ნინო გაჩეჩილაძე საზოგადოებამ ყველასათვის ცნობილი სატელევიზიო სერიალიდან „ჩემი ცოლის დაქალებიდან“ გაიცნო. მისი გმირი ჩერჩეტი და ქარაფშუტა ქალბატონი კატოა, რომელიც მუდმივად ქალური ბედნიერების ძიებაშია. ამჯერად ნინო გაჩეჩილაძე „ფორმულა კრეატივის“ შემოქმედებით ჯგუფთან ერთად ეგვიპტეში, შარმ-ელ-შეიხშია გადაღებაზე.

ქეთევან ხატიაშვილი ტანმოვარჯიშეა, საზოგადოებამ გაიცნო პროექტით „ცეკვავენ ვარსკვლავები“ და მალევე შეაყვარა ყველას თავი. მისი მეუღლე ცნობილი ქართველი მორაგბე დავით კაჭარავაა. წყვილმა მაისის არდადეგები საქართველოში, ყაზბეგის მთებში მოიწყო. ეს წყვილი თქვენ ყურადღებას აუცილებლად მიიპყრობს.

597
მაია ასათიანი

მაია ასათიანის თამამი ფოტოები საცურაო კოსტიუმში: სად ისვენებს ტელეწამყვანი?

10205
(განახლებულია 14:57 14.05.2019)
ცნობილი ჟურნალისტი მაია ასათიანი სოციალურ ქსელში უფრო და უფრო აქტიური ხდება.

გარდა ულამაზესი კოსტიუმებითა და გრიმით გადაღებული ფოტოებისა, თაყვანისმცემლებს ყოველდღიურ ცხოვრებას უზიარებს.  

ცნობილი ტელეწამყვანის ერთი უბრალო დღე ძაღლებით, კატით და ულამაზესი ეზოთი არის მოცული. გადატვირთული და შრომატევადი გადაღებების შემდეგ წარმატებული ჟურნალისტი საკუთარი სახლის ეზოში მარტო ნებივრობს.

მიუხედავად შინაგანი სიძლიერისა, გადაცემაში „უხერხული კითხვები“ ჟურნალისტი აღნიშნავს: „საკუთარ თავთან რომ ვრჩები, ერთი შეშინებული ქალი ვარ, რომელსაც ცხოვრების ეშინია და იბრძვის გადარჩენისთვის“.

აღსანიშნავია, რომ აპოლიტიკური გადაცემა „პროფილის“ წამყვანი 42 წლის მიუხედავად შესანიშნავად გამოიყურება და Instagram-ის მომხმარებელს საცურაო კოსტიუმში გამოწყობილი ანებივრებს.

ამტკიცებს, რომ კომპლექსებით და მორიდებულობით გამოირჩეოდა და ამის დაძლევაში სწორედ პროფესია ეხმარებოდა.

„თავდაჯერებული გავხდი. ისევე, როგორც ყველას, ძალიან ბევრი კომპლექსი მქონდა. ზოგი ამბობს, ნეტავ დროის მანქანა მქონდეს და 25 წლის წინ დავბრუნდე... მე კი ვამბობ, ღმერთმა დამიფაროს 25 წლის ვიყო და ეს ყველაფერი თავიდან გავიარო. ყველაფრის „დაკიდება“ ვისწავლე“.

ქართულ ტელესივრცეში ერთ-ერთმა წარმატებულმა ჟურნალისტმა კარიერა 14 წლის ასაკში დაიწყო. იყო საინფორმაციო-ანალიტიკური გადაცემა „დროების“ კორესპონდენტი, სხვადასხვა მეგა-შოუების ჟიური და წამყვანი. მე-11 წელია ერთ-ერთი რეიტინგული გადაცემის – „პროფილის“ ავტორი და უცვლელი წამყვანია.

10205
სიცილია, ეოლიის კუნძულები

კვირის ასტროპროგნოზი: რას გვიმზადებენ ვარსკვლავები 6-12 ივლისის პერიოდში

0
(განახლებულია 13:20 05.07.2020)
ადამიანების უმრავლესობისთვის ეს კვირა იდეალური გახდება აწმყოსა და მომავლის შესაცვლელად. ამაში ასტროლოგების რჩევები დაგეხმარებათ

ახლა ვარსკვლავები იმდაგვარად არიან განწყობილი, რომ ადამიანებს დაეხმარებიან საქმეებში და სამუშაოსა და ახალი გატაცებებისთვის იდეალური პირობების შექმნისთვის. იმისთვის, რომ წარმატებებს მიაღწიოთ, პირველ რიგში პოზიტიური განწყობა უნდა შეიქმნათ – იფიქროთ კარგზე, დადებით მომავალზე და გახსოვდეთ, რომ სიტყვასა და აზრს უდიდესი ძალა აქვს.

ვერძი

ვერძებისთვის ძალიან მნიშვნელოვანი და ხელსაყრელი პერიოდი იწყება ახალი წამოწყებებისთვის. თუ გსურთ, ბიზნესსა და სამუშაოზე წარმატებებს მიაღწიოთ, უნდა იფიქროთ იმაზე, თუ როგორ დაიწყოთ რაღაც ახალი და საინტერესო. მაღალი პროდუქტიულობისთვის დაიცავით დღის რეჟიმი – ეს გააძლიერებს თქვენს ბიოველს და გააუმჯობესებს განწყობას.

მთლიანობაში კვირა მრავალფეროვანი იქნება. კვირის ბოლოს უკვე დაინახავთ თქვენი შრომისა და ძალისხმევის პირველ ნაყოფს. ასტროლოგები გირჩევენ, მეტად კეთილგანწყობილი იყოთ გარშემომყოფების მიმართ, დაეხმაროთ მათ რთულ ვითარებებში.

კურო

კუროებისთვის ეს კვირა წარმატებული და პრობლემური დღეების მონაცვლეობაში ჩაივლის. პოზიტიური განწყობა დაგეხმარებათ ბარიერების გადალახვაში სამუშაო თუ სასიყვარულო სფეროებში ყველაზე არახელსაყრელი დღეებია 7 და 11 ივლისი, ხოლო ყველაზე ხელსაყრელი – 6 და 12 ივლისი.

უქმეებზე ასტროლოგები გირჩევენ, კარგად დაისვენოთ. გექნებათ არჩევნის საშუალება – დაისვენოთ მარტპმ თუ მეგორბებთან და ახლობლებთან ერთად. მთავარი თქვენი სურვილია – გააკეთეთ ის, რაც გსურთ, მცირეოდენ ეჭვსაც კი გაუგებრობების გამოწვევა შეუძლია.

ტყუპი

ტყუპებს ენერგიის შევსება გესაჭიროებათ, რათა პოზიტივით დაიმუხტოთ. ამ შვიდ დღეში მრავალი მოვლენა შეიძლება მოხდეს, მათ შორის, უსიამოვნოც. ძალიან მნიშვნელოვანია, რომ პრობლემებს ფილოსოფიურად შეხედოთ და აღიქვათ, როგორც ცხოვრებისეული გამოცდილებისა და ახალი ცოდნის შეძენის ხერხი.

მარტოხელა ტყუპებს მეორე ნახევრის ძებნაში ძალიან გაგიმართლებთ. ეს ძალზე პროდუქტიული კვირა იქნება ახალი ნაცნობობის თვალსაზრისით. ახალი ნაცნობებიდან ვინმე, შესაძლოა, თქვენს ცხოვრებაში ცვლილებების ტალღის „მიზეზი“ გახდეს. კარგი იქნება, თუ გააქტიურდებით სოციალურ ქსელებში.

კირჩხიბი

ამ კვირაში მუხლჩაუხრელად უნდა იშრომოთ, მაგრამ ამასთან, არ უნდა დაივიწყოთ დასვენებაც. გადაღლა. შესაძლოა, ძალიან ცუდად აისახოს თქვენს განწყობაზე. დასვენების სასარგებლო საშუალება იქნება სპორტი ან მსუბუქი ფიზიკური დატვირთვები, მედიტაცია.

კვირა შესანიშნავად მიესადაგება ფინანსურ ოპერაციებსა და ფულთან დაკავშირებული საკითხების გადაწყვეტას. სასიყვარულო საქმეებში უფრო უქმეებზე გაგიმართლებთ, როდესაც სამუშაოზე ფიქრები მეორე პლანზე გადაიწევს. შეგიძლიათ დანიშნოთ პაემანი. თავისუფალ დროს ფლირტზე უარი არ თქვათ.

ლომი

კვირის განმავლობაში დიდი ყურადღება გესაჭიროებათ. ნუ გამოედევნებით ორ კურდღელს ერთდროულად. დროა, ყველაზე მნიშვნელოვან საქმეებს მიხედოთ, რომელთა გადადებაც უკვე აღარ შეიძლება. მათ თუ გადაწყვეტთ, შვებით ამოისუნთქავთ და თავდაჯერებულობას შეიძენთ. გაითვალისწინეთ, რომ ამ კვირაში დამოუკიდებლად მუშაობა აჯობებს.

ამასთან, მოსალოდნელია ენერგეტიკული ვამპირების გააქტიურება. ერიდეთ მათ, ვინც გარშემომყოფების სიკეთით სარგებლობენ. სასიყვარულო საქმეებში ჯერჯერობით ყველაფერი ისე დატოვეთ, როგორც არის და მიჰყევით დინებას. დასვენების კარგი საშუალება იქნება შოპინგი.

ქალწული

ასტროლოგები გირჩევენ, ამ კვირაში თქვენს საყვარელ გატაცებას დაუთმოთ დრო. სამსახურში ძალიან  ნუ გადაიღლებით. ასე დაზოგავთ ძალებსა და ენერგიას, რომელიც ორ ყველაზე არასახარბიელო დღეს – პარასკევსა და შაბათს დაგჭირდებათ. ამ ორ დღეს ყველაზე მეტად დასვენება იქნება უპრიანი.

რაც შეეხება სიყვარულს, ამ სფეროში სწრაფი შედეგების იმედი ნუ გექნებათ. ასტროლოგები გირჩევენ, საყვარელ ადამიანთან, ოჯახის წევრებთან დაძაბულობა განმუხტოთ. მარტოხელებისთვის აჯობებს, თუ სამუშაოზე იფიქრებთ და არა ურთიერთობებზე. ზედმეტად არაფრით გადაიტვირთოთ გონება – ეს თქვენს პროდუქტიულობაზე აისახება.

სასწორი

თქვენთვის ამ კვირაში ყველაზე მნიშვნელოვანი ფინანსური სფერო გახდება. 6–9 ივლისის პერიოდი საუკეთესოა იმისთვის, რომ დააბრუნოთ ვალები, შეიძინოთ სასურველი ნივთები და შეიცვალოთ გარემო. შესანიშნავი დროა ახალი იდეების წამოყენებისთვის.

ყველაზე მეტად გაუმართლებს სასწორებს, რომელთა პროფესია დაკავშირებულია, რეკლამასთან, გაყიდვებთან, კლიენტების მოზიდვასთან. ასევე იღბალი არ გიმტყუნებთ სიყვარულში. ეს ის დროა, როცა შეგიძლიათ სამუშაო და სიყვარული ორ სფეროდ არ გაყოთ – მუშაობა და არშიყი ერთმანეთს ხელს არ შეუშლის.

მორიელი

კვირა არცთუ პოზიტიური ნოტით დაიწყება. ორშაბათსა და სამშაბათს, შესაძლოა, ნეგატიური აზრები მოგეძალოთ. უარყოფითი ემოციების დაძლევაში ფიზიკური აქტიურობა დაგეხმარებათ – მეტი იმოძრავეთ.

გარშემომყოფებთან ურთიერთობების თვალსაზრისით ასტროლოგები გირჩევენ, დასკვნების გამოტანა არ იჩქაროთ. ადამიანი, ერთი შეხედვით, შესაძლოა, ცუდი მოგეჩვენოთ, მაგრამ შემდეგ ის სასიამოვნო აღმოჩნდეს, ან პირიქით – ერთი შეხედვით გულღია და გულწრფელმა ადამიანმა თავი ძალიან ნეგატიურად წარმოაჩინოს. ახლა მნიშვნელოვანია, ადამიანზე მისი საქციელით იმსჯელოთ და არა გარეგნობით.

მშვილდოსანი

მშვილდოსნებს ძალზე იღბლიანი კვირა გელოდებათ. მოსალოდნელი არ არის განწყობის მკვეთრი და ხშირი ცვლა და წარუმატებლობები. პლანეტების განლაგება დაგეხმარებათ აზრების მატერიალიზებაში, ამიტომ ეცადეთ, თქვენი ფიქრები პოზიტიური იყოს.

კვირის პირველი დღე მოვალეობების შესრულებას დაუთმეთ, 8 ივლისიდან კი ექსპერიმენტებს შეგიძლიათ დაუთმოთ დრო. ამ კვირაში გეძლევათ შანსი, რომ თქვენი ცხოვრების სიყვარულს შეხვდეთ, ან გაიცნოთ ადამიანები, რომლებიც მომავალში თქვენი ერთგული მეგობრები გახდებიან.

თხის რქა

თხის რქებისთვის ამ კვირაში ძირითადი სფერო სიყვარული გახდება. არ შეუშინდეთ ახალ ნაცნობობას, ფლირტს, რომანტიკას. ვისაც უკვე ჰყავს პარტნიორი, მან პატიება უნდა ისწავლოს – არ არის გამორიცხული, რომ თქვენმა პარტნიორმა დაუფიქრებელი ნაბიჯი გადადგას, რასაც ნეგატიური შედეგები მოჰყვება.

ამ კვირაში არასასურველია ძვირად ღირებული ნივთების შეძენა. თუ მოგიწიათ დაუგეგმავად ამის გაკეთება, რჩევისთვის აუცილებლად მიმართეთ ახლობლებს. სამსახურში, შესაძლოა, მნიშვნელოვანი დავალება მოგცენ – ეს თქვენთვის თავის წარმოჩენის შესანიშნავი შანსი იქნება.

მერწყული

მერწყულებისთვის დგება დრო, როდესაც კატეგორიულად იკრძალება გარისკვა და დაუფიქრებელი ნაბიჯების გადადგმა ცხოვრების ყველა სფეროში. უნდა დაეყრდნოთ მხოლოდ საკუთარ გონებასა და ცხოვრებისეულ გამოცდილებას და არ მოუსმინოთ ინტუიციას, რომელიც ვარსკვლავების ნეგატიური ენერგიის გამო დაბლოკილი იქნება. მოსალოდნელია უსიამოვნო შეხევდრები და დაუგეგმავი საქმეები, ასე რომ, კვირის ბოლოს დაღლილობა შეგახსენებთ თავს.

ნეგატივთან გამკლავებისთვის მნიშვნელოვანია, რომ კარგად გეძინოთ და დაისვენოთ. უნდა გააცნობიეროთ, რომ პრობლემები გზაზე – ეს ცხოვრების განუყოფელი ნაწილია. ეცადეთ, ამისგან გაკვეთილი და ცხოვრებისეული გამოცდილება მიიღოთ და დიდი მნიშვნელობა არ მიანიჭოთ.

თევზები

ეს კვირა თევზებისთვის ძალზე დინამიკური იქნება, მაგრამ ყოველთვის ხელსაყრელი – არა. ზოგიერთ საკითხში გადაწყვეტილების მიღება, არჩევნის გაკეთება გულით მოგიწევთ და არა გონებით, ზოგიერთში – პირიქით.

სასიყვარულო ურთიერთობებს რაც შეეხება, აქ იდეალური დრო იწყება, განსაკუთრებით, თუ ურთიერთობები ახალი დაწყებულია. შესანიშნავი კვირაა ერთად გართობისთვის, ერთმანეთის უკეთ გაცნობისთვის. ძველ პარტნიორებს შორისაც კი მოსალოდნელია, რომ რაღაც ახალი შეიტყოთ თქვენი საყვარელი ადამიანის შესახებ.

0